News4 TamilOnline Tamil News

துளசி என்பது வழிபாட்டு பொருட்களுள் மிகவும் முக்கியமான ஒரு பொருளாகும். இந்த துளசி செடியை நமது வீட்டில் வைத்து தினமும் வழிபட்டும் வருகிறோம். இந்த துளசி செடியை வீட்டிற்கு உள்ளே வளர்க்கக் கூடாது. வீட்டிற்கு முன்பாக அல்லது பின்புறமாக தான் வளர்க்க வேண்டும் என்பதை நாம் அனைவரும் அறிந்திருப்போம்.

இவ்வாறு நாம் தினமும் வழிபடக்கூடிய துளசி செடியிலிருந்து ஒருபோதும் துளசியை எந்த நாட்களிலும் பறிக்கக்கூடாது. நமது வீட்டின் பூஜைக்காக அல்லது கோவிலுக்கு எடுத்துச் செல்ல துளசி வேண்டும் என்றால் அதற்காக தனியாக ஒரு துளசி செடியை வளர்த்துக் கொள்ள வேண்டுமே தவிர, நாம் தினமும் விளக்கேற்றி வழிபடக்கூடிய துளசி செடியிலிருந்து ஒருபோதும் துளசியை பறிக்க கூடாது.

இவ்வாறு கடவுளுக்கு நாம் வைத்து வழிபடுவதற்கு என, ஒரு துளசி செடியை தனியாக வைத்து வளர்த்தாலும் கூட, எல்லா நாட்களிலும் அந்தச் செடியிலிருந்து துளசியை பறிக்கக் கூடாது. குறிப்பிட்ட ஒரு சில நாட்களில் மட்டுமே இந்த துளசியை பறிக்க வேண்டும் என்ற நியதி இருக்கிறது.

கிரகண நேரத்தில் துளசியை பறிக்கக் கூடாது. அது சந்திர கிரகணமாக இருந்தாலும் சரி, சூரிய கிரகணமாக இருந்தாலும் சரி அந்த கிரகண நேரத்தில் துளசியை பறிக்கக் கூடாது. கிரகண நேரத்திற்கு முன்பாகவோ அல்லது பின்பாகவோ தான் துளசியை பறிக்க வேண்டும்.

அமாவாசை மற்றும் பௌர்ணமி நாட்களிலும் துளசியை பறிக்கக் கூடாது. அதேபோன்று ஞாயிறு, திங்கள், செவ்வாய் மற்றும் வெள்ளிக் கிழமைகளிலும் துளசியை பறிக்கக் கூடாது. இது மட்டுமன்றி அனைத்து நாட்களிலும் மதியம் 12 மணிக்கு மேல் துளசியை பறிக்கக் கூடாது.

அதிலும் குறிப்பாக மாலை நேரத்தில் வீட்டில் விளக்கு வைத்த பிறகு கண்டிப்பாக துளசியை பறிக்கக் கூடாது. அதேபோன்று வருடப்பிறப்பு மற்றும் தமிழ் மாதங்களின் பிறப்பு நாட்களில் துளசியை பறிக்கக் கூடாது.

வீட்டில் யாருக்கேனும் இறந்தவர்களுக்காக திதி கொடுக்கிறோம் என்றால் அந்த நாட்களிலும் துளசியை பறிக்கக் கூடாது. திருவோண நட்சத்திரத்தின் பொழுதும் இந்த துளசியை பறிக்கக் கூடாது.

சப்தமி, அஷ்டமி, ஸ்வாதசி, சதுர்த்தசி, ஏகாதசி இதுபோன்ற திதிகளின் பொழுதும் துளசியை பறிக்கக் கூடாது. ஆகவே இது போன்ற நாட்களில் துளசியை பறிக்காமல் மற்ற நாட்களில் துளசியை பறித்துக் கொள்ளலாம்.

ஒருவேளை முன்பாகவே பறித்து வைத்திருந்த துளசி வாடி இருந்தால், அதனை கடவுளுக்கு பயன்படுத்தலாமா? என்ற சந்தேகம் நம்முள் பலருக்கும் இருக்கும். துளசிக்கு நிர்மால்ய தன்மை உண்டு. அதாவது துளசி வாடி இருந்தாலும், காய்ந்த நிலையில் இருந்தாலும் பயன்படுத்தாத துளசி என்றால், அதனை பூஜைக்கு தாராளமாக பயன்படுத்திக் கொள்ளலாம்.

