News4 TamilOnline Tamil News

கசப்பு நிறைந்த மணத்தக்காளி கீரை குடல் புண்,வாய்ப்புண் பிரச்சனையை சரி செய்ய உதவுகிறது.இந்த கீரை மட்டுமின்றி மணத்தக்காளி காயும் வயிற்றுப்புண்களை குணப்படுத்த உதவுகிறது.அல்சர் புண்கள் சீக்கிரம் குணமாக மணத்தக்காளி கீரையில் தண்ணி சாறு செய்து சாப்பிடலாம்.

தேவையான பொருட்கள்:-

ஒரு கைப்பிடி மணத்தக்காளி கீரை
அரை தேக்கரண்டி வெந்தயம்
அரை தேக்கரண்டி சீரகம்
இரண்டு வர மிளகாய்
கால் தேக்கரண்டி மிளகு
10 சின்ன வெங்காயம்
10 பூண்டு பற்கள்
கால் தேக்கரண்டி மஞ்சள் தூள்
தேவையான அளவு உப்பு
ஒரு தேக்கரண்டி எண்ணெய்
ஒரு மூடி துருவிய தேங்காய்
ஒரு கப் அரிசி ஊறவைத்த நீர்

செய்முறை விளக்கம்:-

முதலில் கைப்பிடி அளவு மணத்தக்காளி கீரையை எடுத்துக் கொள்ளுங்கள்.இதனை பொடியாக நறுக்கி தண்ணீரில் போட்டு சுத்தம் செய்யுங்கள்.

அடுத்து ஒரு மூடி தேங்காய் துருவலை மிக்சர் ஜாரில் போட்டு தண்ணீர் ஊற்றி அரைத்து பால் எடுத்து வைத்துக் கொள்ளுங்கள்.

பின்னர் சின்ன வெங்காயம் மற்றும் பூண்டு பற்களை தோல் நீக்கிவிட்டு சிறு சிறு துண்டுகளாக நறுக்கிக் கொள்ளுங்கள்.

அடுத்து அடுப்பை பற்ற வைத்து வாணலி வைத்து சூடாக்க வேண்டும்.பிறகு எண்ணெய் ஊற்றி சூடானதும் சீரகம்,வெந்தயம்,மிளகு போட வேண்டும்.பிறகு வர மிளகாய்,நறுக்கிய சின்ன வெங்காயம்,பூண்டு பற்களை அதில் போட்டு வதக்க வேண்டும்.

அதற்கு அடுத்து மணத்தக்காளி கீரையை அதில் போட்டு வதக்க வேண்டும்.கீரை நன்கு சுண்டி வரும் வரை வதக்க வேண்டும்.

அடுத்து மஞ்சள் தூள் போட்டு வதக்க வேண்டும்.பின்னர் அரிசி ஊறவைத்த நீர் ஒரு கப் அளவிற்கு எடுத்து அதில் ஊற்றி கொதிக்க வைக்க வேண்டும்.

கீரை நன்கு வெந்து வந்த பிறகு அரைத்த தேங்காய் பாலை அதில் ஊற்றி கொதிக்க வைக்க வேண்டும்.ஐந்து நிமிடங்கள் வெந்து வந்ததும் அடுப்பை அணைத்துவிட வேண்டும்.

பிறகு தேவையான அளவு உப்பு சேர்த்து சாதத்தில் ஊற்றி சாப்பிடலாம்.இந்த மணத்தக்காளி தண்ணி சாறு குடல் ஆரோக்கியத்தை மேம்படுத்த உதவுகிறது.

உங்கள் கல்லீரலில் குவிந்துள்ள கொழுப்புகளை கரைத்து தள்ள உதவும் நமது பாரம்பரிய வைத்தியம் கீழே கொடுக்கப்பட்டுள்ளது.

தேவையான பொருட்கள்:-

1)கரிசலாங்கண்ணி
2)முசுமுசுக்கை

செய்முறை விளக்கம்:-

முதலில் கரிசலாங்கண்ணி மற்றும் முசுமுசுக்கை ஆகியவற்றை சம அளவு எடுத்துக் கொள்ள வேண்டும்.இதை நிழலில் பரப்பி நன்றாக காய வைக்க வேண்டும்.

