News4 TamilOnline Tamil News

TN GOVERNMENT: திமுக நாங்கள் ஆட்சிக்கு வந்தால் கட்டாயம் பெண்கள் அனைவருக்கும் குடும்ப அட்டை வைத்து மாதம் ஆயிரம் வழங்குவதாக தெரிவித்தது. அதன்படி முதல் இரண்டு வருடங்கள் இந்த ரீதியாக எந்த அறிவிப்பையும் வெளியிடவில்லை. தொடர்ந்து மூன்றாவது வருடம் தான் இத்திட்டம் அமலுக்கு வந்தது. அதிலும் இத்திட்டம் குறித்து வரைமுறைகள் போடப்பட்டது. இதனால் பலருக்கும் இத்திட்டம் செல்லுபடியாகவில்லை.

அந்த வகையில் முதலில் ஒரு கோடி 63 லட்சத்து 57 ஆயிரம் விண்ணப்பங்கள் பெறப்பட்ட நிலையில் அதில் ஒரு கோடி ஆறு லட்சத்து 52 ஆயிரம் பேருக்கு மட்டுமே உதவித்தொகை வழங்கினர். இதனால் பெண்கள் பெரும்பாலானோர் அதிருப்தி அடைந்த நிலையில் மீண்டும் இது ரீதியான விண்ணப்பங்கள் பெறப்பட்டது. அதன்படி மேற்கொண்டு இதிலிருந்து 9 லட்சம் பேருக்கு மட்டுமே மீண்டும் கலைஞர் உரிமைத் தொகையானது கிடைத்தது.

இப்படி இருக்கையில் இந்த வருடம் பட்ஜெட் தாக்குதலில் 13 ஆயிரத்து 807 கோடி ரூபாயை தமிழக அரசு ஒதுக்கி உள்ளது. தற்போது வரை 1.15 கோடி பேருக்கு இத்திட்டம் பயனளிக்கிறது. அந்த வகையில் மாதம் ஆயிரம் என்றால் 1.15 கோடி பேருக்கும் 13,800 கோடி தேவை, மீதம் 7 கோடி மட்டுமே இருக்கும் நிலையில் தமிழக அரசு தற்போது திட்டத்தை விரிவாக்கம் செய்வதாக தகவல் வெளியிட்டுள்ளது. அதன்படி ஜூன் மாதம் முதல் இதற்கான விண்ணப்ப படிவம் கொடுக்கப்பட உள்ளது.

ஒன்பதாயிரம் மையங்கள் அமைத்தால் ஒரு மையத்திற்கு 100 பேர் என்றால் கூட ஒன்பது லட்சம் பேர் பட்டியலிட நேரிடும். அச்சமயம் இந்த 7 கோடி ரூபாய் போதுமானதாக இருக்காது. சட்டமன்ற தேர்தல் வருவதையொட்டி திட்டமிட்டு அப்பாவி மக்களை ஏமாற்றும் செயல்முறை என ராமதாஸ் கேள்வி எழுப்பியுள்ளார்.

NTK: நாம் தமிழர் கட்சியினருக்கும் டி ஐ ஜி வருண்குமாருக்கும் இடையே வார்த்தை போர் முற்றி அது நீதிமன்றம் வந்தடைந்தது. அதாவது நாடாளுமன்றத் தேர்தல் நடந்த போது சீமான் பேசிய ஆடியோ ஒன்றை இவர் வெளியிட்டதாக கூறி, ஒருமையில் தகாத வார்த்தைகளால் சீமான் பேசியுள்ளார். மேற்கொண்டு அவரது குடும்ப உறுப்பினரையும் அவ்வாறு பேசியதால் பொறுக்க முடியாமல் இது ரீதியாக நீதிமன்றத்தில் காவல் ஆய்வாளர் வருண் குமார் மனு அளித்தார்.

