News4 TamilOnline Tamil News

DMK BJP: பாஜகவானது திமுகவிற்கு எதிராக செயல்பட அமலாக்கத்துறை கொண்டு தாக்கி வருகிறது. அதன்படி ED வலையில் சிக்கிய செந்தில் பாலாஜியையே ஒன்றரை ஆண்டுகள் கழித்து தான் வெளியே கொண்டு வந்தனர். குறிப்பாக பாஜக-வானது ஸ்டாலினுடன் பக்கபலமாக இருக்கும் அமைச்சர்களைத்தான் குறிவைத்து தாக்குகிறது. அதன்படி ஸ்டாலினுக்கு அனைத்து வகை செயலாளராக இருக்கும் கேஎன் நேருக்கு அடுத்த அடி கொடுக்க முடிவு செய்துள்ளனர்.

செந்தில் பாலாஜி வழக்கை போலவே, முதலில் கேஎன் நேருவின் உறவினர்கள் வீட்டில் சோதனை செய்யப்படுகிறது. இந்த சோதனையில் இவருக்கு எதிரான ஆதாரங்கள் கிடைக்குமா என்பதை எதிர்பார்த்து காத்துக் கொண்டுள்ளனர். பின்பு இவருக்கு சம்பந்தப்பட்ட இடங்களில் சோதனை செய்து முக்கிய ஆவணங்கள் கைப்பற்றப்பட்ட பிறகு செந்தில் பாலாஜியை போலவே இவரையும் கைது செய்ய அதிக வாய்ப்புள்ளதாக கோட்டை வட்டாரம் கூறுகின்றது.

குறிப்பாக பாஜகவின் முக்கிய நோக்கமே திமுகவின் செயல்பாட்டை குறைப்பது தான். அதற்காக எந்த எல்லையை தாண்டவும் தயாராக உள்ளனராம். அந்த வகையில் எடப்பாடி பழனிச்சாமியை கூட்டணியில் இணைப்பதற்காக அண்ணாமலையையே பதவியிலிருந்து நீக்கம் செய்ய துணிந்து விட்டனர். வரப்போகும் 2026 சட்டமன்றத் தேர்தலை தங்கள் வசம் படுத்தவே இப்படி பல திட்டங்களை போட்டு வருவதாக கூறுகின்றனர். அந்தவகையில் ஈடி கையில் கே என் நேரு சிக்கப்போவது உறுதி என கூறுகின்றனர். இதன் மூலம் அவர்களின் வாக்கு வங்கி சதவீதமானது குறையாக கூடும்.

ADMK BJP:அதிமுகவுடன் கூட்டணி வைப்பதற்காக பாஜக மாநில தலைவரான அண்ணாமலையை பதவி நீக்கம் செய்யவதாக தகவல்கள் வெளிவந்த வண்ணமாக இருந்தது. இதனை உறுதி செய்யும் வகையில் அண்ணாமலை ஓர் பேட்டியில் கட்டாயம் மாநில தலைவர் தேர்தல் உண்டு. அந்த போட்டியில் நான் இல்லை என்று தெள்ளந் தெளிவாகவே கூறிவிட்டார். இருப்பினும் இவரது தொண்டர்கள் விடாது சமூக வலைத்தளம் என தொடங்கி பல இடங்களில் அண்ணாமலை தான் மாநில தலைவராக இருக்க வேண்டும் என்று வலியுறுத்தி வருகின்றனர்.

இதனை டெல்லி மேலிடம் சிறிதும் கண்டு கொள்வதில்லை. மாறாக இவருக்கு பதில் வேறு யாரை அமர்த்தலாம் என்பது குறித்து தான் ஆலோசனை நடந்து வருகிறதாம். அதேபோல எடப்பாடியும் அண்ணாமலையும் ஒரு சேர் ஜாதியை சேர்ந்தவர்கள் என்பதால் கட்டாயம் எடப்பாடி யின் வளர்ச்சிக்கு பாதகமாக அமைந்துவிடும் என்று அஞ்சுகிறாராம். இதனாலையே அண்ணாமலை பாஜக தலைமை பொறுப்பில் இருக்கவே கூடாது என்று எதிர்ப்பு தெரிவிக்கிறார். மேலும் இந்த வெற்றிடத்தை நிரப்புவதற்கு வானதி சீனிவாசன், நயினார் ராகேந்திரன், தமிழிசை சௌந்தர்ராஜன் உள்ளிட்டோர் இடம்பெற்றுள்ளனர்.