எனவே நமக்கு கிடைக்கின்ற சமயத்தில் இந்த துளசியை பறித்து சேகரித்து வைத்துக் கொள்ளலாம். ஆனால் துளசியை கத்தரிக்கோல் மற்றும் நமது நகங்களைக் கொண்டு பறிக்கக் கூடாது. துளசியை கடவுளிடம் வேண்டிக் கொண்ட பின்பு மிகவும் மென்மையான முறையில் பறிக்க வேண்டும்.

பண்டைய இந்திய ஜோதிடம் மற்றும் சாமுத்ரிக சாஸ்திரத்தில் உடலில் உள்ள மச்சங்களை பற்றியும், அவற்றின் முக்கியத்துவம் பற்றியும் கூறப்பட்டுள்ளது. இது மச்சங்களின் குணாதிசயம், அதிர்ஷ்டம் மற்றும் ஒரு நபரின் வாழ்க்கையை வடிவமைக்கும் எண்ணற்ற நிகழ்வுகளின் நுணுக்கங்களை கொண்டுள்ளது.

மனித உடலை அலங்கரிக்கும் பல சின்னங்களுள் ஒன்றுதான் மச்சங்கள். அந்த மச்சத்தின் இருப்பிடம், அளவு மற்றும் நிறம் ஆகியவற்றை கொண்டு ஆழமான அர்த்தங்களைக் கொண்டிருப்பதாகவும் நம்பப்படுகிறது. நமது முகத்தில் எந்த இடத்தில் மச்சம் இருந்தால் என்ன பலன் என்பது குறித்து தற்போது காண்போம்.

1.நெற்றியில் மச்சம் இருந்தால்:

நெற்றியின் வலது பக்கத்தில் அமைந்துள்ள மச்சம் நல்ல அதிர்ஷ்டத்தின் முன்னோடியாகக் கருதப்படுகிறது. இது செழிப்பு, மரியாதை மற்றும் சமூகத்தில் ஒரு மதிப்புமிக்க நிலையைக் குறிக்கிறது, தனிநபர் நிதி நிலைத்தன்மை மற்றும் சமூக அங்கீகாரம் நிறைந்த ஒரு வசதியான வாழ்க்கையை அனுபவிக்க வாய்ப்புள்ளது என்பதைக் குறிக்கிறது.

நெற்றியின் இடது பக்கம் உள்ள மச்சம் அசுபமாகக் கருதப்படுகிறது. பெரும்பாலும் சாத்தியமான சவால்களைக் குறிக்கிறது. இது நிதிப் போராட்டங்கள், தொழில் பாதைகளில் தடைகளை நோக்கிய போக்கை குறிக்கலாம். நெற்றியில் உள்ள ஒரு பக்கம் அதிர்ஷ்டத்தைக் குறிக்கிறது, மறுபுறம் சவாலைக் குறிக்கிறது.

2.புருவங்களில் மச்சம் இருந்தால்:

வலது புருவத்தில் மச்சம் இருந்தால் அது பல அதிர்ஷ்டங்களையும், வெற்றிகளையும் தரக்கூடிய ஒன்றாக கருதப்படுகிறது. மேலும் தங்களது இலக்குகளை எளிதாக இவர்கள் அடைந்து விடுவார்கள் என்றும் கூறப்படுகிறது.

இடது புருவத்தில் மச்சம் இருந்தால் அது தொழில் மற்றும் வியாபாரத்தில் பல தடைகள் உருவாகும் என்பதை குறிக்கிறது. இவர்களது வாழ்க்கையில் பல கஷ்டங்களையும், சவால்களையும் எதிர்கொள்ள நேரிடும் எனவும் கூறப்படுகிறது.

3. கண்களுக்கு அருகில் மச்சம் இருந்தால்:

வலது கண்ணுக்கு அருகிலுள்ள உள்ள மச்சம் பொதுவாக செல்வம் மற்றும் ஆறுதலுடன் தொடர்புடையது, இது தனிநபர் நிதி பாதுகாப்பு மற்றும் தனிப்பட்ட திருப்தி நிறைந்த வாழ்க்கையை அனுபவிக்கலாம் என்பதைக் குறிக்கிறது.

இடது கண்ணுக்கு அருகில் மச்சம் இருந்தால் பல நிதி நெருக்கடிகள் உருவாகும் என்பதையும், பணம் தொடர்பான பிரச்சனைகள் இவர்களது வாழ்க்கையில் நிறைய ஏற்படும் என்பதையும் குறிக்கிறது.

4. மூக்கு மற்றும் உதடுகளில் மச்சம் இருந்தால்:

மூக்கு மற்றும் உதடுகளில் மச்சம் இருப்பவர்கள் பலவிதமான நுண்ணறிவுகளை கொண்டிருப்பார்கள். ஆனால் மூக்கின் நுனியில் மச்சம் இருப்பது அசுபமாக கருதப்படுகிறது.

