News4 TamilOnline Tamil News

உங்களுக்கு மூட்டு வலி தொந்தரவு நீண்ட வருடங்களாக இருக்கிறது என்று கவலைப்பட வேண்டாம்.சில ஆரோக்கிய உணவுகளை சாப்பிட்டு மூட்டு எலும்பின் வலிமையை அதிகரிக்கலாம்.

மூட்டு பகுதியில் வலி வர வயது முதுமை,கால்சியம் சத்து குறைபாடு,மூட்டில் அடிபடுதல் போன்ற பல காரணங்களால் இருக்கலாம்.இந்த மூட்டு வலி பிரச்சனைக்கு முடிவு கட்ட இந்த 10 உணவுகளை அவசியம் சாப்பிட வேண்டும்.

1)நெய்

பால் ஒரு கால்சியம் சத்து நிறைந்த பானமாகும்.இந்த பாலில் இருந்து கிடைக்கும் நெயை உருக்கி சூடான சாதத்தில் கலந்து சாப்பிட்டு வந்தால் மூட்டு வலிமை அதிகரிக்கும்.

2)பன்னீர்

பாலை திரித்து பன்னீர் என்ற உணவுப் பொருள் தயாரிக்கப்படுகிறது.இந்த பன்னீரில் சுவையான உணவுகள் செய்து சாப்பிட்டு மூட்டு வலிமையை அதிகரிக்கலாம்.

3)முளைக்கட்டிய பயிர்

பச்சை பயறு,கொண்டைக்கடலை போன்ற பயறுகளை முளைகட்டி தாளித்து சாப்பிட்டு வந்தால் மூட்டு எலும்பு வலிமை அதிகரிக்கும்.

4)முட்டை

தினமும் ஒரு முட்டையை வேகவைத்து சாப்பிட்டு வந்தால் மூட்டு எலும்பு வலிமை அதிகரிக்கும்.மூட்டுகள் பலம் பெற முட்டை உணவுகளை உட்கொள்ளலாம்.

5)பச்சை பட்டாணி

கால்சியம் சத்து நிறைந்த பச்சை பட்டாணியில் பொரியல்,குருமா,கிரேவி போன்ற சுவையான உணவுகள் செய்து சாப்பிட்டு வந்தால் மூட்டு வலி வராமல் இருக்கும்.

6)முருங்கை கீரை

கால்சியம்,இரும்பு போன்ற ஊட்டச்சத்துக்கள் அதிகம் கொண்டிருக்கும் முருங்கை கீரையை வாரம் இரண்டுமுறை சாப்பிட்டு வந்தால் மூட்டு வலிமை அதிகரிக்கும்.

7)பிரண்டை

எலும்புகளின் அடர்த்தியை அதிகரிக்க,மூட்டு வலியை தடுக்க பிரண்டை பொடியை சாப்பிடலாம்.பிரண்டை கஷாயம்,பிரண்டை துவையல் செய்து சாப்பிட்டு வந்தாலும் எலும்பு வலிமை அதிகரிக்கும்.

8)ராகி

சிறுதானியமான ராகியில் கால்சியம் சத்து அதிகளவு நிறைந்து காணப்படுகிறது.இந்த ராகி மாவை அவித்து புட்டாக சாப்பிடலாம்.ராகி களி,ராகி லட்டு செய்து சாப்பிட்டால் மூட்டு வலியே வராது.

9)கறிவேப்பிலை

தினமும் ஒரு தேக்கரண்டி கறிவேப்பிலை பொடியை தண்ணீரில் கலந்து குடித்தால் மூட்டு வலிமை அதிகரிக்கும்.

10)சுண்டைக்காய்

கசப்பு சுவை நிறைந்த சுண்டைக்காயில் கால்சியம் அதிகமாக இருக்கின்றது.இந்த சுண்டைக்காயை பொடித்து தண்ணீரில் கலந்து குடித்து வந்தால் மூட்டுகள் வலிமையாக இருக்கும்.

உடலில் இருந்து வெளியேறும் கழிவுகளில் சிறுநீறும் ஒன்று.நம் உடல் ஆரோக்கியத்தை நாம் கழிக்கும் சிறுநீரை கொண்டு கணித்துவிடலாம்.சிறுநீர் வெளிர் மஞ்சள்,வெண்மை,அடர் மஞ்சள்,ஆரஞ்சு போன்ற நிறத்தில் வெளியேறுகிறது.

