News4 TamilOnline Tamil News

PMK: பாமகவின் அன்புமணி மற்றும் ராமதாஸ் இருவரும் தலைவர் பதவிக்காக போட்டி போட்டுக் கொள்கின்றனர். சில தினங்களுக்கு முன்பு ராமதாஸ், சட்டமன்ற தேர்தலுக்கு பிறகு அனைத்து பொறுப்புகளையும் அன்புமணி தான் ஏற்க போகிறார் எனக் கூறிய மறுநாளே நான் தான் சாகும் வரை தலைவர் என்று நிலை தடுமாறி மாற்றி பேசி வருகிறார். அன்புமணியும் மற்றொரு பக்கம் பொதுக்குழு கூட்டத்தால் தேர்ந்தெடுக்கப்பட்டவர் நான்தான் அதனால் தலைவர் பதவி எனக்கு தான் எனக் கூறுகிறார்.

இதனிடையே கட்சி நிர்வாகிகள் மற்றும் தொண்டர்கள், இவர்களின் இருவரின் சண்டையால் கட்சியின் மதிப்பானது குறைந்து கொண்டே வருவதாக அதிருப்தியில் உள்ளனர். அந்த வகையில் இவர்கள் மீண்டும் இணைய வேண்டுமென எண்ணி சேலம் மாவட்டத்தின் எம்எல்ஏ அருள் இவர்கள் இணையவில்லை என்றால் பதவியை விட்டு விலகுவதாக அறிவித்தார். இப்படி கட்சிக்குள் பிரச்சனை நடந்து கொண்டிருக்கும் வேளையில் நாளை சேலத்தில் அன்புமணி தலைமையில் பாமக பொதுக்குழு கூட்டம் நடைபெற உள்ளது.

நாளை பொதுக்குழு கூட்டம் நடைபெற இருக்கும் பட்சத்தில் இன்று சேலம் எம்எல்ஏவான அருளுக்கு திடீரென்று நெஞ்சுவலி ஏற்பட்டுள்ளது. தற்போது அவர் நெஞ்சு வலி காரணமாக சென்னை ஓமந்தூர் அரசு மருத்துவமனையில் அனுமதிக்கப்பட்டுள்ளார். மேற்கொண்டு அவருக்கு தீவிர சிகிச்சை அளிக்கப்பட்டு வருவதாக மருத்துவர்கள் தெரிவித்துள்ளனர்.

TVK: தமிழக வெற்றிக் கழகம் யாருடன் மெகா கூட்டணி அமையப் போகிறது என்ற எதிர்பார்ப்பு மக்கள் மத்தியில் பெரிதும் உள்ளது. ஆரம்ப கட்டத்தில் அதிமுகவுடன் கூட்டணி வைக்கும் என்று கூறி வந்தனர். ஆனால் கூட்டணி பேச்சு வார்த்தை ஒத்து வராத நிலையில் அதிமுக பாஜகவுடன் இணைந்ததாக தகவல்கள் வெளியானது. அதேபோல பாஜக மற்றும் திமுக இருவரும் விஜய்யின் அரசியலுக்கு எதிரி.

இதனால் மீண்டும் அதிமுகவுடன் இணைய வாய்ப்பே இல்லை. ஆனால் திமுக கூட்டணி கட்சிக்களிக்கிடையே சில அதிருப்தி நிலை உருவாகியுள்ளது. அதாவது மாற்றுக் கட்சிகளில் கூட்டணிகளுக்கு கொடுக்கும் தொகுதி பங்கீடு வைத்து திமுகவிலும் கேட்கிறார்களாம். அதிலும் திருமாவின் விடுதலை சிறுத்தைகள் வழக்கம்போல் ஆறு தொகுதி வேண்டாம் என கேட்டுள்ளது. இதற்கு அடுத்து காங்கிரஸும் தொகுதி பங்கிட்டு காரராக உள்ளார்களாம்.

