News4 TamilOnline Tamil News

குலதெய்வம் என்பது நமது வாழ்வின் மிகப்பெரிய ஒரு சக்தி. எனவேதான் நமது குலம், குல வழி ஒழுக்கம், குலவழிப் பண்புகள் ஆகிய அனைத்தும் நமக்கு தேவையானவை. இத்தகைய புண்ணிய வழியில் நாமும் நிற்க வேண்டும் என்றால் குலதெய்வத்தை வணங்குவது மிகவும் அவசியம். குலதெய்வத்தின் அருள் இருந்தால் அனைவரது வாழ்க்கையும் சீராகும்.

எனவேதான் நமது முன்னோர்கள் குலதெய்வத்தை என்றும் மறக்கக் கூடாது என்று கூறியுள்ளனர்.
சாபம் மற்றும் தோஷங்களால் நமது வாழ்க்கை பின்னோக்கி நகர்வதை நம்மால் உணர்ந்திருக்க முடியும். இதுபோன்ற சாபம் மற்றும் தோஷங்களில் இருந்து விலக வேண்டும் என்றால் குலதெய்வத்தின் அனுக்கிரகம் நமக்கு மிகவும் அவசியம்.

அந்த குலதெய்வத்தின் ஒளி மற்றும் அதன் சக்தி ஏழு விதமான மங்களகரமான செடிகளில் மறைந்திருக்கிறது என்பதை நீங்கள் உணர்ந்தால், வாழ்க்கை ஒரு நெடுநடையை போல் தன்னம்பிக்கையுடன் வெற்றியை நோக்கி நகரும்.
எனவேதான் செடிகள் என்பது மிகவும் முக்கியம். ஒவ்வொரு செடியும் ஒவ்வொரு விதமான மங்களத்தன்மை மற்றும் அதிர்வுகளை கொண்டிருக்கும். அதனால்தான் கோவிலில் ஸ்தல விருட்சம் என்பதை கொடுத்தார்கள்.

கோவில்கள் மூன்று சக்திகளை கொண்டவை. ஸ்தலம், தீர்த்தம், மூர்த்தி ஆகியவை ஆகும். இவை மூன்றுமே நமது ஆன்மீக வளர்ச்சிக்கு மிகவும் அவசியமானவை.ஸ்தலவிருட்சம் என்றால் வெறும் மரம் அல்ல. அது தெய்வீக சக்தியின் வெளிபாடு. இந்த மாதிரியான செடிகளை உங்கள் வீடுகள் மட்டும் தோட்டங்களில் வளர்த்து வந்தீர்கள் என்றால் காற்று சுத்தமாகும். அதிர்வுகளை அமைதியாக வெளிப்படுத்தும்.

அந்த அதிர்வுகள் நம்மை மாற்றும். இந்த செடிகள் அனைத்தும் நமது பாட்டன், முப்பாட்டன் வணங்கிய செடிகள்.
இந்த செடிகள் தேவலோகத்தில் இருந்து பூமிக்கு வந்ததற்கான நோக்கத்தை நாம் உணர்ந்தாலே போதும் அது நம்மை வழி நடத்தும். இந்த செடிகள் அனைத்தும் தெய்வீக அதிர்வுகளை நமக்கு கொடுக்கக்கூடிய ஒன்று.

1. சங்குப்பூ செடி:

இந்த செடியில் இருக்கும் பூவின் நீல நிறம், அதன் மென்மை, அதன் தெய்வீக அசைவுகள் ஆகிய அனைத்தும் நம்மை ஈர்க்கும். இந்தச் செடியில் நிறைய தெய்வங்கள் குடியிருக்கிறார்கள். குறிப்பாக நமது குலதெய்வம் வாசம் செய்யக்கூடிய செடியாகும்.
இந்தச் செடியில் தான் ஸ்ரீ விஷ்ணு, சிவன், சனிபகவான் மிகவும் பிடித்தமான செடியும் இதுதான். இந்தச் செடி இருக்கக்கூடிய வீடுகளில் பஞ்சம் என்பதே இருக்காது. பண வரவு அதிகரிக்கும்.