இதில் தமிழிசை தலைவராக வாய்ப்பு உள்ளதாக கூறுகின்றனர். அதிமுக ரீதியாக அவதூறு கருத்தை அண்ணாமலை தெரிவித்த போதே அவ்வாறு பேசியது தவறு என்று எதிர்த்தவர். இதனால் இருவருக்கும் கட்சுக்குள்ளேயே போரானது முற்றியது. அச்சமயத்தில் அதிமுகவினர் தமிழிசை மீது மதிப்பு வைத்திருந்தனர். இதனால்  அவரை எடப்பாடி பரிந்துரை செய்துள்ளதாக தகவல்கள் வெளிவந்துள்ளது.

TVK BJP: தமிழக வெற்றிக் கழகம் கட்சியை விஜய், பாஜகவின் ஆலோசனைப்படி தான் தொடங்கியுள்ளார் என்ற தகவல் வெளியாகியுள்ளது. குறிப்பாக வரப்போகும் சட்டமன்ற தேர்தலில் திமுகவிற்கு எதிரான வாக்குகளை சிதறவிட வேண்டும் என்பதற்காகவே இப்படிப்பட்ட திட்டத்தை கையில் எடுத்து உள்ளார்களாம். இவர்களுக்கு எதிரான எதிரியை உருவாக்குவது போல் கொண்டு வந்து திமுக கூட்டணியை உடைக்கவே விஜய்யை கட்சி ஆரம்பிக்க கூறி டெல்லி தலைமை ஆலோசனை செய்ததாம்.

இதனால் தான் விஜய் பேரிடர் சமயங்களில் பெரும்பாலான ஈடுபாடின்றி இருந்துள்ளார். இதனாலேயே அவருக்கு ஒர்க் பிரமோ செய்யும் அரசியல்வாதி என்ற அடைமொழியும் இணைந்துள்ளது. அதேபோல எடப்பாடியை கூட்டணிக்கு அழைப்பது போல் அழைத்து பின்பு பாஜகவில் இணைக்க வைத்ததும் இவர் வேலைதான் எனக் கூறுகின்றனர். முதலில் தமிழக வெற்றிக் கழகத்திற்கும் அதிமுகவிற்கும் பேச்சுவார்த்தை நடந்த போது சரி பாதி தொகுதி பிரிக்க வேண்டும், இரண்டு ஆண்டுகள் நாங்கள்தான் ஆட்சியில் முதலாளாக ஆளுவோம் என்று பல வரைமுறைகளை விதித்துள்ளார்.

இவையனைத்தும் எடப்பாடிக்கு ஒத்துவரவில்லை. இந்த காரணத்தினாலேயே மீண்டும் பாஜகவை நாடவேண்டி சூழல் வந்தது. இதே போல கூடிய விரைவில் ஆளும் கட்சியின் கூட்டணியை உடைக்க விஜய்க்கு ட்ரெயினிங் கொடுத்து வருவதாக தகவல்கள் வெளியாகி உள்ளது. பாஜகவின் சைலண்ட் அரசியல்வாதியாக விஜய் இருப்பதாகவும் கூறுகின்றனர். நாளடைவில் சரத்குமாரை போல இவரும் தனது அரசியல் ஷட்டரை மூடிவிட்டு பாஜகவுடன் இணைந்துவிடுவார் என்று கூறுகின்றனர்.

TVK: விஜய் கட்சி தொடங்கி மாநாட்டின் மூலம் தனக்கு எவ்வளவு பெரிய பெரும்பான்மையான ஆதரவு உள்ளது என்பதை மாற்றுக் கட்சியினருக்கு காட்டினார். ஆரம்ப கட்டத்தில் இவரை வரவேற்க பல கட்சிகள் முன் வந்தாலும் தற்போதைய சூழலில் கூட்டணியின்றி தனித்து தான் நிர்கிறார். முதலில் திமுகவின் கூட்டணி கலைக்க முயற்சித்த விஜய், முதலில் இவருக்கு சாதகமாக அமைந்தாலும் ஆளும் கட்சியின் சாமர்த்தியத்தால் பலம் பெற்று விட்டது.

