News4 TamilOnline Tamil News

உப்பு என்பது மகாலட்சுமியின் அம்சம் கொண்டது. எனவே இதனை வீட்டில் எப்பொழுதும் குறையாமல் பார்த்துக் கொள்ள வேண்டும் என்று நமது முன்னோர்கள் கூறுவார்கள். வீட்டில் உப்பு குறையாமல் இருந்தால் செல்வ வளமும் குறையாமல் இருக்கும். இந்த உப்பு என்பது செல்வ வளத்தை பெருக்குவதுடன், பல விதமான திருஷ்டிகளையும் போக்கக் கூடியது.

உப்பு வாங்குவதாக இருந்தால் முடிந்த அளவிற்கு வெள்ளிக் கிழமைகளில் வாங்குவது மிகவும் சிறப்பு. அதேபோன்று உப்பினை மண் ஜாடி அல்லது பீங்கான் ஜாடியில் தான் வைக்க வேண்டும். எவர்சில்வர், பித்தளை, இரும்பு போன்ற பொருட்களில் உப்பினை வைக்க கூடாது. இது உடல் ரீதியாகவும், ஆன்மீகம் ரீதியாகவும் பல தீங்குகளை விளைவிக்கும்.

வீட்டின் செல்வ வளத்தை பெருக்குவதற்கும், வீட்டில் இருக்கும் கண் திருஷ்டிகளை நீக்குவதற்கும் இந்த கல் உப்பினை கொண்டு செய்யக்கூடிய பரிகாரம் மிகுந்த பலன்களை கொடுக்கக்கூடிய சிறந்த பரிகாரமாகும். எனவே செல்வ வளம் உயர மற்றும் கண் திருஷ்டி நீங்க செய்ய வேண்டிய ஐந்து விதமான கல் உப்பு பரிகாரத்தை இந்த பதிவில் காண்போம்.

1. வெள்ளிக்கிழமை நாட்களில் புதியதாக உப்பினை வாங்கி உப்பு ஜாடி முழுவதுமாக நிரப்பி கொள்ள வேண்டும். அந்த உப்பினுள் ஒரு துண்டு வசம்பினை மறைத்து வைத்துக் கொள்ள வேண்டும். இவ்வாறு வைப்பதன் மூலம் வீட்டில் தேவையற்ற மருத்துவ செலவுகள் வருவதை தடுத்து நிறுத்தும்.

வசம்பு என்பது உடல் நிலைக்கு மிகவும் நல்லது. எனவே இதனை உப்பில் வைத்து பயன்படுத்தும் பொழுது, செரிமான பிரச்சனைகள் வராமல் இருக்கும். மேலும் வீட்டில் இருக்கும் எதிர்மறை ஆற்றல்களை விரட்டும்.

2. ஒரு சிறிய மண் ஜாடி அல்லது கண்ணாடி ஜாடியில் உப்பினை நிரப்பி, அதில் ஒரு விரலி மஞ்சள் மற்றும் ஒரு ரூபாய் அல்லது ஐந்து ரூபாய் நாணயத்தை வைக்க வேண்டும். இப்பொழுது இந்த ஜாடியை பூஜை அறையில் வைத்து, அதற்கு முன்பாக கண்ணாடி ஒன்றை வைக்க வேண்டும். அந்த கண்ணாடியில் அந்த உப்பு ஜாடியின் பிம்பம் படும்படி வைக்க வேண்டும்.

இவ்வாறு வைப்பதன் மூலம் பணவரவு அதிகரிக்கும், கடன் சுமை குறையும், நேர்மறை ஆற்றல்கள் அதிகரிக்கும், வீட்டில் இருக்கும் கெட்ட சக்திகளை ஈர்த்துக் கொள்ளும். வாரத்திற்கு ஒரு முறை இந்த உப்பினை மாற்றிக் கொள்ளலாம்.

3. பிரம்ம முகூர்த்த நேரத்தில் கீழே அமர்ந்து கொண்டு, இரண்டு கைகளிலும் கல் உப்பை வைத்துக் கொள்ள வேண்டும். இரண்டு கைகளையும் இரண்டு கால் தொடைகளின் மீது வைத்து கண்களை மூடி உங்களுக்கு என்ன வேண்டுதல்கள் நிறைவேற வேண்டுமோ அதனை மனதார வேண்டிக் கொள்ள வேண்டும்.

