News4 TamilOnline Tamil News

PMK: பாமக கட்சிக்குள் தலைமை பதவிக்கான போட்டி நிலவு வருகிறது. இதனால் கட்சி இரண்டாக பிரியும் சூழல் உண்டாகியுள்ளது. ஆரம்ப கட்டத்தில் மகள் வழி பேரனை பொறுப்பில் அமர்த்தியது ரீதியாக கருத்து வேறுபாடு உண்டானது. நாளடைவில் இதுவே நீயா நானா என்று போட்டி போடும் நிலைமைக்கு தள்ளியுள்ளது. அதிலும் அன்புமணியை தலைவர் பதவியிலிருந்து ராமதாஸ் நீக்கியதோடு எனது கடைசி மூச்சு வரை நான் தான் தலைவர் எனக் கூறி வருகிறார்.

இதனை அன்புமணி ஒருபோதும் ஏற்கவில்லை. மாறாக அவருக்கு கட்சிக்குள்ளேயே தங்களின் சுயநலத்திற்காக சொல்லிக் கொடுக்கிறார்கள் எனக் கூறி வருகிறார். இப்படி இருக்கும் நிலையில் அன்புமணி ஆதரவாளர்களை ராமதாஸ் நீக்குவதும், ராமதாஸ் பணி அமர்த்துபவர்களை அன்புமணி நீக்கும் செயலானது தொடர்ந்து வருகிறது. அதில் சேலம் மாவட்டம் பாமக எம்எல்ஏ அருளுக்கு ராமதாஸ் முக்கிய பதவியை கொடுத்தார்.

இதையடுத்து அன்புமணி அவரை கட்சியிலிருந்து நீக்கி விட்டார். இதற்கு பதிலளிக்கும் வகையில் ராமதாஸ் கூறியதாவது, பாமக எம்எல்ஏ அருள் கொறடாவாக இருப்பதால் அவரை நீக்க முடியாது. மேற்கொண்டு அவரை நீக்க வேண்டுமென்றால் ஜிகே மணி-யிடம் கடிதம் கொடுத்து சபாநாயகருக்கு அனுப்பி வைத்து தான் இதனை செயல்படுத்த முடியும் என்று கூறினார்.

அதுமட்டுமின்றி அதிமுக அல்லது திமுக யாருடன் கூட்டணி வைக்க வேண்டும் என்றாலும் அதனை மாநில செயற்குழு பொதுக்குழு மற்றும் நிர்வாக குழு என அனைவரும் ஆலோசனை செய்து தான் இறுதி முடிவு எடுக்கப்படும் என தெரிவித்துள்ளார். ஆனால் இவர் திமுகவுடன் கூட்டணி வைக்க மும்மரம் காட்டுவதாக பாமக வட்டாரங்கள் பேசுகின்றனர். அப்படி திமுக வுடன் கூட்டணி வைத்தால் திருமா கூட்டணியிலிருந்து விலக கூடும்.

DMK Ponmudi: ஸ்டாலின் தனது அமைச்சரவையில் இரண்டு முறை மாற்றத்தை கொண்டு வந்துள்ளார், அதிலும் சமீப காலமாக கட்சிக்கு கலங்கம் விளைவிக்கும் வகையில் யாராக இருந்தாலும் அவரை பதவியிலிருந்தே நீக்கம் செய்து விடுகிறார். குறிப்பாக அமைச்சர் பொன்முடி ஆரம்ப கட்டத்திலிருந்து பெண்களைப் பார்த்து ஓசி பஸ்ஸில் செல்கிறீர்கள் என கூறியதை அடுத்து தற்போது சைவ வைணவ இனத்தை ஒப்பிட்டு மாது விலை பெண்களுடன் தொடர்பு படுத்தி பேசினார்.

இதனால் எதிர்க்கட்சி என தொடங்கி கட்சிக்குள்ளேயே எதிர்ப்பு கிளம்ப ஆரம்பித்துவிட்டது. இதனால் அவர் அமைச்சர் பதவி பறிக்கப்பட்டது. இவரைப் போலவே பால்வளத்துறை அமைச்சராக இருந்த நாசரையும் கட்சித் தொண்டரை தாக்கியது ரீதியாக அவரது பதிவையும் பறிபோனது. இதனையடுத்து பொன்முடி பலமுறை ஸ்டாலினை சந்திக்க முயற்சி செய்தும் அதனை மறுத்து வந்தார்.

தற்போது தேர்தல் நெருங்கும் சமயத்தில் தமிழகம் முழுவதும் “ஓரணியில் தமிழ்நாடு” என்ற பொதுக்குழு கூட்டத்தை நடத்தி மக்களிடம் ஆட்சி தொடங்கியதிலிருந்து செய்தவற்றை எடுத்துரைக்கும் வகையில் ஏற்பாடு செய்யப்பட்டுள்ளது. இந்த ஓரணியில் தமிழ்நாடு இயக்கமானது விழுப்புரம் மாவட்டத்தில் நடைபெற உள்ளது. அதன் முழு பொறுப்பையும் பொன்முடிக்கு வழங்கியுள்ளனர். இதனால் கூடிய விரைவிலேயே அவருக்கு பழைய பதவி கிடைக்கும் என்று கூறப்படுகிறது.

அதே சமயம் பல கண்டிஷன்கள் முன் வைக்கப்பட்டுள்ளதாம். அவரது மகனுக்கு சீட் கேட்டு வரக் கூடாது. கட்சியை அடுத்த கட்டத்திற்கு எடுத்து செல்ல நாவடக்கம் என்பது தேவை. அதனால் இனி பொதுமக்கள் மத்தியில் பார்த்து பேச வேண்டும் என ஸ்டாலின் கூறியுள்ளதாக தகவல்கள் வெளியாகியுள்ளது.