நம் உடலில் உள்ள இரத்தத்தில் இருக்கும் கழிவுகள் வடிக்கப்படப்பட்டு சிறுநீராக வெளியேறுகிறது.எல்லா நேரங்களிலும் நாம் கழிக்கும் சிறுநீர் ஒரே நிறத்தில் இருப்பதில்லை.சிலவகை சிறுநீர் நிறம் நம் உடல் ஆரோக்கியத்தை பாதிக்கும் அறிகுறியாக இருக்கலாம்.

எனவே நீங்கள் கழிக்கும் சிறுநீரின் நிறம் எப்படி இருக்கிறது என்பதை முதலில் கவனியுங்கள்.உங்கள் சிறுநீரின் நிறம் அடர் மஞ்சளாக இருந்தால் உடலில் தண்ணீர் சத்து குறைவாக இருக்கிறது என்று அர்த்தம்.உடல் சூடு,நீர்ச்சத்து குறைபாடு,அதிக நேரம் சிறுநீரை அடக்கி வைத்தல் போன்ற காரணங்களால் அடர் மஞ்சள் நிறத்தில் சிறுநீர் வெளியேறும்.அதேபோல் உடலில் வைட்டமின் பி அதிகமாக இருந்தாலும் அடர் மஞ்சள் நிறத்தில் சிறுநீர் வெளியேறும்.கோடை காலத்தில் பெரும்பாலானோருக்கு அடர் மஞ்சள் நிற சிறுநீர் வெளியேறும்.

சிறுநீரகத்தில் யூரிக் அமிலத்தின் அளவு அதிகமாக இருந்தால் மஞ்சள் நிறத்தில் சிறுநீர் வெளியேறும்.பழுப்பு நிறத்தில் சிறுநீர் வெளியேறுவது மாத்திரையின் விளைவு மற்றும் மலச்சிக்கல் போன்ற பிரச்சனைகளின் அறிகுறியாக இருக்கலாம்.

பச்சை நிற சிறுநீர் கல்லீரல் சம்மந்தப்பட்ட பாதிப்புகளை குறிக்கிறது.சிறுநீரில் நுரை வருவது நோய் தொற்று பாதிப்பை உணர்த்துகிறது.கேரட்,பீட்ரூட் போன்ற கலரான உணவுகளை சாப்பிட்டால் சிறுநீரின் நிறம் சிவப்பு,ஆரஞ்சு போன்ற நிறத்தில் இருக்கும்.

உங்கள் சிறுநீர் நிறம் அடர்ந்த மஞ்சள் நிறத்தில் தொடர்ந்து வெளியேறினால் நீங்கள் அதிகளவு தண்ணீர் குடிக்க வேண்டுமென்று அர்த்தம்.காலையில் எழுந்ததும் ஒரு டம்ளர் குடிக்க வேண்டும்.குடிக்கும் நீரில் எலுமிச்சை சாறு சேர்த்துக் கொண்டால் சிறுநீரகக் கழிவுகள் முழுமையாக வெளியேறிவிடும்.

இயற்கையாகவே அதிக ஊட்டச்சத்துக்கள் கொண்டுள்ள ஒரு உணவுப் பொருள் தயாராகும்.குளிர்ச்சி நிறைந்த தயிரில் லாக்டிக் அமிலம் அதிகளவு நிறைந்து காணப்படுகிறது.தயிர் உணவுகளை சாப்பிடுவதால் நமது உடலுக்கு பல நன்மைகள் கிடைக்கிறது.இருப்பினும் சில வகை உணவுகளுடன் தயிரை சேர்த்து சாப்பிட்டால் அவை அதிக பக்க விளைவுகளை ஏற்படுத்திவிடும்.

தயிரில் கால்சியம்,மெக்னீசியம்,வைட்டமின்கள்,பொட்டாசியம் போன்ற ஊட்டச்சத்துக்கள் அதிகளவு நிறைந்திருக்கிறது.தயிர் ஒரு புரோபயாட்டிக் உணவாகும்.தயிர் உணவுகளை சாப்பிட்டால் செரிமானப் பிரச்சனை நீங்கும்.குடல் சம்மந்தப்பட்ட பாதிப்புகள் குணமாக தயிர் உணவுகளை சாப்பிடலாம்.இருந்தாலும் நாம் தயிரை சிலவகை காமினேஷனுடன் சேர்த்து சாப்பிட்டால் நமக்கு பாதகமாகிவிடும்.