இவ்வாறு வேண்டிக் கொண்ட பின்னர் அந்த உப்பினை தண்ணீரில் கரைத்து, கால் படாத இடத்தில் ஊற்றி விட வேண்டும். இவ்வாறு தொடர்ந்து 15 நாட்கள் செய்தால் நிச்சயம் உங்களது வேண்டுதல்கள் நிறைவேறும்.

4. இரண்டு மண் அகல் விளக்கில் சிறிதளவு கல் உப்பை போட்டுக் கொள்ள வேண்டும். அதில் ஒரு மண் அகல் விளக்கை நிலை வாசல் கதவுக்கு பின்புறம் வைத்து விட வேண்டும். இன்னொரு மண் அகல் விளக்கை உங்களது குளியல் அறையில் கைப்படாத இடத்தில் வைத்து விட வேண்டும். இவ்வாறு வைப்பதன் மூலம் வீட்டில் இருக்கும் கண் திருஷ்டிகள் விலகும்.

இதனை மாதத்திற்கு ஒரு முறை மாற்றிக் கொள்ளலாம். சிறிதளவு கல் உப்பை தண்ணீரில் கரைத்தும் குளிக்கலாம், இது உடல் சோம்பேறித்தனத்தை அகற்றும்.

5. ஒரு மண் அகல் விளக்கில் சிறிதளவு கல் உப்பு, 21 மிளகு, 3 அல்லது 4 கற்பூரம் ஆகியவற்றை வைத்து குழந்தைகள், பெரியவர்கள் ஆகியோரின் தலையை சுற்றி திருஷ்டி கழிக்கலாம். இவ்வாறு சுற்றிய பின்னர் அந்த கற்பூரத்தை வாசலில் வைத்து எரித்து விட வேண்டும். மிளகினை வீட்டின் நான்கு புறங்களிலும் தூக்கி எறிந்து விட வேண்டும். உப்பினை தண்ணீரில் கரைத்து கால் படாத இடத்தில் ஊற்றி விட வேண்டும்.

இவ்வாறு செய்வதன் மூலம் திருஷ்டிகள் அனைத்தும் விலகும், மனதில் இருக்கும் பாரம் விலகி மன நிம்மதி ஏற்படும், குடும்பத்தில் உள்ள அனைவரையும் அமர வைத்து திருஷ்டி கழிப்பதன் மூலம் குடும்பத்தில் உள்ள அனைத்து பிரச்சனைகளும் விலகி குடும்ப ஒற்றுமை ஏற்படும்.

மனிதர்களாய் பிறந்த அனைவருக்குமே கோவிலுக்கு சென்று கடவுளை வணங்கும் பழக்கம் என்பது கண்டிப்பாக இருக்கும். என்னதான் பூஜை அறையில் தினமும் விளக்கேற்றி கடவுளை வணங்கினாலும், வாரத்திற்கு ஒருமுறை கோவிலுக்கு சென்று கடவுளை வணங்கும் பழக்கத்தை பலரும் வைத்திருப்பர். முடியாதவர்கள் மாதத்திற்கு ஒரு முறையாவது கோவிலுக்கு சென்று விடுவார்கள்.

மக்கள் அனைவரும் கடவுளை வணங்குவதற்கு முதல் காரணம் அவர்களுடைய பிரச்சனைகள் சரியாக வேண்டும், வாழ்க்கையில் முன்னேற வேண்டும், மன நிம்மதி வேண்டும் என்பதற்காகத் தான். கோவிலுக்கு சென்று வந்தால் மன நிம்மதி கிடைக்கிறது என்று பலரும் கூறுவதை நாம் கேட்டிருப்போம். கடவுளால் மட்டுமே நமக்கு தேவையான அனைத்தையும் கொடுக்க முடியும். அதற்கு முதலில் நாம் சரியான முறையில் கடவுளை வணங்க வேண்டும்.

நம்முடைய பிரச்சனைகள் தீர வேண்டும் என்பதற்காக கோவிலுக்கு செல்வோம், ஆனால் அங்கு நாம் செய்யக்கூடிய சிறிய சிறிய தவறுகளே நமக்கு மென்மேலும் புதிய பிரச்சனைகளை ஏற்படுத்திக் கொடுத்து விடும். எனவே கோவிலுக்கு சென்றால் எவ்வாறு நடந்து கொள்ள வேண்டும்? எவ்வாறு நடந்து கொள்ளக் கூடாது? என்பதை அனைவரும் தெரிந்து கொள்வது அவசியம்.