இதையடுத்து அதிமுகவின் பக்கம் திரும்பிய விஜய் தொகுதி பிரிவு, ஆட்சியில் பங்கு உள்ளிட்ட கண்டிஷன்கள் போட்டதால் எடப்பாடி பின் வாங்கினார். தற்சமயம் என்ன செய்வதென்று குழம்பும் விஜய், காங்கிரஸ் பக்கம் திசை திரும்பியுள்ளார். ஆரம்ப கட்டத்திலிருந்தே காங்கிரஸானது திமுக மீது சற்று அதிருப்தியில் தான் இருந்தது. இதன் வெளிப்பாட்டை அதன் நிர்வாகிகளான செல்வப்பெருந்தகை  உள்ளிட்டோர் பேசுவதன் மூலம் நன்றாகவே அறிய முடிந்தது.

இதனை வரப்போகும் சட்டமன்றத் தேர்தலில் தன் வசப்படுத்திக் கொள்ள வேண்டும் என்று இவர் எண்ணுகிறார். அந்த வகையில் திமுகவை விட்டுவிட்டு எங்களுடன் கூட்டணி வைத்துக் கொள்ளுங்கள் என பேச்சுவார்த்தை நடத்துவதற்காக டெல்லி செல்ல உள்ளதாக தகவல்கள் வெளிவந்துள்ளது. மேற்கொண்டு இது ரீதியாக ராகுல் காந்தியை சந்திக்க உள்ளாராம். அதிமுக தனது கூட்டணிக்காக பாஜக மேலிடத்தை சந்தித்தது போல் தற்பொழுது விஜய் காங்கிரஸ்மேலிடத்தை சந்திக்க செல்வதாக கூறுகின்றனர். இவர்கள் கூட்டணி மட்டும் உறுதியாகும் பட்சத்தில் திமுக தோழமைக் கட்சிகள் என கூறும் கூட்டணிகள் சுக்குநூறாக உடைய கூடும் என்பதில் எந்த ஒரு மாற்றுக் கருத்தும் இல்லை.

DMK: திமுக ஆட்சிக்கு வந்தால் மகளிருக்கு மாதம் ஆயிரம் வழங்குவதாக தெரிவித்திருந்தது அதன்படி 2023 ஆம் ஆண்டு செப்டம்பர் மாதம் முதல் வழங்கப்பட்டு வந்தது. இதன் மூலம் ஒரு கோடிக்கும் மேற்பட்டோர் பயனடைந்துள்ளனர். மேற்கொண்டு, இத்திட்டத்தினால் அதிருப்த்தி அடைந்த பெண்கள், இத்திட்டத்தை விரிவாக்கம் செய்ய வேண்டுமென்று  வலியுறுத்தி வந்தனர். அதன்படி விண்ணப்பங்கள் வரவேற்கப்பட்டு இரண்டு லட்சம் பேரை மீண்டும் இத்திட்டத்தின் மூலம் இணைத்தனர்.

இப்படி இருக்கையில் அரசு ஓய்வூதியம் பெறுபவர்கள், பெண்கள் மறுவாழ்வு மையத்தில் இருப்பவர்கள் கார்ப்பரேஷன் ஊழியர்களின் மனைவிகள் உள்ளிட்டோருக்கு இத்திட்டம் செல்லுபடி ஆகாது எனக் கூறினர். அரசு ஓய்வூதியம் பெறுபவர்களை தவிர்த்து இதர தரப்பினர் எங்களுக்கும் மகளிர் உரிமைத்தொகை கிடைக்க வேண்டுமென்று தொடர்ந்து கோரிக்கை வைத்தனர்.

இவர்களின் கோரிக்கையை ஏற்று வரும் நாட்களில், பெண்கள் மறுவாழ்வு மையத்தில் இருப்பவர்கள், கார்ப்பரேஷன் ஊழியர்கள் மனைவிகள் என அனைவருக்கும் உதவித்தொகை கட்டாயம் வழங்கப்படும் எனக் கூறினர். இப்படி வழங்கப்படும் உதவி தொகையானது ஒரு சில தவறுகளால் கிடைக்காமல் போகும். அதாவது நமது வங்கி கணக்கு எண் மற்றும் அதில் இணைத்திருக்கும் மொபைல் நம்பர் உள்ளிட்டவற்றை சரியாக கொடுத்தல் அவசியம்.

மாற்றி கொடுக்கும் பட்சத்தில் இத்திட்டம் செல்லுபடியாகாமல் போகும். அதேபோல இனி வரும் நாட்களில் மாதம்தோறும் இத்திட்டத்திற்கு விண்ணப்பங்கள் வரவேற்கப்பட்டு சரிபார்த்து வழங்குவதாக தெரிவித்துள்ளனர்.

