News4 TamilOnline Tamil News

தமிழில் இனி தேசிய கீதம் இல்லை: இலங்கை அமைச்சரின் அறிவிப்பால் அதிர்ச்சி

இலங்கையில் இனி தேசியகீதம் சிங்கள மொழியில் மட்டுமே இசைக்கப்படும் என்றும் தமிழில் இசைக்கப்படாது என்றும் இலங்கை அமைச்சர் ஒருவர் அறிவித்துள்ளது அங்குள்ள தமிழர்களை அதிர்ச்சி அடையச் செய்துள்ளது. இலங்கையில் கடந்த பல ஆண்டுகளாக தமிழ், சிங்களம் என இரண்டு மொழிகளிலும் தேசிய கீதம் இசைக்கப்பட்டு வந்த நிலையில் இனிமேல் இலங்கை சுதந்திர தின விழாவில் சிங்கள மொழியில் மட்டுமே தேசியகீதம் இசைக்கப்படும் என இலங்கை அமைச்சர் ஜனக பண்டார தென்னகோன் என்பவர் அதிகாரபூர்வமாக அறிவித்துள்ளார்.

இந்த அறிவிப்பை அங்குள்ள சிங்களவர்கள் கொண்டாடி வரும் நிலையில் தமிழர்கள் பெரும் அதிர்ச்சி அடைந்துள்ளனர். ஏற்கனவே புதிய அதிபராக பதவியேற்ற கோத்தபயா ராஜபக்சே அமைச்சரவையில் ஒரு தமிழர் கூட இல்லாமல் தமிழர்கள் முற்றிலுமாக ஒதுக்கப்பட்டு வருவதை தமிழர்கள் அதிர்ச்சியுடன் நோக்கி வரும் நிலையில் தற்போது தேசிய கீதம் தமிழில் இசைக்கப்படாது என்று கூறியிருப்பது ஒட்டுமொத்தமாக தமிழர்களை ஒதுக்குவதுதான் இலங்கை அரசின் எண்ணமாக இருப்பதாக தமிழ் தலைவர்கள் கருத்து தெரிவித்து வருகின்றனர்.

இலங்கையை வைத்து அரசியல் செய்து வரும் தமிழக அரசியல்வாதிகள் இந்த அறிவிப்புக்கு கண்டனம் தெரிவிப்பார்கள் என்று எதிர்பார்க்கப்பட்டாலும், இந்த கண்டன குரலால் இலங்கையில் எந்த மாற்றமும் ஏற்படபோவதில்லை என்பதே நடைமுறை உண்மையாக உள்ளது என்பதும் குறிப்பிடத்தக்கது.

லாட்டரியில் பரிசு விழுந்ததாக எண்ணி அவசரப்பட்டு வேலையை விட்ட பெண் செய்தியாளர்: வைரலாகும் வீடியோ

லாட்டரி சீட்டில் தனக்கு ரூ.220 கோடி விழுந்துவிட்டதாக தவறாக எண்ணி அவசரத்தில் வேலையை விட்ட பெண் செய்தியாளர் ஒருவர் குறித்த வீடியோ தற்போது இணையதளங்களில் வைரலாக வருகிறது.

ஸ்பெயின் நாட்டைச் சேர்ந்த பெண் செய்தியாளர் நடாலியா என்பவர் கிறிஸ்மஸ் சிறப்பு குலுக்கல் நிகழ்ச்சியை தொகுத்து வழங்கிக் கொண்டிருந்தார். அப்போது முதல் பரிசான ரூபாய் 220 கோடியை பெற்ற எண் அறிவிக்கப்பட்டது. அந்த எண் கொண்ட லாட்டரி சீட்டு தன்னிடம் இருப்பதாக நினைத்துக் கொண்டு உடனே நான் துள்ளி குதித்தார் நடாலியா.

நேரலை ஒளிபரப்பு என்பதையும் அவர் கவனிக்காமல் தான் இனிமேல் 220 கோடி ரூபாய்க்கு சொந்தக்காரி என்றும் இனிமேல் வேலைக்கு செல்ல மாட்டேன் என்றும் வேலையை ராஜினாமா செய்யப் போவதாகவும் அவர் தெரிவித்தார்.

