News4 TamilOnline Tamil News

BJP ADMK: தமிழ்நாட்டில் வரப்போகும் சட்டமன்ற தேர்தலை ஆளும் கட்சிக்கு எதிராக களம் இறங்க பலம் வாய்ந்த கூட்டணியை உருவாக்க பாஜக நினைக்கிறது. அதனால்தான் மீண்டும் அதிமுகவுடன் கூட்டணி வைத்தது. இப்படி கூட்டணி வைத்ததும் பல சர்ச்சைகளுக்குள் அதிமுக பாஜக சிக்கியது. குறிப்பாக கூட்டணி முறையில் ஆட்சி என்றெல்லாம் பலரும் பேசி வந்தனர். ஆனால் எடப்பாடி கூட்டணி ஆட்சி முறைக்கு முழுமையாக மறுப்பு தெரிவித்துள்ளார்.

இப்படி இருக்கையில் பாஜக மற்றும் அதிமுக இரு கட்சி தலைவர்களும் இனி யாரும் கட்சி சார்ந்து விமர்சனம் செய்ய கூடாது என்று கூறினர். இவ்வாறு இருக்கையில் இன்று சேலத்தில் நடைபெற்ற நிகழ்ச்சியில் கலந்து கொண்ட நயினார் நாகேந்திரன் பேசியது வைரலாக வருகிறது. அண்ணாமலை நடத்திய என் மண் என் மக்கள் யாத்திரையானது பட்டி தொட்டி எங்கும் நல்ல வரவேற்பு பெற்றுள்ளது இதற்காக அண்ணாமலைக்கு நன்றி தெரிவிக்கிறேன்.

பாஜக தலைமை என்ன முடிவெடுக்கிறதோ அதற்கு கட்டுப்பட வேண்டும், தொண்டர்கள் அயராது கட்சிக்காக உழைக்க வேண்டும். கூட்டணி குறித்து அதிமுகவும் பாஜக நிர்வாகிகளும் பேச வேண்டாம். இது உறுதியான கூட்டணி, இறுதியான கூட்டணி. கட்டாயம் தமிழகத்தில் தாமரை மலரும் குறிப்பாக இரட்டை இலைக்கு மேல் தாமரை மலர்ந்தே தீரும் என்று தீர்க்கமாக கூறியிருந்தார்.

இவர் அவ்வாறு கூறியதற்கு கூட்டணி முறையில் தான் ஆட்சி என்பதை மறைமுகமாக தெரிவிப்பது போல் உள்ளது. கூட்டணி முறையில் ஆட்சி கிடையாது என அதிமுக கூறிவரும் நிலையில் தமிழக பாஜக மாநில தலைவர் சூசகமாக தெரிவித்திருப்பது பாஜகவின் அடுத்த கட்ட அரசியல் நகர்வு இது தான் என்பதை உணர்த்துகிறது.

PMK VSK: பாமகவின் மாநாடானது 12 ஆண்டுகள் கழித்து வரும் மே மாதம் 11-ம் தேதி மகாபலிபுரத்தில் நடைபெற உள்ளது. இந்த சித்திரை முழுநில மாநாடானது பல ஆண்டு போராட்டத்திற்குப் பிறகு நடைபெறுகிறது என்றே சொல்லலாம். ஏனென்றால் பல ஆண்டுகளுக்கு முன்பு நடந்த மாநாட்டில் ஏற்பட்ட பிரச்சினை காரணமாகவே இவர்களுக்கு அனுமதி அளிக்காமல் இருந்தனர். இது ஒரு பக்கம் இருந்தாலும் மற்றொரு பக்கம் அரசியல் பூசலும் உள்ளது.

இதனிடையே பாமக கட்சிக்குள் அப்பா மகள் சண்டை இருக்கும் நிலையில் சித்திரை முழு நிலம் மாநாடு நடக்காமல் தடைபட்டு போகுமா என்ற கேள்வி தொண்டர்கள் மற்றும் நிர்வாகிகள் என அனைவர் மத்தியிலும் இருந்தது. ஆனால் அதனை மாநாட்டில் காட்டாமல் இதற்கு தலைவராக அன்புமணியை நியமித்து ராமதாஸ் அறிவிப்பையும் வெளியிட்டார். தற்சமயம் இந்த மாநாட்டில் அனைத்து தலைவர்களும் கலந்து கொள்ள வேண்டுமென்ற  நோக்கத்தில் ஒவ்வொரு கட்சியை சேர்ந்த வர்களுக்கும் அழைப்பிதழ் கொடுத்து வருகின்றனர்.

