News4 TamilOnline Tamil News

ஒரு வீடு என்பது தெய்வ கடாட்சமாக திகழ வேண்டும் என்றால், அந்த வீட்டின் சமையல் அறை என்பது மிகவும் சுத்தமாக இருக்க வேண்டும் என்பதை நாம் அனைவரும் அறிந்திருப்போம். சமையலறையில் பலவிதமான பொருட்களை வைத்திருப்போம். அவற்றை நல்லவை தீயவை என பிரிக்க முடியாது. அனைத்து பொருட்களையும் நமது உணவை சமைப்பதற்காகவே வைத்திருப்போம்.

அன்ன லட்சுமியின் ஆசீர்வாதம் பெற்ற பொருட்கள் என சில பொருட்கள் உள்ளன. அவற்றை நமது சமையலறை மேடையில் வைக்கும் போது நமது வீட்டில் பணக்கஷ்டம் ஏற்படாது. ஆனால் சில பொருட்களை வைக்கக் கூடாது. அவை எந்தெந்த பொருட்கள் என்பது குறித்து தற்போது காண்போம்.

நமது வீட்டின் சமையல் அறை என்பது தென்கிழக்கு திசையில் இருந்தால் சிறப்பு. நாம் சமைக்க கூடிய அடுப்பிற்கு அருகில் ஒரு சிறிய சொம்பு அல்லது பாத்திரத்தில் நீரை நிரப்பி எப்பொழுதும் வைத்துக் கொள்ள வேண்டும். அதேபோன்று நமது அடுப்பின் வலது பக்கத்தில் கல் உப்பு, நெய், தண்ணீர் இது போன்ற பொருட்களை வைக்க வேண்டும்.

இவ்வாறு வைக்கும் பொழுது நமது வீட்டில் லட்சுமி கடாட்சம் மேலும் அதிகரிக்கும். சிலர் கல் உப்பை சமையல் மேடைக்கு கீழே அல்லது வேறு இடங்களில் வைத்திருப்பார்கள். அவ்வாறு வைத்திருந்தாலும் கூட ஒரு சிறிய ஜாடியில் ஆவது கல் உப்பை போட்டு அடுப்பிற்கு வலது பக்கத்தில் வைத்துக் கொள்ள வேண்டும்.

முதலாவதாக சமையல் மேடைக்கு வலது பக்கத்தில் கருவாடு இது போன்ற பொருட்களை வைக்கக்கூடாது. மேலே உள்ள அலமாரிகளிலும் இந்த கருவாட்டை வைக்கக் கூடாது. சமையல் மேடைக்கு கீழே உள்ள அலமாரிகளில் மட்டுமே கருவாட்டை வைக்க வேண்டும்.

இரண்டாவதாக கருப்பு உளுந்து, கருப்பு எள் இது போன்ற பொருட்களையும் சமையல் மேடைக்கு வலது பக்கத்தில் வைக்கக் கூடாது. இந்த பொருட்களையும் சமையல் மேடைக்கு கீழே தான் வைக்க வேண்டும். அப்பொழுதுதான் நமது வீட்டில் இருக்கும் லட்சுமி கடாட்சம் குறையாமல் இருக்கும். பணக் கஷ்டமும் ஏற்படாது.

மூன்றாவதாக சமையல் மேடையின் வலது பக்கத்தில் கூர்மையான பொருட்களை வைக்கக் கூடாது. அதாவது கத்தி, கத்திரிக்கோல் இது போன்ற பொருட்களை வலது பக்கத்தில் வைக்கக் கூடாது. இதை தவிர்த்து வேறு இடங்களில் வைத்துக் கொள்ளலாம்.

நான்காவதாக சமையலுக்கு பயன்படுத்தக்கூடிய நல்லெண்ணெய். இதையும் சமையல் மேடைக்கு வலது பக்கத்தில் வைக்காமல் சமையல் மேடையின் கீழ் பகுதியில் வைக்க வேண்டும். ஏனென்றால் எண்ணெய் என்பது சனி பகவானின் ஆதிக்கம் கொண்டது, எனவே அதனை சமையல் மேடையின் வலது பக்கத்தில் வைக்க கூடாது.

ஐந்தாவது நாம் வாங்கி வரக்கூடிய அசைவம் சம்பந்தமான எந்த ஒரு பொருட்களையும் திறந்த நிலையில் சமையல் மேடையின் வலது பக்கத்தில் வைக்கக் கூடாது. ஒரு சில பொருட்களை இந்த இடத்தில் இருந்து எடுத்து புலங்கும் பொழுது அதற்கான சக்தி என்பது நமக்கு கிடைக்கும்.

