News4 TamilOnline Tamil News

நமது தலைக்கு பின் பக்கத்தில் வலி இருந்தால் அதற்கு பல காரணங்கள் சொல்லப்படுகிறது.தலைவலி,ஒருபக்க தலைவலி,டென்ஷன்,தலையில் வீக்கம்,அடிபடுதல்,நீரிழப்பு போன்ற காரணங்களால் பின்பக்க மண்டையில் தலைவலி ஏற்படுகிறது.

இது தவிர தூக்கமின்மை,கண் சம்மந்தப்பட்ட பிரச்சனை,சைனஸ் தொற்று,காது பகுதியில் வலி மற்றும் கழுத்து பகுதியில் வலி இருந்தால் தலைவலி பாதிப்பு ஏற்படும்.இந்த பின்பக்க தலைவலி கடுமையான பாதிப்புகளை ஏற்படுத்தும்.நின்றால்,தலையை அசைத்தால் கடுமையான தலைவலி பாதிப்பு ஏற்படும்.இந்த தலைவலி பாதிப்பு அனைவருக்கும் பொதுவான ஒரு விஷயமாக இருக்கிறது.

அதேபோல் கழுத்துப் பகுதியில் உள்ள தசைகளில் பிடிப்பு,வலி ஏற்பட்டால் பின்பக்கத்தில் சுளீரென்று வலி ஏற்படும்.அதிக நேரம் குனிந்தபடி மொபைல் பயன்படுத்துதல்,குனிந்த நிலையில் வேலைபார்த்தல் போன்ற காரணங்களால் பின்பக்க தலையில் சுள்ளென்று வலி ஏற்படுகிறது.

இந்த பாதிப்பில் இருந்து மீள கீழே கொடுக்கப்பட்டுள்ள டிப்ஸை பாலோ செய்யலாம்.கழுத்து மற்றும் பின்பக்க தலைக்கு இடைப்பட்ட பகுதியில் அழுத்தம் கொடுத்து மசாஜ் செய்யலாம்.கழுத்துப் பகுதியில் வலி ஏற்பட்டாலோ அல்லது தசைகள் சோர்வடைந்தாலோ சிறிது நேரம் ஓய்வு கொடுக்க வேண்டும்.

பின்பக்க கழுத்துப் பகுதியில் உள்ள தசைகள் வலிமையடைய உடற்பயிற்சி செய்யலாம்.கழுத்துப் பகுதியில் வலி ஏற்பட்டால் குளிர் பேக் அல்லது ஹாட் பேக் கொண்டு அழுத்தம் கொடுக்கலாம்.போதிய தூக்கத்தை அனுபவித்தால் பின்பக்க கழுத்து வலி குணமாகும்.அதிக நேரம் குனிந்த நிலையில் வேலை பார்ப்பதை தவிர்க்க வேண்டும்.அடிக்கடி பின்பக்க கழுத்துப் பகுதியை கைகளை கொண்டு அழுத்தம் கொடுக்க வேண்டும்.

அதேபோல் வெது வெதுப்பான தண்ணீரில் காட்டன் துணியை நினைத்து கழுத்துப் பகுதியில் வைத்து அழுத்தம் கொடுத்தால் வலி மற்றும் தசைப்பிடிப்பு நீங்கும்.பின்பக்க தலை மற்றும் கழுத்துப் பகுதிக்கு இடையில் ஐஸ்பேக் வைத்தால் தலைவலியில் சுளீரென்று வலிப்பது குறையும்.

நாம் செய்யும் சில கவனக் குறைவான விஷயத்தால் நமக்கு நோய் பாதிப்பு வருகிறது.இன்று பெரும்பாலானோர் சுத்தத்தை கடைபிடிப்பதில்லை.இன்றைய காலகட்டத்தில் நோய் பாதிப்புகள் உருவாக முதன்மை காரணம் சுத்தமின்மைதான்.

நாம் அசுத்தமாக இருந்தால் உடலில் பாக்டீரியா,கிருமிகள் நுழைந்து நோய் பாதிப்பை உருவாக்கிவிடும்.நாம் நோய்வாய்ப்பட சமையலறையும் ஒரு காரணம் என்றால் நம்ப முடிகிறதா.ஆம் நாம் சமையலறை மற்றும் சமைக்கும் பாத்திரத்தை சுத்தமாக வைத்துக் கொள்ளவில்லை என்றால் நமக்கு நோய் பாதிப்பு ஏற்பட்டுவிடும்.