பிறகு இதை மிக்சர் ஜாரில் போட்டு பவுடர் பதத்திற்கு அரைத்துக் கொள்ள வேண்டும்.பிறகு இதனை ஒரு டப்பாவில் கொட்டி சேகரித்து வைத்துக் கொள்ள வேண்டும்.

அதன் பின்னர் பாத்திரம் ஒன்றை அடுப்பில் வைத்து ஒரு கிளாஸ் தண்ணீர் ஊற்றி சூடுபடுத்த வேண்டும்.பிறகு அரைத்த பொடி ஒரு தேக்கரண்டி அளவு போட்டு கொதிக்க வைக்க வேண்டும்.

இந்த கஷாயம் நன்கு கொதித்து வந்த பின்னர் அடுப்பை அணைத்து ஆறவைக்க வேண்டும்.இந்த கஷாயத்தை வடிகட்டி குடித்து வந்தால் ஈரலில் குவிந்த கொழுப்பு கரைந்துவிடும்.

தேவையான பொருட்கள்:-

1)எலுமிச்சை சாறு – ஒரு தேக்கரண்டி
2)தண்ணீர் – ஒரு கிளாஸ்

செய்முறை விளக்கம்:-

முதலில் ஒரு எலுமிச்சம் பழத்தை இரண்டாக நறுக்கி அதன் சாற்றை கிண்ணத்திற்கு பிழிந்து கொள்ள வேண்டும்.பின்னர் அதில் ஒரு கிளாஸ் வெது வெதுப்பான தண்ணீர் ஊற்றி கலக்கி வெறும் வயிற்றில் பருகி வந்தால் ஈரலில் குவிந்த கொழுப்பு கரையும்.

தேவையான பொருட்கள்:-

1)வெள்ளைப்பூண்டு பல் – இரண்டு
2)தண்ணீர் – ஒரு கிளாஸ்

செய்முறை விளக்கம்:-

முதலில் இரண்டு பூண்டு பற்களை தோல் நீக்கி கொள்ள வேண்டும்.இதை பாத்திரத்தில் போட்டு ஒரு கிளாஸ் தண்ணீர் ஊற்றி கொதிக்க வைக்க வேண்டும்.இந்த பூண்டு பானத்தை வடித்து பருகினால் ஈரல் கொழுப்பு நன்றாக கரையும்.

தேவையான பொருட்கள்:-

1)ஆளிவிதை – ஒரு தேக்கரண்டி
2)தண்ணீர் – ஒரு கிளாஸ்

செய்முறை விளக்கம்:-

ஆளிவிதையை மிக்சர் ஜாரில் போட்டு கொரகொரப்பாக அரைத்துக் கொள்ள வேண்டும்.பின்னர் அடுப்பில் பாத்திரம் வைத்து ஒரு கிளாஸ் தண்ணீர் ஊற்றி சூடுபடுத்த வேண்டும்.

அதன் பிறகு அரைத்த ஆளிவிதையை அதில் கொட்டி கொதிக்க வைக்க வேண்டும்.இந்த பானத்தை வடித்து பருகி வந்தால் கல்லீரல் கொழுப்பு கரையும்.

தற்பொழுது கோடை மழைக்காலம் என்பதால் பலருக்கும் சளி,இருமல்,தொண்டை கரகரப்பு போன்ற பிரச்சனைகள் உருவாகத் தொடங்கியுள்ளது.இந்த பாதிப்பில் இருந்து மீள சில மூலிகை பொருட்களை வைத்து கஷாயம் செய்து குடிங்க.

தேவையான பொருட்கள்:-

1)சுக்கு
2)அதிமதுரம்
3)திப்பிலி
4)கொத்தமல்லி
5)மிளகு
6)பனங்கற்கண்டு
7)தண்ணீர்

செய்முறை விளக்கம்:-

ஒரு துண்டு சுக்கை தோல் நீக்கி வைத்துக் கொள்ள வேண்டும்.அடுத்து அடுப்பில் வாணலி வைத்து சுக்கு,5 கிராம் திப்பிலி,10 கிராம் திப்பிலி,கால் தேக்கரண்டி கொத்தமல்லி விதை,ஐந்து கருப்பு மிளகு ஆகியற்றை
போட்டு வறுக்க வேண்டும்.

