News4 TamilOnline Tamil News

BJP Annamalai: அதிமுக மற்றும் பாஜக கூட்டணி மீண்டும் இணைய வேண்டுமென்றால்  கட்டாயம் அண்ணாமலை இருக்கக் கூடாது என்ற நிபந்தனையை எடப்பாடி டெல்லி மேலிடத்தில் வைத்துள்ளார். இதற்கு சரி என்று அமித்ஷாவும் ஒப்புதல் கொடுத்துள்ளார். ஆனால் இது தமிழக பாஜக தொண்டர்களிடையே அதிருப்த்தி உண்டாக்கியுள்ளது. பாஜக தமிழகத்தில் இந்த அளவிற்கு வளர்ந்துள்ளதென்றால் கட்டாயம் அண்ணாமலை தான் முக்கிய காரணம் அப்படி இருக்கையில் அவரையே வேண்டாம் என்று ஒதுக்குவது என பல தொண்டர்களிடம் கொந்தளிப்பை ஏற்படுத்தி உள்ளது.

இதனை உச்சகட்டமாக, ராமநாதபுரம் மாவட்டத்தில் பரமக்குடி பாஜக நிர்வாகியான சரவணன் தலைமையில் அவரது பெயர் போட்டு பெரிய போஸ்டர் ஒன்றை ஒட்டியுள்ளனர். அந்த போஸ்டரில் வேண்டும் வேண்டும் மாநில தலைவராக அண்ணாமலை வேண்டும்… வேண்டாம் வேண்டாம் அதிமுக கூட்டணி வேண்டாம் என்று போட்டுள்ளனர். இந்த போஸ்டரானது ராமநாதபுரம் பரமக்குடி வட்டார முழுவதும் ஒட்டப்பட்டுள்ளது. இந்த ஒட்டப்பட்ட போஸ்டரால் மேற்கொண்டு பரபரப்பை ஏற்படுத்தியுள்ளது.

கட்சித் தொண்டர்களின் அதிருப்தி நீங்க பாஜக நல்ல முடிவு எடுக்குமா அல்லது கூட்டணிக்காக அண்ணாமலை ஒதுக்குமா என்பதை பொறுத்திருந்துதான் பார்க்க வேண்டும். அதுமட்டுமின்றி இவரது இந்த பதவிக்கு பலரது பெயர்கள் அடிபட்டு வருகிறது. முதலாவதாக முக்குலத்தோர் இனத்தை சேர்ந்த நயினார் நாகேந்திரன் பெயரும் , மறுபுறம் வானதி சீனிவாசன், கருப்பு முருகன் உள்ளிட்டோர் இடம் பெற்றுள்ளனர். இவர்களில் அடுத்த பாஜக மாநில தலைவராக இடம் பெற போவது யார் என்பதை வரும் 9 ஆம் தேதி தான் பார்க்க முடியும்.

DMK BJP: தமிழக வெற்றிக் கழகம் தொடர்ந்து பாஜகவும் திமுகவும் மறைமுக கூட்டணியில் இருப்பதாக கூறி வருகிறது. ஆனால் திமுக வோ மத்திய அரசை எதிர்த்து பல கண்டனங்களை எழுப்பியுள்ளது. ஆனால் மற்றொருபுறம் கூட்டணி கட்சியான காங்கிரசை கூட அழைக்காமல் ஒரு சில நிகழ்ச்சிகளில் மோடியை முன்னிறுத்தி விழாவை சிறப்பித்தனர். அந்த வகையில் தற்பொழுது மத்திய அரசு மாநிலங்களின் தொகுதிகளை மறுசீரமைப்பு செய்ய வேண்டும் என்ற அறிவிப்பை வெளியிட்டது.

இதனை பெரும்பாலான மாநிலங்கள் எதிர்ப்பு தெரிவித்து வருகின்றனர். அந்த வகையில் தமிழகத்தில் இது ரீதியாக அனைத்து கட்சி பொதுக் கூட்டமும் நடைபெற்றது. இந்நிலையில் பிரதமர் மோடி வரும் ஆறாம் தேதி பாம்பன் பாலம் திறப்பிற்காக தமிழ்நாட்டிற்கு வருகை புரிய உள்ளார். அந்த தருவாயில் அவரை சந்திக்க வேண்டுமென ஸ்டாலின் கடிதம் அனுப்பியுள்ளார். குறிப்பாக அவரை சந்தித்து தொகுதி மறுசீரமைப்பு செய்தால் தமிழகத்திற்கு என்னென்ன பாதிப்புகள் வரும் என்பது குறித்து அனைத்து கட்சி எம்பிகளுடன் தீர்மானத்தை கொடுக்க வேண்டும் என்று கேட்டுள்ளார்.

