News4 TamilOnline Tamil News

ADMK: அத்திக்கடவு அவிநாசி திட்டம் சார்பாக எடப்பாடிக்கு விவசாயிகள் பாராட்டு விழா நடத்தினர் அந்த நிகழ்ச்சியிலிருந்தே மூத்த நிர்வாகியான செங்கோட்டையன் மற்றும் எடப்பாடிக்கு விரிசல் போக்கானது உண்டாக ஆரம்பித்துவிட்டது. குறிப்பாக மூத்த நிர்வாகியான தனக்கு கொடுக்க வேண்டிய மரியாதை கிடைக்க வில்லை என்பது தான் செங்கோட்டையனின் புலம்பலாக உள்ளது. இவர்களுக்குள் உட்கட்சி மோதல் உள்ளது என்பதை பேச்சிலேயே அறிய முடிந்தது.

மேற்கொண்டு இவர் எடப்பாடி மீது அதிருப்தி அடைந்த எம்எல்ஏக்கள் கொண்டு பேச்சுவார்த்தை நடத்தி வருவதாகவும் வரும் நாட்களில் ஓபிஎஸ் உடன் கூட்டணி வைப்பதாகவும் தகவல்கள் வெளியானது. இதனிடையே பாஜக அதிமுகவுடன் கூட்டணியை உறுதி செய்த நிலையில் செங்கோட்டையனையும் சமாதானம் படுத்தினர். அதேபோல உட்கட்சி மோதல் இருந்தாலும் கட்சிக்கு ஆதரவாக சபாநாயகருக்கு எதிராக வாக்களித்து தனது பங்களிப்பையும் கொடுத்தார்.

இப்படி இருக்கையில் ஒரு சில இடங்களில் ஆர்வம் காட்டாமலேயே செங்கோட்டையன் இருந்து வருகிறார். குறிப்பாக அதிமுக பாஜக இணைந்தது சார்பாக விருந்துக்கு ஏற்பாடு செய்தார். இதில் கட்சி நிர்வாகிகள் பலருக்கும் அழைப்பு விடுக்கப்பட்டது. ஆனால் செங்கோட்டையன் இதில் கலந்து கொள்ளவில்லை. மேற்கொண்டு பாஜக அழைப்பு விடுத்தவர்கள் அனைவரும் வந்தார்களா என்பது குறித்து கிராஸ் செக் செய்துள்ளது.

இதில் மூத்த நிர்வாகியான செங்கோட்டையன் கலந்து கொள்ளாதது அவர்களுக்கு அதிருப்தியை ஏற்படுத்தியுள்ளது. இப்படி இருக்கையில் உடனடியாக பாஜக தலைமை செங்கோட்டையனை அழைத்து பேசியுள்ளது. தற்போது தான் கட்சி ஒன்று பட்டுள்ளது, மீண்டும் கட்சிக்குளிருந்து கொண்டு வேறுபாட்டை காட்டாதீர்கள். இது நல்லதல்ல என அறிவுறுத்தியுள்ளனர்.

இதனைக் கேட்டுக் கொண்ட செங்கோட்டையன் இன்று சட்டசபையில் தனது பேச்சை ஆரம்பிப்பதற்கு முன் நல்லாட்சி புரிந்த எம்ஜிஆர் ஜெயலலிதா அவர்களின் வழியில் அதனைத் தொடரும் எடப்பாடியாரை வணங்கி உரையை தொடங்குகிறேன் என இவர் கூறியது அனைவரையும் ஆச்சரியத்தில் ஆழ்த்தியுள்ளது. பாஜகவின் தலைமை சொல்லுக்கு கட்டுப்பட்டு செங்கோட்டையன் நடந்து கொண்டிருக்கிறார் என பலரும் கூறி வருகின்றனர்.

PMK: பாமகவில் சமீப காலமாக அப்பா மகன் இருவருக்குமிடையே பனிப்போரானது முடிவடைந்த பாடில்லை. பொது நிகழ்ச்சி ஒன்றில் குடும்ப உறுப்பினர்களுக்கு பதவி வழங்கி இக்கட்சியை குடும்ப அரசியலாக்குவதா என அன்புமணி கூறியது சர்ச்சையானது. இதற்கு முக்கிய காரணம் ராமதாஸ் மகள் வழி பேரனுக்கு இளைஞர் அணித் தலைவர் பதவி கொடுத்தது தான்.

பிறகு சமாதானம் செய்து கட்சி சுமுகமாக சென்ற நிலையில் திடீரென்று ராமதாஸ், நான்தான் கட்சியின் தலைவர் அன்புமணி கிடையாது என அறிவிப்பை வெளியிட்டார். இது ரீதியாக அப்போதையிலிருந்தே இதற்குப் பின்னணியில் இருப்பது ஜிகே மணி தான் என பலரும் கூறினர். ஏனென்றால் முதலில் தலைவராக இருந்தது இவர்தான்.