தொடர்ந்து இந்த வழக்கானது கடந்த ஆண்டு டிசம்பர் மாதம் ஆரம்பித்து தற்போது வரை முடிந்த பாடில்லை. ஏனென்றால் ஒவ்வொரு முறை வழக்கு அமர்வுக்கு வரும்போதெல்லாம்  முறையாக சீமான் வருவதில்லை. மாறாக தனது வழக்கறிஞரையே அனுப்பி வைக்கின்றார். கடந்த முறை குற்றவியல் நீதிமன்றத்தில் வழக்கு அமர்வுக்கு வந்த போது சீமான் ஏப்ரல் ஏழாம் தேதிக்குள் ஆஜராகவில்லை என்றால் கட்டாயம் பிடிவாரண்ட் கொடுக்கப்படும் என்று எச்சரித்தனர். அந்த வகையில் சீமான் எட்டாம் தேதி ஆஜராகி இது ரீதியாக விளக்கம் கொடுத்திருந்தார்.

இதனைத் தொடர்ந்து அடுத்தடுத்து வரும் வழக்குகளிலும் சீமான் வரவில்லை. அந்த வகையில் இம்முறையும் வராததால் சீமான் வழக்கறிஞரிடம் நீதிபதி கேள்வி எழுப்பியுள்ளார். ஒவ்வொரு முறையும் இதை போல தான் ஏதேனும் காரணம் சொல்லி மலுப்புகிறீர்கள். கடந்த முறையே கட்டாயத்தினால் தான் சீமான் வர நேர்ந்தது, இனி வரும் நாட்களிலும் இது போல் நடந்து கொள்ளக் கூடாது என்று எச்சரித்துள்ளார். மீண்டும் இந்த வழக்கு அமர்வுக்கு வரும்போது சீமான் ஆஜராகவில்லை என்றால் கட்டாயம் பிடிவாரண்ட் கொடுக்கப்படும் என நீதிமன்ற வட்டாரங்கள் கூறுகின்றனர்.

ADMK BJP: அதிமுக பாஜக கூட்டணியானது கட்டாயத்தினால் இணைக்கப்பட்டது என்று ஆளும்  கட்சியானது பல்வேறு கருத்துகளை கூறியது. அதிலும் குறிப்பாக அமைச்சர் கீதா ஜீவன் ஒரு விழாவில் பேசியபோது, எடப்பாடி-யாரின் சம்மந்தியார் 750 கோடி ஊழலில் அமலாக்கத்துறையிடம் வசமாக சிக்கிக்கொண்டனர். இதிலிருந்து தப்பிக்கவே டெல்லிக்கு எடப்பாடி ஓடோடி சென்று கூட்டணிக்கு ஒப்பந்தம் தெரிவித்ததாக கூறியிருந்தார்.

இப்படி பாஜக அதிமுகவுடன் கூட்டணி வைத்தது குறித்து கருத்து ஒரு பக்கம் இருந்தாலும் மற்றொரு பக்கம் திமுகவை எதிர்க்கவே இந்த கூட்டணியை வைத்துள்ளதாக கூறி வருகின்றனர். அதிலும் திமுக மீது அதிருப்த்தி நிறைந்த கட்சிகளை கூட்டணிக்குள் இணைக்க வேண்டும் என்ற முயற்சியிலும் ஈடுபட்டுள்ளனர். இவர்கள் கூட்டணியில் தேமுதிக வைக்கும் ஒரே கோரிக்கை எம் பி சீட் வேண்டும் என்பதுதான், அதனை கொடுத்து விட்டால் கூட்டணி உறுதி என்பது அனைவருக்கும் தெரிந்த ஒன்று.