எனவே சமையல் மேடையில் வலது பக்கம் என்பது அன்ன லட்சுமிக்கு மிகவும் உகந்த ஒரு இடமாகும். எனவே அந்த இடத்தில் லட்சுமி கடாட்சம் உருவாகக்கூடிய பொருட்களை மட்டுமே வைக்க வேண்டும். இவ்வாறு வைத்து நாம் நமது சமையலறையை பயன்படுத்தும் பொழுது வீட்டில் அன்ன குறைவு மற்றும் பண குறைவு ஏற்படாது.

1. பிரம்ம முகூர்த்த நேரத்தில் வீட்டின் கதவை திறந்து வையுங்கள்.. அஷ்டலட்சுமியின் வருகை இருக்கும்:

*அதிகாலையில் சூரியன் உதயமாகும் நேரமும் சூரியன் மறையும் நேரமும் மிகவும் முக்கியமான நேரம் ஆகும். இந்த பிரம்ம முகூர்த்த நேரத்தில் நமது வீட்டின் கதவை திறக்கும் பொழுது, ஒரு மந்திரத்தை 8 முறை கூறிவிட்டு அதன் பிறகு திறந்தோம் என்றால், அஷ்ட லட்சுமிகளின் வருகை நமது வீட்டிற்கு கண்டிப்பாக இருக்கும்.

*ஒரு வீட்டுக்கு லட்சுமி கடாட்சம் நிறைவாக இருக்க வேண்டும் என்றால், வெறும் பணத்தால் மட்டும் கிடைத்து விடாது. பணத்தோடு சேர்ந்து மற்ற ஐஸ்வர்யங்களும் நமது வீட்டிற்கு கிடைக்க வேண்டும்.

*தினமும் நமது வீட்டின் கதவை திறக்கும் பொழுது அஷ்ட லட்சுமிகளின் வருகையும் எங்களது வீட்டிற்கு இருக்க வேண்டும் என மனதில் நினைத்து “ஸ்ரீம்” என்ற மந்திரத்தை 8 முறை கூற வேண்டும்.

2. மளிகை பொருட்களை எந்த நாளில் வாங்கலாம்:

*பூரம், அனுஷம், உத்திரட்டாதி, பரணி, பூசம், பூராடம் ஆகிய நட்சத்திர நாட்களில் வீட்டிற்கு தேவையான மளிகை பொருட்களை வாங்குவதால் வீட்டில் லட்சுமி கடாட்சம் மற்றும் செல்வ செழிப்பும் பெருகும்.

*மளிகை பொருட்களை சமையலறையில் மேற்கு அல்லது தென்மேற்கு திசையில் வைத்தால் சுபிட்சம் ஏற்படும். தினமும் குளித்துவிட்டு பூஜை அறைக்குள் செல்வதைப் போன்று, சமையல் அறைக்குள் சென்றோம் என்றால் லட்சுமி கடாட்சம் நிறைந்து இருக்கும்.

3. வீட்டில் தினமும் கற்பூரம் ஏற்றுவதால் கிடைக்கும் நன்மைகள்:

*தினமும் பூஜை செய்யும் பொழுது கற்பூரம் ஏற்றுவதனால் வீட்டில் இருக்கும் வாஸ்து தோஷங்கள் அனைத்தும் நீங்கி மகிழ்ச்சியும், செல்வமும் கிடைக்கும்.

*கற்பூரத்தை தினமும் வீட்டில் ஏற்றுவதால் லட்சுமி தேவி மகிழ்ச்சி அடைந்து செல்வத்தையும், மகிழ்ச்சியையும் தருவார்.

*தினமும் காலை மற்றும் மாலை என இரு வேளையும் கற்பூரத்தை ஏற்றுவதால் தொழில் செழிப்படையும்.

*கற்பூரத்துடன் கிராம்பை சேர்த்து எரிப்பதால் வீட்டில் இருக்கும் கண் திருஷ்டி விலகும்.

4. திருமண யோகத்தை தரக்கூடிய பங்குனி உத்திர பூஜைகள்:

*பங்குனி மாதத்தில் வரக்கூடிய பங்குனி திதியும், உத்திர நட்சத்திரமும் இணைந்து வரக்கூடிய நாள் தான் பங்குனி உத்திரம்.

