News4 TamilOnline Tamil News

சமீபத்தில் திருவொற்றியூர் திமுக எம்எல்ஏ கேபிபி சாமி அவர்களும் குடியாத்தம் திமுக எம்எல்ஏ காத்தவராயன் அவர்களும் உடல் நலக்குறைவால் மரணம் அடைந்தார்கள் என்ற செய்தியை பார்த்தோம். இந்த நிலையில் இந்த இரண்டு தொகுதிகளும் காலியானதாக சட்டசபை செயலாளர் செயலகம் தேர்தல் ஆணையத்திற்கு கடிதம் எழுதியுள்ளது

இந்த கடிதத்தை ஏற்றுக்கொண்டுள்ள தேர்தல் ஆணையம் சற்று முன்னர் திருவொற்றியூர் குடியாத்தம் ஆகிய சட்டப்பேரவை தொகுதிகள் காலியானதாக அறிவித்துள்ளது. மேலும் இந்த இரண்டு தொகுதிகளுக்கு இடைத்தேர்தல் நடக்குமா? அல்லது 2021 ஆம் ஆண்டு பொதுத் தேர்தலுடன் தேர்தல் நடக்குமா என்ற கேள்வி பலரிடமும் இருந்தது. ஆனால் இன்னும் பொதுத்தேர்தல் நடைபெற ஒரு ஆண்டுக்கு மேல் இருப்பதால் இந்த இரண்டு தொகுதிகளுக்கு தேர்தல் நடைபெற வேண்டும் என்று தேர்தல் விதி கூறுவதால் அதிவிரைவில் திருவொற்றியூர் குடியாத்தம் இடைத் தேர்தல் குறித்த அறிவிப்பு வெளியிடப்படும் என எதிர்பார்க்கப்படுகிறது

ஏற்கனவே திமுக இந்த இரண்டு தொகுதிகளையும் கைப்பற்றி இருந்த நிலையில் அந்த இரண்டு தொகுதிகளை மீண்டும் திமுக கைப்பற்றுமா? என்பதை பொறுத்திருந்துதான் பார்க்க வேண்டும்

ஆசிரியர்கள் சிலர் மாணவர்களை கண்மூடித்தனமாக அடிப்பதால் மாணவர்களுக்கு உயிரிழப்பு உட்பட பல விபரீதங்கள் ஏற்பட்டு வருவது குறித்த செய்திகள் அவ்வப்போது நாடு முழுவதும் வெளிவந்து கொண்டிருக்கின்றன

இந்த நிலையில் சென்னை அரசு பள்ளியில் இரும்பு ஸ்கேலால் மாணவர் ஒருவரை பின்மண்டையில் ஆசிரியர் தாக்கியதாக தெரிகிறது. இதனை அடுத்து மயக்கமடைந்த அந்த மாணவர் மருத்துவமனையில் அனுமதிக்கப்பட்டு சிகிச்சை பெற்று வருகிறார்

இந்த நிலையில் மருத்துவர்கள் தெரிவித்த தகவலின்படி இரும்பு ஸ்கேலால் அடிபட்ட மாணவரின் பார்வை பாதிக்கப்பட்டுள்ளதாக கூறப்படுகிறது. இதனால் மாணவரின் பெற்றோர்கள் கடும் அதிர்ச்சி அடைந்தனர். மாணவனை கண்மூடித்தனமாக அடித்தஆசிரியர் மீது கடும் நடவடிக்கை எடுக்க வேண்டும் என மாணவனின் பெற்றோர்கள் கோரிக்கை விடுத்து வருகின்றனர். இது குறித்து போலீசார் விசாரணை செய்து தகுந்த நடவடிக்கை எடுப்பார்கள் என்று எதிர்பார்க்கப்படுகிறது.

சென்னையில் 23 வயது இளம் நடிகை ஒருவர் தற்கொலை செய்துகொண்ட விவகாரம் பெரும் பரபரப்பை ஏற்படுத்தி உள்ளது

தமிழ் திரைப் படங்களில் துணை நடிகையாக இருந்து வரும் பத்மஜா என்ற இளம்பெண் கணவரை பிரிந்து தனியாக திருவொற்றியூர் பகுதியில் வாழ்ந்து வந்தார். இந்த நிலையில் அவருடைய வீட்டிற்கு வாலிபர் ஒருவர் அடிக்கடி வந்து சென்றதால் வீட்டின் உரிமையாளர் உடனடியாக பத்மஜாவிடம் வீட்டை காலி செய்யும்படி கூறியிருக்கிறார்

இதனால் அதிர்ச்சி அடைந்த பத்மஜா தூக்கில் தொங்கி தற்கொலை செய்து கொண்டதாக தெரிகிறது. தற்கொலைக்கு முன் அவர் பதிவு செய்த வீடியோவில் அழுது கொண்டே தனது தற்கொலைக்கான காரணத்தை தெரிவித்துள்ளார். இதனை அடுத்து இது குறித்து வழக்குப்பதிவு செய்த போலீசார் வீட்டின் உரிமையாளரிடமும் அவருடன் தங்கியிருந்த வாலிபர் யார்? அவர் எங்கே இருக்கிறார்? என்பது குறித்து விசாரணை நடத்தி வருகின்றனர்

மேலும் பத்மஜாவின் கணவருக்கும் தகவல் அனுப்பி உள்ளனர். பத்மஜாவுடன் தங்கி இருந்த வாலிபர் பிடிபட்டால் அவரது மரணத்திற்கான காரணம் தெரியவரும் என்று எதிர்பார்க்கப்படுகிறது