2. பிரம்ம கமலம்:

பிரம்ம கமலம் பூவினை வணங்கும்பொழுது குலதெய்வம் எது என்று தெரியாதவர்களுக்கு கூட குலதெய்வத்தை அடையாளம் காட்டி கொடுத்து விடும். இந்த பூவினை வழிபட்டால் நினைத்த காரியம் நடக்கும், பிரார்த்தனைகள் நிறைவேறும். குலதெய்வத்தின் கடாட்சம் உண்டாகும். தெய்வங்களின் ஆசிர்வாதம் நமது வீட்டில் நிலை நிற்கும்.

3. நாயுருவி செடி:

இந்த நாயுருவி செடியானது புதனை குறிக்கக்கூடிய சக்தி வாய்ந்த ஒரு மூலிகை. இது ஒரு தேவ மூலிகையும் கூட. குலதெய்வத்தின் சக்தியை நேராக ஈர்க்கக் கூடிய செடியும் இந்த செடிதான். இந்த செடியானது பண வரவையும் ஈர்க்கும். இந்தச் செடியின் இலைகளை காய வைத்து சாம்பிராணி தூபம் போட்டால் வீடு, மனம், உடல் ஆகிய அனைத்தும் தூய்மை அடையும்.
இந்த செடியானது குலதெய்வ வசியத்தை உண்டாக்கும்.

4. மாதுளை செடி:

மாதுளை செடியானது மகாலட்சுமி வாசம் செய்யக்கூடிய செடி. இவர் வசிக்கக் கூடிய இடத்தில் எப்பொழுதும் செல்வம் நிறைந்திருக்கும். மாதுளை பழ தோலை காய வைத்து சாம்பிராணி தூபத்தில் போட்டு காண்பித்தால், மகாலட்சுமியின் அம்சம் வீடு முழுவதும் நிறைந்திருக்கும். இந்த செடியானது குலதெய்வத்தின் அருள், அதிஷ்டம், பணம் ஆகிய அனைத்தையும் ஈர்க்கக் கூடிய ஒரு செடி ஆகும்.

5. வெற்றிலை கொடி:

வெற்றிலைக் கொடி என்பது வெறும் இலை அல்ல, அது நமது வாழ்க்கையில் வெற்றிகளை கூட்டி, தோல்விகளை துரத்தும் ஒரு தெய்வீக சக்தியாகும். வெற்றிலை கொடியை தனியாக வளர்க்க கூடாது அதனுடன் வேறொரு செடியையும் உடன் சேர்த்து வளர்த்தால் மட்டுமே அது பயன் தரும்.

ஒரு சில வீடுகளில் வெற்றிலை செடியை எத்தனை முறை வைத்தாலும் வளரவில்லை என்று கூறுவார்கள். அவ்வாறு இருப்பவர்கள் சாம்பிராணி தூபம் காட்டி, சிறிதளவு மஞ்சளை செடியின் மேல் தூவி விட வேண்டும். வெற்றிலை செடி வீட்டில் இருந்தால் தொட்டது அனைத்தும் வெற்றியில் முடியும்.

ராகு கேது பெயர்ச்சி ஆனது கடந்த ஏப்ரல் 26 ஆம் தேதி சனிக்கிழமை நடந்துள்ளது. இந்த ராகு கேது பெயர்ச்சியினால் அவர்களது கல்லா கட்டி, பணத்தை மூட்டையாக கட்டப் போகும் மூன்று ராசிக்காரர்கள் யார் என்பதை குறித்து தான் இந்த பதிவில் காணப் போகிறோம். அதேபோன்று இந்த ராகு கேது பெயர்ச்சியினால் எந்தெந்த ராசிக்காரர்கள் பரிகாரம் செய்ய வேண்டும் என்பது குறித்தும் காண்போம்.

18 மாதங்களுக்கு ஒரு முறை ஒரு ராசியில் இருந்து மற்றொரு ராசிக்கு மாறக்கூடியவர் ராகு பகவான். இந்த ராகு பகவான் கடந்த சனிக்கிழமை ஏப்ரல் 26 ஆம் தேதி மாலை 4:20 மணிக்கு மீனம் ராசியில் இருந்து கும்பம் ராசிக்கு பெயர்ச்சி அடைந்து உள்ளார். இந்த ராகு பெயர்ச்சியை முன்னிட்டு திருநாகேஸ்வரம் நாகநாத சுவாமி கோவிலில் சிறப்பு பூஜைகளும் நடைபெற்றது. ராகுகான பரிகார ஸ்தலமாக விளங்கக் கூடியதும் இந்த கோவில்தான்.

