News4 TamilOnline Tamil News

AMMK BJP: பாஜக கூட்டணியில் இருந்து வந்த டிடிவி தினகரன், ஓபிஎஸ் இருவரும் சில மாதங்களுக்கு முன்பு தற்போதைய தமிழக பாஜக தலைவர் நயினார் நாகேந்திரனின் செயல்பாடுகள் பிடிக்காத காரணத்தினாலும், கூட்டணியில் இபிஎஸ்க்கு மட்டும் அதிக முக்கியத்துவம் கொடுப்பதாலும் பாஜக கூட்டணியை விட்டு விலகுவதாக அறிவித்தனர். இபிஎஸ் முதல்வர் வேட்பாளராக தொடரும் வரை பாஜகவில் இணைவதற்கு வாய்ப்பு இல்லை என்று டிடிவி தினகரன் ஆணி தனமாக கூறி வந்தார். கூட்டணியிலிருந்து ஓபிஎஸ் விலகியதால் அவர் தினகரனின் கட்சியான அமமுகவில் இணைந்து செயல் படுவார் என்று நினைத்த சமயத்தில், ஓபிஎஸ், செங்கோட்டையன், தினகரன், சசிகலா போன்ற நால்வரும் ஒரு அணியாக உருவெடுத்தனர்.

அதனால் இந்த அணி ஒன்றாக இணைந்து இபிஎஸ்யை வீழ்த்துவதற்கான பணிகளை செய்யும் என்று அனைவரும் எதிர்ப்பார்த்தனர். இந்த செய்தியெல்லாம் பொய் என்று நிரூபிக்கும் படி ஓபிஎஸ் ஒரு தகவலை கூறியுள்ளார். மீண்டும் NDA கூட்டணியில் இணைவதற்கான வேலைகள் நடந்து வருகின்றன என்று அவர் கூறியது அரசியல் வட்டாரத்தில் பெரும் பரபரப்பை ஏற்படுத்தியது. இவரின் இந்த கூற்று தினகரனை விட்டு விலகுவதற்கான அறிகுறியாகவே பார்க்கப்படுகிறது. ஏனென்றால், பாஜகவிலிருந்து விலகிய இருவரும், ஒன்றாக இணைந்து பயணிப்பார்கள் என்று அனைவரும் நினைத்தனர்.

அது மட்டுமல்லாமல், இபிஎஸ்யை முதல்வர் வேட்பாளராக ஏற்காத தினகரனின் கருத்துக்கு ஓபிஎஸ்யும் தொடர்ந்து ஆதரவு தெரிவித்து வந்ததால், முதல்வர் வேட்பாளரை மாற்றும் வரை இருவரும் பாஜகவில் இணைய மாட்டார்கள் என்ற கருத்தும்  வலுப்பெற்றது. ஆனால் தற்போது பாஜகவில் இணைய வாய்ப்புள்ளது என்று ஓபிஎஸ் கூறியதால் இவர்கள் இருவரும் இன் தனி தனி பாதையில் பயணிக்க போகிறார்கள் என்று அரசியல் ஆர்வலர்கள் கூறுகின்றனர். மேலும், இபிஎஸ் முதல்வர் வேட்பாளராக இருக்கும் வரை, யார் பாஜகவில் இணைந்தாலும் தான் இணைய போவதில்லை என்பதில் தினகரன் உறுதியாக உள்ளார் என்று அமமுக வட்டாரங்கள் கூறுகின்றன. 

TVK ADMK: 2026 சட்டமன்ற தேர்தலுக்காக தமிழக அரசியல் அரங்கு முழு வேகத்தை எட்டியுள்ளது. இந்நிலையில் பலரும் கட்சி மாறி மாறி இணைந்து வருகின்றனர். இதற்காக தொகுதி வாரியாக மாற்று கட்சியினரை தங்கள் கட்சியில் சேர்க்கும் பணியும் நடைபெற்று வருகிறது. இந்த நிகழ்வில் திமுக, அதிமுக என அதிகமான தொண்டர்கள் இணைந்தாலும், திமுகவில் தான் முக்கிய தலைவர்கள் இணைந்து வருகின்றனர். இது திமுகவிற்கு லாபமாக அமைந்துள்ளது. அதிலும் முக்கியமாக அதிமுகவை சேர்ந்த முன்னணி தலைவர்கள் பலரும் திமுகவில் இணைந்து தற்போது முக்கிய பதவிகளில் உள்ளனர்.

அதனை முறியடிக்கும் வகையில் தவெக களமிறங்கியுள்ளது.  கரூர் சம்பவத்திற்கு பின் மக்கள் சந்திப்பை துரிதப்படுத்தாத விஜய், முதலில் சில டாப் தலைகளை கட்சிக்குள் கொண்டு வரும் பணியினை தீவிரப்படுத்தி உள்ளதாக தகவல் வெளியாகியுள்ளது. அதிமுகவிலிருந்து இபிஎஸ்யால் நீக்கப்பட்ட செங்கோட்டையன் தவெகவில் இணைய உள்ளதாக பலரும் கூறி வருகின்றனர். இந்நிலையில் தற்போது புதிதாக, 2018 இபிஎஸ்யால் நீக்கப்பட்ட எம்.பி. கே.சி பழனிசாமியை தவெகவில் இணைப்பதற்கான பேச்சு வார்த்தை நடைபெற்று வருவதாக தகவல் வெளியாகியுள்ளது.

