News4 TamilOnline Tamil News

இலங்கையிலிருந்து தமிழகத்திற்கு வந்த ஒளிப்பதிவாளர் ஆக படிப்பு அதன் பின் தமிழ் சினிமாவில் சிறந்த ஒளிப்பதிவாளர் என்றால் அது பாலு மகேந்திரா தான் என்று பேசக்கூடிய அளவுக்கு உயர்ந்து நின்றவர். ஆனால் ஒளிப்பதிவாளர் ஆக மட்டுமல்லாது சிறந்த இயக்குனராகவும் தன்னால் பணியாற்ற முடியும் என்பதை நிரூபித்து காட்டியவர்.

சினிமாத்துறை உலகில் எந்த அளவிற்கு இவருக்கு பெயரும் புகழும் இருந்ததோ அதே அளவிற்கு இவர் மீதான சர்ச்சைகள் நீடித்துக் கொண்டே இருந்தன. காரணம், முதலில் இவர் அகிலா என்பவரை திருமணம் செய்து இவர்களுக்கு ஒரு மகன் இருக்கும் பட்சத்தில் நடிகை சோபாவை இரண்டாவது திருமணம் செய்தார். ஆனால் அத்தோடு மட்டும் நிறுத்திக் கொள்ளாமல் நடிகை மௌனிகாவுடன் லிவிங் டுகெதரில் இருந்தது இவர் மீது பேசப்பட்ட சர்ச்சைகளை அதிகரிக்க தொடங்கின. எது எப்படி இருந்தாலும் ஒளிப்பதிவாளராகவும் இயக்குனராகவும் இன்றளவும் இவர் மிகப்பெரிய இடத்தை பிடித்துள்ளார் என்பது மறுக்க முடியாத உண்மை.

இப்படிப்பட்ட சூழ்நிலையில் நடிகை மௌனிகா பேட்டி ஒன்றில் இயக்குனர் பாலு மகேந்திரா பற்றி பேசியிருப்பதாவது :-

இன்னொரு பெண்ணினுடைய வாழ்க்கையை பங்கு போட்டு வாழ்ந்தது தவறான செயல்தான் என்றும் ஆனால் அந்த தவறான செயலை தான் சரியாகவே வாழ்ந்ததாகவும் நடிகை மௌனிகா தெரிவித்துள்ளார். மேலும் தங்களுடைய வாழ்வில் ஒருத்தருக்கு ஒருத்தர் நல்ல மதிப்பு மரியாதைகளை கொடுத்துக் கொண்டதாகவும் , தனக்கு மரியாதை கொடுப்பதில் அவர் எந்த அளவு குறை வைத்ததில்லை என்றும் அதேபோன்றுதான் மௌனிகாவும் நடந்து கொண்டதாக தெரிவித்துள்ளார்.

மேலும் பாலு மகேந்திரா அவர்களின் மகனுக்கும் தனக்கும் 5 முதல் 6 வயது வரை மட்டுமே வித்தியாசம் என்றும் தன் மகனுடைய பேண்ட் சர்ட் போன்றவற்றை தனக்கு போட்டு போட்டோ சூட் எடுத்ததாகவும், அவருடைய சைக்கிளில் அமர வைத்து என்னை நிறைய போட்டோக்கள் பாலுமஹிந்திரா அவர்கள் எடுத்தார் என்றும் மௌனிகா தெரிவித்திருக்கிறார்.

சினிமாவில் நடிகர் வடிவேலு அவர்களின் காமெடி என்பது இன்றளவும் மிகப்பெரிய ரசிகர் பட்டாளத்தை கொண்டதாகவே இருந்து வருகிறது. அதிலும் குறிப்பாக மீம்ஸ் என்றாலே வடிவேலு இல்லாமல் இல்லை என்பது போல மீம்ஸ் கிரியேட்டர்களுக்கு செல்லப்பிள்ளையாகவே அவர் இருக்கிறார் என்று கூட சொல்லலாம். அவர் சினிமாவை விட்டு விலகியது மீண்டும் சினிமாவிற்குள் நுழைந்தது அரசியலில் தேவை இன்றி வார்த்தைகளை விட்டது அதனால் அவர் வாழ்வில் ஏற்பட்ட பிரச்சனைகள் என அனைத்தும் நாம் அறிந்தவையே. ஆனால் சமீபத்திய பேட்டி ஒன்றில் நடிகர் வடிவேலு அவர்கள் வடிவேலு என்ற பெயர் அவமானமாக பார்க்கப்படுவதாக தெரிவித்துள்ளார்.

