தென்காசியில் பயங்கரம்… !பைக் மீது கார் ஒரே குடும்பத்தை சேர்ந்த மூவர் பலி
தென்காசி மாவட்டம் பணவடலிசத்திரத்தைச் சேர்ந்தவர் தவசிக்கண்ணு. இவரது மகன் அய்யப்பன்(34) இவருடைய மனைவி செல்வி (30).
கேரளாவில் இரும்புக்கடை நடத்தி வரும் அய்யப்பன் சொந்த ஊரில் வீடுகட்டிவருகிறார். நாளை மறுநாள் புதியதாக கட்டிய வீட்டின் கிரக பிரவேசம் வைத்து இருந்தார்.
அதற்கான ஏற்பாடுகளை தீவிரமாக கவனித்து வந்தார். கிரகப்பிரவேசதிற்கு பத்திரிகை அடித்து உறவினர்களுக்கு அழைப்பு விடுத்துகொண்டுஇருந்தார்.
நேற்று தனது தங்கை ஜோதி (32)மற்றும் மனைவியுடன் உறவினர்களுக்கு அழைப்பிதழ் கொடுத்துவிட்டு மூவரும் இரு சக்கர வாகனத்தில் வீட்டுக்கு திரும்பியுள்ளனர்.
பனவடலி சத்திரம் என்ற பகுதியில் சென்றுகொண்டு இருந்த போது வேகமாக வந்த கார் அவர்களின் மேல் மோதிவிட்டு வேகமாக சென்று விட்டது தூக்கி வீசப்பட்ட மூவரும் சம்பவ இடத்திலேயே பலியாகினர். சம்பவ இடத்துக்கு வந்த உறவினர்கள் விபத்து ஏற்படுத்திய கார் ஓட்டுனரை கைது செய்ய வேண்டும் என போராட்டம் நடத்தினர்.
இதனால் போக்குவரத்து தடைபட்டது விரைவாக வந்த காவலர்கள் போராட்ட காரர்களுடன் பேச்சு வார்த்தை நடத்தி மூன்று பேரின் உடல்களை மீட்டு பிரேத பரிசோதனைக்கு திருநெல்வேலி அரசு மருத்துவமனைக்கு அனுப்பி வைத்தனர்.
மேலும் விபத்து குறித்து வழக்கு பதிவு செய்த காவல்துறையினர் கார் ஓட்டுநர் முத்துகிருஷ்ணன் என்பவரை கைது செய்தனர். தன்னுடைய கார் விபத்தை ஏற்படுத்தவில்லை என்றும் வேறொரு கார் மோதி விட்டு நிற்காமல் சென்றதாக அவர் காவலர்களிடம். இதனால் மேற்கொண்டு விசாரணை நடத்தி வருகின்றனர்.