தயிருடன் சேர்த்து சாப்பிடக் கூடாத உணவுகள்:

1)வெங்காயம்

தயிருடன் வெங்காயம் சேர்த்து சாப்பிடும் பழக்கத்தை நிறுத்துங்கள்.தயிரும்,வெங்காயமும் இயற்கையாக குளிர்ச்சி நிறைந்த பொருளாகும்.இவை இரண்டையும் ஒன்றாக சேர்த்து சாப்பிட்டால் அலர்ஜி ஏற்பட்டுவிடும்.தோல் அலர்ஜி,தோல் அரிப்பு போன்ற பாதிப்புகள் தயிர் வெங்காயம் சாப்பிடுவதால் ஏற்படும்.

2)மீன்

தயிருடன் மீன் சேர்த்து சாப்பிட்டால் வெண்புள்ளி நோய் பாதிப்பு ஏற்படும்.தயிருடன் மீன் சேர்த்து சாப்பிட்டால் செரிமானப் பிரச்சனை ஏற்படும்.வயிறு சம்மந்தபட்ட பிரச்சனைகள் மீன் தயிர் சாப்பிடுவதால் ஏற்படும்.எனவே இனி மீன்,தயிர் சேர்த்து சாப்பிடுவதை தவிர்க்க வேண்டும்.

3)பால் மற்றும் பால் பொருட்கள்

தயிர் பால் பொருளாக இருந்தாலும் பால்,நெய் போன்றவற்றுடன் சேர்த்து சாப்பிட்டால் பக்க விளைவுகள் ஏற்பட்டுவிடும்.தயிருடன் பால் பொருட்களை சேர்த்து சாப்பிட்டால் வயிற்றுப்போக்கு,வயிறு உப்பசம் போன்ற பிரச்சனைகள் ஏற்படும்.

4)உளுந்து பருப்பு

தயிருடன் உளுந்து உணவுகளை சேர்த்து சாப்பிட்டால் வயிறு உப்பசம்,வயிறு வீக்கம்,வயிற்றுப்போக்கு போன்ற பாதிப்புகள் ஏற்படும்.தயிருடன் உளுந்து உணவு சாப்பிட்டால் செரிமானப் பிரச்சனை ஏற்படும்.

5)மாம்பழம்

தயிருடன் மாம்பழம் சேர்த்து சாப்பிடக் கூடாது.இவை இரண்டையும் சேர்த்து சாப்பிட்டால் செரிமானப் பிரச்சனை அதிகரிக்கும்.

நமது தோலில் புடித்தது போன்ற கட்டிகள்,வலியுடன் வரும் கட்டிகள் என்று பல விதமான கட்டிகள் உருவாகிறது.இந்த கட்டிகளில் சிலவகை ஆபத்தற்றவையாக இருக்கிறது.சிலவகை ஆபத்தான கட்டிகளாக உள்ளது.

மார்பு கட்டி

பெரும்பாலான பெண்கள் மார்பு பகுதியில் கட்டி பிரச்சனையை அனுபவிக்கின்றனர்.இது பெரும்பாலும் புற்றுநோய் கட்டியாகதான் கண்டறியப்படுகிறது.பெண்களால் இந்த கட்டி பாதிப்பை ஆரம்ப நிலையில் கண்டறிய முடிவதில்லை.கிட்டத்தட்ட 40% அளவு முற்றிய பிறகுதான் இந்த மார்பக கட்டி கண்டறியப்படுகிறது.

இந்த கட்டிகள் மார்பு புற்றுநோய் மாறாமல் இருக்க உடனடி மருத்துவ சிகிச்சை பெற்றுக் கொள்ள வேண்டும்.இந்த மார்பு கட்டி வலி மற்றும் வீக்கத்தை உண்டாக்கும்.குழந்தை பெற்ற பெண்களுக்கு இந்த மார்பு கட்டி பிரச்சனை அதிகமாக இருக்கிறது.

கொழுப்பு கட்டி

இந்த வகை கட்டி உருவானால் வலி ஏற்படாது.இது உடலில் முட்டை போன்று ஆங்காங்கே தென்படும்.கொழுப்புகள் ஒன்று சேர்ந்து கட்டிகளாக மாறுகிறது.இந்த கட்டிகள் அக்குள்,முதுகு,கை கால்,வயிறு போன்ற இடங்களில் அதிகமாக காணப்படுகிறது.இந்த கட்டிகள் ஆபத்தை ஏற்படுத்தாது என்றாலும் சிகிச்சை மூலம் சரி செய்து கொள்வது நல்லது.

