News4 TamilOnline Tamil News

ADMK BJP: தமிழக பாஜகவின் முன்னாள் தலைவரான அண்ணாமலையால் அதிமுக மற்றும் பாஜக கூட்டணி பிரிந்தது. இதனால் நாடாளுமன்ற தேர்தலை தனித்தனியே களம் காண நேரிட்டது. இதில் ஒரு சில இடங்களில் அதிமுகவை பின்னுக்கு தள்ளி பாஜக முன்னிலை வகித்தது. மேற்கொண்டு வரப்போகும் சட்டமன்றத் தேர்தலில் திமுகவை எதிர்ப்பதற்காக மீண்டும் இவர்களது கூட்டணியானது ஒன்றிணைந்துள்ளது. அதிலும் பல குழப்பங்கள் நிலவி வருகிறது.

விஜய் புதிய கட்சி தொடங்கி, எங்களுடன் கூட்டணி வைப்பவர்களுக்கு கட்டாயம் ஆட்சியில் பங்கு எனக் கூறினார். இவர்களுடன் ஆரம்ப கட்டத்தில் எடப்பாடி பேச்சுவார்த்தை நடத்தி சரி வராததால் தான் பாஜகவுடன் கைகோர்க்க நேரிட்டது. மற்றொருபுறம் விஜய்யின் இந்த அறிவிப்பை அடுத்து இதர கூட்டணி கட்சியினர் அவர்களது தலைமைக்கு குடைச்சல் கொடுக்க ஆரம்பித்துவிட்டனர். இதன் தாக்கமானது தற்போது வரை இருந்து வருகிறது.

அந்த வகையில் பாஜகவும் இலை மீதுதான் தாமரை மலரும், கட்டாயம் வரப்போகும் தேர்தலில் தேசிய ஜனநாயக கூட்டணி ஆட்சி தான் நடக்கும் எனக் கூறி வருகின்றனர். ஆனால் எடப்பாடி இதற்கு முற்றிலும் மறுப்பு தெரிவித்துள்ளார். மேற்கொண்டு தமிழகம் வந்த அமித்ஷாவும் இதையே தான் கூறியுள்ளார். இதனால் எடப்பாடி மிகவும் அதிருப்தியில் உள்ளாராம். இது பாஜக தானே எடுத்த விருப்பம் என்னிடம் இது ரீதியாக இதுவும் ஆலோசிக்கவில்லை என நிர்வாகிகளிடம் கூறியுள்ளாராம். இதனால் சட்டமன்ற தேர்தலுக்குள் இவர்களது கூட்டணி நீடிக்குமா என்ற கேள்வி எழுந்துள்ளது.

2026 சட்டமன்ற தேர்தல் நெருங்கி வரும் நிலையில் அதிமுக, திமுக என அனைத்து கட்சிகளும் தங்களது கட்சிகளை பலப்படுத்தி வருகின்றது. இந்நிலையில் அதிமுக பொதுச்செயலாளர் எடப்பாடி பழனிசாமி தனது முதல் தேர்தல் வாக்குறுதியை வழங்கியுள்ளார்.

மேலும் அவர் தமிழ்நாடு முழுவதும் சுற்றுப்பயணம் மேற்கொள்ள இருக்கின்றார். முதல் கட்டமாக வரும் ஜூலை 7ஆம் தேதி முதல் ஜூலை 21ஆம் தேதி வரை விழுப்புரம், கோவை ஆகிய மாவட்டங்களுக்கு செல்ல இருப்பதாக தகவல் வெளியாகி உள்ளது.

மேலும் இது குறித்து அதிமுக வெளியிட்ட அறிக்கையில் அனைத்திந்திய அண்ணா திராவிட முன்னேற்ற கழக பொதுச்செயலாளரும் சட்டமன்ற எதிர்க்கட்சித் தலைவரும், தமிழ்நாடு முன்னாள் முதலமைச்சர் ஆன எடப்பாடி பழனிசாமி  மக்களை காப்போம் தமிழகத்தை மீட்போம் என நோக்கத்தை லட்சியமாகக் கொண்டு ஜூலை 7ஆம் தேதி முதல் 21ஆம் தேதி வரை முதல் கட்ட சுற்றுப்பயணம் மேற்கொள்ள இருக்கின்றார்.

ஜூலை 7ஆம் தேதி கோவை புறநகர் சட்டமன்ற தொகுதியான மேட்டுப்பாளையம், கவுண்டம்பாளையம், ஆகிய பகுதிகளில் சுற்றுப்பயணம் மேற்கொள்கின்றார். ஜூலை எட்டாம் தேதி கோவை மாநகர் கோயம்புத்தூர் வடக்கு, கோயம்புத்தூர் தெற்கு ஆகிய பகுதிகளில் சுற்றுப்பயணம் மேற்கொள்ள இருக்கின்றார்.

