News4 TamilOnline Tamil News

இன்றைய காலகட்டத்தில் குடும்பத்தில் உள்ள கணவன் மனைவி ஆகிய இருவரும் சேர்ந்து உழைத்தால் மட்டுமே அந்த குடும்பத்தை ஓரளவிற்காவது காப்பாற்ற முடியும் என்கின்ற சூழ்நிலை உருவாகிவிட்டது. இருந்தாலும் கூட குடும்பத் தேவைகளை நிறைவாக பூர்த்தி செய்யவும், திடீர் அவசர தேவைக்காகவும் தங்களுக்கு என வைத்திருக்கக் கூடிய தங்க ஆபரணங்களை அடகு கடையில் வைக்க வேண்டிய சூழ்நிலை உருவாகி விடுகிறது.

அவ்வாறு வைக்கக்கூடிய தங்க ஆபரணங்களை என்னதான் முயன்றாலும் அதனை மீட்க முடியாமலே போய்விடுகிறது. இத்தகைய சூழ்நிலையில் ஒரு எளிய பரிகாரத்தை செய்யும் பொழுது சிறிது சிறிதாக நமது ஆபரணங்களை மீட்டுக் கொள்வதற்கான வாய்ப்பு நமக்கு அமையும்.

நமது குடும்பத்தில் ஏதேனும் விசேஷங்கள் என்றால் நமது தங்க நகைகளை போட முடியவில்லையே என ஏங்குகிற அனைவருக்கும் இந்த பரிகாரம் பலனளிக்கும். இந்த பரிகாரம் நமது வீட்டில் இருந்தே செய்யக்கூடிய மற்றும் குறைந்த செலவில் செய்யக்கூடிய ஒரு எளிய பரிகாரம் ஆகும்.

மூன்று குண்டு மஞ்சளை வைத்து தான் நாம் இந்த பரிகாரத்தை செய்யப் போகிறோம். இந்த பரிகாரம் செய்வதற்கு உகந்த நாள் வியாழன் கிழமை. எனவே வியாழன் கிழமை அன்று குரு ஹோரை நேரத்தில் இந்த பரிகாரத்தை நாம் செய்து கொள்ளலாம்.

இந்த குரு ஹோரை நேரமானது அதிகாலை 6:00 மணி முதல் 7:00 மணி வரையிலும், மதியம் 1:00 மணி முதல் 2:00 மணி வரையிலும், இரவு 8:00 மணி முதல் 9:00 மணி வரையிலும் இருக்கும். இந்த மூன்று நேரத்தில் நம்மால் எந்த நேரத்தில் செய்ய முடியுமோ அந்த ஒரு நேரத்தில் செய்து கொள்ளலாம்.

வீட்டில் உள்ள பெண்கள் மட்டும்தான் இந்த பரிகாரத்தை செய்ய வேண்டும். இந்த பரிகாரத்தை தொடர்ந்து மூன்று வியாழன் கிழமை செய்ய வேண்டும். ஒரு வாரம் ஏதேனும் தடை ஏற்பட்டால் ஒரு வாரம் விட்டு, அடுத்த வாரம் கூட இதனைத் தொடர்ந்து செய்துக் கொள்ளலாம்.

நகைகளை அடமானத்தில் வைக்காதவர்கள் கூட, தனது பெண் குழந்தைகளுக்காக நகைகளை சேர்க்க வேண்டும் என வேண்டிக் கொண்டும் இந்த பரிகாரத்தை செய்து கொள்ளலாம்.

வியாழன் கிழமை என்பது குரு பகவானின் ஆதிக்கத்திற்கு உரிய நாளாகும். ஒருவருடைய ஜாதகத்தில் குரு பகவான் நல்ல நிலைமையில் இருந்தால் மட்டுமே, அவர் வாழ்க்கையில் உச்சத்தை அடைய முடியும். நமக்கு தேவையான அனைத்தையும் தரக்கூடியவர் குரு பகவான். எனவே அவருக்கு உகந்த வியாழன் கிழமைகளில் இந்த பரிகாரத்தை செய்வதுதான் சிறப்பு.

