News4 TamilOnline Tamil News

தமிழகத்தில் உள்ள அனைத்து தரப்பினருக்கும் குறைந்த விலையில் அரிசி பருப்பு எண்ணெய் சர்க்கரை போன்றவை தமிழக அரசால் வழங்கப்பட்டு வருகிறது. அதிலும் ரேஷன் கார்டு வைத்திருக்கக்கூடிய குடும்ப தலைவிகளுக்கு உரிமை தொகையும் வழங்கப்பட்டு வருவது குறிப்பிடத்தக்கது.

தமிழகத்தில் இருக்கக்கூடிய ரேஷன் கடைகளை பொருத்தவரை மாதத்தின் முதல் இரண்டு வெள்ளிக்கிழமை ஊழியர்களுக்கு விடுமுறை நாட்களாக அறிவிக்கப்பட்டிருக்கிறது. அதற்கு பதிலாக மாதத்தின் முதல் இரண்டு வாரத்தில் ஞாயிற்றுக்கிழமைகள் நியாய விலை கடை திறந்திருக்கும் என அறிவிப்பு வெளியானது. ஆனால் விடுமுறை நாட்களில் கூட தங்களுக்கு அதிக அளவு வேலைப்பளு இருப்பதாக நியாய விலை கடை ஊழியர்கள் தெரிவித்த நிலையில் இதனை சரிப்படுத்தும் விதமாக நியாய விலை கடைகளில் சில முக்கிய மாற்றங்களை தமிழக அரசு மேற்கொண்டு இருக்கிறது.

அதன்படி, நியாயவிலைக் கடைகளில் பணிபுரியக்கூடிய ஊழியர்கள் மாதத்தின் முதல் இரண்டு வெள்ளிக்கிழமைகளில் கூட்டுறவு சங்கங்கள் மூலம் அனுப்பி வைக்கப்படும் பொருட்களை கணக்கு பார்த்த எடுத்து வைப்பது போன்ற பணிகளுக்காக கடை திறக்க வேண்டிய நிலை இருப்பதால் இனி மாதத்தின் முதல் இரண்டு வெள்ளிக்கிழமைகளில் கூட்டுறவு சங்கங்களில் இருந்து நியாயவிலைக் கடைகளுக்கு எந்த வித பொருட்களையும் அனுப்பக்கூடாது என தமிழக அரசு தெரிவித்திருக்கிறது. இதனால் நியாய விலை கடை ஊழியர்கள் நிம்மதி பெருமூச்சு விட்டிருக்கின்றனர்.

தமிழக அரசின் ஊரக வளர்ச்சித் துறையின் கீழ் முதல்வரின் வீடுகள் மறு கட்டுமான திட்டமானது துவங்கப்பட்டிருக்கிறது. இந்த திட்டத்தின் மூலம் பழுதடைந்த மற்றும் சீரமைக்க முடியாத நிலையில் இருக்கக்கூடிய பழைய அரசு வீடுகளை இடித்து அதை புதிய வீடுகளாக கட்டுவதற்கு தமிழக அரசு தரப்பில் நிதி வழங்கப்பட்டு வருகிறது.

இத்திட்டத்தினுடைய முதல் கட்டமாக 600 கோடி ரூபாய் தமிழக அரசால் ஒதுக்கீடு செய்யப்பட்டு இருக்கிறது. இத்திட்டத்தின் மூலம் 210 சதுர அடி இருக்கக்கூடிய வீடுகளுக்கு ரூ.2.40 லட்சம் என்ற வேதத்தில் பணம் வழங்கப்படும் என்றும் பயனாளிகள் தங்களுடைய விருப்பப்படி கூடுதல் வசதிகளை சேர்க்க விரும்பினால் அதனை அவர்களுடைய சொந்த செலவில் ஏற்க வேண்டும் என்றும் தெரிவிக்கப்பட்டுள்ளது.

குறிப்பாக 2000 2001 ஆம் ஆண்டிற்கு முன்னதாக அரசுத் திட்டங்களின் கீழ் கட்டித் தரப்பட்ட வீடுகள் தற்பொழுது முழுமையாக சேதம் அடைந்திருந்தால் அல்லது பழுது பார்க்கவே முடியாத நிலையில் இருக்கிறது என்றால் அவற்றை திட்டத்தின் கீழ் சரி செய்து கொள்ளலாம் என தெரிவிக்கப்பட்டுள்ளது.