*பங்குனி உத்திர நாளில் திருமண வரம் வேண்டுவோர், வேலை கிடைக்க வேண்டும் என்றும், கடன் தீர வேண்டும் என்றும் இந்நாளில் விரதம் இருந்து வழிபாடு செய்தால் நினைத்தது நடக்கும்.

*பங்குனி உத்திர நாள் அன்று பிரம்ம முகூர்த்த நேரத்தில் வீட்டில் தீபம் ஏற்றி வழிபாடு செய்ய வேண்டும்.

*இந்நாளில் விரதம் இருந்து சிவபெருமான் சன்னதிக்கும், முருகப்பெருமான் சன்னதிக்கும் சென்று வழிபாடு செய்ய வேண்டும்.

5. சனிக்கிழமை நாட்களில் இந்த இடங்களில் விளக்கேற்றுங்கள்:

*வாஸ்துபடி சனிக்கிழமை நாட்களில் அரச மரத்தின் அடியில் விளக்கு ஏற்றுவது புனிதமாக கருதப்படுகிறது. மத நம்பிக்கைகளின் படி சனிக் கிழமைகளில் மரத்தின் அடியில் விளக்கேற்றினால் உங்களது விருப்பங்கள் நிறைவேறும் மற்றும் மகிழ்ச்சி, செழிப்பை காண்பீர்கள்.

6. கண் திருஷ்டி விலக:

*ஞாயிற்றுக்கிழமை இரவு 10 மணிக்கு மேல் ஊர் அடங்கிய பிறகு ஒரு வெள்ளை துணியில் வெண்கடுகு, பச்சைக் கற்பூரம், கல் உப்பு, காய்ந்த மிளகாய் இவை அனைத்தையும் ஒன்று சேர்த்து மூட்டையாக கட்டிக் கொள்ள வேண்டும்.

*இதனை நல்லெண்ணெயில் நனைத்து நம் வீட்டு வாசப்படி அருகில், தெருவில் இதை போட்டுக் கொளுத்த வேண்டும். இந்த மூட்டை முழுவதும் எரிந்து முடிந்தால் வீட்டில் இருக்கும் ஏவல், பில்லி, சூனியம், கண் திருஷ்டி ஆகிய அனைத்தும் விலகும்.

நாய்களை பெரும்பாலும் நமது செல்லப் பிராணியாக வளர்த்து வருகின்றோம். ஆனால் சில வகை நாய்கள் காடுகளிலும், தெருக்களிலும் வாழக்கூடிய தன்மை கொண்டது. 2016 ஆம் ஆண்டு நடத்தப்பட்ட ஆய்வுகளின் படி இந்த உலகில், மூன்றில் ஒரு பங்கு வீடுகளில் நாய்கள் வளர்க்கப்பட்டு வருகின்றன. அதாவது பூமியிலே மிகவும் சிறந்த செல்லப் பிராணியாக இந்த நாய்கள் தான் வளர்க்கப்பட்டு வருகின்றன.

ஆனால் இந்த நாய்கள் இரவு நேரங்களில் மட்டும் சத்தமிட்டு எதற்காக ஊளையிடுகிறது என்று யோசித்துப் பார்த்து உள்ளீர்களா? அதிலும் நாய்களின் அழுகை சத்தம் ஒரு வினோதமான சத்தமாக நம்மை பயமுறுத்தவும் செய்கிறது. இந்து மதத்தில் நாய்கள் ஊளை இடக்கூடிய இந்த சத்தம் கெட்ட சகுனமாக கூறப்படுகிறது.

மேலும் நாய்கள் கெட்ட ஆவிகளை பார்த்தால் தான் இது மாதிரியான சத்தங்களை எழுப்பும் எனவும் நம்பப்படுகிறது. ஆனால் இதற்கு பின்னாடி இருக்கும் உண்மை என்ன? நாய்கள் அழுவதற்கான உண்மையான காரணம் என்ன? போன்ற பல்வேறு சந்தேகங்களுக்கான விடைகளை தற்போது காண்போம்.

இந்த பூமியில் மனிதனுக்கு மிகவும் விசுவாசமான ஒரு ஜீவன் இருக்கிறது என்றால் அது நாய் தான். தெருக்களில் திரியும் நாய்களுக்கு ஏதேனும் ஒரு நாள் ரொட்டித் துண்டினை உணவாக கொடுத்தோம் என்றால் அது வாழ்நாள் முழுவதும் நம்மை மறவாமல் இருக்கும். ஆனால் இந்த நன்றியுள்ள ஜீவனின் பெயரை வைத்து தான் மற்றவர்களை திட்டவும் செய்கின்றோம்.