இது ரீதியாக தொடர்ந்து தேமுதிகவிடம் அதிமுக பேச்சுவார்த்தை நடத்தி வருகிறது. அதேபோல சீமானிடமும் எடப்பாடி நெருக்கம் காட்டி வருகிறார். அதாவது மக்கள் ஓட்டை சிதறவிடாமல் கூட்டணிக்குள் இணைத்து திமுகவை வீழ்த்த வேண்டும் என்ற திட்டத்தை எடப்பாடி கையில் எடுத்துள்ளார். இதனால் ஒவ்வொரு கட்சியினரிடமும் அதன் தேவையை கேட்டு ஆலோசனை செய்து வருகிறார். இந்த லிஸ்டில் பாமக மற்றும் தவெக- மட்டும் தான் விடுபட்டுள்ளது. ஏனென்றால் பாமாவின் மொத்த செல்வாக்கும் பாஜக – வால் அதன் பெயர் மாறிவிட்டது என்று ராமதாஸ் முழுமையாக எண்ணுகிறாராம்.

இதனை மீட்டெடுக்க திமுக வுடன் பேச்சு வார்த்தை நடத்துவதாக கூறுகின்றனர். ஆனால் அவரது மகனை வைத்து கட்சிக்குள் இழுத்துவிடலாம் என்ற நம்பிக்கையில் இருக்கிறார்களாம், இது எந்த அளவிற்கு சாத்தியம் என்று தெரியவில்லை. அதேபோல விஜய்யுடனும் பாஜக அறியாத முகங்கள் வைத்து பேச முயற்சிப்பதாகவும் கூறுகின்றனர். அந்தவகையில் தேர்தல் நெருங்கும் சமயத்திலேயே அதிமுக யாருடன் கூட்டணி வைக்கும் என்பது குறித்து தெரியவரும்.

PMK: அன்புமணி ராமதாஸ் மற்றும் ராமதாஸ் இருவருக்கும் இடையே கட்சி தலைமை குறித்து மோதல் இருந்து வருகிறது. அதிலும் ராமதாஸ் அவர்கள் மீண்டும் நானே தான் தலைவர் என்று கூறிய போதிலும், அதனை அவரது மகன் ஏற்கவில்லை. அவரும் ஒரு பக்கம் நான் தான் தலைவர் என்று அறிக்கை வெளியிட்டார். இப்படி இருவரும் மாறி மாறி கட்சி தலைமைக்கு போட்டியிட்டு வருவது நிர்வாகிகள் மத்தியில் முகம் சுளிக்க வைக்கிறது.

இதற்கு அடுத்த கட்ட பிரச்சனையாக யாருடன் கூட்டணி வைப்பது என்பது குறித்து தான் போட்டி நிலவுகிறது. அதாவது அதிமுக மற்றும் பாஜக இருவருடனும் கூட்டணி வைத்து எந்த பயனுமில்லை இதனால் திமுகவுடன் கூட்டணி வைக்கலாம் என்பதை ராமதாஸ் வலியுறுத்தி வருகிறார். ஆனால் இதனை அன்புமணி முற்றிலும் மறுப்பு தெரிவித்து பாஜகவுடன் கூட்டணி வேண்டும் அப்போதுதான் எனக்கு மீண்டும் எம்பி சீட் கிடைக்கும் என்கிறாராம்.

ஆனால் ராமதாஸ் அன்புமணி கூறுவதை துளி கூட ஏற்காமல், மகனுக்கு பதில் மகளின் பேரனை வைத்து கட்சியை பார்த்துக் கொள்ளலாம் என்று எண்ணி வருகிறாராம். அதனால் தான் இது என் கட்சி நான் சொல்வதை தான் கேட்க வேண்டும் என்று கரார் காட்டுகிறார். அப்படி அன்புமணி கட்சியை விட்டு விலகும் பட்சத்தில் பாஜக அல்லது தமிழக வெற்றிக்  கழகத்துடன் கூட்டணி வைக்க நேரிடும் என்கின்றனர் நன்கு தெரிந்த அரசியல் வட்டாரங்கள். மேலும் அன்புமணிக்கு ஆதரவாக பலர் பாமக வை விட்டு வெளியேறலாம் என்றும் கூறுகின்றனர்.