News4 TamilOnline Tamil News

குடும்பத்தில் தீர்க்க முடியாத பிரச்சனைகள், கவலைகள் என இருக்கும் பொழுது குலதெய்வ கோவிலில் இருந்து மண்ணை எடுத்து வந்து, நமது வீட்டில் வைத்து வழிபட்டோம் என்றால் அனைத்து பிரச்சினைகளும் தீர்ந்துவிடும் என கூறுவர். ஆனால் குலதெய்வத்தின் மண்ணை வீட்டில் வைத்திருக்கக் கூடாது எனவும் ஒரு சில ஜோதிடர்கள் கூறுகின்றனர்.

ஒரு குடும்பத்திற்கு குலதெய்வம் என்பதுதான் ஆணிவேராக திகழும். எனவே தான் ஏதேனும் பிரச்சனைகள் ஏற்பட்டால் குலதெய்வ கோவிலுக்கு சென்று வழிபட்டு, குலதெய்வத்தின் காலடியில் இருக்கக்கூடிய மண்ணை நமது வீட்டில் எடுத்து வந்து வைத்திருப்போம். அவ்வாறு குலதெய்வத்தின் மண்ணை நமது வீட்டிற்கு எடுத்து வரலாமா? நமது வீட்டில் வைத்து அதனை வழிபடலாமா? என்ற சந்தேகம் நம்முள் பலருக்கும் இருக்கும். அதற்கான விளக்கத்தை தற்போது காண்போம்.

பொதுவாக குலதெய்வ கோவிலில் இருந்து மண்ணை எடுத்து வந்து நமது வீட்டில் வைத்திருக்கக் கூடாது. ஏனென்றால் குலதெய்வ கோவிலில் இருக்கக்கூடிய ஒரு சிறு துளி மண்ணிற்கும், அந்த தெய்வத்தினுடைய சக்தி நிறைந்து இருக்கும். அத்தகைய சக்தி நிறைந்த மண்ணை நமது வீட்டில் வைத்திருக்கும் பொழுது அதிகப்படியான சுத்தபத்தம் என்பதும் அவசியம்.

நமது குலதெய்வம் மண்ணிற்கு தேவையான சுத்தபத்தத்தை நம்மால் ஒருபோதும் கண்டிப்பாக கொடுக்க முடியாது. ஏதேனும் ஒரு வகையிலாவது ஏதேனும் ஒரு தீட்டை செய்து விடுவோம். அல்லது வீட்டினை சுத்தம் செய்யும் பொழுது ஏதேனும் ஒரு வகையிலாவது அந்த மண்ணிற்கு தீங்கு விளைத்து விடுவோம்.

வீட்டினை மற்ற ஆட்களை கொண்டு சுத்தம் செய்கிறோம் என்கின்ற பொழுது, அவர்கள் சுத்தபத்தமாக இருக்கிறார்களா அல்லது இல்லையா என்பது நமக்கு தெரியாது, அதனாலும் தீட்டு ஏற்படலாம். மேலும் நமது வீட்டில் வைத்திருக்கும் பொழுது, கண்டிப்பாக எந்த வித தீட்டும் ஏற்படாதவாறு அந்த மண்ணை வைத்திருக்க முடியாது.

இவ்வாறு ஏதேனும் ஒரு தீட்டை ஏற்படுத்தி விட்டாலோ அல்லது வீட்டினை சுத்தம் செய்யும் பொழுது நமக்குத் தெரியாமலே அந்த மண்ணை தூக்கி எறிந்து விட்டாலோ, அது மிகப் பெரிய பாவச் செயலாக மாறிவிடும். எந்த பிரச்சனை தீர வேண்டும் என்பதற்காக அந்த மண்ணை கொண்டு வந்து நமது வீட்டில் வைத்திருக்கிறோமோ அதைவிட பெரிய பிரச்சனைகள் ஏற்பட தொடங்கி விடும்.

ஏனென்றால் குலதெய்வம் என்பது மிகவும் சக்தி வாய்ந்த ஒரு தெய்வம். எனவே அந்த குலதெய்வ மண்ணிற்கு நாம் தீங்கு விளைவிக்கும் பொழுது, அதனால் மிகப்பெரிய ஆபத்துக்களை சந்திக்க நேரிடும்.

