News4 TamilOnline Tamil News

தமிழ் கடவுளான “முருகன்” என்ற சக்தி வாய்ந்த பெயரை உச்சரிக்கவே ஒவ்வொரு தமிழனும் பெருமை கொள்ள வேண்டும். இவருக்கு கார்த்திகேயன், கந்தன், செந்தில்நாதன், சுப்பிரமணியன், விசாகன், வேலவன், வேலாயுதன், கந்தன், ஞான தண்டாயுதபாணி, குமரன், ஆறுமுகம், சண்முகம் போன்ற பல பெயர்களும் உண்டு. “முருகா” என்று கூறினாலே அனைவரது கஷ்டங்களும், கர்மாக்களும் தீர்ந்துவிடும்.

நமக்கு துணையாக முருகன் இருக்கிறார் என்று நினைத்தாலே அவரது அருள் நமக்கு கிடைத்துவிடும். ஆனால் ஒரு சிலர் “என் அப்பன் முருகனையே நான் கதி என்று கிடக்கிறேன், ஆனால் சோதனைக்கு மேல் சோதனை வந்து கொண்டே தான் இருக்கிறது எந்த ஒரு முடிவும் கிடைக்கு வில்லை” என்று புலம்புபவர்களும் உள்ளனர்.

முருகனுக்கே ஒரு காலத்தில் சோதனைகள் வந்ததால்தான் கோபித்துக் கொண்டு பழனிக்கு சென்றார். அப்படி இருக்கையில் முருகனுடைய பக்தர்களாகிய நமக்கும் பல சோதனைகளை கொடுத்து தான் உயர்வுக்கு கொண்டு வருவார். உங்களுடைய சோதனைகள் மற்றும் வேதனைகளை, சாதனைகளாக மாற்றும் பொறுப்பு அப்பன் முருகருக்கு உண்டு.

உங்களுடைய ராசி கட்டத்தில் இருக்கும் ஒவ்வொரு கிரகமும் முருகருக்கு பெயர் கொடுக்கும். அந்த முருகரை நீங்கள் வணங்கும் பொழுது உங்களுடைய வாழ்க்கை வளமாகும். எல்லோரும் எல்லா முருகரையும் கும்பிடலாம். ஆனால் உங்களுடைய கட்டத்தில் இந்த முருகருக்கு என ஒரு கட்டம் ஒதுக்கி இருக்கும். அந்த முருகரை வணங்கும் பொழுது சுபிட்சம் உண்டாகும்.

அதாவது உங்களுடைய கட்டத்தில் செவ்வாயும் சனியும் சேரும் பொழுது சுப்பிரமணி, செவ்வாய் குரு செந்தில் ஆண்டவர், செவ்வாய் சுக்கிரன் பாலசுப்பிரமணியன் இது போன்று கிரகங்கள் ஒவ்வொன்றிற்கும் ஒவ்வொரு பெயர் இருக்கும். இவ்வாறு ஒவ்வொருவருடைய கட்டத்திலும் இருக்கக்கூடிய கிரகங்களை அடிப்படையாக வைத்து, அவரவருக்கு உரிய முருகரை வணங்கும் பொழுது நல்ல பலன்கள் கிடைக்கும்.

எல்லோரும் எல்லா கடவுளையும் வணங்கலாம். ஆனால் அவரவர் ஜாதக கட்டத்தில் இருக்கும் முருகரை வழிபடும் பொழுது கிடைக்கக்கூடிய பலன்கள் இரட்டிப்பாக கிடைக்கும். இப்பொழுது ஒவ்வொரு ராசிக்கும் எந்த முருகக் கடவுளை வணங்கினால் நல்ல பலன்கள் கிடைக்கும் என்பது குறித்து காண்போம்.

1. மேஷம்- பழனி ஆண்டவர்
2. ரிஷபம்-பழமுதிர்ச்சோலை
3. மிதுனம்-வயலூர் முருகன்
4. கடகம்-திருச்செந்தூர்
5. சிம்மம்-ராஜ அலங்கார முருகன்
6. கன்னி-திருத்தணி
7. துலாம்- மருதமலை
8. விருச்சிகம்-எட்டுக்குடி முருகன்
9. தனுசு-கோயம்புத்தூர் அனுபாவி முருகன்
10. மகரம்-அவிநாசி லிங்கேஸ்வரர் கோவிலில் இருக்கும் சுப்பிரமணியன்
11. கும்பம்- சுவாமிமலை
12. மீனம்-திருச்செந்தூர்

எந்த ராசிக்காரர்களாக இருந்தாலும் முருகனின் ஆறுபடை வீட்டிற்கும் சென்று வழிபடலாம். ஆனால் ஒவ்வொரு ராசிக்கும் உரிய முருகரை வழிபடும் பொழுது நிச்சயமாக முருகனின் அருளை பெற முடியும்.