அப்பொழுதுதான் நம்முடைய பிரச்சனைகளை கடவுள் ஏற்று நமக்கு அருள் புரிவார். மாறாக கடவுளின் கோபத்திற்கு காரணமாக நாம் இருந்து விடக்கூடாது. கோவிலுக்கு செல்லும் பொழுது எந்தெந்த விதிமுறைகளை நாம் பின்பற்ற வேண்டும் என்பதையும், இதனால் கிடைக்கும் நன்மைகளையும் இந்த பதிவில் காண்போம்.

1. கோவிலுக்கு சென்றவுடன் முதலில் அங்கு இருக்கும் விநாயகரை தான் வழிபட வேண்டும். இல்லை என்றால் காரியத்தடை உண்டாகும். அதேபோன்று கோவிலில் இருக்கும் அனைத்து கடவுளையும் வணங்கிய பிறகு, இறுதியாக தான் அங்கு இருக்கும் நவகிரகங்களை வணங்க வேண்டும்.

2. கோவிலில் நேர்மறையான கதிர்வீச்சுகள் நம் மீது படும் என்பதை பலரும் கேள்விப்பட்டிருப்போம். எனவே கோவிலுக்குள் நுழைந்த உடனேயே செல்போன்களை ஆஃப் செய்து விட வேண்டும். ஏனென்றால் செல்போனில் இருந்து வெளிவரும் கதிர்வீச்சு, தெய்வத்திடம் இருந்து வரக்கூடிய கதிர்வீச்சுகளை தடுத்துவிடும்.

3. கோவிலில் அர்ச்சகர் தரும் திருநீரை கோவில் தூண்கள் அல்லது ஏதேனும் ஒரு இடத்தில் கொட்டி விட்டு சென்றால், உங்களுக்கு கிடைத்த வரத்தை நீங்கள் விட்டு சென்றதற்கு சமமாகும். எனவே கோவில் பிரசாதத்தை கண்டிப்பாக வீட்டிற்கு எடுத்துச் செல்ல வேண்டும்.

4. அதேபோன்று மற்றவர்கள் கோவில் தூண்களில் கொட்டி வைத்திருக்கும் திருநீரை நீங்கள் எடுத்து வைத்துக் கொள்ளக் கூடாது. அவ்வாறு செய்தால் மற்றவர்களின் பாவங்களை நீங்கள் எடுத்துக் கொண்டதற்கு சமமாக கருதப்படும். மேலும் அவர்களது வாழ்க்கை துன்பங்கள் அனைத்தும் உங்களது வாழ்க்கையிலும் வந்துவிடும்.

5. கோவில் படிக்கட்டுகளில் சூடம் ஏற்றக்கூடாது. ஏனென்றால் கோவில் படிகட்டுகளில் நீங்கள் சூடம் ஏற்றினால், அது அணைந்த பின்னர் மற்றவர்கள் அதனை மிதித்து நடப்பர். நீங்கள் எதை வேண்டி அந்த சூடத்தை ஏற்றினீர்களோ அதை கடவுள் கொடுத்தாலும் இறுதியாக மிதிக்கப்படும்.

6. கோவிலுக்கு சென்றால் கடவுளைத் தவிர அங்கு வேறு யாரையும் வணங்க கூடாது. அர்ச்சகர் காலில் விழுந்து வணங்கினால் கடவுளை அவமதித்ததற்கு சமமாக கருதப்படும். அதேபோன்று கோவிலில் திருமணம் நடைபெற்றாலும் கூட, அங்கு கடவுளைத் தவிர வேறு யாருடைய காலிலும் விழுந்து ஆசீர்வாதம் வாங்க கூடாது.

7. கோவிலில் கடவுளை வணங்கிய பின்னர் ஐந்து நிமிடமாவது கோவிலில் அமர்ந்திருக்க வேண்டும். இவ்வாறு அமர்வதன் மூலம் கோவில் பாதுகாவலர்கள் என்று கருதப்படும் ஏழு சிரஞ்சீவிகளை நாம் வணங்குவதாக அர்த்தம்.

இவர்கள் நாம் வீடு செல்லும் வரை நமக்கு பாதுகாப்பாக நம்முடன் வருவார்கள். எனவே கோவிலில் இருந்து நேராக வீட்டிற்கு சென்று விளக்கேற்றி வழிபட்டால், அவர்களை வரவேற்க வேண்டும் என்பது நம்முடைய மரபு.

8. கோவிலில் அர்ச்சகர் கொடுத்த மலர் கீழே விழுந்து விட்டால் மறுபடியும் அதனை எடுத்து சூடிக்கொள்ளக் கூடாது.