இவ்வாறு குலதெய்வ மண்ணை நமது வீட்டில் எடுத்து வைத்து இருப்பதற்கு பதிலாக, குலதெய்வ கோவிலில் கொடுக்கக்கூடிய விபூதியை ஒரு டப்பாவில் சேகரித்து வைத்து, உடல்நிலை சரியில்லாத பொழுதோ அல்லது கெட்ட கனவுகள் வரும்பொழுது அல்லது முக்கியமான விஷயங்களுக்கு வெளியில் செல்லும் பொழுது அந்த விபூதியை நாம் வைத்துக் கொள்ளலாம்.

இவ்வாறு செய்யும் பொழுது நமது குலதெய்வத்தின் அருளும், பாதுகாப்பும் நமக்கு கிடைக்கும். இதனால் குலதெய்வத்திற்கும் எந்தவித பாதிப்பும் ஏற்படாது, நமக்கும் எந்தவித பாதிப்பும் ஏற்படாது. ஆனால் குலதெய்வ மண்ணை நமது வீட்டில் வைத்திருக்கும் பொழுது அந்த குலதெய்வம் நமது வீடும் முழுவதும் நிறைந்து இருக்கும்.

அவ்வாறு இருக்கையில் நமது வீட்டில் ஏதேனும் தப்பு தவறுகள் செய்யும்பொழுது, ஒழுக்கம் இல்லாமல் நடக்கும் பொழுது கண்டிப்பாக அதனால் நமக்கு பாதிப்புகள் ஏற்படும். ஏனென்றால் ஒரு வீட்டை எப்பொழுதும் சுத்தபத்தமாகவும், எந்தவித தீட்டை ஏற்படுத்தாமலும் வைத்துக்கொள்ள முடியாது. எனவே குலதெய்வ கோவிலின் மண்ணை எடுத்து வருவதை தவிர்த்துக் கொள்வது நல்லது.

மயில் இறகு என்று கூறினாலே நமக்கு முதலில் ஞாபகம் வருவது, முருகப்பெருமானின் வாகனம் என்பது தான். மகாவிஷ்ணுவின் அவதாரத்தில் ஒன்றான கிருஷ்ணரின் தலையில் இருப்பதும் இந்த மயிலிறகு தான். எனவே மயில் இறகு என்ற ஒன்றை பார்த்தாலே நமக்கு ஞாபகம் வருவது இந்த இரண்டு விஷயம்தான்.

மூன்றாவதாக ஒன்றும் உள்ளது அதுதான் நமது சிறுவயதில் மயில் இறகை புத்தகத்தில் வைத்தால் அது குட்டி போடும் என்று சொல்லித் திரிந்த அந்த கனாக்காலம். மேலும் நமது நாட்டின் தேசிய பறவை என்றால், அதுவும் இந்த மயில் தான்.

இவ்வளவு சிறப்பு மிக்க இந்த மயிலிறகை பண்டைய காலத்தில் இருந்தே, அதுவும் அரசர்கள் காலத்தில் இருந்து இன்று வரையிலும் இந்த மயிலிறகின் முக்கியத்துவத்தை அறிந்து பயன்படுத்தி வருகின்றோம். பண்டைய காலத்தில் அரசர்களின் விசிறியாகவும் இந்த மயிலிறகு பயன்பட்டு வந்தது.

இன்றைய காலத்திலும் இந்த மயிலிறகு விசிறியை பயன்படுத்துவர்களும் உள்ளனர். இத்தகைய சிறப்பு வாய்ந்த மயில் இறகு நமது வீட்டில் எங்கு இருக்க வேண்டும்? எந்த திசையில் இருக்க வேண்டும்? எந்த அறையில் இருக்க வேண்டும்? என்பது குறித்து காண்போம்.

இந்த மயில் இறகு என்பது ஆன்மீகம் ரீதியாக மிகவும் புனிதமானதாக கருதப்படுகிறது. இந்த மயில் இறகு என்பது ஒரு வீட்டில் இருந்தாலே போதும், அந்த வீட்டில் நேர்மறையான எண்ணங்கள் என்பது பரவி இருக்கும். மேலும் எதிர்மறையான எண்ணங்கள் உருவாவதையும், அந்த வீட்டிற்குள் நுழைவதையும் இந்த மயிலிறகு தடுக்கும்.