இதேபோன்று குருதிசை நடக்கும்பொழுது சுவாமிமலைக்குச் சென்று முருகரை வழிபடலாம்.உங்கள் வீட்டில் யாருக்கேனும் முருகனின் அம்சம் கொண்ட பெயர் இருக்கிறது என்றால் நீங்களும் ஒரு பாக்கியசாலி தான். தினமும் மாலை 6:30 மணி அளவில் முருகனின் படத்திற்கு முன்பாக ஒரு சிறிய விளக்கினை ஏற்றி வைத்து, மனதார அவரை வணங்கும் பொழுது சமுதாயத்தில் உங்களுடைய அந்தஸ்தை உயர்த்திக் கொடுப்பார்.

அப்பன் முருகனை அனுதினமும் நினைத்து வழிபடும் பொழுது, கஷ்டங்கள் பல வந்தாலும் இறுதியில் ஒவ்வொருவருடைய வாழ்க்கையையும் வெற்றியின் உச்சத்திற்கு கொண்டு செல்வார். உங்களுடைய வாழ்க்கையில் எவ்வளவு பெரிய சிக்கல்கள், கடன் தொல்லைகள் இதுபோன்று எந்த ஒரு பிரச்சனையாக இருந்தாலும் முருகனுக்காக காவடி எடுத்து பாத யாத்திரை செல்லும் பொழுது அனைத்து பிரச்சனைகளும் தூள் தூளாக சிதறிவிடும்.

இறுதியாக அந்த காவடியை முருகனின் பாதத்தில் சமர்ப்பிக்கும் பொழுது, உங்களுடைய அனைத்து பாரத்தையும் அந்த முருகனின் பாதத்தில் சமர்ப்பித்ததற்கு சமமாக கருதப்படும். குபேரனின் வசிய நிறமான பச்சை நிற வஸ்திரத்துடன் முருகனை சென்று காணும் பொழுது பொருளாதாரப் பிரச்சினைகள் அனைத்தும் நீங்கும்.

மூலிகைச் செடி என்பது மருத்துவம் ரீதியாகவும் ஆன்மீகம் ரீதியாகவும் பெரிதும் உதவி வருகிறது. என்னதான் காலங்கள் மாறினாலும், புதிய புதிய தொழில்நுட்பங்கள் வளர்ந்து வந்தாலும் இந்த மூலிகைக்கான மகத்துவம் என்பது எந்த காலத்திலும் மாறாத ஒன்று. இந்த மூலிகை செடியானது நமது வாழ்க்கையில் உள்ள அனைத்து செயல்பாடுகளுக்கும் பயன்படும்.

அதாவது மூலிகை என்பதை நாம் உட்கொள்ளும் பொழுது உடல் ரீதியான பிரச்சனைகள் குணமாகும். அதே சமயம் இந்த மூலிகை சம்பந்தமான பொருட்கள் நமது வீட்டில் இருக்கும் பொழுது வீட்டில் உள்ள துஷ்ட சக்திகள், தீய சக்திகள், கண் திருஷ்டிகள் ஆகியவற்றை விலக்கி ஆன்ம ரீதியான பிரச்சனைகளையும் தீர்த்து தரும்.

இந்தப் பதிவில் எந்தெந்த மூலிகை செடிகளை நமது வீட்டில் வைத்துக் கொண்டால், நமது குடும்பத்தில் இருக்கும் பண பிரச்சனைகள் தீர்ந்து பணவரவை ஏற்படுத்திக் கொடுக்கும் என்பது குறித்து காண்போம்.

1. பவள மல்லி:

இந்த மலர் மகாலட்சுமிக்கு மிகவும் பிடித்தமான மலராகும். இந்த மலரானது இறைவனுக்காக பிரம்ம முகூர்த்த நேரத்தில் பூக்கும் மலராகும். எனவே இந்த மலரை நாம் நினைக்கும் சமயத்தில் செடியில் இருந்து பறிக்க முடியாது. அதிகாலை பிரம்ம முகூர்த்த நேரத்திலேயே இது பூத்து உதிர்ந்து விடும்.

எனவே அதிகாலை நேரத்தில் இந்த பவளமல்லி செடிக்கு கீழே வெள்ளை நிற துணியினை விரித்து வைத்து விட வேண்டும். அப்பொழுதுதான் அந்தப் பூக்கள் அந்த துணியின் மேல் உதிர்ந்து இருக்கும். பூக்கள் உதிர்ந்த பின்னர் அதனை மண் படாமல் எடுத்து, மகாலட்சுமி தாயாருக்கு போட்டு விட வேண்டும்.