முதல் வார வியாழன் கிழமை அன்று ஒரு மஞ்சள் நிற துணியில் ஒரு குண்டு மஞ்சள் மட்டும் வைத்து, அதனுடன் நாம் அடமானம் வைத்திருக்கும் நகையின் சீட்டையும் சேர்த்து மடித்து வைத்துக் கொள்ள வேண்டும். மகாலட்சுமி தாயின் முன்பாக அதனை நமது கையில் வைத்துக்கொண்டு “ஓம் சொர்ணஸ்ரஜே நமஹ”என்ற மந்திரத்தை நம்மால் எத்தனை முறை கூற முடியுமோ அத்தனை முறை கூறி வேண்டிக் கொள்ள வேண்டும்.

அதேபோன்று அடுத்த வார வியாழன் கிழமை அன்று இன்னொரு குண்டு மஞ்சளையும் சேர்த்து வைத்து இந்த மந்திரத்தை கூறி வேண்டிக் கொள்ள வேண்டும். இதே போன்ற தொடர்ந்து மூன்று வாரம் செய்த பிறகு அந்த மஞ்சளை உடைத்து தூளாக செய்து நமது தாலி சரடு, உள்ளங்கை மற்றும் உள்ளங்கால்களில் தேய்த்துக் கொள்ளலாம் அல்லது வீடு சுத்தம் செய்யும் தண்ணீரில் சேர்த்தும் துடைக்கலாம்.

இவ்வாறு தொடர்ந்து மூன்று வாரம் இந்த எளிய பரிகாரத்தை முழு நம்பிக்கையுடனும், கடவுள் பக்தியுடனும் செய்யும்பொழுது நமது அடகு வைத்த நகை நிச்சயம் மூன்று மாதங்களில் நமது கைவந்து சேரும்.

நாயுருவி செடி என்பது சித்த மருத்துவத்தில் அதீத பலன்களை தரக்கூடிய செடிகளாக கருதப்படுகிறது. அதேபோன்று ஆன்மீகத்திலும் இதனுடைய பங்கு அதிகரித்து காணப்படுகிறது. அதாவது நாயுருவி செடி என்பது மகாலட்சுமியின் அம்சமாக கருதப்படுகிறது. செல்வத்தை ஈர்க்கக்கூடிய சக்தி என்பது இந்த செடிக்கு அதிகமாக இருக்கிறது.

சாலையோரங்களிலும், தெருகளிலும் அதிகமாக இந்த செடி காணப்படும். மிக எளிமையாக கிடைக்கக்கூடிய செடியும் இந்த செடிதான். இந்த நாயுருவி செடி என்பது காரத்தன்மை, கசப்பு தன்மை மற்றும் துவர்ப்பு தன்மை என மூன்று விதமான சுவைகளைக் கொண்டது.
இந்த செடியின் இலை, விதை மற்றும் வேர் ஆகிய அனைத்தும் அதீத மருத்துவ குணங்களைக் கொண்டது.

இந்த இலைகளை கொண்டு பல்வேறு விதமான நோய்களுக்கான ஆகச் சிறந்த மருந்துகளை தயாரிக்கலாம்.
அதேபோன்று இந்த நாயுருவி செடிக்கும், செல்வத்துக்கும் மிகப்பெரிய தொடர்பு இருப்பதாக கூறப்படுகிறது.

மகாலட்சுமியின் அம்சமாக திகழக்கூடிய இந்த செடியின் வேரினை எடுத்து, நமது வீட்டில் மற்றும் தொழில் செய்யக்கூடிய இடங்களில் பணம் வைக்கக் கூடிய இடங்களில் வைத்துக் கொண்டால், பணம் பெருகும் என்று கூறப்படுகிறது.