அப்படிப்பட்ட இந்த மயிலிறகை வீட்டின் நிலை வாசலில் வைத்தால் கண் திருஷ்டி ஆனது தடுக்கப்படும். மேலும் பில்லி, சூனியம், ஏவல் இது போன்ற எந்த வித தீய சக்திகளையும் இந்த மயிலிறகு உள்ளே நுழைய விடாமல் தடுத்துவிடும்.

மயில் தோகையை விரித்து நடனம் ஆடுவதை அவ்வளவு எளிதில் பார்த்து விட முடியாது. அந்த அற்புதமான காட்சி இந்த மயிலிறகை பார்க்கும் பொழுதெல்லாம் நமது நினைவிற்கு வரும். மேலும் இந்த மயிலிறகை பார்க்கும்பொழுது ஒரு விதமான சந்தோசம், மன அமைதி என்பது கிடைக்கும்.

மன அழுத்தம், கவலைகள், கோபம் என எதுவாக இருந்தாலும் இந்த மயில் இறகை நமது கையில் வைத்து, சிறிது நேரம் பார்த்தாலே போதும் அனைத்து கவலைகளும் ஓடிவிடும். இந்த மயில் இறகை கொண்டு காற்று வீசும் பொழுது காற்றை சுத்தப்படுத்தி, நோய் எதிர்ப்பு சக்தியை அதிகப்படுத்துவதாக கூறப்படுகிறது. இதனால்தான் பண்டைய காலங்களில் அரசர்கள் இதனை பயன்படுத்தினர்.

இத்தகைய மயில் இறகை நமது படுக்கை அறையில் வைப்பதன் மூலம் நிம்மதியான தூக்கம் என்பது ஏற்படும். மேலும் தூங்கும் பொழுது எந்தவித கெட்ட கனவுகளும், தீய எண்ணங்களும் உருவாகாது எனவும் கூறப்படுகிறது. மயிலிறகு இருக்கக்கூடிய இடத்தில் எந்தவித விஷப் பூச்சிகளும் வராது எனவும் கூறப்படுகிறது.

குழந்தைகள் எதுவும் சாப்பிடாமல் அழுது கொண்டே இருக்கிறது என்றால், அந்த குழந்தைகளின் மேல் இந்த மயில் இறகை வைத்து தடவி விடும் பொழுது, அந்த குழந்தையிடம் உள்ள தீய சக்திகள் விலகிவிடும் என்றும் கூறப்படுகிறது. எந்தவித கண் திருஷ்டிகள், தோஷங்கள் இருந்தாலும் விலகி விடும்.

குழந்தைகள் படிக்கக்கூடிய இடத்தில் இந்த மயிலிறகை வைப்பதன் மூலம், குழந்தைகளிடம் கவன சிதைவு ஏற்படாமல் ஒரு மனதுடன் படிப்பில் கவனம் செலுத்துவார்கள் எனவும், எதிர்மறை ஆற்றல்கள் அந்த அறைக்குள் செல்லாது எனவும் கூறப்படுகிறது. இதனால் கல்வியில் சிறந்த ஆர்வத்துடனும், கவனத்துடனும் படிப்பார்கள் எனவும் கூறப்படுகிறது.

மேலும் மகாலட்சுமியின் அம்சமாக கருதக்கூடிய இந்த மயிலிறகை பணம், நகை, பத்திரம் ஆகியவை வைக்கக்கூடிய பீரோ மற்றும் அறைகளில் இந்த மயிலிறகை வைப்பதன் மூலம் பணவரவானது இரட்டிப்பாகும் எனவும் கூறப்படுகிறது. செல்வத்தை ஈர்க்கக்கூடிய சக்தியும் இந்த மயிலிறகுக்கு உண்டு.

இந்த மயிலிறகை பூஜை அறையில் வைப்பதன் மூலம், வீடு முழுவதும் தெய்வீக அம்சமாக திகழும். மேலும் நேர்மறை ஆற்றல்கள் வீடு முழுவதும் பரவி இருக்கும். லட்சுமி கடாட்சமும் நிறைந்து காணப்படும்.