1. மேஷம்:

மேஷம் ராசியில் ராகு பகவான் லாப ஸ்தானத்தில் சஞ்சரித்து உள்ளார். இதனால் பொருளாதாரம் மேம்படும். தொழிலில் நல்ல முன்னேற்றம் ஏற்படும். தொழில் சார்ந்த முயற்சிகளில் வெற்றிகள் உண்டாகும். பதவி உயர்வு உண்டாகும். மகிழ்ச்சியான நிகழ்ச்சிகள் நிறைய உண்டாகும்.

2. கன்னி:

கன்னி ராசிக்கு ஏழாவது இடத்தில் இருந்த ராகு பகவான் ஆறாவது இடத்திற்கு வந்துள்ளார். எனவே வாழ்க்கை சிறப்பானதாக மாறும். ஆறில் ராகு இருந்து கேந்திரத்தில் குரு இருந்தால் அஷ்டலட்சுமி யோகம் உண்டாகும். இந்த யோகமானது குரு பெயர்ச்சிக்கு பிறகு இந்த ராசிக்காரர்களுக்கு செயல்படும். அதே சமயம் கேது பகவான் 12 வது இடத்தில் சஞ்சரித்து உள்ளார். இதனால் விரயம் அதிகரிக்கும்.

எனவே இதனை சுப விரயமாக மாற்றிக் கொள்வது நல்லது. பொருளாதார நிலையில் அற்புதமான பலன்கள் கிடைக்கும்.

3. தனுசு:

தனுசு ராசிக்கு ராகு வெற்றி ஸ்தானம் என்கின்ற மூன்றாவது இடத்தில் சஞ்சரித்து உள்ளார். அதே சமயம் கேது பகவான் ஒன்பதாவது இடத்திற்கு வந்துள்ளார். சுமார் ஒன்றரை வருடத்திற்கு ராகுவும் கேதுவும் இதே இடத்தில் இருந்து பலன்களை தரவிருக்கிறார். மேலும் ராகு பகவான் முன்னேற்றத்தை வாரி வழங்க போகிறார். ஆனால் ஆரோக்கியத்தில் மட்டும் சற்று கவனமாக இருக்க வேண்டும்.

இதேபோன்று கடக ராசிக்கு அஷ்டம ராகு, கும்ப ராசிக்கு ஜென்ம ராகு, மகரம் ராசிக்கு அஷ்டம கேது, சிம்ம ராசிக்கு ஜென்ம கேது என இருப்பதால் இந்த ராசிக்காரர்கள் அனைத்து விஷயங்களிலும் மிக மிக கவனமாக இருக்க வேண்டும். மேலும் இந்த ராசிக்காரர்கள் நாக சாந்தி செய்து கொள்வது நல்லது.

ஒவ்வொரு வருடமும் நாம் எந்த ஒரு நாளை வேண்டுமானாலும் தவற விடலாம். ஆனால் இந்த அட்சய திருதியை நாளை மட்டும் தவற விடக்கூடாது. நம்மிடம் இருக்கும் பொருட்கள் அனைத்தும் வளர்ந்துக் கொண்டே போக வேண்டும், செல்வ செழிப்புடன் வாழ வேண்டும் என்றால் இந்த அட்சய திருதியை நாளை பயன்படுத்திக் கொள்ளலாம்.

வருடா வருடம் சித்திரை மாதத்தில் அமாவாசைக்கு பிறகு வரக்கூடிய வளர்பிறை திருதியை திதி தான் அட்சய திருதியை. இந்த நாள் செல்வ செழிப்பை அதிகப்படுத்தக்கூடிய ஒரு அற்புதமான நாளாகும். “அட்சய” என்பதற்கு ‘அல்ல அல்ல குறையாதது’ என்று அர்த்தம். அட்சய பாத்திரத்தில் இருக்கக்கூடிய எந்த ஒரு பொருளும் தீர்ந்து விடாமல் இருந்து கொண்டே இருக்கும்.

அத்தகைய அட்சய பாத்திரத்திற்கு நிகரான ஒரு நாள் தான் இந்த அட்சய திருதியை. எனவே தான் இந்த நாளில் தங்கம், வெள்ளி போன்றவற்றை வாங்க வேண்டும் என்ற வழக்கம் இருந்து வருகிறது. ஆனால் இந்த அட்சய திருதியை உருவானதற்கு பின்பு ஒரு பெரிய கதையே இருக்கிறது. இதனை அனைவரும் தெரிந்து கொள்வது அவசியம்.