இந்தச் செடியின் வேரினை எடுக்கும் பொழுது கற்கள் அல்லது நமது கைகளைக் கொண்டுதான் எடுக்க வேண்டும். இந்த வேரினை எடுத்த பிறகு அதனை பசுமாட்டின் கோமியத்தால் நன்கு கழுவி விட வேண்டும்.

அதன் பிறகு இந்த வேரினை ஒரு மஞ்சள் நிற துணி அல்லது வெள்ளை நிற துணியில் குங்குமம், குண்டு மஞ்சள் மற்றும் நாயுருவிச் செடியின் வேர் ஆகிய மூன்றையும் வைத்து நன்றாக கட்டிக் கொள்ள வேண்டும்.

இவ்வாறு கட்டி வைத்ததை நமது வீட்டில் பணம் வைக்கக்கூடிய இடத்தில் நமது குலதெய்வம் மற்றும் இஷ்ட தெய்வத்தை வேண்டிக்கொண்டு வைக்க வேண்டும். வைக்கும் பொழுது ‘எனது வீட்டில் இருக்கக்கூடிய பணமானது மென்மேலும் வளர வேண்டும். நிலையான செல்வம் வேண்டும். இந்த செல்வத்தின் மூலம் அழியாத சொத்தை நான் வாங்க வேண்டும்’ என்று மனதார தெய்வத்தை வேண்டிக்கொண்டு பணம் இருக்கக்கூடிய இடத்தில் இந்த வேரினை வைக்க வேண்டும்.

இந்தச் செடியின் இலைகளை அரைத்து நமது உடலில் எங்கேனும் ஆறாத புண்கள் இருந்தால் அதன் மீது வைக்கலாம். சர்க்கரை நோயாளிகள் உடம்பில் ஏற்படக்கூடிய புண்கள் மீதும் இந்த இலைகளை அரைத்து வைக்கலாம். இந்த இலைகளை அரைத்து வைப்பதன் மூலம் காயங்கள் விரைவில் குணமாகிவிடும்.

இந்த நாயுருவி செடியானது நரம்புகளை வலுவாக்கும், சிறுநீரை பெருக்கும், காய்ச்சலை குணப்படுத்தும், முக வசீகரத்தை ஏற்படுத்தும், சீதபேதியை குணமாக்கும், வியர்வையை தடுக்கும் இது போன்ற பல்வேறு மருத்துவ குணங்களுக்கு இந்த செடிகள் பெரிதும் பயன்பட்டு வருகிறது.

ஜோதிடத்தில் சனி பகவானுக்கு என்று ஒரு தனி இடம் உண்டு. சனிபகவான் ஒரு பாவ கிரகம் மற்றும் ஒரு கொடூரமான கிரகம் என்றும் அழைக்கப்படுகிறார். ஜோதிடத்தில் சனி பகவானின் மாற்றம் மிக முக்கியமானதாக கருதப்படுகிறது. சனிபகவான் இரண்டரை ஆண்டுகளுக்கு ஒருமுறை தனது ராசியை ஒரு ராசியில் இருந்து இன்னொரு ராசிக்கு மாற்றிக் கொள்வார்.

அதன்படி வரும் மார்ச் 29ஆம் தேதி அன்று சனி பகவான் கும்ப ராசியில் இருந்து மீன ராசிக்கு பெயர்ச்சி ஆகிறார். ஜோதிட கணக்குகளின் படி சனிபகவானின் ராசி மாற்றம் சில ராசிக்காரர்களுக்கு நன்மை பயக்கும். சில ஆண்டுகளாக அவர்கள் பெற்ற துன்பங்கள் அனைத்தும் குறையும். இவ்வாறு எந்தெந்த ராசிக்காரர்களுக்கு சனி பகவானின் மாற்றம் நன்மையை பயக்கும் என்பது குறித்து காண்போம்.