அழுக்கு படிந்த சமையல் பாத்திரத்தை பயன்படுத்தினால் அதில் இருக்கின்ற கிருமிகள் நமது சிறுநீரக ஆரோக்கியத்தை பாதிக்கச் செய்துவிடும் என்ற தகவல் ஆராய்ச்சியின் முடிவில் தெரிய வந்திருக்கிறது.கிருமித் தொற்று உள்ள பாத்திரங்களை தொடர்ந்து பயன்படுத்தி வந்தால்
சிறுநீரக கல்,சிறுநீரக செயலிழப்பு போன்ற பாதிப்புகளை சந்திக்க நேரிடும்.மிக்சர் ஜார் அனைவரும் பயன்படுத்தும் பொருளாகும்.இந்த மிக்சர் ஜாரில் சட்னி,மசாலா போன்றவற்றை அரைக்கின்றோம்.

இதனால் ஜார் முடியின் பெல்ட்டில் கழிவுகள் அப்படியே படிந்துவிடுகிறது.இதை
நாம் சுத்தம் செய்யாமல் பயன்படுத்தினால் அதில் இருக்கின்ற அழுக்கு உடலில் நேரடியாக நுழைந்து பலப் பிரச்சனைகளை ஏற்படுத்தும்.அதேபோல் குக்கர் மூடி பெல்ட்டையும் நாம் வாரம் ஒரு முறையாவது சுத்தம் செய்ய வேண்டும்.சமையல் பாத்திரங்களை துலக்க பயன்படுத்தும் ஸ்பான்ச்,நார் போன்றவற்றை அடிக்கடி சுத்தம் செய்ய வேண்டும்.

பாத்திரத்தில் வெது வெதுப்பான தண்ணீர் ஊற்றி மிக்சர் ஜார் மற்றும் அதன் மூடியை போட்டு ஊறாவிட்டால் அழுக்குகள் வந்துவிடும்.அதேபோல் குக்கர் மற்றும் மிக்சர் ஜார் மூடியின் பெல்ட்டை கழற்றிவிட்டு வெது வெதுப்பான தண்ணீரில் போட்டு சுத்தம் செய்ய வேண்டும்.சமையல் பாத்திரங்களை சுத்தம் செய்ய பயன்படுத்தும் ஸ்பான்ச்சை சுடுநீரில் போட்டு ஊறவைத்த பிறகு யூஸ் பண்ணலாம்.இப்படி செய்தால் கிருமிகள் எளிதில் நீங்கிவிடும்.

தினமும் மூன்றுவேளை உணவு சாப்பிடும் வழக்கத்தை நாம் கொண்டிருக்கின்றோம்.காலையில் அனைத்து ஊட்டச்சத்துக்களும் நிறைந்த உணவுகளை சாப்பிட வேண்டும்.அதேபோல் இரவில் எளிதில் செரிமானமாக கூடிய உணவுகளை சாப்பிட வேண்டும்.

ஆனால் நாம் உணவு பழக்கத்தையே மாற்றி வருகின்றோம்.நேரம் கடந்து சாப்பிடுதல்,இரவில் தூங்கும் நேரத்தில் வயிறு நிரம்ப சாப்பிடுதல் போன்ற தவறான பழக்கத்தை பின்பற்றி வருகின்றோம்.சிலர் இரவு நேரத்தில் பிரியாணி,பரோட்டா போன்ற உணவுகளை உட்கொள்கின்றனர்.இதனால் செரிமான ஆரோக்கியம் முழுமையாக பாதிக்கப்பட்டுவிடும்.

நம் முன்னோர்கள் இரவில் சாப்பிடும் பழக்கத்தை கொண்டிருக்கவில்லை.ஆனால் இன்று இரவு நேரத்தில் உணவு உட்கொண்ட பிறகு சொக்கிவிடுகின்றனர்.இது தூக்கம் இல்லை உண்ட மயக்கம் என்று பெரியவர்கள் கூறுகின்றனர்.உணவு சாப்பிடாமல் உறங்குவதுதான் சிறந்தது என்பதை நம்
முன்னோர்கள் நன்கு அறிந்து வைத்திருக்கின்றனர்.

இரவில் உணவு உட்கொள்ளாமல் உறங்குவதால் கிடைக்கும் ஆரோக்கிய நன்மைகள்:

1)நாம் சாப்பிடாமல் வெறும் வயிற்றில் படுத்தால் செரிமான ஆரோக்கியம் மேம்படும்.இரவில் சாப்பிடாமல் உறங்கும் பொழுது நமது செரிமான அமைப்பிற்கு ஓய்வு கிடைக்கும்.இதனால் செரிமான மண்டலத்தின் செயல்பாடு சீராக இருக்கும்.