இந்த பவளமல்லி செடியின் அடி வேர், அதாவது வடக்கு திசையை நோக்கி செல்லக்கூடிய வேரினை கணித்து எடுத்து வெட்டாமல் அப்படியே வைத்துக் கொள்ள வேண்டும். இப்பொழுது அந்த வேரின் மேல் சிறிதளவு மஞ்சள் மற்றும் பாலை ஊற்றிவிட்டு அந்த வேரில் ஒரு பச்சை நிற கயிறு கட்டி விட வேண்டும்.

அதன் பிறகு இரண்டு கரங்களையும் கூப்பி, உங்களது வேரினை “வெள்ளிக்கிழமை சுக்கிர ஹோரையில் எடுத்து, எனது கல்லாப் பெட்டியில் வைத்துக் கொள்ள விரும்புகிறேன்” என்று மனதார வேண்டிக் கொள்ள வேண்டும்.

இந்த வேரினை தொடர்ந்து ஏழு வெள்ளிக்கிழமை கற்பூர ஆரத்தி காண்பித்து வழிபட்டு வர வேண்டும். இறுதியாக ஏழாவது வெள்ளிக்கிழமை இதேபோன்று கற்பூர ஆரத்தி காண்பித்து அவல் பொறி வைத்துவிட்டு தான் அந்த வேரினை வெட்ட வேண்டும்.

அதன் பிறகு அந்த வேரினை பூஜை அறையில் வைத்து அந்த வேரின் மேல் புனுகு, மஞ்சள் மற்றும் ஜவ்வாது ஆகியவற்றை தடவி அதனை ஒரு காப்பு மாதிரி செய்து, கடவுளை வணங்கி விட்டு கல்லாப் பெட்டி அல்லது வீட்டில் பணம் வைக்கக்கூடிய இடத்தில் வைத்துவிட்டால் பணவரவு அதிகரிக்கும்.

2. மருதாணி:

மருதாணி என்பது ஒரு பண வசிய மூலிகை செடி ஆகும். இந்த மருதாணியை அரைத்து பெண்கள் மாதம் மாதம் வருகின்ற மூன்றாம் பிறை நாட்களில் தொடர்ந்து மூன்று மாதங்கள் வைத்துப் பார்த்தாலே உங்களுக்குள் நடக்கும் வித்தியாசத்தை உங்களால் உணர முடியும். பெண்கள் மட்டும் அல்லாமல் ஆண்களும் இந்த மருதாணியை வைத்துக் கொள்ளலாம். இது லட்சுமி கடாட்சத்தை அதிகரிக்கும்.

அதேபோன்று இந்த மருதாணி இலைகளை காய வைத்து, வாரத்திற்கு ஒரு முறை சாம்பிராணி தூபம் போடும் பொழுது இந்த மருதாணி இலையையும் போட்டு தூபம் போட்டால் வீட்டில் லட்சுமி கடாட்சம் அதிகரித்து பணவரவு ஏற்படும்.

3. துளசி:

துளசி செடி என்பது மகாலட்சுமிக்கு உகந்தது என்பதை நாம் அனைவரும் அறிந்திருப்போம். இந்த துளசி செடியின் மேல் சிறிதளவு மஞ்சள் தூவி விட்டு, தீபம் ஏற்றி செவ்வாய் மற்றும் வெள்ளிக் கிழமைகளில் வணங்கி வந்தாலே அந்த வீட்டில் பணப்புழக்கம் என்பது அதிகரிக்கும்.

காகத்திற்கு உணவு வைப்பது என்பது ஒரு சாதாரண காரியம் கிடையாது. அது பலவிதமான நன்மைகளை நமக்கு தேடித் தரும். ஒரு சிலர் காகத்திற்கு சாதம் வைத்தால் என்ன நன்மை கிடைக்கும் என்பதை தெரியாமலேயே சாதம் வைப்பார்கள். ஒரு சிலர் தோஷங்கள் நீங்கவும், பரிகாரத்திற்காகவும் காகத்திற்கு சாதம் வைப்பார்கள்.

இவ்வாறு காகத்திற்கு சாதம் வைக்கும் பொழுது, அந்த சாதத்தினை காகம் சாப்பிட்டு அதன் பசியை தீர்த்துக் கொள்வதனால் நமக்கு ஏராளமான நன்மைகள் கிடைக்கும் என்பதை பலரும் அறியாமல் இருப்பர். ஒருவரின் உயிரை காப்பாற்றும் அளவிற்கு கூட இந்த ஒரு செயல் நமக்கு உதவும்.