இதனை அடுத்து ஒரு சில நிமிடங்களில் அவர் வாங்கிய சீட்டுக்கு ரூ.4 லட்சம் மட்டுமே பரிசு விழுந்ததாக தெரியவந்தது. இதனால் பெரும் சோகத்திற்கு உள்ளான அவர் தான் உணர்ச்சிவசப்பட்டு செய்த செயலால் வருந்துவதாக தெரிவித்தார். மேலும் தான் வேலையை ராஜினாமா செய்யவில்லை என்றும் மீண்டும் வேலைக்கு செல்லவுள்ளதாக கூறினார். இதுகுறித்த வீடியோ தற்போது இணையதளங்களில் வைரலாகியுள்ளது.

மைக்கேல் ஜாக்சன் இன்னும் உயிருடன் இருக்கின்றாரா? அதிர்ச்சி தகவல்!

பாப் இசை உலகின் முடிசூடா மன்னனாக விளங்கிய மைக்கேல் ஜாக்சன் அவர்கள் கடந்த 2009 ஆம் ஆண்டு மரணம் அடைந்த நிலையில் தற்போது அர்ஜென்டினாவில் இருக்கும் ஒருவர் தான் உண்மையான மைக்கேல் ஜாக்சன் என்றும் அச்சு அசலாக அவர் மைக்கேல் ஜாக்சன் போல் இருப்பதை அடுத்து மற்றும் ஜாக்சன் இதுநாள் வரை மறைந்து வாழ்ந்திருப்பதாகவும் ரசிகர்கள் தெரிவித்து வருகின்றனர். இதனால் பெரும் பரபரப்பு ஏற்பட்டுள்ளது

சமீபத்தில் அர்ஜென்டினாவை சேர்ந்த செர்ஜியோ என்பவர் ஒரு பாப் இசை பாடல்களை மேடையில் பாடினார். அச்சு அசல் மைக்கேல் ஜாக்சன் போலவே அவர் நடனமாடி பாடல்களை பாடினார். அதுமட்டுமன்றி சமீபத்தில் ஒரு விளம்பரப் படத்திலும் மைக்கேல் ஜாக்சன் போலவே நடித்ததால் உலகம் முழுவதும் புகழ் பெற்றார். அவரது நடை உடை பாவனை பேச்சு நடனம் ஆகிய அனைத்தும் அச்சு அசலாக மைக்கேல் ஜாக்சன் போலவே இருப்பதால் இவர் தான் உண்மையான மைக்கேல் ஜாக்சன் என்றும் சில சில ஆண்டுகள் மறைந்து வாழ்வதற்காக அவர் இறந்து விட்டது போல நாடகமாடி உள்ளார் என்றும் ரசிகர்கள் கூறி வருகின்றனர். இதனை ஷோ செர்ஜியோ, தான் மைக்கேல் ஜாக்சன் இல்லை என்பதை டிஎன்ஏ சோதனை மூலம் நிரூபிக்க வேண்டும் என்றும் ரசிகர்கள் வலியுறுத்தி வருகின்றன.

இந்த நிலையில் இது குறித்து செர்ஜியோ கூறும்போது ’என்னை ஒரு பத்திரிகையாளர் பேட்டி எடுத்தபோது மைக்கேல் ஜாக்சன் போன்று இருப்பதால் அதேபோல் மேக்கப் போட்டு பேட்டி எடுத்தார் என்றும் அதன் பின்னர் சுவிஸ் நாட்டின் விளம்பர படத்தில் மைக்கேல் ஜாக்சன் போல் வேடமிட்டு நடித்ததால் என்னை உண்மையான மைக்கேல் ஜாக்சன் என்று கூறி வருகிறார்கள் என்றும் ஆனால் எனக்கு மைக்கேல் ஜாக்சனுக்கும் எந்த சம்பந்தமும் இல்லை என்றும் அவர் தெரிவித்தார்