ஆனால் வழக்கமான பங்கீட்டிலிருந்து திமுக நிலை மாறுவதாக தெரியவில்லை. இதனால் திருமா மற்றும் காங்கிரஸ் உள்ளிட்ட கட்சிகள் வெளியேறுவதாக கூறுகின்றனர். அப்படி வெளியேறும் கட்சிகளை தன் வசப்படுத்த விஜய் திட்டம் தீட்டி உள்ளாராம். அதிலும் இவர்களுடன் தேமுதிகவும் இணைய வாய்ப்புள்ளதாம். இந்த கூட்டணி மட்டும் இணையும் பட்சத்தில் திமுக வை எதிர்த்து வெற்றி பெற்று ஆட்சியை பிடிப்பார்கள் என கூறுகின்றனர். அதிலும் முதலாண்டு விஜய் முதல்வராகவும் இவர் கூட்டணியில் இருப்பவர்கள் துணை முதல்வராகவும் இருப்பதாக பேச்சு வார்த்தை நடத்த வாய்ப்புள்ளதாம்.

அடுத்தடுத்த வருடம் கூட்டணி கட்சிகளின் தலைவர்கள் முதல்வராக ஆட்சி செய்வார்களாம். தேர்தல் நெருங்கும் பட்சத்தில் தான் இது எந்த அளவுக்கு நிதர்சனமான உண்மையாக மாறும் என்பதை பார்க்க முடியும்.

தமிழகத்தில் திமுக ஆட்சி நடைபெற்று வரும் நிலையில் திமுக தலைவர் மு க ஸ்டாலின் முதலமைச்சராக பொறுப்பு வகித்து வருகின்றார். இந்நிலையில் சினிமாவில் இருந்த தனது மகனை அரசியலுக்கு கொண்டு வந்தார். உதயநிதி ஸ்டாலின் கடந்த தேர்தலின் பொழுது பரப்புரை செய்தார். அப்போது அவருக்கு மக்கள் மிகப்பெரிய வரவேற்பு அளித்தனர். அதனை தொடர்ந்து அவர் தேர்தலில் போட்டியிட்டு வெற்றி பெற்றுள்ளார்.

முதலில் இவருக்கு விளையாட்டு துறை அமைச்சர் பதவி வழங்கப்பட்ட நிலையில் திமுகவின் இளைஞர் அணி தலைவராகவும் பதவி வகித்தார் அதனை தொடர்ந்து கடந்த ஆண்டு உதயநிதிக்கு துணை முதலமைச்சர் பதவி வழங்கப்பட்டுள்ளது.

அவர் ஸ்டாலின் உடன் சேர்ந்து திமுக ஆட்சியை நடத்தி வருகின்றார் இந்நிலையில் முதலமைச்சர் ஸ்டாலின் பேரனும் துணை முதலமைச்சரின் மகனும் ஆன இன்பநிதிக்கு கலைஞர் டிவியின் நிர்வாகப் பொறுப்பில் சேர்ந்துள்ளதாக தகவல் வெளியாகி இருக்கின்றது.

இவர் தினமும் காலை 11 மணிக்கு அலுவலகம் வந்து மாலை 5.3௦ மணி வரை பணிபுரிய இருப்பதாகவும் கூறப்படுகின்றது. ஐரோப்பிய நாடான பிரிட்டன் தலைநகர் லண்டனில் நிதி நிர்வாக தொடர்பான கட்டப்படைப்பை படித்து வந்த நிலையில் படிப்பை முடித்தவுடன் ஜூன் மூன்றாம் தேதி திமுக தலைமை அலுவலகமான அறிவாலய வளாகத்தில் உள்ள கலைஞர் டிவி அலுவலகத்திற்கு இன்பநிதியை அவருடைய தாய் கிருத்திகா அழைத்து வந்தார்.

மேலும் முதலமைச்சர் ஸ்டாலின் மனைவி துர்காவின் சகோதரி மகன் கார்த்திகேயன் அந்த நிறுவனத்தின் தலைமை நீதி அதிகாரியாக இருக்கும் நிலையில் அவரது அறையில் அமைக்கப்பட்ட அலுவலகத்தில் மகன் இன்பநிதியை அமர வைத்து அவருக்கு கிருத்திகா வாழ்த்து கூறியுள்ளார்.