ஆனால் இதுரீதியாக பிரதமர் மோடி சார்பாக ஸ்டாலினுக்கு எந்த ஒரு கடிதமும் வரவில்லை. அதேபோல திமுக மோடியை சந்தித்து எதிர்ப்பு தெரிவிப்பது போல கபட நாடகம் ஆடுகிறது ரகசிய கூட்டணியில் அனைத்து பேச்சு வார்த்தையும் நடந்து முடிந்துவிட்டது என கூறுகின்றனர். இதெல்லாம் மக்களின் கண் துடைப்புக்காக நடத்துவது மட்டுமே என்றும் இவர்கள் பெரும் வாரியான எதிர்ப்பு ஏதும் தெரிவிக்கவில்லை என அரசியல் விமர்சகர்கள் தெரிவிக்கின்றனர்.

BJP ADMK: பாஜகவில் மாநிலத் தலைவர்களின் பதவியானது மூன்று வருடத்திற்கு ஒருமுறை மாற்றம் செய்யப்படும். அதேபோல ஒரு தலைவர் இருமுறை மட்டுமே பதவி வகிக்கவும் முடியும். இப்படிப்பட்ட சூழலில் அண்ணாமலை மீண்டும் மாநில தலைவராக தொடர்வாரா என்பது பெரும் கேள்விக்குறியாக உள்ளது. அதாவது அதிமுக மற்றும் பாஜக பரஸ்பர உறவு முறிந்ததற்கு முக்கிய காரணம் அண்ணாமலை தான். இதனால் அதிமுகவிற்கும் மேலிடத்திற்கும் பெரும் அழுத்தம் உண்டானது.

அதிமுக கூட்டணியிலிருந்து பாஜக விலகியதால் எந்த ஒரு இடத்திலும் வெற்றி பெற முடியவில்லை. அதேபோல இவர்கள் கூட்டணி மீண்டும் இணைந்தால் மட்டுமே வரப்போகும் சட்டமன்றத் தேர்தலில் திமுகவை எதிர்க்க இவர்களுக்கு சாதகமாக அமையும். இதனையெல்லாம் சரிகட்டும் விதமாக அதிமுக பாஜக மேலிடத்திற்கு ஒரு சில நிபந்தனைகளை முன் வைத்தது. அதன்படி கட்டாயம் தமிழக பாஜக மாநில தலைவரை மாற்றியே ஆக வேண்டும் என கூறியது.

முதலில் இதனை மறுத்து வந்த டெல்லி மேலிடம் தற்பொழுது அதற்கு சம்மதம் தெரிவித்துள்ளது. அதன்படி தான் கடந்த வாரம் எடப்பாடி பழனிச்சாமி டெல்லிக்கு சென்று அமித்ஷா வை சந்தித்து பேச்சுவார்த்தை நடத்தி வந்தார். இவரை தொடர்ந்து அண்ணாமலையும் சென்றிருந்தார். அவர்களுக்குள் நடந்த ஆலோசனை குறித்து அண்ணாமலை ஏதும் தெரிவிக்காமல், நான் சாதாரண தொண்டனாக கூட பாஜகவில் செயல்படுவேன் என்று தெரிவித்திருந்தார். இவ்வாறு அண்ணாமலை கூறியது பலருக்கும் சந்தேகத்தை ஏற்படுத்தியது.

கட்டாயம் அண்ணாமலையை பதவி நீக்கம் செய்ய டெல்லி முடிவெடுத்து விட்டது, அதனால் தான் இவர் இப்படி கூறுகிறார் என்று அரசியல் வட்டாரங்கள் பேசி வருகின்றனர். அதன்படி நயினார் நாகேந்திரன் தமிழக பாஜக தலைவராக நியமிக்க அதிக வாய்ப்புள்ளதாகவும் கூறுகின்றனர்.