நிணநீர் கட்டிகள்

நமது உடலில் உள்ள நிணநீர் முனைகளில் சிறிய கட்டிகள் உருவாகுகிறது.இது அக்குள்,இடுப்பு,கழுத்து போன்ற பகுதிகளில் அதிகமாக காணப்படுகிறது.

நீர் கட்டிகள்

இந்த கட்டிகள் தோலில் சீழ் அல்லது திரவங்களால் உருவாகிறது.இந்த கட்டி வலி மற்றும் வீக்கத்தை ஏற்படுத்தும்.உடலில் வரும் எல்லா கட்டிகளும் புற்றுநோய் கட்டிகள் என்று சொல்ல முடியாது.புற்றுநோய் இல்லாத கட்டிகள் நம் உயிருக்கு ஆபத்து ஏற்படுத்தாது.

புற்றுநோய் கட்டிகள் தடித்து உடலில் பிற இடங்களுக்கும் வேகமாக பரவும்.உடலில் கட்டிகள் இருந்து திடீர் எடை குறைதல்,அதீத உடல் சோர்வு,தோல் நிறத்தில் மாற்றம்,குடல் இயக்கத்தில் மாற்றம் போன்றவை ஏற்பட்டால் அது புற்றுநோய்க்கான அறிகுறியாக இருக்கலாம்.இந்த அறிகுறிகளுடன் கட்டிகள் தென்பட்டால் நீங்கள் தாமதம் செய்யாமல் மருத்துவரை அணுகி தீர்வு காண வேண்டும்.

உலகின் கொடிய நோயிகளில் புற்றுநோயும் ஒன்று.இந்த புற்றுநோய் பாதிப்பால் ஒவ்வொரு ஆண்டும் லட்சக்கணக்கான மக்கள் இறக்கின்றனர்.நுரையீரல் புற்றுநோய்,கணைய புற்றுநோய்,வாய் புற்றுநோய்,கருப்பை புற்றுநோய் என்று புற்றுநோயில் ஏராளமான வகைகள் உள்ளன.புற்றுநோய் புதிய நோய் இல்லையென்றாலும் அதை முழுமையாக குணப்படுத்தும் அதிகாரப்பூர்வ மருந்து ஊசி இல்லாத நிலைதான் நீடித்தது.

ஆனால் தற்பொழுது புற்றுநோய்க்கு பல மருந்துகள் கண்டு பிடிக்கப்பட்டு வருகிறது.அதில் ஒன்றுதான் கார்-டி-செல் சிகிச்சை.இது புற்றுநோய் செல்களுக்கு எதிராக போராட உதவுகிறது.இந்த கார்-டி-செல்கள் உடலில் நோய் எதிர்ப்பு மண்டலத்தை வலுவூட்டுகிறது.

இந்த டி செல்கள் நோய் பாதிப்பு ஏற்பட்டவர்களிடம் இருந்து சேகரிக்கப்பட்டு ஆய்வகத்தில் ஆய்வின் மூலம் மாற்றப்படுகிறது.இந்த கார்-டி-செல்கள் இரத்தப்புற்று நோய் பாதிப்பை சரி செய்ய உதவுகிறது.இந்த கார் டி செல் சிகிச்சை நல்ல முன்னேற்றத்தை கொடுக்கிறது.

இந்த கார்-டி-செல் சிகிச்சை கடந்த 2013 ஆம் ஆண்டு மத்திய மருந்து தரக் கட்டுப்பாட்டு அமைப்பால் அங்கீகாரம் செய்யப்பட்டது.இந்த கார்-டி-செல் சிகிச்சை புற்றுநோய்க்கு எதிராக செயல்படுவதால் இதை மருத்துவத் துறையில் பயன்படுத்துகின்றனர்.

இருப்பினும் கார்-டி-செல் சிகிச்சை பற்றிய பக்கவிளைவுகள் பற்றி தெரிந்து கொள்ள வேண்டும்.கார்-டி-செல் சிகிச்சையால் சிலருக்கு மூச்சுத் திணறல்,குறை இரத்த அழுத்தம்,இதய நோய்,காய்ச்சல்,நுரையீரல் சம்மந்தப்பட்ட பாதிப்புகள் ஏற்படும்.அதேபோல் குழப்பம்,நடுக்கம்,பேசுவதில் சிரமம்,சுய நினைவு இழத்தல் போன்ற பிரச்சனைகள் ஏற்படும்.