இது இன்னும் உறுதி செய்யப்படாத நிலையில், திருப்பூர் மற்றும் ஈரோடு மாவட்டங்களில் இவருக்கு அதிக செல்வாக்கு உள்ளதால், ஒரு வேளை இவர் தவெகவில் இணைந்தால் அது விஜய்க்கு சட்டமன்ற தேர்தலில் சாதகமாக அமையும். மேலும் நீக்கப்பட்டவர்களை மீண்டும் கட்சியில் சேர்க்கவே மாட்டேன் என்று பிடிவாதமாக இருக்கும் இபிஎஸ்க்கு, இது பெரும் பின்னடைவை ஏற்படுத்தும் என்றும் கணிக்கப்படுகிறது.

TVK DMK: அடுத்த வருடம் நடைபெற போகும் சட்டமன்ற தேர்தலுக்காக தமிழக அரசியல் களம் விறுவிறுப்பாக செயல்பட்டு வருகிறது. தேர்தல் நெருங்கும் சமயத்தில் பல சுவாரசியமான சம்பவங்கள் நிகழ்ந்து கொண்டிருக்கின்றன. அந்த வகையில் அமைந்த நிகழ்வு தான் விஜய்யின் அரசியல் பிரவேசம். சுமார் ஒன்றரை வருடத்திற்கு முன்பு கட்சி ஆரம்பித்த விஜய்க்கு இப்போது வரை பலரும் ஆதரவு தெரிவித்து வருகின்றனர். மேலும், முன்னணி கட்சிகளை சேர்ந்த சில தலைவர்கள் எதிர்த்தாலும், இன்னும் சிலர் விஜய்க்கு ஆதரவாகவே பேசி வருகின்றனர். அதோடு தவெகவில் இணைய ஆர்வம் காட்டியும் வருகின்றனர்.

அந்த வகையில் திமுகவின் முன்னாள் பேச்சாளரும், அரசியல் விமர்சகருமான நாஞ்சில் சம்பத் தவெகவில் இணைய போவதாக செய்திகள் பரவின. இது குறித்து பேசிய அவர், விஜய் என்னை அழைத்தால் நிச்சயம் தவெக கூட்டங்களுக்கு பேச செல்வேன் என்றும், விஜய்யின் தமிழக வெற்றிக் கழகம் தமிழக அரசியலில் நிச்சயம் ஒரு மாற்றத்தை கொண்டு வரும் என்றும் அவர் நம்பிக்கை தெரிவித்தார். மேலும், எனக்கு கோடி ரூபாய் கொடுத்தாலும் விஜய்யை பற்றி ஒரு வார்த்தை கூட தவறாக பேச மாட்டேன் என்றும் கூறியுள்ளார்.

திமுகவில் பல  ஆண்டுகளாக இருந்து வரும் இவர், தவெக அரசியலுக்கு வந்ததிலிருந்தே அதற்கு தனது முழு ஆதரவையும் தெரிவித்து வருவது திமுகவிற்கு அச்சுறுத்தலை ஏற்படுத்தியுள்ளது. இதற்கு முன் ஒரு முறை திமுக சார்பில் அறிவு திருவிழா நடத்தப்பட்ட போது, நாஞ்சில் சம்பத்திற்கு அழைப்பு விடுக்கப்படவில்லை. அதற்கு காரணம் விஜய்க்கு ஆதரவு தெரிவிப்பது தான் என்று நாஞ்சில் சம்பத் கூறியது குறிப்பிடத்தக்கது. திமுகவிலிருந்து ஒதுக்கி வைக்கப்படுவதை உணர்ந்த அவர் தவெகவில் இணைய ஆர்வம் காட்டி வருவதாகவும் சில கூறுகின்றனர். நாஞ்சில் சம்பத்தின் இந்த கருத்து அரசியல் களத்தில் பரபரப்பை ஏற்படுத்தியுள்ளது.

ADMK: அதிமுக தற்போது பல பிரிவுகளாக பிரிந்திருப்பதால் அக்கட்சியின் மேல் மக்களுக்கு இருந்த நம்பிக்கை குறைந்ததோடு, அதிருப்தியும் ஏற்பட்டுள்ளது. அதில் முக்கியமாக செங்கோட்டையனின் நீக்கம் அதிகளவில் பேசப்பட்டது. அதிமுக தலைமைக்கு எதிராக செயல்படுபவர்களுடன் செங்கோட்டையன் இணைந்ததால் அவரை கட்சியிலிருந்து நீக்கியதாக இபிஎஸ் கூறினார். இந்நிலையில் இபிஎஸ்க்கு எதிராக ஓபிஎஸ், டிடிவி தினகரன். சசிகலா, செங்கோட்டையன் போன்ற நால்வரும் ஒரு அணியாக திரண்டனர். இவர்கள் நால்வரும் இபிஎஸ்யால் கட்சியிலிருந்து நீக்கப்பட்டவர்கள் என்பதால் இது அதிமுகவிற்கு வாக்கு வங்கியில் பேசிய மாற்றத்தை உண்டாக்கும் என்று அதிமுகவை சேர்ந்தவர்களே கூறி வந்தனர்.

