News4 TamilOnline Tamil News

அனைவரது இல்லத்திலும் காலை மற்றும் மாலை என இரு வேளையும் தீபம் ஏற்றும் வழக்கம் உண்டு. ஏனென்றால் அந்த தீப ஒளி வீட்டில் இருக்கும் இருளை நீக்கி குடும்ப முன்னேற்றத்திற்கு வழிவகுக்கும் என்பது ஐதீகம். இவ்வளவு முக்கியத்துவம் வாய்ந்த தீபத்தை ஒரு சில நாட்களில் ஏற்றக்கூடாது என்ற முறைகளும் உள்ளது. அது எந்தெந்த நாட்கள் என்பது குறித்த தகவலை இந்த பதிவில் காண்போம்.

குறிப்பிட்டு சில நாட்களில் வீட்டில் தீபம் ஏற்றக்கூடாது என்ற வரைமுறைகள் உள்ளன. இதனை சிலர் அறிந்திருந்தாலும் பலர் அறியாமல் இருப்பர். வீட்டில் தீபம் ஏற்றும் பொழுது அந்த வீட்டில் தெய்வ சக்தி அதிகரித்து, சுபிட்சம் உண்டாகும். ஆனால் தீபம் ஏற்ற கூடாத நாட்களில் தீபத்தை ஏற்றினால் அது அபசகுனமாக மாறிவிடும். எனவே எந்தெந்த நாட்களில் தீபம் ஏற்றக்கூடாது என்பதை அனைவரும் அறிந்து கொள்வது அவசியம்.

1.உங்களுக்கு மிகவும் நெருங்கிய உறவுகளான பங்காளிகள், அதாவது ரத்தம் சம்பந்தப்பட்ட உறவுகள் யாராக இருந்தாலும் இறப்பு ஏற்பட்டால் கண்டிப்பாக அடுத்த 16 நாட்களுக்கு உங்கள் வீட்டில் தீபம் ஏற்றக்கூடாது. ஏனென்றால் இது இறப்பு தீட்டு என்று கூறப்படும். இதுபோன்ற தீட்டு காலங்களில் தீபம் ஏற்றக்கூடாது.

ரத்தம் சம்பந்தப்பட்ட உறவுகளிடம் பேசுவதில்லை என்றாலும் கூட ,அவர்களது வீட்டில் இறப்பு ஏற்பட்டால் கண்டிப்பாக 16வது நாள் காரியம் முடியும் வரையிலும் தீபம் ஏற்றக்கூடாது. அதேபோன்று சுப காரியங்களிலும் கலந்து கொள்ளக் கூடாது.

2.உங்களது தெருக்களில் அல்லது ஊர்களில் யார் என்று தெரியாதவர்களாக இருந்தாலும் கூட, உங்கள் வீட்டிற்கு அருகில் இருக்கும் சமயத்தில் அவர்களின் இறப்பு சடங்கு முடியும் வரையிலும் உங்களது வீட்டில் தீபம் ஏற்றக்கூடாது.

ஒரு தெருவில் இறப்பு ஏற்பட்டால் அந்த ஊரில் உள்ள கோவில்களில் அன்று பூஜை நடக்காது, கோவில் நடையையும் திறக்க மாட்டார்கள். அது போன்று தான் உங்களது வீட்டிலும் தீபம் ஏற்றி வழிபடக் கூடாது.

3. அதேபோன்று உங்களது வீட்டில் யாருக்கேனும் குழந்தை பிறந்து இருந்தாலும் அதுவும் ஒரு தீட்டாகத் தான் கருதப்படும். எனவே அந்த குழந்தை பிறந்தது முதல் அந்த குழந்தைக்கு புண்ணியாதானம் செய்யும் வரையிலும் அந்த வீட்டில் தீபம் ஏற்றக் கூடாது.

இதுபோன்ற தீட்டு காலங்களில் வீட்டில் தீபம் ஏற்றுவதை தவிர்த்துக் கொள்வது மிகவும் நல்லது. தீட்டு காலங்கள் முடிந்து வீட்டை சுத்தம் செய்த பின்னர் தீபம் ஏற்றுவது தான் சரியான முறையாகும். அப்பொழுது தான் குடும்பத்தில் எந்த ஒரு தோஷமும் ஏற்படாமல் குடும்பம் சுபிட்சமாக இருக்கும்.

தினமும் கந்த சஷ்டி கவசம், வேல்மாறல், திருப்புகழ் என்று முருகனுக்கு உரிய நாமங்களை மட்டுமே பாராயணம் செய்யும் முருக பக்தர்களை விட, எவர் ஒருவர் மனம் உருகி ஒவ்வொரு நொடிப் பொழுதும் முருக பக்தியில் மூழ்கி இருக்கிறாரோ அவருடனே முருகன் இருக்க ஆசைப்படுவார். இக்கட்டான சூழ்நிலையில் தனக்கு உதவ யாருமே இல்லை என்று கண்ணீர் விட்டு கதறும் பொழுது “நான் இருக்கிறேன்” என்று ஓடோடி வருபவர் தான் கந்தன்.

