News4 TamilOnline Tamil News

தனுஷ் நடித்த ‘அசுரன்’ திரைப் படத்திற்கு தேசிய விருது கிடைக்கவில்லை என்றால் தேசிய விருதை புறக்கணிப்போம் என்று இயக்குனர் அமீர் கூறியுள்ளார்.

சமீபத்தில் நடைபெற்ற சினிமா விழா ஒன்றில் இயக்குனர் அமீர் சிறப்பு விருந்தினராக கலந்து கொண்டார். அப்போது அவர் ‘அசுரன்’ படம் குறித்து மிகப் பெருமையாக பேசினார். இந்தியாவில் உள்ள மிகச்சிறந்த இயக்குனர்களில் வெற்றிமாறன் ஒருவர் என்றும், வடசென்னை படத்தில் தன்னுடைய ராஜன் கேரக்டர் மிகச் சிறப்பாக அமைய அவர் தான் காரணம் என்றும் புகழாரம் சூட்டினார்.

மேலும் வெற்றிமாறன் இயக்கிய ‘அசுரன்’ திரைப்படம் இந்திய திரைப்படங்களில் குறிப்பிடத்தக்க ஒரு திரைப்படம் என்றும் அந்த படத்திற்கு தேசிய விருதும் கிடைக்கவில்லை என்றால் ஒட்டுமொத்த தேசிய விருதையும் தமிழ் சினிமா புறக்கணிக்கும் என்றும் அவர் எச்சரித்தார்.

வெற்றிமாறனின் முந்தைய படமான ’வடசென்னை’ திரைப்படம் பல தேசிய விருதுகளை வென்று இருக்க வேண்டும் என்றும் ஆனால் ஒரு சில அரசியல் காரணங்களால் அந்தப் படத்துக்கு விருது வழங்கப்படவில்லை என்றும் அமீர் அதை விழாவில் பேசினார். அமீரின் பேச்சு பெரும் பரபரப்பை ஏற்படுத்தி உள்ளது.

சூப்பர் ஸ்டார் ரஜினிகாந்த் அவர்கள் சமீபத்தில் துக்ளக் ஆண்டு விழாவில் பெரியார் குறித்து சர்ச்சைக்குரிய வகையில் பேசியதாக திமுக, திக, அதிமுக, காங்கிரஸ் உள்பட பல அரசியல் கட்சிகள் அவருக்கு கண்டனம் தெரிவித்து வருகின்றனர்.

இந்த நிலையில் பெரியாரின் கொள்கைகளை தீவிரமாக கடைபிடித்து வருவதாக கூறப்படும் மக்கள் நீதி மையம் கட்சியின் தலைவர் கமல்ஹாசன் மற்றும் அம்மா மக்கள் முன்னேற்ற கழகம் தலைவர் தினகரன் ஆகிய இரண்டு இருவரும் இது குறித்து எந்த கருத்தையும் தெரிவிக்காமல் இருப்பது அனைவரையும் ஆச்சரியத்தில் ஆழ்த்தியுள்ளது.

கடந்த சில மாதங்களாகவே பாஜகவுடன் நெருக்கமாகி வருவதாக டிடிவி தினகரன் மீது குற்றச்சாட்டு எழுந்துள்ளது. அண்ணா பல்கலைகழகத்தில் பகவத்கீதையை பாடத்திட்டத்தில் சேர்ப்பது தவறில்லை என்று சொன்னதில் இருந்தே டிடிவி தினகரன் பாஜகவை நெருங்கி விட்டார் என்று கூறப்படுகிறது.

இந்த நிலையில் பெரியாரின் கொள்கைகளில் தீவிரமாக இருந்து வரும் டிடிவிதினகரன் ரஜினியை இன்னும் விமர்சனம் செய்யாமல் இருப்பது பெரும் ஆச்சரியத்தை அளித்துள்ளது. வரும் பொதுத்தேர்தலில் ரஜினியுடன் கூட்டணி அமைக்க டிடிவிதினகரன் பேச்சுவார்த்தை நடத்தி வருவதாக கூறப்படும் நிலையில் அவர் விமர்சனம் செய்யாததற்கு இதுவே காரணமாக இருக்கலாம் என்று கூறப்படுகிறது.

அதேபோல் கமல்ஹாசனும் ரஜினிகாந்தும் இணைந்து அரசியல் செய்ய வாய்ப்பு இருப்பதாக கருதப்படுவதால் தான் கமலஹாசன் அமைதியாக இருப்பதாக தெரிகிறது மொத்தத்தில் ரஜினி – பெரியார் விவகாரம் தமிழகத்தில் ஒரு புதிய கூட்டணியை உருவாக்கி விடும் போல் தெரிகிறது.

ஹன்சிகா நடித்து வரும் ’மஹா’ என்ற திரைப்படத்தில் சிறப்பு தோற்றத்தில் சிம்பு நடித்து வருவதாக செய்திகள் வெளிவந்தது என்பதும் இந்தப் படத்தில் அவர் பைலட்டாக நடிக்கிறார் என்று என்பதை உறுதி செய்யும் வகையில் சமீபத்தில் ஃபர்ஸ்ட் லுக் போஸ்டர் வெளிவந்தது என்பதும் தெரிந்ததே

இந்த நிலையில் இந்த படத்தில் சிம்பு அதிகபட்சமாக 10 நிமிடங்கள் வரும் காட்சிகள் இருக்கும் என்று படக்குழுவினர் ஆரம்பத்தில் தெரிவித்திருந்தனர். ஆனால் தற்போது இந்த கேரக்டர் விரிவாக்கப்பட்டு சுமார் 45 நிமிடங்கள் வரும் காட்சிகளாக இருப்பதாக தெரியவருகிறது

கோவாவில் 30 வருடங்களுக்கு முன் பைலட் ஒருவரின் வாழ்க்கையில் நடைபெற்ற ஒரு உண்மைச் சம்பவத்தை அடிப்படையாகக் கொண்டது தான் இந்த படத்தின் சிம்பு கேரக்டர் என்றும் அந்த பைலட் குறித்து அவ்வபோது கேள்விப்பட்ட தகவல்கள் அந்த கேரக்டரை நீடிக்க செய்ய வைத்தது என்றும் இயக்குனர் தெரிவித்துள்ளார்

மேலும் சிம்பு ஹன்சிகாவுக்கு ஒரு பாடல் காட்சியும் இருப்பதாகவும் இந்த பாடல் காட்சி சமீபத்தில் படமாக்கப்பட்டது என்றும் படக்குழுவினர் தெரிவித்துள்ளனர் தற்போது இந்த படத்தின் இரண்டாம் பாதி படப்பிடிப்பு நடைபெற்று வருவதாகவும் இம்மாத இறுதியில் அல்லது அடுத்த மாத ஆரம்பத்தில் இந்த படத்தின் படப்பிடிப்பு முடிந்துவிடும் என்றும் இந்த படத்தின் இயக்குனர் தெரிவித்துள்ளார்

இந்த நிலையில் இன்னும் ஓரிரு நாளில் ’மாநாடு’ படத்தின் படப்பிடிப்பில் சிம்பு கலந்து கொள்ள இருக்கிறார் என்பதும் வெங்கட்பிரபு இயக்கும் இந்த படத்தில் எஸ்ஏ சந்திரசேகர், பாரதிராஜா, கல்யாணி பிரியதர்ஷன் உள்ளிட்ட பலர் நடிக்க உள்ளனர் என்பதும் குறிப்பிடத்தக்கது