மேல் உதட்டில் மச்சம் இருப்பவர்கள் மென்மையானவர்களாகவும், இறக்க குணம் கொண்டவர்களாகவும் இருப்பார்கள். கீழ் உதட்டில் மச்சம் இருந்தால் அது படைப்பாற்றலை குறிக்கிறது. எனவே இவர்கள் கலைகளில் ஆழ்ந்த ஆர்வம் கொண்டிருப்பார்கள்.

5. கன்னத்திலும், காதிலும் மச்சம் இருந்தால்:

கன்னங்களைப் பொறுத்தவரை, மச்சம் மிகவும் சாதகமாக இருக்கும். கன்னத்தில் உள்ள மச்சம் நிலைத்தன்மை மற்றும் மரியாதையைக் குறிப்பதாகக் கருதப்படுகிறது, இது வலுவான உறவுகள் மற்றும் சமூக அந்தஸ்துடன் கூடிய வாழ்க்கைக்கு வழிவகுக்கும்.

வலது காதில் மச்சம் இருப்பவர்கள் குறைந்த முயற்சியில் வெற்றிகளையும், அதிர்ஷ்டங்களையும் பெறுவார்கள். இடது காதில் மச்சம் இருப்பவர்கள் அவர்களது வாழ்க்கையில் வெற்றியை காண விடாமுயற்சியுடன் உழைக்க நேரிடும். அவர்களது வாழ்க்கையில் பல சிரமங்களையும் எதிர் கொள்வார்கள்.

திருப்புகழில் முருகனைக் குறித்து அருணகிரிநாதர் கூறியதாவது, “அரை நிமிடம் மட்டும் உள்ளம் உருகி, கண்ணீர் பெருகி, உண்மையான அன்புடனும், உண்மையான பக்தியுடனும், உண்மையான காதலுடன் வேறு எதையும் வேண்டாமல், முருகா நீ மட்டும் தான் எனக்கு வேண்டும் என்று யார் ஒருவர் முருகனின் திருவடியை பிடிக்கிறார்களோ” அவர்களுக்கு தேவையான சகல விதமான யோகங்களும் கிடைக்கும் என்று அருணகிரிநாதர் அவர்கள் கூறியுள்ளார்.

ஆனால் மக்களாகிய நாம் கடவுளிடம் சென்றாலே ஒரு லிஸ்ட்டையே வைத்திருப்போம், அதை கொடு இதை கொடு என்று கேட்டுக் கொண்டே இருப்போம். ஆனால் நம்மை படைத்த (பெற்ற) கடவுளுக்கு தெரியும் நமக்கு எது தேவை? எது கொடுக்க வேண்டும்? என்று எனவே கடவுள் நமக்கு வேண்டியதை கண்டிப்பாக கொடுப்பார்.

அதிலும் முருக பெருமான் கேட்டதை கேட்ட வண்ணம் கொடுக்கக் கூடியவர் அல்ல. நாம் நினைத்ததை நினைத்ததற்கும் மேலாக நமக்கு கொடுக்கக் கூடியவர். அதிலும் முருகப்பெருமானுக்கு நமக்கு கொடுப்பதற்கு என 12 கரங்கள் உள்ளன. ஆனால் நமக்கு வாங்குவதற்கு இரண்டு கரங்கள் மட்டுமே உள்ளது. இவ்வாறு நாம் நினைத்ததற்கும் மேலாக அள்ளி அள்ளி கொடுக்கக் கூடியவர் முருகப்பெருமான்.

அத்தகைய வள்ளல் பெருமான் தான் நமது முருகப்பெருமான். அதேபோன்றுதான் வள்ளி தேவியும். இவர்கள் இருவரும் மக்களாகிய நமக்கு பல்வேறு நலன்களை அள்ளிக் கொடுக்க தயாராக இருக்கிறார்கள். அதனை வாங்குவதற்கு நாம் என்ன செய்ய வேண்டும் என்றால் அரை நிமிடமாவது மனம் உருகி முருகனை நினைக்க வேண்டும்.

முருகப் பெருமானை உள்ளம் உருகி அதாவது முழுமையாக நமது ஆன்மா முருகப்பெருமானிடம் சரணாகதி அடைந்து “முருகா நீ எனக்கு எதை கொடுத்தாலும் சரி உனது அடி தொண்டனாக என்னை ஏற்றுக் கொண்டால் போதும்”என்ற விண்ணப்பத்தை முருகப் பெருமானிடம் வைத்துவிட்டு, திருப்புகழை பாடினோம் என்றால் அதனால் கிடைக்கக்கூடிய பலனுக்கு நிகர் வேறு எதுவும் இல்லை.