அப்படிப்பட்ட முருக பக்தனாக நீங்கள் இருக்கிறீர்கள் என்றால், உங்களுடைய வீட்டிற்கு முருகன் வருகிறார் என்றால் சில அறிகுறிகள் உங்களுக்கு தென்படும். அதேபோன்று சில உயிரினங்கள் உங்கள் வீட்டிற்கு வருவதை வைத்து, தெள்ளத் தெளிவாக இது முருகனின் திருவிளையாடல் என்பதை உங்களால் உணர்ந்து கொள்ள முடியும்.

முருகன் உங்களுடன் இருக்கிறார் என்பதை எப்படி தெரிந்து கொள்வது? முருகன் வருகையை உணர்த்தும் அறிகுறிகள் என்னென்ன? என்பது குறித்த தகவல்களை தான் இந்த பதிவில் காணப் போகிறோம்.

1. உங்கள் வீட்டில் இருக்கும் பெண் குழந்தை அல்லது ஆண் குழந்தை முருகனின் முக லட்சணத்தை கொண்டிருப்பார்கள். அதேபோன்று முருகனுக்கு உகந்த நட்சத்திரத்திலோ, திதியிலோ அதாவது கிருத்திகை, விசாகம், பூசம் நட்சத்திரத்திலோ செவ்வாய்க்கிழமை, சஷ்டி திதி இது போன்ற நாட்களில் பிறந்து இருந்தாலும் முருகப்பெருமான் உங்கள் வீட்டில் பிறந்து இருக்கிறார் என்பதை உணர்ந்து கொள்ளலாம்.

2. முருகப்பெருமானை மனதார வேண்டி விளக்கேற்றும் பொழுது, அந்த விளக்கின் ஜோதி பிரகாசமாக சிறிது தூரத்திற்கு உயர்ந்து எறிந்தால், அந்த விளக்கின் ஜோதியில் முருகன் உங்கள் கண் முன் நிற்கிறார் என்று அர்த்தம்.

3. அதேபோன்று முக்கியமான வேண்டுதலுக்காக முருகனை மனதார நினைத்து விளக்கேற்றும் பொழுது, அந்த ஜோதியில் இருந்து ஏதேனும் சத்தம் ஏற்பட்டால் முருகன் உங்களது வேண்டுதலை மனதார ஏற்றுக் கொண்டு பதிலளிக்கிறார் என்று அர்த்தம்.

4. தெய்வ சக்தி இருக்கின்ற வீடுகளில் மட்டுமே பல்லிகள் அதிகம் இருந்து சத்தமிடும். தெய்வ சக்தி இல்லாத வீடுகளில் பல்லிகள் இருக்காது. முருகனை நினைத்து வேண்டும் பொழுது பல்லிகள் சத்தமிட்டால் முருகன் உங்களுக்கு துணையாக இருக்கிறார் என்று அர்த்தம்.

5. முருகனை நினைத்து வேண்டி கொண்டிருக்கும் பொழுதோ அல்லது முருகனின் நாமங்களை பாராயணம் செய்து கொண்டிருக்கும் பொழுதோ, முருகன் படத்தில் இருந்து பூக்கள் கீழே விழுகிறது என்றால் முருகன் உங்கள் வீட்டில் எழுந்தருளி இருக்கிறார் என்று அர்த்தம்.

6. நீங்கள் வெளியில் செல்லும் பொழுதோ அல்லது வீட்டில் இருக்கும் பொழுதோ உங்களுக்கு சொந்தம் இல்லாத உயிரினமான மயிலோ அல்லது சேவலோ உங்கள் கண் முன் அடிக்கடி வருகிறது என்றால், முருகனின் துணை உங்களுக்கு இருக்கிறது என்று அர்த்தம்.

7. முருகனின் அருள் உங்களுக்கு இருக்கிறது என்றால் உங்கள் கனவில் அடிக்கடி வேல், மயில், சேவல் இது போன்ற முருகனுக்கு சொந்தமான பொருட்கள் வரும்.

8. நீங்கள் மிகுந்த மன வேதனையில் இருக்கும் பொழுது உங்கள் கண் முன்னே அடிக்கடி முருகனின் படம் தோன்றுகிறது என்றால், முருகன் உங்களுக்கு துணையாக இருக்கிறார் என்று அர்த்தம்.