பிறகு இதை மிக்சர் ஜாரில் போட்டு கொரகொரப்பாக அரைக்க வேண்டும்.அதன் பின்னர் இந்த பொடியை பாத்திரத்தில் போட்டுக் கொள்ள வேண்டும்.

அதன் பின்னர் ஒரு கப் அளவிற்கு தண்ணீரை அதில் ஊற்றி அடுப்பில் வைத்து கொதிக்க வைக்க வேண்டும்.இந்த கஷாயம் நன்றாக கொதித்து வந்த பின்னர் சிறிதளவு பனங்கற்கண்டு போட்டு குடித்தால் தொண்டை கரகரப்பு குணமாகும்.

தேவையான பொருட்கள்:-

1)ஆடாதோடை இலை
2)கரு மிளகு
3)நாட்டு சர்க்கரை
4)தண்ணீர்

செய்முறை விளக்கம்:-

அடுப்பில் பாத்திரம் வைத்து ஒரு கப் தண்ணீர் ஊற்றி சூடுபடுத்தவும்.அடுத்து இரண்டு ஆடாதோடை இலையை அதில் போட வேண்டும்.

பிறகு 10 கருப்பு மிளகை போட்டு குறைவான தீயில் கொதிக்க வைக்க வேண்டும்.அடுத்து ஒரு தேக்கரண்டி நாட்டு சர்க்கரையை அதில் போட்டு கொதிக்க வைத்து அடுப்பை அணைக்க வேண்டும்.இந்த பானத்தை வடிகட்டி பருகினால் தொண்டை கரகரப்பு குணமாகும்.

தேவையான பொருட்கள்:-

1)மஞ்சள் தூள்
2)பசும் பால்
3)பனங்கற்கண்டு

செய்முறை விளக்கம்:-

அடுப்பில் பாத்திரம் வைத்து ஒரு கிளாஸ் பால் ஊற்றி பச்சை வாடை நீங்கும் வரை கொதிக்க வைக்க வேண்டும்.

பிறகு அதில் சிட்டிகை அளவு மஞ்சள் தூள் சேர்த்து கொதிக்க வைக்க வேண்டும்.இந்த மஞ்சள் கலந்த பாலை கிளாஸிற்கு ஊற்றி பனங்கற்கண்டு சேர்த்து குடித்தால் தொண்டை கரகரப்பு குணமாகும்.

உடலில் காணப்படும் கொழுப்பு கட்டியை கரைக்க இங்கு கொடுக்கப்பட்டிருக்கும் வீட்டு வைத்தியத்தை செய்யலாம்.நாள்பட்ட கொழுப்பு கட்டி தானாக கரைய இந்த வைத்திய குறிப்புகள் நிச்சயம் உதவும்.

தேவையான பொருட்கள்:-

1)மஞ்சள் தூள்
2)நல்லெண்ணெய்

செய்முறை விளக்கம்:-

முதலில் கிண்ணம் ஒன்றை எடுத்துக் கொள்ளுங்கள்.அதில் இரண்டு தேக்கரண்டி நல்லெண்ணெய் ஊற்றுங்கள்.

பிறகு கால் தேக்கரண்டி மஞ்சள் தூளை அதில் போட்டு குழைத்துக் கொள்ளுங்கள்.இந்த கலவையை கொழுப்பு கட்டி மீது பூசி நன்றாக மசாஜ் செய்யுங்கள்.இவ்வாறு செய்வதால் கொழுப்பு கட்டி சீக்கிரம் கரையும்.

தேவையான பொருட்கள்:-

1)முட்டை
2)உப்பு

செய்முறை விளக்கம்:-

முதலில் கிண்ணம் ஒன்றில் ஒரு முட்டையை உடைத்து ஊற்றிக் கொள்ள வேண்டும்.அடுத்து அதில் சிறிதளவு கல் உப்பு போட்டு நன்றாக மிக்ஸ் செய்ய வேண்டும்.