முருகப்பெருமானை அரை நிமிடம் உள்ளம் உருகி நினைத்து, இந்த திருப்புகழை படித்தோம் என்றால் சகல விதமான சௌபாக்கியங்களும் நமக்கு கிடைக்கும். இவை அனைத்துக்கும் மேலாக முருகப்பெருமானின் அருள் பரிபூரணமாக நமக்கு கிடைக்கும் என்பதில் எந்த ஒரு சந்தேகமும் கிடையாது.

முருகப் பெருமானுடைய திருப்புகழுக்கு அத்தனை மகிமைகள் உள்ளது. எனவே அனுதினமும் முருகனை நினைத்து திருப்புகழை படித்தோம் என்றால் நாம் வேண்டிய அனைத்தும் மற்றும் நமக்கு வேண்டிய அனைத்தும் நிச்சயம் கிடைக்கும்.

ஒரு வீடு என்பதில் மிகவும் முக்கியமான அறை என்றால், அது பூஜை அறை தான். அந்த பூஜை அறையை எவ்வாறு வைத்துக் கொள்ள வேண்டும், எந்தெந்த பொருட்களை வைத்துக் கொள்ளலாம், எந்தெந்த பொருட்களை வைத்துக் கொள்ளக் கூடாது என்றெல்லாம் பலவிதமான சந்தேகங்கள் நமக்குள் இருக்கும். அதற்கான ஒரு எளிய விளக்கத்தை பிரபல ஜோதிடர் செல்வி அவர்கள் கூறியுள்ளார். அதனை தற்போது காண்போம்.

1. பூஜை அறை என்பதில் நமக்கு விருப்பமான அனைத்து பொருட்களையும் வைத்துக் கொள்ளலாம். ஆனால் நமது முன்னோர்களின் படத்தை தவிர.

2. நமது முன்னோர்களின் படத்தை பூஜை அறையில் வைக்காமல் வீட்டில் ஹாலில் வைத்துக் கொள்ளலாம். நமது முன்னோர்களின் படத்தை வடக்கு பக்க சுற்றில் மாட்ட வேண்டும். அதாவது அந்த படமானது தெற்கு திசையை பார்த்தவாறு இருக்க வேண்டும். இதுதான் படத்தை மாட்டுவதற்கான சரியான திசை.

3. நமது வீட்டில் பூஜை செய்யும் பொழுது நமது முன்னோர்களையும் மறவாமல் அவர்களுக்கும் தீப தூப ஆராதனை, சாம்பிராணி ஆகியவற்றையும் காட்டி வழிபட வேண்டும்.

4. நாம் ஏதேனும் கோவிலுக்கு சென்று வழிபடும் பொழுது அந்த வழிபாட்டில் ஆயுதங்களை கொடுப்பார்கள். அதாவது ‘வேல்’ போன்ற ஆயுதங்களை நமக்கு கொடுப்பார்கள். அதனை நமது வீட்டில் வைத்து வழிபடக்கூடாது.

5. இது போன்ற ஆயுதங்களை நமக்கு யாரேனும் கொடுத்தால், அதனை நீர் நிலையங்களில் விட்டு விடுவது தான் நல்லது.

6. ஏனென்றால் இந்த வேல் போன்ற ஆயுதங்களை நமது வீடுகளில் வைத்து வழிபட்டால் அதற்கு ஏதேனும் ஒரு சிறிய எலுமிச்சை பழம் காவாவது (பலி) கண்டிப்பாக தினமும் கொடுக்க வேண்டும்.

7. வேலினை நமது பூஜை அறையில் வைத்து வழிபட்டால் அதற்கு தினமும் ஒரு எலுமிச்சம் பழத்தை அந்த வேலில் குத்தி வைக்க வேண்டும்.

8. ஆனால் இவ்வாறு வேலினை வைத்து வழிபடுவதை காட்டிலும், அதனை நீர் நிலையங்களில் விட்டு விடுவது தான் சிறப்பு.

9. நமது பூஜை அறையில் விளக்கு ஏற்றும் பொழுது சுத்தமான நல்லெண்ணெய் மற்றும் பசு நெய் ஆகியவற்றை பயன்படுத்தி தீபம் ஏற்றினாலே போதும். பல்வேறு பலன்களை நமக்கு தேடித் தரும்.

10. சுத்தமான பசு நெய் பயன்படுத்தி விளக்கு ஏற்றும் பொழுது வீட்டில் உள்ள அனைத்து தோஷங்களும் நீங்கும். அதே போன்று வாரத்திற்கு ஒரு முறையாவது வீடு முழுவதும் சாம்பிராணி தூபமும் போட வேண்டும்.