அந்த வரிசையில் இவர்களுக்கு எதிர் திசையில் இருக்கும் விடுதலை சிறுத்தை கட்சியின் திருமாவளவனுக்கு அழைப்பிதழ் கொடுத்துள்ளனர். திருமாவும் அதனை பெற்றுக் கொண்டு வாழ்த்து தெரிவித்துள்ளார். மேற்கொண்டு மாநாட்டிற்கு திருமாவளவன் செல்வாரா என்பது மிகப்பெரிய கேள்விக் குறிதான். கடந்த முறை கட்சி ரீதியாக இல்லாமல் எல்லோருக்குமான தலைவன் அம்பேத்கர் நிகழ்ச்சியில் திருமாவை கலந்து கொள்ள விடாமல் திமுக அழுத்தம் கொடுத்தது அனைவருக்கும் தெரிந்தும் ஒன்று. அப்படி இருக்கையில் கட்டாயம் வன்னியர் சங்கம் நடத்தும் மாநாட்டிற்கு இவர் செல்ல வாய்ப்பே இல்லை என கூறுகின்றனர்.

DMK: திமுக நிர்வாகிகள் தொடர்ந்து தலைமைக்கு அழுத்தத்தை தரும் வகையில் தான் பேசி வருகின்றனர். அதிலும் குறிப்பாக சில தினங்களுக்கு முன்பு அமைச்சர் பொன்முடி சைவ வைணவ இனத்தை குறிப்பிட்டு விலைமாத பெண்களை வைத்து பேசியது சர்ச்சைக்குள்ளானது. அவரது சொத்துக்குவிப்பு வழக்கில் கூட இது ரீதியாக நடவடிக்கை எடுக்க வேண்டும் என்று கோர்ட் உத்தரவிட்டது குறிப்பிடத்தக்கது.

இவ்வாறு இருக்கையில் நேற்று நடந்த சட்டமன்ற கூட்டத்தொடரில் கூட இது ரீதியாக விவாதம் செய்யப்பட்டு அமைச்சர்கள் மட்டுமின்றி யாராக இருந்தாலும் மிகவும் மரியாதையுடன் பேச வேண்டும் என்று ஸ்டாலின் கூறியிருந்தார். இவர் ஒவ்வொரு முறையும் இதுபோல சர்ச்சை ஏற்படும் போது இத ரீதியாக அறிவுறுத்தும் நிலையில் அதனை அக்கட்சி நிர்வாகிகள் சிறிதும் கூட கண்டு கொள்வதில்லை.

அப்படித்தான் இன்று திமுக எம்பி கல்யாண சுந்தரம் அடுத்த சர்ச்சையை ஏற்படுத்தி உள்ளார். இவர் கலந்து கொண்ட நிகழ்ச்சி ஒன்றில் குழந்தை பிறப்பு பற்றி பேசி உள்ளார். அதிலும் குழந்தை வேண்டுமென்றால் 10 மாதம் பொறுத்துதான் ஆக வேண்டும், உடனே கிடைக்க வேண்டும் என்றால் வேறு முறையில் தான் பெற்றுக்கொள்ள வேண்டும். முன்கூட்டியே காதல் செய்து கர்ப்பமானால் மட்டுமே திருமணம் அன்று குழந்தையை பெற்றெடுக்க முடியும் என விமர்சனம் செய்துள்ளார்.

இவ்வாறு அவர் பேசி இருப்பது சர்ச்சையை ஏற்படுத்தி உள்ளது. மேற்கொள்ள திமுகவின் மேல் இடத்திற்கு இவ்வாறு எம்பி பேசியது அடுத்த கட்ட பிரஷரை உண்டாக்கியுள்ளது.

TN Gov: தமிழக அரசு ரேஷன் அட்டை ரீதியாக பல்வேறு திட்டங்களை செயல்படுத்தி வருகிறது. இருப்பினும் இது ரீதியாக ஊழல் நடந்துக் கொண்டு தான் இருக்கிறது. ரேஷன் கடை ஊழியர்கள் தமிழக அரசிடம் குறிப்பிட்ட ஆறு அம்ச கோரிக்கைகளை நிறைவேற்றுமாறு பல நாட்களாக வலியுறுத்தி வருகின்றனர். அதிலும் இம்மாதம் தொடக்கத்திலேயே இரண்டு தினங்கள் இது ரீதியாக போராட்டம் நடத்தியது குறிப்பிடத்தக்கது. ஆனால் போராட்டம் நடத்தியும் தமிழக அரசு கண்டுகொள்ளவில்லை.