9. உங்களுடைய பிரச்சனையை சரி செய்ய நீங்கள் உதவி கேட்காமலேயே ஒருவர் வருகிறார் என்றால், அவர் முருகனின் மறு உருவம் என்று அர்த்தம். உங்களுடைய மன குறை தீர்வதற்கு ஒரு வழி கிடைக்கிறது என்றாலே, முருகனின் துணை உங்களுக்கு இருக்கிறது என்று நீங்கள் உணர்ந்து கொள்ளலாம்.

10. முருகன் உங்களுடன் இருக்கிறார் என்றால் உங்கள் வீட்டில் எப்பொழுதும் இல்லாதது போல் விபூதி, சந்தனம் இது போன்ற வாசனை வரும். வீட்டில் மட்டுமல்லாமல் வெளியில் சென்று முருகனை நீங்கள் நினைக்கும் பொழுதெல்லாம் இது போன்ற வாசனை வருகிறது என்றால் முருகன் உங்கள் உடனேயே இருக்கிறார் என்று அர்த்தம்.

1. தலைக்கு குளித்த அன்றே எண்ணெய் தடவினால் சகோதரர்களுக்கு நல்லதில்லை.

2. உங்களுடைய தந்தையை நீங்கள் பகைத்துக் கொண்டால் தொழில் பாதிக்கும். அதே போன்று உங்களுடைய தாயை பகைத்துக் கொண்டால் கணவன் மனைவி உறவு பாதிக்கும்.

3. சகோதரிகளை பகைத்தால் ஆண் குழந்தை பிறக்காது. சொத்துக்களுக்கு சிக்கல் வரும்.

4. தினமும் மனைவியிடம் 10 ரூபாயை பெற்றுக் கொண்டு வெளியே வேலைக்கு செல்லும் பொழுது அந்த பணம் பெருகும். மனைவி தான் வீட்டின் மகாலட்சுமி. அவள் சந்தோஷமாக இருந்தால் பணம் பெருகும், அவள் அழுதால் பண வரவு பாதிக்கும்.

5. இரும்பு உலோகப் பொருட்களை யாருக்கும் கடனாக கொடுக்கக் கூடாது. குடும்பத்தில் சண்டை ஏற்படும்.

6. ஓடாத கடிகாரம் மற்றும் உடைந்த கண்ணாடி வீட்டில் இருந்தால் அது எதிர்மறை சக்திகளை உருவாக்கும்.

7. வாசலில் சாணம் தெளிப்பது நல்லது. முடியாதவர்கள் வெறும் தண்ணீரில் வாசல் தெளிக்க கூடாது. அது கெட்ட சகுனமாக கருதப்படும். எனவே தண்ணீரில் சிறிதளவு மஞ்சள் தூளை கலந்து தெளிக்க வேண்டும்.

8. வீட்டில் எப்பொழுதும் பணக்கஷ்டம், சண்டைகள் ஏற்பட்டு கொண்டே இருந்தால் அரிசி மாவினால் கோலம் போட வேண்டும். அந்த அரிசியை எறும்பு சாப்பிடும் பொழுது தோஷங்கள் அனைத்தும் நீங்கிவிடும்.

9. வாழை இலையில் சூடாக செய்த பிரசாதத்தை கடவுளுக்கு படைத்து, வழிபட்ட பின்னர் அதனை உணவாக உண்ணும் பொழுது பல நோய்கள் குணமாகும்.

10. காலையில் பெண்கள் குளித்துவிட்டு தான் சமையல் வேலையை தொடங்க வேண்டும். குளிக்க முடியாதவர்கள் பல் துலக்கி விட்டு, சிறிதளவு கல் உப்பை வாயில் போட்டுக் கொண்டு சமையல் வேலையை தொடங்கினால் தோஷம் நீங்கும்.

11. சமைக்கும் பொழுது பாத்திரத்தை சுரண்டக் கூடாது. இந்த சத்தம் மகாலட்சுமிக்கு பிடிக்காது. இதனால் தரித்திரம் உண்டாகும்.

12. மாலை நேரத்தில் வீட்டில் விளக்கு ஏற்றிய பிறகு எந்த பொருளையும் யாருக்கும் கொடுக்கக் கூடாது. ஏனென்றால் அந்தப் பொருளுடன் நமது வீட்டில் இருக்கும் மகாலட்சுமியும் சென்று விடுவாள் என்ற நம்பிக்கை இருந்து வருகிறது.

13. முக்கியமாக பணம், தீப்பெட்டி, இரும்பு, தங்கம், உரை மோர் போன்றவற்றை கொடுக்கக் கூடாது. மறுநாள் வாங்கிக் கொள்ளுங்கள் என்று கூறி அவர்களை அனுப்பி வைத்து விட வேண்டும்.