மறைந்த முதல்வர் ஜெயலலிதா மற்றும் சூப்பர் ஸ்டார் ரஜினிகாந்த் இருவருக்கும் கருத்து வேறுபாடானது இருந்தது என்பது அனைவருக்கும் தெரிந்து ஒன்றுதான். ஆனால் தற்சமயம் எதனால் இந்த கருத்துவேறுபாடு இருந்தது என்பது குறித்து ரஜினி மனம் திறந்து பேசியுள்ளார். சமீபகாலமாக தமிழ் சினிமாவில் டாக்குமென்ட்ரி படங்கள் பெரிதளவில் பேசப்படுகிறது.

அந்த வரிசையில் தற்பொழுது அதிமுகவின் முன்னாள் அமைச்சராக இருந்த ஆர் எம் வீரப்பன் குறித்து, ஆர்எம்வி கிங் மேக்கர் தி டாக்குமென்ட்ரி என்ற ஒரு ஆவணப்படம் எடுக்கப்பட்டுள்ளது. இந்த படத்தில் தான் ரஜினிகாந்த் ஜெயலலிதாவிடம் ஏன் கருத்து வேறுபாடு இருந்தது என்பது குறித்து விவரித்து பேசியுள்ளார்.

சினிமா திரையுலகில் தயாரிப்பாளராக இருந்த ஆர் எம் வீரப்பன் ரஜினிக்கு மிகவும் நெருக்கமானவர். ரஜினியின் பாட்ஷா படம் நூறாவது நாள் வெற்றி அடைந்ததையடுத்து அது ரீதியான நிகழ்ச்சி நடைபெற்றது. அச்சமயத்தில் ஆர் எம் வீரப்பன் அமைச்சராக இருந்தார். மேடையிலேயே ரஜினிகாந்த் வெடிகுண்டு கலாச்சாரம் குறித்து பேசியுள்ளார். எப்படி பொது மேடையில் வெடிகுண்டு கலாச்சாரத்தை பற்றி பேசலாம் என கோபமடைந்த ஜெயலலிதா அமைச்சரவையிலிருந்து ஆர் எம் வீரப்பனை அதிரடியாக நீக்கம் செய்து விட்டார்.

இதனால் ரஜினிக்கு மிகவும் மன வருத்தமாக இருந்துள்ளது. நான் இப்படி பேசியதால் தான் அவரின் பதவி பறிபோனது எனக் கூறி புலம்பி தள்ளி உள்ளார். அதுமட்டுமின்றி ஆர் எம் வீரப்பனை நேரில் சந்தித்து, உங்கள் சார்பாக நான் ஜெயலலிதாவிடம் பேசவா என்று கேட்டுள்ளார். ஆனால் ஆர் எம் வீரப்பன் இதனை துளிகூட பொருட்படுத்தாமல் பேச வேண்டாம் என்று மறுப்பு தெரிவித்துள்ளார். நீங்க என்ன பேசினாலும் அந்த அம்மா ஏத்துக்க மாட்டாங்க, அதையும் மீறி உங்க மரியாதையை குறைத்து கொள்ளாதீர்கள்.

அதே போல நீங்கள் பேசி தான் எனக்கு அந்த பதவி கிடைக்க வேண்டும் என்ற அவசியம் கிடையாது எனக் கூறிவிட்டாராம். இதைத் தான் தற்பொழுது அவரின் டாக்குமென்டரி படத்தில் ரஜினிகாந்த் பேசியுள்ளார். ஆர் எம் வீரப்பன் பெரிய மனுஷன், அவர்தான் உண்மையான கிங் மேக்கர் என கூறியுள்ளார்.

அதேபோல இந்த சம்பவத்தை அடுத்து ரஜினிகாந்த் ஜெயலலிதாவை பழிவாங்கும் நோக்கில் மீண்டும் அவர் ஆட்சிக்கு வந்தால் ஆண்டவனால் கூட தமிழகத்தை காப்பாற்ற முடியாது எனக் கூறிய வாய்ஸ் நோட் ஆனது திமுகவிற்கு சாதகமாக அமைந்து அந்த தேர்தலில் அதிமுக தோல்வி அடைந்தது குறிப்பிடத்தக்கது.