இத்திட்டத்தில் பயன்பெறுவதற்கான தகுதிகள் பின்வருமாறு :-

✓ வீடு பயனாளியின் பெயரில் அரசு திட்டத்தில் ஒதுக்கப்பட்டிருத்தல் அவசியம்

✓ பயனாளி இறந்திருந்தால் அவரது சட்டபூர்வ வாரிசுகள் குடியிருந்தால் மட்டுமே தகுதி பெற முடியும்

✓ பயனாளி வேறு எந்த வீட்டையும் சொந்தமாக வைத்திருக்கக் கூடாது

✓ விற்கப்பட்ட வாடகைக்கு விடப்பட்ட அல்லது சட்டபூர்வமற்ற வாரிசுகள் குடியிருந்தால் அந்த வீடுகள் திட்டத்தில் சேர்க்கப்படாது

✓ ஓய்வு பெற்ற அல்லது பணிபுரியும் அரசு ஊழியர்களுக்கு சொந்தமான வீடுகள் திட்டத்தில் சேர்க்கப்படாது.

பயனாளிகள் தேர்வு செய்யும் முறை :-

வட்டார வளர்ச்சி அலுவலர் தலைமையில் கிராம ஊராட்சி தலைவர் மற்றும் பிற உறுப்பினர்களுடன் அதாவது ஆறு பேர் கொண்ட குழு இதற்காக அமைக்கப்படும் என்றும் அந்த குழு வீடுகளை ஆய்வு செய்து தகுதியான பயனாளிகளை தேர்வு செய்யும் என்றும் தமிழக அரசு தரப்பில் தெரிவிக்கப்பட்டுள்ளது.

முதலமைச்சர் மு க ஸ்டாலின் அவர்களின் ஆட்சியில் பெண்களுக்காக கொண்டுவரப்பட்ட ஒரு முக்கிய திட்டமாக மகளிர் உரிமை தொகை திட்டம் பார்க்கப்படுகிறது. இத்திட்டத்தில் பல லட்சம் மக்கள் பயன் பெற்று வரும் நிலையில், மீண்டும் புதிதாக விண்ணப்பிப்பவர்கள் மற்றும் ஏற்கனவே விண்ணப்பித்து நிராகரிக்கப்பட்டவர்களும் மீண்டும் விண்ணப்பிக்கலாம் என தமிழக அரசு தரப்பில் தெரிவிக்கப்பட்டுள்ளது.

புதிதாக விண்ணப்பிக்க கூடியவர்கள் மற்றும் ஏற்கனவே விண்ணப்பித்து நிராகரிக்கப்பட்டவர்களுக்கு என புதிய வழிமுறைகளை தமிழக அரசு வெளியிட்டிருக்கிறது. அதன்படி, நிராகரிக்கப்பட்டு மீண்டும் விண்ணப்பங்களை தயாரிக்க கூடியவர்கள் தங்களுடைய விண்ணப்பத்தை சரி பார்த்துக் கொள்ள வேண்டும் என்றும் அந்தந்த மாவட்டத்தில் உள்ள கலெக்டர் அலுவலகத்தை நேரில் சென்று தங்களுடைய விண்ணப்பங்களை சரி பார்த்துக் கொள்ள வேண்டும் என்றும் தெரிவிக்கப்பட்டுள்ளது. அதே நேரத்தில் புதிதாக விண்ணப்பிக்க கூடியவர்களில் சில தளர்வுகளும் மேற்கொள்ளப்பட்டுள்ளது.

அந்த தளர்வுகளின் படி,

✓ குடும்ப தலைவி இல்லாத அப்பா, மகன் மற்றும் மகள் இருக்கக்கூடிய ரேஷன் அட்டைதாரர்களுக்கு அந்த அட்டையில் இருக்கக்கூடிய மகளுக்கு 21 வயது நிரம்பிய நிலையில் அவருக்கும் மகளிர் உரிமை தொகை வழங்கப்படும் என தெரிவிக்கப்பட்டுள்ளது.

✓ ஒருவேளை குடும்பத் தலைவி இல்லாத வீட்டில் 2 அல்லது 3 மகள்கள் மட்டுமே இருக்கக்கூடிய நிலையில் அதில் மூத்த மகளுக்கு மகளிர் உரிமை தொகை வழங்கப்படும் என்றும் தெரிவிக்கப்பட்டிருக்கிறது.

✓ அதேபோன்று, விவாகரத்து பெற்று பிரிந்த மகளிர்க்கும் உரிமை தொகை பெறுவதற்கான வாய்ப்புகள் வழங்கப்படும் என்றும் தெரிவிக்கப்பட்டுள்ளது.

ஆனால் ஒரே வீட்டில் இருக்கக்கூடிய இரண்டு பேர் திட்டத்தின் கீழ் பயன்பட முடியாது என்றும் ஒரே வீட்டில் இரண்டு ரேஷன் அட்டைகள் பயன்படுத்தப்பட்டாலும் மகளிர் உரிமை தொகை கிடைக்காது என திட்டவட்டமாக தமிழக அரசு தெரிவித்து இருக்கிறது.