இது குறித்த நடிகர் வடிவேலு பேசி இருப்பதாவது :-

சமீபத்தில் தான் ஊருக்கு சென்று இருந்ததாகவும் ஊருக்கு சென்ற பொழுது அங்கு ஒரு அம்மா தன்னிடம் வந்து ஒரு நிகழ்வு ஒன்றினை பகிர்ந்ததாகவும் வடிவேலு அந்த நிகழ்வினை விவரித்து இருக்கிறார். அதாவது ஒருவர் சிறையிலிருந்து விடுபட்டு வெளியே வந்த மற்றொருவரிடம் பணம் கேட்டதாகவும் அவர் பணம் தர மறுக்கவே மாலை 5 மணிக்கு உன்னை கொலை செய்து விடுவேன் அதற்குள் பணத்தை கொடு என மிரட்டி இருக்கிறார். இது போன்ற ஒரு சமயத்தில் பணத்தை தர மறுத்தவருடைய தாயார் வரவும் அவரிடம் நடந்த அனைத்தையும் அந்த மற்றொருவர் தெரிவித்திருக்கிறார். அப்பொழுது பணம் தர மறுத்தவரின் தாயார் அவன் கிடக்கிறான் வடிவேலு, நீ வா வீட்டிற்கு செல்லலாம் என தன் மகனை அழைத்துள்ளார். உடனே யாரைப் பார்த்து வடிவேலு என சொன்னாய் என பொங்கி எழுந்து கொலை செய்து விடுவதாக மிரட்டிய நபர் கத்தி கூச்சலிட்டதாக அந்த அம்மா அவர்கள் வடிவேலுவிடம் தெரிவித்துள்ளார்.

இதைக் கேட்ட நடிகர் வடிவேலு அவர்கள் தன்னுடைய பெயர் இன்று பலரால் அவமானமாக பார்க்கப்படுவதாகவும் வடிவேலு என்று கூப்பிட்டாலே அதை மிகப்பெரிய அவமானமாக இளைஞர்கள் பார்ப்பதாகவும் தெரிவித்து மனம் வருந்தியுள்ளார்.

நடிகை பத்மப்ரியா மலையாளத்தில் இருந்து தமிழ் சினிமா துறைக்கு வந்தவர். எனினும் இவர் நடித்த சில படங்கள் குறிப்பாக தவமாய் தவமிருந்து, இரும்புக்கோட்டை முரட்டு சிங்கம் பொக்கிஷம் போன்ற திரைப்படங்கள் ரசிகர்களிடையே நல்ல வரவேற்பை பெற்றது. சினிமா துறையில் திருமணத்திற்கு பின் ஓய்வு பெற்ற இவர் மீண்டும் சினிமாவில் நுழைந்து நடிக்க முடிவு செய்திருப்பதாக தகவல்கள் தெரிவிக்கின்றன.

இப்படிப்பட்ட சூழ்நிலையில் நடிகை பத்மப்பிரியா பேட்டி ஒன்றில் பேசியிருப்பதாவது :-

தன்னுடைய சினிமா கேரியரில் நல்ல படங்களில் நடித்த இருப்பதாகவும் ஆனால் தான் மிகப்பெரிய ஆனால் தான் மிகப்பெரிய ஆனால் தான் ஒரு நல்ல டான்ஸர் என்றும் அதை நிரூபிப்பதற்கான கதைக்களம் தனக்கு இப்பொழுது வரை கிடைக்கவில்லை என்றும் அவர் தெரிவித்திருக்கிறார். பழசி ராஜா திரைப்படத்தில் களரி பாடியது தனக்கு மிகவும் மகிழ்ச்சியாக இருக்கிறது என்றும் இது போன்ற கதைகளை வைத்திருக்கக் கூடியவர்களுடன் பணியாற்ற தான் தயாராக இருப்பதாகவும் நடிகை பத்மபிரியா தெரிவித்துள்ளார்.

சினிமா துறையை பொறுத்தவரை ஏற்ற இறக்கங்கள் இருக்கும் என்றும் அந்த சினிமா துறையில் தற்பொழுது மிகவும் தாழ்வான நிலையில் தான் நான் இருக்கிறேன் என்பது எனக்கு தெரியும் என்றும் அவர் தெரிவித்துள்ளார். சினிமா துறையில் எடுக்கப்படக்கூடிய படங்களில் கூட ஏற்ற இறக்கங்கள் இருக்கலாம் என்றும் நான் விரும்புவது போல கதைக்களன்களை வைத்திருப்பவர்கள் நேரடியாக தொடர்பு கொள்ளலாம் என்றும் கதை படித்திருக்கும் பட்சத்தில் படத்தில் நடிக்க தான் ஒப்புக்கொள்வதாகவும் தெரிவித்திருக்கிறார். மேலும், ஊடகப் பத்திரிகையாளர்கள் எப்படி வேண்டுமானாலும் எழுதுவார்கள் என்றும் எனக்கு திருமணம் ஆகிவிட்டது குழந்தை இருக்கிறது ஆனாலும் படம் நடிக்க வந்திருக்கிறேன் என்பது போல எப்படி வேண்டுமானாலும் அவர்கள் எழுதலாம் ஆனால் அதைப் பற்றி எல்லாம் எனக்கு எந்த விதமான கவலையும் இல்லை என்று அவர் தெரிவித்திருக்கிறார்.