நால்வர் அணியை சமாளிக்க முடியாத இபிஎஸ்க்கு தற்போது புதிதாக ஓபிஎஸ் உருவில் ஒரு பூகம்பம் வெடித்துள்ளது. எடப்பாடி பழனிசாமிக்கு எதிராக அதிமுக ஒருங்கிணைப்பு குழு ஒன்றை ஆரம்பித்த ஓபிஎஸ், அதிமுக ஒன்றிணையவில்லை என்றால், புதிய கட்சி துவங்கப்படும் என்று அறிவித்திருக்கிறார். ஓபிஎஸ் தலைமையில், அதிமுக தொண்டர்கள் உரிமை மீட்புக் குழு ஆலோசனை கூட்டம் நடைபெற்றது. அதில் பேசிய ஓபிஎஸ், சில சர்வாதிகாரிகளின் பிடியில் சிக்கியுள்ள அதிமுக, கடந்த 11 தேர்தல்களில் தொடர் தோல்விகளை சந்தித்து வருகிறது.

தவறான தலைமை, தவறான பொதுக்குழு, தவறான பாதையில் செல்லும் கழகத்தை மீண்டும் ஒன்றன்றிணைக்க வேண்டும். இல்லையென்றால் நாங்கள் வேறு முடிவை நோக்கி நகர வேண்டியிருக்கும் இருக்கும் என்று கூறியுள்ளார். இவரின் வேறு முடிவு என்ற பேச்சு புதிய கட்சியை தோற்றுவிப்பதற்கான முன்னறிவிப்பாக பார்க்கப்படுகிறது. இவருக்கு பின் பேசிய வைத்தியலிங்கம் இதனை நேரடியாகவே கூறியது பரபரப்பை ஏற்படுத்தியுள்ளது. இபிஎஸ் தலைமைக்கு எதிராக கழக குரல் ஓங்கி வரும் நிலையில், இதனை அவர் எப்படி சமாளிப்பார் என்பதை பொறுத்திருந்து தான் பார்க்க வேண்டும்.

ADMK TVK: அதிமுகவை ஒருங்கிணைப்பு வேண்டும் என்று யார் கொடி தூக்கினாலும் அவர்களை கட்சியை விட்டு எடப்பாடி வெளியேற்றி விடுகிறார். அந்த வகையில் கொங்கு பகுதியில் மிகவும் முக்கிய புள்ளியாக பார்க்கப்படும் செங்கோட்டையனும் தற்போது கட்சியை விட்டே நீக்கிவிட்டார். எம்ஜிஆர் காலத்திலிருந்து அதிமுகவை பார்த்து வரும் இவருக்கே கட்சிக்குள் இந்த நிலைமையா என்று பலரும் வசைப்பாடி வருகின்றனர்.

ஆனால் இவரை கடந்து அதிமுக செயல்படுவது என்பதும் சற்று கடினம் தான். கொங்கு மணடலத்தில் இவருக்கு உள்ள செல்வாக்கை வைத்து எளிமையாக ஓட்டுக்களை பெற்றுவிடலாம். ஆனால் இவருக்கு மாற்று என போட்டால் கள அளவில் அதிக வேலை செய்ய வேண்டி இருக்கும்.

மேலும் கட்சிக்குள் தனது குரல் எடுபடாததால் அவருக்கு எதிராக பலத்த கூட்டணி அமைக்க வேண்டும் என செங்கோட்டையன் விரும்புகிறார். அதனால் பலரும் இவருடன் கூட்டு பேச்சுவார்த்தனை நடத்தி வந்தனர். ஆனால் கரூர் அசம்பாவிதத்திற்கு பிறகு விஜய்க்கு இப்படி ஒரு அரசியல் பிரவேசம் அமையும் என்று எதிர்பார்க்கவில்லை. வரும் மாதத்தில் விஜய்யுடன் கட்சியில் இணைந்து செயல்பட உள்ளதாக தகவல்கள் வெளியாகியுள்ளது.

எப்படி அதிமுகவிலிருந்து வெளியேறி தேமுதிகவின் விஜயகாந்த்திற்கு பண்ருட்டி ராமச்சந்திரன் ஓர் வழிகாட்டியாக இருந்தாரோ, அதேபோல கத்துக்குட்டிக்கு சொல்லிக் கொடுத்த பெரிய பொறுப்பில் அமர நினைக்கிறார். ஆனால் விஜய்யின் தமிழக வெற்றிக் கழகத்திற்கு சென்றாலும் இவருக்கென்று அந்தஸ்தான பதவி அதாவது (முதல்வர்) பொறுப்பில் சம பங்கு கேட்டுள்ளாராம்.