2)இரவில் உணவு உட்கொள்ளாமல் இருந்தால் உடலில் இருக்கின்ற தேவையற்ற கலோரிகள் எரிக்கப்பட்டுவிடும்.

3)இரவில் உணவு உட்கொள்ளவில்லை என்றால் வளர்சிதை மாற்றத்தின் ஆரோக்கியம் மேம்படும்.இரவு நேரத்தில் உணவு சாப்பிடாமல் இருந்தால் குடல் ஆரோக்கியம் மேம்படும்.

இருப்பினும் பசியை கட்டுப்படுத்த முடியாதவர்கள் இரவில் 7 மணிக்குள் உணவு உட்கொள்ளலாம்.சிலருக்கு இரவு உணவு உட்கொள்ளவில்லை என்றால் உடல் சோர்வு,மயக்கம்,தூக்கமின்மை,ஊட்டச்சத்து குறைபாடு போன்ற பாதிப்புகள் ஏற்படும்.எனவே இரவு உணவை தவிர்க்க முடியாதவர்கள் அதை 7 மணிக்குள் உட்கொள்வதை வழக்கமாக்கி கொள்ளுங்கள்.

நாம் வாழ்நாள் முழுவதும் ஆரோக்கியமாக வாழ வேண்டுமென்றால் ஆரோக்கிய பழக்கங்களை நாம் பின்பற்ற வேண்டும்.இன்று பெரும்பாலானோர் சோம்பல் வாழ்க்கை முறையை அனுபவித்து வருகின்றனர்.ஒரே இடத்தில் நீண்ட நேரம் அமர்ந்து வேலைபார்த்தால்,நீண்ட நேரம் நின்று கொண்டு வேலைபார்த்தால் போன்ற காரணங்களால் விரைவில் மூட்டு சம்மந்தப்பட்ட பிரச்சனைகளை அனுபவிக்கின்றனர்.

முன்பெல்லாம் 50 வயதை கடந்தவர்களுக்கு மூட்டு வலி பாதிப்பு வந்தது.ஆனால் தற்பொழுது பள்ளி செல்லும் குழந்தைகளுக்கு கூட மூட்டு வலி ஏற்படுகிறது.ஆரோக்கியம் இல்லாத உணவுப் பழக்கம்,கால்சியம் பற்றாக்குறை,வைட்டமின் டி பற்றாக்குறை போன்ற காரணங்களால் மூட்டு பகுதியில் வலி ஏற்படுகிறது.நாம் ஒரே இடத்தில் நீண்ட நேரம் அமர்ந்திருந்தால் எலும்புகளின் அடர்த்தி குறைந்துவிடும்.எலும்புகளின் வலிமை குறைந்து மிருதுவாக மாறிவிடும்.இதனால் நடக்க,ஓட முடியாத நிலை ஏற்படும்.

நாம் இளமை பருவத்தில் சுறுசுறுப்பாக இருந்தால் மட்டுமே முதுமை காலத்தில் படுத்த கிடக்கும் நிலையை சந்திக்க மாட்டோம்.ஆனால் நாம் இளமையில் சோம்பல் வாழ்க்கை முறையை கடைபிடிப்பதால் முதுமை காலத்தில் நோய் வாய்ப்படும் நிலைக்கு தள்ளப்படுகின்றோம்.

இளம் வயதில் எலும்பு வலிமையை அதிகரிக்க வழிகள்:-

1)தினமும் காலை மற்றும் மாலை நேரத்தில் 30 நிமிடங்கள் நடைபயிற்சி மேற்கொள்ள வேண்டும்.

2)கால்சியம் சத்து நிறைந்த உணவுகளை உட்கொள்ள வேண்டும்.பால்,பால் பொருட்களில் கால்சியம் கொட்டி கிடக்கிறது.

3)தினமும் 10 நிமிடம் சூரிய வெளிச்சத்தில் நடைபயிற்சி செய்ய வேண்டும்.காலை மற்றும் மாலை நேரத்தில் சன் பாத் எடுக்க வேண்டும்.

4)புரதம் நிறைந்த உணவுகளை உட்கொள்ள வேண்டும்.எலும்புகளுக்கு வலிமை தரும் உடற்பயிற்சிகளை செய்ய வேண்டும்.15 நிமிடங்களுக்கு ஓடு பயிற்சி மேற்கொள்ள வேண்டும்.இப்படி செய்தால் எலும்புகளின் வலிமை அதிகரிக்கும்.