ஜூலை பத்தாம் தேதி விழுப்புரம், விக்கிரவாண்டி, திண்டிவனம், ஜூலை 11ஆம் தேதி வானூர், மயிலம், செஞ்சி, ஜூலை 12ஆம் தேதி கடலூர் ,பண்ருட்டி, ஜூலை 14ஆம் தேதி குறிஞ்சிப்பாடி, புவனகிரி, சிதம்பரம், சீர்காழி, பூம்புகார், மயிலாடுதுறை,நன்னிலம், திருவாரூர், பட்டுக்கோட்டை, பேராவூரணி, உள்ளிட்ட பகுதிகள் வரை 21 ஆம் தேதி வரை சுற்றுப்பயணம் மேற்கொள்ள ஏற்பாடு செய்யப்பட்டுள்ளது.

இது தொடர்பாக சம்பந்தப்பட்ட மாவட்ட கழக செயலாளர் சிறப்பான முறையில் செயல்பட வேண்டும் எனவும் கேட்டுக் கொள்ளப்பட்டுள்ளது. இந்த சுற்றுப்பயணத்தில் முக்கிய நிர்வாகிகள் கலந்து கொள்வார்கள் எனவும் தெரிவித்துள்ளனர்

DMK VSK: திமுகவில் கூட்டணி கட்சியிலிருந்து ஒன்று விக்கெட்டாக போவதாக தகவல்கள் வெளியாகியுள்ளது. ஆரம்ப கட்டத்திலிருந்து எங்களின் தோழமைக் கட்சி விடுதலை சிறுத்தைகள் தான் என திமுக கூறி வந்தாலும் ஒரு அடி அவர்களை தள்ளி வைத்து தான் பார்க்கின்றனர். இதனை பல பொது நிகழ்ச்சிகளில் காண முடிந்தது. அவ்வளவு ஏன் திருமாவே பொதுக் கூட்டம் ஒன்றில் எங்கள் சமூகத்தில் இருந்து ஒருவர் கூட முதல்வர் பதவிக்கு வர முடியாது என நேரடியாகவே கூறியிருந்தார்.

அப்படி கூறும் அவரே, உடனடியாக திமுக உடனான எங்கள் கூட்டணி பலமாக தான் உள்ளது எனவும் தெரிவிப்பார். கூட்டணியில் இருந்துக் கொண்டே மறைமுகமாக திமுகவை சாடி பேசுவதை வழக்கமாக வைத்திருக்கும் திருமாவா வரப்போகும் சட்டமன்ற தேர்தலுக்குள் ஆளும் கட்சியிலிருந்து வெளியேற போவதாக கூறுகின்றனர். இதற்கு முக்கிய காரணம் பாமக ராமதாஸ் திமுகவுடன் இணைய மும்முரம் காட்டி வருவதுதான். அதுமட்டுமின்றி திமுக-வும் மறைமுக ஆதரவை கொடுத்து வருகின்றனர்.

திமுக வுடன் பாமக இணைந்தால் கட்டாயம் கூட்டணியில் நாங்கள் இருக்க மாட்டோம் என்று திருமா கூறியுள்ளார். இந்நிலையில் ராமதாஸ் திமுகவுடன் இணைய விருப்பப்படுவது தற்போது அளித்து வரும் பேட்டிகள் மூலம் தெரிந்து கொள்ள முடிகிறது. அப்படி திருமா கட்சியை விட்டு வெளியேறும் பட்சத்தில் கட்டாயம் புதிய கட்சி உடன் கைகோர்க்கலாம் என கூறுகின்றனர். இது நடக்கும் வகையில் நேற்று மார்க் கம்யூனிஸ்ட் கட்சியின் மாநிலத் தலைவர் பேட்டியளித்துள்ளார்.

அதில், திருமா மாற்றி மாற்றி பேசுகிறார் ஒரு முறை குறைந்த தொகுதி மற்றொரு முறை அதிக தொகுதி என நிலையற்று இருப்பதாக தெரிவித்திருந்தார். அதேபோல குறைந்த தொகுதி கொடுத்தால் எந்த கூட்டணி கட்சியும் ஒத்துக் கொள்ளாது என்பதையும் தெரிவித்துள்ளார். இதை வைத்துப் பார்க்கையில் திமுகவும் கூட்டணி கட்சிகள் அனைவரும் இம்முறை அதிகப்படியான தொகுதிகளை கேட்க உள்ளதாக தெரிகிறது. அதே சமயம் பாமக உள்நுழைந்தால் திருமா வெளியேறுவது உறுதி.

BJP: கன்னியாகுமரியில் இருநூறு ஆண்டுகளுக்கும் பழமை வாய்ந்த ராமர் கோவிலானது மறு சீரமைப்பு செய்யப்பட்டது. இதன் கும்பாபிஷேக விழாவில் தற்போதைய பாஜக மாநில தலைவர் மற்றும் முன்னாள் தலைவர் உள்ளிட்டோர் கலந்து கொண்டனர். இதில் கலந்துகொண்ட அண்ணாமலை மாணவர்கள் சனாதனத்தை கடைப்பிடிக்க வேண்டும் எனக் கூறி அதன் முக்கியத்துவத்தை எடுத்துரைத்துள்ளது சற்று சர்ச்சையை ஏற்படுத்தியுள்ளது.