மீனை பணத்தை கொடுத்து வாங்கினால் யார் வேண்டுமானாலும் வளர்க்க வேண்டியது தானே என பலரும் எண்ணலாம். ஆனால் இந்த ராசிக்காரர்களுக்கு இந்த ஜீவன்கள் மட்டுமே பொருந்தும் என்ற நியதிகள் இருக்கின்றன. அவற்றைப் பொறுத்து தான் எந்த உயிரினம் ஆனாலும் வளர்க்க முடியும். இதனை அறிவியல் பூர்வமாகவும் விளக்கலாம்.

அதாவது மனிதன் என்னதான் ஆறறிவு படைத்தவனாக இருந்தாலும் கூட, விலங்குகள் உணரக்கூடிய சமிக்ஞைகளை மனிதனால் எந்த ஒரு சூழ்நிலையிலும் உணர முடியாது. உதாரணமாக மழை வருவதை அறிந்த மயில் தனது தோகையை விரித்து ஆடும். அதே போன்று பூகம்பம், சுனாமி இது போன்ற இயற்கை பேரிடர்கள் ஏற்படுவதற்கு முன்பாக, விலங்குகளிடம் ஒரு விதமான மாற்றங்களை நம்மால் காண முடியும்.

மனிதன் தனது அறிவினால் இது போன்ற நிகழ்வுகளை கண்டறிய பல கருவிகளை கண்டறிந்து வைத்திருந்தாலும் கூட, தனிப்பட்ட முறையில் ஒரு மனிதனால் இதனை முன்கூட்டியே உணர முடியுமா என்றால், அது கண்டிப்பாக முடியாது.
ஜோதிடத்தில் பஞ்சபூதங்களின் அடிப்படையில் தான் ராசிகளை பிரித்து வைத்துள்ளனர். அவை நிலம், நீர், காற்று, நெருப்பு, ஆகாயம். ஆகாயம் என்பதை அளவிட முடியாது என்பதால் அது அனைத்திற்கும் பொதுவாக அமையும்.

மீன்கள் என்பது மிகவும் சென்சிடிவ் ஆன உயிரினம். எனவே வீட்டில் நுழையும் எதிர்மறை ஆற்றல்களை உடனே ஈர்க்கக்கூடிய சக்தி இதற்கு உண்டு. ஜோதிடத்தில் நீர் ராசிகள் என்பவை கடகம், விருச்சிகம், மீனம் ஆகியவை ஆகும்.

இதில் கடகம் என்பது நண்டு. இது நீர், நிலம் ஆகிய இரண்டிலும் வாழக்கூடிய தன்மை கொண்டது எனவே இது மூன்றாவது அமைப்பை கொண்டது. விருச்சிகம் என்பது அறிய முடியாத ஆழ்கடல் உயிரினத்தை குறிக்கும் என்பதால் இது இரண்டாவது அமைப்பை கொண்டது. மீனம் என்பது மீனைக் குறிப்பதால் இது முதல் அமைப்பை பெறும்.

எனவே விருச்சிகம், கடகம், மீனம் ஆகிய ராசிக்காரர்கள் மீனை வளர்க்கலாம். ஜோதிடத்தில் உயர்நிலை சுப ஸ்தானம் என்பது 1,5,9. அதாவது இது திரிகோண ஸ்தானம் எனப்படும். இந்த ஸ்தானத்தில் இந்த மூன்று ராசிகளும் வருவதால் மீன் வளர்ப்பதற்கு உகந்த ராசியாகவும் திகழ்கிறது.

மீன்களைப் பார்க்கும் பொழுது ஒரு விதமான சந்தோசம் மனதில் ஏற்படுகிறது. மன அமைதியும் கிடைக்கிறது. ஆனால் நீருக்கு எதிரி நெருப்பு என்பதால் நெருப்பு ராசிக்காரர்கள் ஆன மேஷம், சிம்மம், தனுசு ராசிக்காரர்களும், நிலம் ராசிக்காரர்கள் ஆன ரிஷபம் கன்னி மகரம் ஆகிய ராசிக்காரர்களும் மீனை வளர்க்கக் கூடாது.

அவ்வாறு அவர்கள் மீனை வளர்த்தாலும் அவ்வளவு யோகமாக அவர்களுக்கு அமையாது. காற்று ராசிக்காரர்களான மிதுனம், துலாம், கும்பம் ஆகிய ராசிக்காரர்களும் மீனை வளர்க்கலாம்.