ஏனென்றால் இதனை தெரிந்து கொண்டால் தான் இந்த அட்சய திருதியை நாளில் என்ன செய்தால் பலன் கிடைக்கும் என்பதை தெரிந்து கொள்ள முடியும். இந்த அட்சய திருதியை நாளானது ஏப்ரல் 30ஆம் தேதி புதன்கிழமை அன்று வருகிறது.

கிருஷ்ணரும் குசேலனும் சிறுவயதில் நெருங்கிய நண்பர்களாக இருந்தார்கள். கிருஷ்ணர் கோகுலத்தை பிரிந்து துவாரகையின் மன்னர் ஆனார். ஆனால் குசேலனோ உன்ன உணவும் இன்றி பரம ஏழையாக மிகுந்த துன்பத்தில் கோகுலத்தில் வாழ்ந்து வந்தார். கிருஷ்ணரின் கொடை தன்மையை அறிந்த குசேலன், அவரிடம் உதவி கேட்க அவரது வீட்டில் இருந்த அவல்பொறியை எடுத்துக்கொண்டு அவரது நண்பரான கிருஷ்ணரை காண செல்கிறார்.

துவாரகையை அடைந்த குசேலன் அவரது நண்பர் கிருஷ்ணரை பார்க்க அரண்மனையின் உள்ளே நுழைகிறார், ஆனால் அங்கு இருந்த காவலர்கள் அவரது அழுக்கு உடையை பார்த்து அரண்மனைக்கு உள்ளே நுழைய விடாமல் வெளியேயே நிறுத்தி விடுகிறார்கள். அப்பொழுது அங்கு வந்த கிருஷ்ணர் குசேலனை கண்டதும் கட்டி அணைத்து தனது அன்பை வெளிப்படுத்தினார்.

மேலும் கிருஷ்ணர் அவரை நன்றாக உபசரித்தார். அதன் பிறகு குசேலன் கொண்டு வந்த அவல்பொறியை சிறிதளவு வாயில் எடுத்துப் போட்ட பின்னர் “அட்சயம்” என்ற வார்த்தையை கூறுகிறார். இந்த வார்த்தையை கிருஷ்ணர் கூறியவுடன் குசேலனது வீட்டில் தங்கமும், வெள்ளியும் குவிந்து விடுகிறது. அதன் பிறகு வீடு திரும்பிய குசேலன் அவரது வீட்டில் தங்கமும், வெள்ளியும் குவிந்து இருப்பதை கண்டு ஆச்சரியமடைந்தார்.

இவ்வளவு தங்கம், வெள்ளியை வைத்து நாம் என்ன செய்வது?! என்று எண்ணிய குசேலன் அங்கு இருந்த ஏழை எளியவர்களுக்கு தானமாக அதனை கொடுத்து விட்டார். ஆனால் அவர் எவ்வளவு தானம் செய்தாலும் அங்கு இருந்த தங்கமும், வெள்ளியும் குறையாமல் பெருகி கொண்டே இருந்தது.

இப்படி கிருஷ்ணரிடம் இருந்து குசேலன் செல்வத்தைப் பெற்ற இந்த நாளை தான், நாம் அட்சய திருதியை நாளாக கொண்டாடி வருகிறோம். இந்த அட்சய திருநாள் அன்று தங்கம் வாங்கி வீட்டில் வைத்தால் அது இரட்டிப்பாகாது. தங்கத்தை மற்றவர்களுக்கு தானம் செய்தால் மட்டுமே இரட்டிப்பாகும். தங்கத்தை தானம் செய்ய இயலாதவர்கள் ஏழை எளியவர்களுக்கு அன்னதானம் வழங்கலாம். இதனால் அனைத்து விதமான நலன்களும் கிடைக்கும்.

ஏனென்றால் இந்த நாளில் தான் அன்னபூரணி தேவி பிறந்தார். அட்சய திருதியை என்பது தங்கம் வாங்குவதற்கு மட்டும் உரிய நாள் கிடையாது. ஏழை எளியவர்களுக்கு தானம் வழங்கக்கூடிய நாளாகும். ஏழை எளியவர்களுக்கு அன்றைய நாளில் தானம் வழங்கினால் மட்டுமே செல்வம் பெருகும்.