அதில் அவர் பேசியதாவது, குழந்தைகள் பள்ளிக்கு செல்லும் பொழுது பொட்டை அழித்துக் கொண்டும், வெளியே வரும்போது பொட்டு வைத்துக் கொண்டும் இருந்தால் திருமா செய்வது போல் தான் நாமும் செய்கிறோம், அவருக்கும் நமக்கும் என்ன வித்தியாசம். நாம் அனைவரும் சமம் தான். மத சார்பின்மையை கற்பிப்பதாக கூறி குழந்தைகளை ருத்ராட்சம் மற்றும் திருநீர் வைக்க கூடாது என கூறுகிறோம். ஆனால் அது மிகவும் தவறு.

நம்முடைய மத அடையாளத்தை குழந்தைகளிடம் சொல்லித் தர வேண்டும். அதேபோல மற்ற மதமும் இதேபோல் ஒன்றுதான் என்பதையும் கற்பிக்க வேண்டும். அதுமட்டுமின்றி தமிழக அரசு உணர வேண்டும் என்றும் கூறினார். அதிலும் ஒரு பெண் குழந்தை பொட்டு வைத்துக் கொண்டு பள்ளிக்கு செல்லவில்லை என்றால் இந்த குழந்தை எப்படி சனாதன தர்மத்தை காப்பாற்றும் என்று கேள்வி கேட்டுள்ளார்.

மேற்கொண்டு இந்து மத தர்மத்தில் நம் வாழ்கிறோம் அதனால் குழந்தைகள் திருநீறு ருத்ராட்சம் அணிந்து செல்லட்டும் எனக் கூறியுள்ளார். திருமாவளவனை ஒப்பிட்டு குழந்தைகளை வைத்து சனாதனம் குறித்து தற்போது பேசியது சர்ச்சையை ஏற்படுத்தியுள்ளது.

DMK: திமுகவில் மூத்த நிர்வாகிகள் மற்றும் ஸ்டாலினுக்கிடையே வெளியே தெரியாத அளவிற்கு உட்கட்சிக்குள்ளேயே அதிருப்தி நிலவி வருகிறது. அதிலும் துரைமுருகனுக்கு உதயநிதியின் அசுர வளர்ச்சியானது சிறிதும் பிடிக்கவில்லை. இதனை பல மேடைகளில் அவர் சூசகமாக பேசியதை வைத்து தெரிந்து கொள்ள முடிந்தது. இதற்கு எதிராக துரைமுருகனை டம்மி ஆக்க வேண்டும் என உதயநிதியும் பல செயல்பாடுகளை முன்னிறுத்தினார்.

சமீபத்தில் துரைமுருகன் நிகழ்ச்சி ஒன்றில் ஆண்டவர் என்று சுட்டிக்காட்டி பேசியது சர்ச்சையை ஏற்படுத்தியதோடு கட்சி சம்பந்தமான தகவல்களை வேறு ஒருவரிடம் பகிர்ந்ததாக ஸ்டாலின் காதிற்கு சென்றதாக கோட்டை வட்டாரங்கள் பேசினர். இப்படி இருக்கையில் தற்போது ஐந்து பொதுச் செயலாளர்கள் இருக்கும் பட்சத்தில் மேற்கொண்டு உதயநிதி பொதுச்செயலாளராக நியமிக்கப் போகிறார்கள் என்ற பேச்சு அடிபட்டு வந்தது.

ஆனால் ஸ்டாலின் அதற்கு மறுப்பு தெரிவித்துவிட்டார். தற்போது துரைமுருகன் நான் பொதுச்செயலாளர் பதவியில் நீண்ட காலம் நீடிக்க முடியாது வயது மூப்பாகிவிட்டது, அதிலும் தேர்தல் வரும் சமயத்தில் துடிப்புடன் செயல்படும் வேறொருவரை நியமிக்கலாம் என்ற ஒரு யோசனையில் உள்ளாராம். அந்தப் பதவியையும் தனக்கே தர வேண்டுமென்று உதயநிதி கேட்டுக் கொண்டுள்ளதால் துரைமுருகனிடம் சுமுகமான முறையை அணுகியுள்ளனர்.

அவராகவே பதவியை விட்டு ராஜினாமா செய்ய வேண்டும் என்று கேட்டுக் கொண்டுள்ளனர். ஆனால் துரைமுருகன் ஸ்டாலினுக்கு பல டிமாண்டுகளை வைத்துள்ளாராம். தற்போது எம்பி ஆக இருக்கும் எனது மகன் கதிர் ஆனந்துக்கு அமைச்சரவையில் முக்கிய ஒரு பொறுப்பை வழங்க வேண்டும். எனக்கு அடுத்து எனது வாரிசு அரசியல் பயணமானது தெளிவாக இருக்க வேண்டும் என்று கேட்டுள்ளாராம்.

இது செய்தால் மட்டுமே எந்த ஒரு சர்ச்சையுமின்றி கட்சியை விட்டு விலகுவேன் என்று கூறியுள்ளார். இது ரீதியாக ஸ்டாலின் மற்ற நிர்வாகிகளுடன் தீவிர ஆலோசனையில் ஈடுபட்டுள்ளதாக தகவல்கள் வெளியாகியுள்ளது.