காகத்திற்கு சாதாரணமாக நாம் எப்பொழுதும் வைக்கும் உணவுடன் இந்த இரண்டு பொருட்களையும் சேர்த்து வைக்கும் பொழுது, கிடைக்கக்கூடிய பலன்கள் இரண்டு மடங்காக அதிகரித்து நமக்கு கிடைக்கும்.

ஒரு சிலர் காகத்திற்கு தினமும் உணவு வைப்பதை வழக்கமாக வைத்திருப்பார்கள். ஒரு சிலர் அமாவாசை, பௌர்ணமி போன்ற திதிகளில் மட்டுமே வைப்பார்கள். பெரும்பாலானோர் சனிக்கிழமை நாட்களில் காகத்திற்கு உணவு வைப்பார்கள். இதற்கு காரணம் காகம் என்பது சனிபகவானின் வாகனம் என்பதாலும், காகம் என்பது பித்ருக்களின் மறு உருவம் என்பதாலும் சனிக்கிழமை நாட்களில் பெரும்பாலானோர் உணவு வைக்கின்றனர்.

ஒரு வீட்டிற்கு காகம் வருகிறது என்றாலே அது அதிர்ஷ்டம் தான். அவ்வாறு காகம் வீட்டிற்கு வருகிறது என்றால், நமது முன்னோர்களின் ஆசி நமக்கு இருக்கிறது என்பதை உணர்த்துகிறது. ஆனால் ஒரு சில வீட்டிற்கு காகம் வருவதோ, வீட்டின் மேல் அமர்ந்து கரைவதோ செய்யாது. இது போன்ற வீடுகளில் பித்ருக்களின் சாபம் என்பது இருக்கும்.

ஒரு குடும்பத்திற்கு பித்ருக்களின் சாபம் இருந்தால் அந்த வீட்டில் எப்பொழுதும் கஷ்டங்கள் இருந்து கொண்டே இருக்கும். எனவே இது போன்ற சாபங்கள் மற்றும் தோஷங்கள் இருப்பவர்கள், தினமும் காகத்திற்கு உணவினை வைக்க வேண்டும். அப்பொழுதுதான் பித்ருக்களின் ஆசீர்வாதம் நமக்கு கிடைத்து, காகம் ஆனது நமது வீட்டிற்கு வரத் தொடங்கும். மேலும் பித்ருக்களின் ஆசிர்வாதத்தை நாம் பெறுவதற்கு உகந்த மற்றும் சிறந்த வழியும் இதுதான்.

எனவே காகத்திற்கு தினமும் முடிந்த அளவிற்கு சாதம் வைக்க வேண்டும். அதேபோன்று நமக்கு இருக்கக்கூடிய கஷ்டங்கள் அனைத்தும் தீரவும், கடன் பிரச்சனைகள் தீரவும், பித்ரு தோஷம் மற்றும் சனி தோஷம் இது போன்ற தோஷங்கள் நீங்கவும் காகத்திற்கு நாம் வைக்கக்கூடிய உணவுடன் இந்த இரண்டு பொருட்களையும் சேர்த்து வைத்தால் நிச்சயம் தோஷங்கள் நீங்கி குடும்பத்தில் சுபிட்சம் உண்டாகும்.

அந்த பொருள் என்னவென்றால் 1. பிஸ்கட் 2. தண்ணீர். பிஸ்கட் என்பது காகம் விரும்பி உண்ணக்கூடிய ஒரு பொருள்தான். எனவே காகம் இதனை சாப்பிடுமா? சாப்பிடாதா? என்ற பயம் கொள்ளத் தேவையில்லை. இந்த உணவு காகத்திற்கு மிகவும் பிடிக்கும் என்பதால் தினமும் காகம் உங்களது வீட்டிற்கு வரும். எனவே காகத்திற்கு தினமும் உணவு வைக்கலாம். அதே சமயம் காகத்திற்கு தினமும் இந்த உணவுப் பொருட்களை வைப்பதன் மூலம் நமது தோஷங்களும் நீங்கிவிடும்.

இந்த ஒரு செயலை மட்டும் தினமும் செய்து வாருங்கள், இதனால் கிடைக்கக்கூடிய பலன்களை உங்களால் நிச்சயம் கண்கூடாக காண முடியும். இந்த ஒரு எளிய பரிகாரத்தின் மூலம் உங்களது கஷ்டங்கள் அனைத்தும் சிறிது சிறிதாக குறைவதை கண்டிப்பாக உங்களால் உணர முடியும். இது ஒரு சாதாரண செயல்தான், ஆனால் இதன் பலன்கள் மிகவும் அதிகம்.