நாய்கள் என்பது மனிதர்களின் சிறந்த நண்பர்கள் மட்டுமல்ல, சிறந்த உதவி புரியும் ஜீவனாகவும் இருக்கும். இந்த நாய்கள் நமது வீடுகளை பாதுகாக்கவும், நாட்டின் எல்லைகளில் இருக்கும் தீவிரவாதிகளை கண்டுபிடிக்கவும் என பல விதங்களில் உதவி செய்து வருகிறது. இவை அனைத்தையும் மீறி, நாய்கள் இரவு நேரத்தில் சத்தம் போடுவதை மட்டும் ஏன் கெட்ட சகுனம் என கூறுகிறார்கள்.

சிலர் நாய்கள் ஊளையிட்டால், மரணம் நமது வீட்டின் கதவை தட்ட போகிறது என்றும் நம்புவார்கள். மேலும் இந்த நாய்கள் மரணம் வரப்போவதை முன்கூட்டியே அறிந்திருப்பதால் தான், அதனை நமக்கு உணர்த்துகிறது என்றும் கூறுவார்கள். ஜோதிட சாஸ்திரங்களின்படி நமது முன்னோர்களின் ஆவிகளை பார்த்தது தான் நாய்கள் இவ்வாறு சத்தமிடுகிறது என்று கூறப்படுகிறது.

நாய்களின் பார்வை திறன் மற்றும் நுண்ணறிவு மிகவும் சிறப்பாக இருப்பதால்தான், அது நமது முன்னோர்களின் ஆவிகளை பார்த்ததும் அழுகைகளின் வாயிலாக நமக்கு உணர்த்துகிறது என்றும் கூறி வருகின்றனர். நமது கண்களுக்கு தெரியாத ஆவிகளை நாய்கள் பார்ப்பதை நமக்கு தெரிவிப்பதற்கு தான் இவ்வாறு சத்தம் விடுகின்றன.

வீடுகளில் வளர்க்கும் நாய்கள் ஊளையிட்டு கொண்டே இருந்தாலும், கண்களில் நீர் வடித்தாலும், திடீரென உணவு உண்ணாமல் இருந்தாலும் அந்த குடும்பத்திற்கு ஏதேனும் ஒரு பிரச்சனை வரப்போவதை உணர்த்துவதாகவும் கூறப்படுகிறது. ஆனால் இந்த நம்பிக்கைகளுக்கு எந்தவித ஆதாரமும் கிடையாது.

இது போன்ற கருத்துக்கள் அனைத்தும் ஒவ்வொருவரது நம்பிக்கைகள். ஒரு சிலர் இதனை உண்மை என்றும், ஒரு சிலர் இதனை மூடநம்பிக்கை எனவும் கூறுவர். எனவே நாய்கள் இவ்வாறு ஏன் சத்தம் போடுகின்றன என்பது குறித்து அறிய ஆராய்ச்சிகளை மேற்கொண்டனர்.

இந்த ஆராய்ச்சிகளுக்குப் பிறகு நாய்களானது ஓநாய்களின் நெருங்கிய உறவுகள் என்பதால், ஓநாய்கள் மாதிரியே நாய்களும் அதுங்களுக்குள் ஒருத்தருக்கு ஒருத்தர் தொடர்பு கொள்ள இவ்வாறு சத்தம் போடுகின்றன என்பதை கண்டறிந்தனர். அதாவது இந்த சத்தத்தின் மூலம் நாய்கள் எங்கு இருக்கிறது என்பதை அறிந்து கொள்கின்றன.

இதனால் மற்ற நாய்களால் அந்த சத்தம் போடக்கூடிய நாய் இருக்கக்கூடிய இடத்தை அறிந்து கொள்ள முடியும். வேறு சில விஞ்ஞானிகள் நாய்கள் வலியில் இருக்கும் பொழுது இது போன்ற சத்தத்தை எழுப்பும் எனவும், நாய்கள் ஒரு சமூக விலங்காக இருப்பதால் அதன் தனிமையை தனது சத்தத்தின் மூலம் வெளிப்படுத்தலாம் எனவும் கூறுகின்றனர்.