இதனால் இம்மாதம் 22 23 மற்றும் 24 ஆம் தேதி தொடர் மூன்று நாள் வேலை நிறுத்த போராட்டத்தை நடத்தப் போவதாக கூறியுள்ளனர். குறிப்பாக குடோன்களிலிருந்து எடுத்து வரப்படும் மூட்டைகளில் கணிசமான அளவில் எடை குறைகிறது. இதில் எங்கு தவறு நடக்கிறது என்று தெரியாமல் அதற்கு பாதுகாவலர்களின் மீது சந்தேகம் திரும்புகிறது. இதனையெல்லாம் சரி கட்ட கம்ப்யூட்டருடன் பொருந்திய எடை தராசை நிறுவுமாறு கேட்டு வருகின்றனர்.

மேற்கொண்டு கைரேகை பதிவு செய்ததுடன் அவர்களுடைய விவரங்களும் முழுமையாக வருவதில்லை. இந்த சர்வர் பிரச்சனையை சரி செய்யக் கோரியும் தொடர்ந்து கேட்டு வருகின்றனர். கம்ப்யூட்டருடன் பொருந்திய எடை தராசை நிறுவும் பட்சத்தில் நுகர்வோருக்கு சரியான அளவில் பொட்டலங்கள் மூலம் பொருட்கள் வழங்கப்படும். ஆனால் இதையெல்லாம் தமிழக அரசு சரி செய்வதில்லை எனக்கூறி இம்மாதம் மூன்று நாட்கள் வேலை நிறுத்த போராட்டத்தை அறிவித்துள்ளனர்.

அதனால் பொதுமக்கள் தங்களுக்கு தேவையான பொருட்களை முன் கூட்டியே பெறுவதன் மூலம் சிரமத்தை குறைத்துக்கொள்ள முடியும்.

PMK TVK: பாமகவின் சித்திரை முழு நிலா மாநாடானது மே மாதம் நடைபெற உள்ளது. இந்த மாநாட்டிற்கு வருகை புரிய கோரி ஒவ்வொரு கட்சித் தலைவர்களையும் சந்தித்து அழைப்பிதழ்கள் கொடுக்கப்பட்டு வருகிறது. இது நடுவே உட்கட்சி மோதல் இருந்தபோதும் மாநாட்டிற்கான பணியானது தடைப்படவில்லை. ஏனென்றால் கிட்டத்தட்ட 12 வருடத்திற்கு பிறகு நடக்கும் மாநாடு. இதற்கு முன் நடத்தப்பட்ட மாநாட்டில் ஏற்பட்ட பிரச்சனையினால்  தான் மேற்கொண்டு மாநாட்டிற்கு அனுமதி அளிக்காமல் இருந்தனர்.

ஆனால் தற்பொழுது மகாபலிபுரத்தில் வரும் மே மாதம் நடைபெறும் என்ற அறிவிப்பை வெளியிட்டதோடு அதன் தலைமையையும் ராமதாஸ், அன்புமணிக்கு கொடுத்துள்ளார். இவ்வாறு இருக்கும் நிலையில் விடுதலை சிறுத்தை கட்சி திருமாவளவனுக்கு அழைப்பிதழ் கொடுக்கப்பட்டுள்ளது குறிப்பிடத்தக்கது. இதற்கு அடுத்து தமிழக வெற்றிக் கழக தலைவர் விஜய்க்கு வழங்கப்படும் என்ற பேச்சு அடிபட்டுள்ளது. எந்த ஒரு கூட்டணி கட்சியுமின்றி நடுநிலையில் இருக்கும் விஜய்க்கு இது ஒரு பெரிய வாய்ப்பு என்றே கூறுகின்றனர்.

அஞ்சலையம்மாவை தனது கொள்கை தலைவர்களுடன் சேர்த்ததற்கு முக்கிய காரணம் பாமக வை டார்கெட் செய்யத்தானம். இந்த மாநாட்டிற்கு விஜய்- க்கு அழைப்பிதல் கொடுக்கப்பட்டால் கலந்து கொள்வாரா, மேற்கொண்டு கூட்டணி குறித்து அடுத்த கட்ட பேச்சு வார்த்தை நடத்தப்படுமா என்றெல்லாம் வியூக அமைப்பாளர்கள் பேசி வருகின்றனர். பாமக சித்திர முழு நிலா மாநாட்டிற்கு விஜய் அழைப்பு விடுக்கும் பட்சத்தில் கலந்து கொள்வாரா என்பதை பொறுத்திருந்துதான் பார்க்க வேண்டும்.