இஸ்லாமியர்கள் கொண்டாடும் முக்கிய பண்டிகை ரமலான்(ரம்ஜான்).இந்த ரமலான் பண்டிகைக்கு தொடர்ந்து ஒரு மாத காலம் வரை விரதம் அதாவது நோம்பு இருக்கும் பழக்கத்தை இஸ்லாமியர்கள் கடைபிடிக்கின்றனர்.இதனால் உடலில் பல மாற்றங்கள் ஏற்படுகிறது.

அதிக நாட்கள் உண்ணாவிரதம் இருப்பதால் உடல் நலக் கோளாறு,தூக்கமின்மை போன்ற பாதிப்புகள் ஏற்படுகிறது.நோம்பு இருப்பவர்களுக்கு நீர்ச்சத்து குறைபாடு,கண் வறட்சி,குடல் தமந்தப்பட்ட பிரச்சனை,உயர் இரத்த அழுத்தம்,தலைவலி போன்ற பாதிப்புகள் ஏற்படும்.

ரமலான் நோம்பு என்பது பகல் நேரத்தில் உணவு தண்ணீர் குடிக்காமல் இருப்பதாகும்.மாலை நேரத்தில் தொழுகை முடிந்த பின்னர் உணவு எடுத்துக் கொள்கின்றனர்.உடலை நீரேற்றத்துடன் வைத்துக் கொள்ள இளநீர்,பலசரக்கு பருகலாம்.

மூலிகை தேநீர் செய்து பருகலாம்.அதிக சர்க்கரை பானங்கள் உடலில் நீரிழப்பு ஏற்படுத்துவதோடு இரத்த சர்க்கரை அளவை அதிகரித்துவிடும்.ரமலான் காலத்தில் நோம்பு இருப்பதால் இரைப்பை புண் பிரச்சனை ஏற்படும்.இதனால் மாலை நேரத்தில் எண்ணையில் வறுத்த,பொரித்த உணவுகளை தவிர்க்க வேண்டும்.இதனால் குடல் ஆரோக்கியம் முழுமையாக பாதிக்கப்பட்டுவிடும்.

செரிமானப் பிரச்சனை,ஏப்பம்,வயிறு வீக்கம்,வயிற்றுப்புண் போன்ற பாதிப்புகள் ஏற்படும்.ரமலான் நோம்பு இருக்கும் பொழுது கண் வறட்சி ஏற்படும்.அதேபோல் ஒற்றைத் தலைவலி போன்ற பாதிப்புகள் ஏற்படும்.ரமலான் நோம்பு முடிந்த பிறகு மீண்டும் எப்பொழுதும் போல் பகல் நேர உணவுமுறையை பின்பற்றும் பொழுது உடலில் பல மாற்றங்கள் ஏற்படுகிறது.

அல்சர்,வயிற்றுப்புண்,உடல் எடை குறைதல்,உடல் சோர்வு,இரத்த சிவப்பணுக்களில் மாற்றம் என்று பல பிரச்சனைகள் உடலில் ஏற்படுகிறது.அதேபோல் சர்க்கரை நோயாளிகள்,உயர் இரத்த அழுத்தப் பிரச்சனை இருப்பவர்களுக்கு பல்வேறு உடல் நல பாதிப்புகள் ஏற்படுகிறது.

எனவே ரமலான் நோம்பு முடிந்த பிறகு உடலை நேரேற்றத்துடன் வைத்துக் கொள்ள வேண்டும்.புரோபயாட்டிக் நிறைந்த தயிர் உணவுகளை உட்கொள்ள வேண்டும்.தயிரில் புரோபயாட்டிக் அதிகமாக நிறைந்து காணப்படுகிறது.

சியா,சப்ஜா விதைகளை அதிகமாக சாப்பிடலாம்.இதனால் குடல் ஆரோக்கியம் மேம்படும்.நல்ல தூக்கத்தை அனுபவிக்க வேண்டும்.நடைபயிற்சியை மேற்கொள்ள வேண்டும்.காய்கறிகளை பாதியாக வேகவைத்து சாலட் போன்று சாப்பிடலாம்.நோம்பு நேரத்தில் ஏற்பட்ட உடல் சோர்வு மற்றும் பாதிப்புகளில் இருந்து மீண்டு பழைய நிலைக்கு வர இதுபோன்ற செயல்களை தொடர்ந்து செய்ய வேண்டும்.ரமலான் நோம்பு அதிக நன்மைகளை வழங்குகிறது என்றாலும் சில உடல் நலப் பிரச்சனைகள் இருப்பவர்கள் நோம்பு முடித்த பின்னர் உடல் ஆரோக்கியத்தை மேம்படுத்தும் விஷயங்களை செய்ய வேண்டும்.