பின்பு அன்புமணி தலைவராக்கி இவருக்கு கௌரவ தலைவர் என்ற பதவி கொடுக்கப்பட்டது. பின்பு இளைஞர்கள் அணி தலைவர் பதவியை ஜிகே மணி மகனான தமிழ் குமரனுக்கு வழங்கப்பட்டது. இதனைத்தொடர்ந்து இவரே பதவியிலிருந்து விலகிக் கொண்டார். இதற்கு முக்கிய காரணம் அன்புமணி ரீதியாக இவருக்கு கொடுத்த அழுத்தம் தான் என கூறினர். ஜிகே மணி இதனையெல்லாம் நினைத்துதான் தற்பொழுது ராமதாஸ் பின்னணியிலிருந்து கொண்டு பலி வாங்குகிறார் என அரசியல் விமர்சகர்கள் கூறி வருகின்றனர்.

அதேபோல இவர் திமுகவுடன் ரகசிய கூட்டணியில் இருப்பதாகவும் பேச்சு அடிபட்டது. அதனை உறுதி செய்யும் வகையில் நேற்று சட்டப்பேரவையில் முதல்வர் ஸ்டாலின் மற்றும் கலைஞர் உள்ளிட்டோரை புகழ்ந்துறைத்துள்ளார். இவ்வாறு ஜிகே மணி செய்தது பாமகவினருக்கு கொந்தளிப்பை ஏற்படுத்தியுள்ளது. அதிமுக இருந்த ஆட்சிக் காலத்திலேயே வன்னியர்களுக்கு கிடைக்க வேண்டிய 10.5 சதவீதம் இட ஒதுக்கிடானது கிடைத்தும், திமுகவால் தான் செயல்படுத்த முடியாமல் போனது.

தற்போது வரை மக்கள் தொகை கணக்கெடுப்பை நடத்தாமல் மத்திய அரசை குறை கூறி வருகின்றனர். இப்படி திமுக வன்னியர்களுக்கு எதிராக இருக்கும் பட்சத்தில் ஏன் புகழாரம் சூட்டியுள்ளார்?? நாளடைவில் திமுகவுடன் இணைய போகிறாரா என பலரும் கேட்டு வருகின்றனர். மேற்கொண்டு இவ்வாறு அவர் பேசியதற்கு கட்சியிலிருந்து நீக்க வேண்டும் என சோசியல் மீடியாவில் இவருக்கு எதிராக கண்டனம் எழுந்துள்ளது.

DMK: தமிழகத்தில் வரப்போகும் சட்டமன்ற தேர்தலை எதிர்கொள்ள திமுக பல்வேறு ஏற்பாடுகளை செய்து வருகிறது. அதன்படி தங்கள் மீதுள்ள அதிருப்திகளை திருத்திக் கொள்ள வேண்டும் என்று எண்ணி உள்ளனர். இதில் செந்தில் பாலாஜி வழக்கு மிகுந்த நெருக்கடியை கொடுத்து வருகிறது. இதனால் வரும் நாட்களில் அமைச்சரவையில் மாற்றம் கொண்டு வருவதாக தெரிவித்துள்ளனர்.

குறிப்பாக அவதூறு பேச்சில் சிக்கிய அமைச்சர் பொன்முடி மற்றும் ஊழல் வழக்கிலிருக்கும் செந்தில் பாலாஜி இவர்கள் இருவரையும் அமைச்சர் பதவியிலிருந்தே நீக்க உள்ளார்களாம். இவர்களின் பதவியை அமைச்சர்களான சக்கரபாணி, சாமிநாதன் மற்றும் விழுப்புரம் மாவட்டம் லட்சுமணன் உள்ளிட்டோருக்கு பகிர்ந்து கொடுக்க திட்டமிட்டுள்ளார்களாம்.

இதனையெல்லாம் திருத்திக் கொள்ளும் பட்சத்தில் மட்டுமே அடுத்தடுத்து தங்கள் கட்சி மீதுள்ள கரையை துடைக்க முடியும் என்று முடிவெடுத்துள்ளனர். அதிலும் குறிப்பாக செந்தில் பாலாஜி வழக்கில் பதவியா? ஜாமீனா? என்பதை தீர்க்கமாக முடிவெடுத்து சொல்ல வேண்டுமென்ற கட்டாயத்தில் நிறுத்தியுள்ளது. நேரம் பார்த்து நீதிமன்றமும் அழுத்தம் கொடுக்கும் பட்சத்தில் தலைமைக்கு இதை விட்டு வேறு வழி தெரியவில்லை.

இதனால் அமைச்சரவையில் மீண்டும் மாற்றம் உண்டாகும் என ஸ்டாலின் கூறியுள்ளார். இது ரீதியான அறிவிப்பு செந்தில் பாலாஜி வழக்குக்கு முன்பு வெளியாகும் என்று எதிர்பார்க்கப்படுகிறது.