பின்னர் இந்த கலவையை கொழுப்பு கட்டி மீது தடவி சிறிது நேரம் மசாஜ் செய்ய வேண்டும்.இதுபோன்று செய்து வந்தால் கொழுப்பு கட்டி சீக்கிரம் குணமாகும்.

தேவையான பொருட்கள்:-

1)கொடிவேலி தைலம்

செய்முறை விளக்கம்:-

முதலில் சிறிதளவு கொடிவேலி தைலம் எடுத்துக் கொள்ளுங்கள்.இந்த தைலத்தை கொழுப்பு கட்டி உள்ள இடத்தில் ஊற்றி தேய்க்கவும்.இப்படி செய்தால் கொழுப்பு கட்டி பாதிப்பு சீக்கிரம் குணமாகும்.

தேவையான பொருட்கள்:-

1)கல் உப்பு
2)காட்டன் துணி
3)தண்ணீர்

செய்முறை விளக்கம்:-

பாத்திரம் ஒன்றில் தண்ணீர் ஊற்றி அடுப்பில் வைத்து சூடுபடுத்த வேண்டும்.இவை சூடு பொறுக்கும் அளவிற்கு வந்த பிறகு அடுப்பை அணைத்துவிட வேண்டும்.

அதன் பிறகு சிறிதளவு கல் உப்பை அதில் போட்டு கரையவிட வேண்டும்.அடுத்து ஒரு காட்டன் துணியை அதில் போட்டு நினைத்து கொழுப்பு கட்டி மீது வைத்து ஒத்தடம் கொடுத்தால் அவை சீக்கிரம் குணமாகிவிடும்.

உடலில் காணப்படும் சூட்டு கொப்பளங்கள் சில தினங்களில் மறைய நீங்கள் பின்பற்ற வேண்டிய வீட்டு வைத்தியக் குறிப்புகள் இதோ.

தீர்வு 01:

மஞ்சள் தூள்
தேங்காய் எண்ணெய்

கிண்ணத்தில் ஒரு தேக்கரண்டி தேங்காய் எண்ணெய் ஊற்றிக் கொள்ளுங்கள்.அடுத்து அதில் ஒரு தேக்கரண்டி மஞ்சள் தூள் கொட்டி நன்கு கலக்குங்கள்.இதை சரும கொப்பளங்கள் மீது தடவினால் அவை சீக்கிரம் குணமாகிவிடும்.

தீர்வு 02:

கற்றாழை ஜெல்
மஞ்சள் தூள்

ஒரு கற்றாழை மடலை தோல் நீக்கிவிட்டு ஜெல்லை பிரித்து வைத்துக் கொள்ளுங்கள்.பிறகு அதை தண்ணீரில் போட்டு அலசி எடுத்துக் கொள்ளுங்கள்.

அடுத்து அதில் சிறிதளவு மஞ்சள் தூள் போட்டு மிக்ஸ் செய்யுங்கள்.பிறகு இதை சூட்டு கொப்பளங்கள் மீது தடவுங்கள்.இப்படி செய்தால் அவை சீக்கிரம் குணமாகும்.

தீர்வு 03:

சந்தனப் பொடி
பன்னீர்

கிண்ணத்தில் ஒரு தேக்கரண்டி சந்தனப் பொடி சேர்த்துக் கொள்ளுங்கள்.அடுத்து அதில் சிறிதளவு பன்னீர் ஊற்றி கலக்குங்கள்.இதை சூட்டு கொப்பளம் மீது தடவி நன்றாக காயவிடுங்கள்.இதுபோன்று செய்து வந்தால் கொப்பளங்கள் தானாக குணமாகிவிடும்.

தீர்வு 04:

விளக்கெண்ணெய்
மஞ்சள் தூள்

ஒரு தேக்கரண்டி விளக்கெண்ணெய் மற்றும் ஒரு தேக்கரண்டி மஞ்சள் தூளை ஒன்றாக மிக்ஸ் செய்து கொள்ளுங்கள்.இதை உடலில் காணப்படும் சீழ் கொப்பளங்கள் மீது தடவி நன்கு காயவிடுங்கள்.இப்படி தினமும் இரண்டு அல்லது மூன்று முறை செய்து வந்தால் கொப்பளங்கள் அப்படியே பொடிந்துவிடும்.