தொலைக்காட்சி நிறுவனத்தின் நிதி நிர்வாக பணிகள் குறித்து அங்கு பணியாற்றும் முக்கிய நிர்வாகிகளுடன்  தினந்தோறும் இன்பநிதி ஆலோசனை மேற்கொண்டு வருவது குறிப்பிடத்தக்கது

கடந்த சில நாட்களுக்கு முன்னர் அதிக இளைஞர்கள் மற்றும் பெண்கள் தாங்கள் தவெக கட்சியில் இருந்து விலகுவதாகவும், தவெகவில் தங்களுக்கு போதுமான அங்கீகாரம் கிடைக்காததால் தவெவில் இருந்து விலகி திமுக கட்சியில் தங்களை இணைத்துக்கொள்வதாகவும், தவெக கட்சி துண்டு மற்றும் கொடியை தூக்கி எரிவதை போலவும், தவேக உறுப்பினர் அடையாள அட்டையை கிழித்தெறிவதை போலவும் வீடியோ வெளியாகி வைரலானது.

இவர்கள் அனைவரும் தவெகவில் இருந்து வெளியேறி திமுகவில் தங்களை இணைத்துக்கொண்டதை போல வீடியோ வெளியானது. இந்த வீடியோ உண்மை என நினைத்து நிறைய பேர் சமூக வலைத்தளங்களில் பரவ செய்தனர். இந்நிலையில் இந்த விடீயோவின் உண்மை முகம் தற்போது தெரியவந்துள்ளது.

அதாவது திருவொற்றியூரில் லோன் வாங்க சென்ற மக்களை உங்களுக்கு லோன் ஏற்பாடு செய்கிறோம் என்று சொல்லி திமுகவினர் அழைத்து சென்று இந்த மாதிரி வீடியோ எடுக்கணும், அதுக்கு இந்த மாதிரி எல்லாம் பண்ணுங்க என்று வற்புறுத்தியுள்ளனர்.

அங்கே சென்ற மக்களும் வேறு வழியே இல்லாமல் இந்த செயலை செய்துள்ளனர். அங்கு சென்ற மக்களே இன்று இந்த விடீயோவின் உண்மை நிலை குறித்து பேட்டி கொடுத்துள்ளனர்.

எங்களுக்கு வேற வலி தெரியல, அதே மாறி அந்த இடத்தை விட்டு எங்களால் நகரக்கூட முடியல, சுத்தியும் திமுக கட்சிக்காரங்க நின்னாங்க, அதனால வேறு வழியே இல்லாம அந்த வீடியோவில் அவங்க சொன்ன படி நடித்து முடித்தோம் என்று பேட்டி கொடுத்துள்ளனர்.

நடிகர் விஜய் தமிழக வெற்றிக்கழகம் என்னும் கட்சியை கடந்த வருடம் தொடங்கினார். இதுவரை 1 கோடிக்கும் அதிகமான தொண்டர்கள் கட்சியில் சேர்ந்துவிட்டதாக சொல்லப்படுகிறது. இந்த TVK கட்சியின் அரசியல் எதிரி திமுக எனவும், கொள்கை எதிரி பாஜக எனவும் முதல் கட்சியின் மேடையிலேயே விஜய் திட்டவட்டமாக அறிவித்துவிட்டார்.

இதுவரை விஜய் கட்சியை சேர்ந்த யாரும் நேரடியாக அதிமுக கட்சியை விமர்சனம் செய்யவில்லை. நேரடியாக திமுக கட்சியையும், அவ்வப்போது மறைமுகமாக பாஜக கட்சியையும் விஜய் விமர்சனம் செய்து வருகிறார். அண்மையில் முன்னாள் IRS அதிகாரி TVK கட்சியில் இணைந்து கொள்கை பரப்பு செயலாளராக பதவியேற்றார்.

இவர் அண்மையில் சமூக ஊடகங்களுக்கு அளித்த பேட்டியில் எங்களின் கொள்கை எதிரி பாஜக எனவும், மதப்பிரிவினையை ஏற்படுத்தும் பாஜகவுடன் கூட்டணி இல்லை எனவும், பாஜக தமிழகத்தில் ஆட்சி அமைக்க TVK எப்போதும் உதவாது எனவும் தெரிவித்துள்ளார்.

ஆனால் நடிகர் விஜய்யோ நம்முடன் கூட்டணிக்கு வர விருப்பப்படும் கட்சிகளுடன் கூட்டணி வைத்துக்கொள்ளலாம் என்று சொல்லி இருக்கிறார். அதிமுக பாஜகவுடன் கூட்டணியை தளர்த்திவிட்டு வந்தால் தான் TVK ADMK கூட்டணி ஏற்படும் எனவும் அரசியல் வட்டாரங்களில் பேசிக்கொள்கிறார்கள்.