News4 TamilOnline Tamil News

டிக்-டாக் செய்வதற்காக தண்ணீரில் குதித்த இளைஞர் திரும்பி வரவேயில்லை! பரிதாபமான வீடியோ!! ராமதாஸ் எச்சரித்த காரணம்?

உத்திர பிரதேச மாநிலம் முசாபர் நகரைச் சேர்ந்த ராஜா என்ற இளைஞர் டிக்டாக் செய்வதில் மிகவும் ஆர்வமானவர். தினமும் வித்தியாசமான வீடியோக்களை பதிவேற்றி மகிழ்ச்சியடைந்த ராஜா, புதிதாக வீடியோ எடுக்க திட்டமிட்டார்.

நண்பர்களுடன் கடந்த வெள்ளிக்கிழமை அன்று கங்கா கால்வாயில் ராஜா குளிக்க சென்றார். அங்கு வழக்கம்போல ஏதாவது வீடியோ எடுக்கலாம் என்று நினைத்து, கால்வாயின் மேற்பகுதியில் இருந்து குதிக்க தயாரானார்.

இதை அவரது நண்பர்கள் வீடியோ எடுத்தனர். சில நொடிகளுக்கு பிறகு தலைகீழாக ராஜா குதித்தபோது அவரது தலை தண்ணீருக்கு அடியில் இருந்த பாறையில் மோதி, அங்கேயே உயிரிழந்தார். அவரது உடல்தண்ணீரில் மிதப்பதை பார்த்துவிட்டு நண்பர்கள் அதிர்ச்சியடைந்தனர். அற்ப சாகசத்திற்காக ஒரு உயிர் பிரிந்துவிட்டது.

சமீபத்தில் மதுரையில் கணவன் மிலிட்டரியில் இருப்பதால் வேறொரு நபருடன் சேட்டை செய்து டிக்டாக்கில் வெளியிட்ட பெண்ணை ஊரைவிட்டே பொதுமக்கள் வெளியேற்றிய சம்பவமும் குறிப்பிடத்தக்கது.

பாட்டாளி மக்கள் கட்சியின் நிறுவனர் ராமதாஸ் 2019 ஆம் ஆண்டு ஜனவரி 2 ஆம் தேதி டிக்-டாக் செயலியை தடை செய்ய வேண்டும் என்று கூறியிருந்தார். அவரது கருத்தினை எவரும் கண்டுகொள்ளாமல் விட்டதன் விளைவு, ஒரு இளைஞனின் உயிரையே பறித்துவிட்டது. டிக்டாக்கினால் மேலும் இதுபோன்ற கோரமான சம்பவங்கள் நடந்தாலும் அதை யாராலும் தடுக்கமுடியாத  சூழலில் இருக்கிறோம். இந்தியாவில் டிக்டாக்கை தடை செய்தால் பல்வேறு அசம்பாவிதங்களை தடுக்கலாம்.

மாதம் 1 லட்சம் சம்பளம் வாங்கியும் நிம்மதி இல்லாததால் குடும்பத்தை கொன்று தானும் தற்கொலை செய்த இன்ஜினியர்!!

சாப்ட்வேர் இன்ஜினியர் ஒருவர் பணச்சிக்கல் காரணமாக குடும்பத்தோடு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

தெலுங்கானா மாநிலம் ஹைதராபாத் எல்.பி நகர் அருகேயுள்ள ஹஸ்தினாபுரம் பகுதியில் குடும்பத்தோடு வசித்து வந்த மென்பொருள் இன்ஜினியர் பிரதீப் என்பவர், வீட்டின் கதவை அடைத்துக் கொண்டு தனது மனைவி மற்றும் இரண்டு குழந்தைகளையும் விஷம் கொடுத்து கொன்று தானும் தற்கொலை செய்து கொண்டுள்ளார்.

இந்த சம்பவம் கடந்த வெள்ளிக்கிழமை இரவு நடந்திருக்கலாம் என்று கூறப்படுகிறது. மறுநாள் சனிக்கிழமை முழுவதும் கதவு திறக்காத காரணத்தால் அக்கம் பக்கத்தினர் சந்தேகத்தின் பேரில் காவல் நிலையில் புகார் அளித்தனர். சம்பவ இடத்திற்கு விரைந்த காவல்துறையினர் வீட்டின் கதவை உடைத்து உள்ளே பார்த்த போது இன்ஜினியர் அவரது மனைவி சுவாதி மற்றும் அவரது குழந்தைகளான கல்யாண் கிருஷ்ணா, ஜெய கிருஷ்ணா ஆகிய நால்வரும் வீட்டின் அறையில் இறந்து கிடந்தனர்.

மேலும், இன்ஜினியர் பிரதீப் மாதம் ஒரு லட்சம் சம்பளம் வாங்கியும் அவரது வீட்டில் பணச்சிக்கல் இருந்ததாகவும் கூறப்படுகிறது. இச்சம்பவத்தில் வேறு ஏதேனும் காரணம் உள்ளதா என்ற கோணத்திலும் விசாரணை நடத்தி வருகின்றனர். குடும்பத்தோடு தற்கொலை செய்துகொண்ட சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது.

நரம்பு புடைக்க டயலாக் பேசிய சீமான் தம்பி! காங்கிரஸ் கட்சியினர் கவால் நிலையத்தில் புகார்..!!

ஸ்ரீபெரும்புதூரில் அமைந்துள்ள முன்னாள் பிரதமர் ராஜீவ் காந்தி நினைவிடத்தில் சர்ச்சையை ஏற்படுத்தும் வகையில் டிக்டாக் செய்த நாம்தமிழர் கட்சியின் துரைமுருகனை தேசிய பாதுகாப்பு சட்டத்தில் கைது செய்யுமாறு காங்கிரஸ் கட்சியினர் புகார் கொடுத்துள்ளனர்.

காஞ்சிபுரம் மாவட்டத்தின் முக்கியமான இடங்களில் ராஜீவ்காந்தியின் நினைவிடமும் ஒன்றாகும். இங்கு தினமும் நூற்றுக் கணக்கான மக்கள் வந்து செல்கின்றனர். நினைவிடத்திற்கு சென்ற சீமானின் தம்பி துரைமுருகன், தனது அண்ணன் மேல் இருக்கும் தீராத பாசத்தால் அவர் மேடையில் பேசிய டயலாக்கை டிக்டாக் மூலம் ராஜீவ்காந்தி நினைவிடத்தில் சர்ச்சைக்குரிய வகையில் பேசினார்.

அவர் பேசிய வசனம் இதுதான்; என் இனத்திற்கென்று ஒரு பெருமை உண்டு எனவும், நீ எப்பேர்பட்ட கொம்பனாக இரு, எந்த நாட்டுக்கு அதிபராகவும் இரு என் இனத்தை தொட்டால் இதுதான் கதி என்று ராஜீவ் காந்தியின் உருவபடத்தை சுட்டிக்காட்டி சர்ச்சைக்குரிய வகையில் பேசினார். தான் எங்கு என்ன பேசுகிறோம் என்பதை கூட யோசிக்காமல் ஆர்வத்தில் பேசி தனது வலைதளத்தில் பதிவிட்டுள்ளார்.

இதைக்கண்ட காங்கிரஸ் கட்சியினர் கொந்தளிப்புடன், தேசிய பாதுகாப்பு சட்டத்தில் நாதகவின் துரைமுருகனை கைது செய்ய வேண்டும் என்று புகார் கொடுத்துள்ளனர்.