மிதுனம்:

சனிபகவானின் பெயர்ச்சி மிதுன ராசிக்காரர்களுக்கு மிகவும் சுபமான பலன்களையே தரும். உங்கள் தொழிலில் நீங்கள் பெரும் வெற்றியை பெறுவீர்கள். வளர்ச்சிக்கு பல வாய்ப்புகள் இருக்கும். திருமண வாழ்க்கையில் மகிழ்ச்சி நிலவும். வேலைகளில் இருந்து வந்த அவப்பெயர் நீங்கி நல்ல பெயர் கிடைக்கும்.

நீங்கள் விரும்பிய முடிவுகளை பெறுவீர்கள். நீண்ட நாட்களாக தடைபட்டு கொண்டு இருந்த வேலைகள் நடக்கும். இத்தனை நாட்களாக பட்ட துன்பங்கள் அனைத்தும் நீங்கி மிதுன ராசியினர் மகிழ்ச்சியுடனும், வசதியுடனும் வாழ்வீர்கள். சமூகத்தில் மரியாதை உண்டாகும்.

சிம்மம்:

மீன ராசிக்கு பெயர்ச்சி ஆகும் சனி பகவானால் சிம்ம ராசிக்காரர்களுக்கு பல நன்மைகள் உண்டாகும். வரப்போகிற ஆண்டில் வியாபாரத்தில் லாபம் ஏற்படும். நிதி நிலைமை வளர்ச்சி அடையும். ஆரோக்கியம் மேம்படும். குடும்பத்தில் உள்ள பிரச்சனைகள் அனைத்தும் நீங்கி மகிழ்ச்சி உண்டாகும். செல்வ செழிப்பும் ஏற்படும். தொழில் மற்றும் வியாபாரத்தில் பெரும் வெற்றி பெறுவீர்கள். வீட்டில் இறைவழிபாட்டினை அதிகரித்தால் சனி பெயர்ச்சியின் கெட்ட தாக்கம் மிக குறைவாக இருக்கும். சமூக அந்தஸ்தும் உயரும்.

கன்னி:

கன்னி ராசியினருக்கு பெயர்ச்சியாகும் சனி பகவானால் தொழில் வளர்ச்சிக்கு பல வாய்ப்புகள் கிடைக்கும். கன்னி ராசியினரின் கடின உழைப்புக்கு பலன் கிடைக்கும்.
நீங்கள் விரும்பிய துறைகள் அனைத்திலும் வெற்றியை பெறுவீர்கள். கன்னி ராசியினருக்கு செல்வம் பெருகும். பொருளாதாரப் பிரச்சினைகளில் இருந்த பிரச்சனைகள் அனைத்தும் நீங்கி செல்வ உயர்வு கிடைக்கும். பிறரிடம் பேசும் பொழுது வார்த்தைகளில் சற்று கவனம் தேவை. குடும்ப வாழ்க்கையில் மகிழ்ச்சியான சூழ்நிலை உண்டாகும்.

விருச்சிகம்:

விருச்சிக ராசியினருக்கு இந்த சனிப்பெயர்ச்சியானது பலவிதமான நன்மைகளை கொடுக்கக் கூடியதாக இருக்கும். இந்த ராசியினரின் ஆற்றல்களும், தன்னம்பிக்கையும் அதிகரிக்கும். வெகு நாட்களாக உடல் நிலையில் இருந்து வந்த ஆரோக்கிய குறைபாடுகள் நீங்கி நல்ல தேக ஆரோக்கியம் மேம்படும்.

நிதி சிக்கல்கள் அனைத்தும் நீங்கி பணவரவு ஏற்படும். புதிய வருமானம் பெறுவதற்கான வாய்ப்புகளும் கிடைக்கும். தொழில் மற்றும் வியாபாரத்தில் நல்ல லாபம் கிடைக்கும். வேலையில் எதிர்பார்த்த பலன்களும் கிடைக்கும். சட்ட விவகாரங்களில் ஏதேனும் பிரச்சனைகள் இருந்தாலும் அதிலும் வெற்றியை காண்பீர்கள். கணவன் மனைவி இடையே இருந்து வந்த திருமண வாழ்க்கை பாதிப்புகள் நீங்கி மகிழ்ச்சியை பெறுவீர்கள்.