DMK: திருபுவனத்தில் காவலாளி அஜித் குமார் லாக்கப் மரணமானது தற்போது தமிழகத்தில் அதிர்வலைகளை ஏற்படுத்தியுள்ளது. முதலில் விசாரணையின் போது 10 சவரன் நகை திருட்டுப் போனதால் அவரை கஸ்டடியில் எடுத்து விசாரித்ததாக கூறினர். தற்போது ரூ 500 ரூபாய் தகராறுக்காக அஜித்குமார் மீது பொய் புகார் சூட்டி அடித்து துன்புறுத்தி கொல்லப்பட்டுள்ளதாக திடுக்கிடும் தகவல் வெளியாகியுள்ளது. போலீசாரின் இந்த அராஜகத்தை மாற்ற கட்சியினர் என பலரும் கண்டனம் தெரிவித்து வருகின்றனர். மேற்கொண்டு தமிழக அரசு மீது பல குற்றச்சாட்டுகளையும் முன்னிறுத்தி உள்ளனர்.

இப்படி இந்த விவகாரமே ஆராத நிலையில், இதேபோல ராமநாதபுரம் மாவட்டத்தில் போலீஸ் மாற்றுத்திறனாளியை தாக்கிய சம்பவம் அதிர்ச்சி ஏற்படுத்தியுள்ளது. ராமநாதபுரம் மாவட்டத்தில் சித்திரங்குடியில் திருவிழா நடைபெறுவதால் பாதுகாப்பு பணிக்காக போலீசார் வந்துள்ளனர். அதில் சிஐடி லிங்கசாமி என்பவர் அங்கு பெட்டிக்கடை நடத்தி வந்த தங்கவேலுவிடம் தகராரில் ஈடுபட்டுள்ளார். மேலும் அங்கிருந்த ராட் கம்பியை கொண்டு தங்கவேலுவை மாற்றித்திறனாளி என்று கூட பாராமல் கடுமையாக தாக்கியுள்ளார்.

இதனால் அவரது இடது கை உடைந்துள்ளது. மேற்கொண்டு இது ரீதியாக அக்கம் பக்கத்தினர் கேட்ட பொழுது அவர்களையும் கடுமையாக மிரட்டியுள்ளார். இவர் அந்த மாற்றுத்திறனாளியை தாக்கிய சிசிடி வீடியோவையும் போலீசார் வாங்கிக் கொண்டு சென்றுள்ளனர். தற்போது தாக்குதல் நடத்திய போலீசார் லிங்கசாமி மீது புகார் அளித்தும் எந்தவித நடவடிக்கையும் இல்லை என்று குற்றம் சாட்டி உள்ளார். இது ரீதியாக அரசு ஏதேனும் நடவடிக்கை எடுக்குமா என்பது குறித்து பொறுத்திருந்து தான் பார்க்க வேண்டும்.

DMK: தமிழ்நாட்டில் அஜித் குமாரின் லாக்கப் மரணம் குறித்த பேச்சுதான் பரபரப்பாக உள்ளது. நடந்த அசாம்பாவித்திற்கு பொறுப்பேற்காமல் உயிர் போனதுக்கு Sorry என்று சொல்லி முடித்துவிட்டனர். இதே போல அதிமுக ஆட்சி காலத்தில் சாத்தான்குளம்  லாக்கப் மரணம் நடந்த போது எதிர்க்கட்சியாக இருந்த திமுகவை சேர்ந்த ஆ ராசா ஆளும் கட்சியை நோக்கி பல கேள்விகளை முன் வைத்தார். நல்ல முதலமைச்சர் என்றால் லாக்கப் மரணத்திற்கு ஏதாவது நடவடிக்கை எடுத்திருக்க வேண்டும்.

காவல்துறையை தங்களது கட்டுப்பாட்டில் கூட வைக்க முடியவில்லை, சர்வ சாதாரணமாக பதில் அளித்தால் எப்படி?? நீங்கள் முதலமைச்சராக இருப்பதற்கு தகுதியே இல்லை என்று சரமாரியாக பேசியுள்ளார். இந்த வீடியோவானது தற்போது இணையத்தில் தீயாக பரவி வருகிறது. தற்போது திமுக ஆட்சி செய்து வரும் நிலையில் காவலாளி அஜித்குமாரின் லாக்கப் மரணமானது மக்களிடையே கொந்தளிப்பை ஏற்படுத்தியுள்ளது.

ஏன் தற்போது மட்டும் காவல்துறை அரசின் கட்டுப்பாட்டின் கீழ் இல்லை?? உங்களது தலைவர் முதலமைச்சராக இருக்க தகுதி இல்லையா?? என்று பல கேள்விகளை எழுப்பி வருகின்றனர். ஆ ராசா அப்போது எதிர்க்கட்சியாக இருந்து வைத்த கேள்விகள் அனைத்தும் அவருக்கு எதிராகவே திரும்பி உள்ளது. நேரமிருந்தால் ஆ ராசா கேட்கும் கேள்விக்கு முதல்வர் ஸ்டாலின் பதில் சொல்லட்டும் என கூறி வருகின்றனர்.

மேற்கொண்டு அவரை கோவில் பின்புறம் அழைத்து வந்து சரமாரியாக தாக்கியதில் சம்பவ இடத்திலேயே உயிரிழந்துள்ளார். இதில் கொடூரமான விஷயம் என்னவென்றால் அந்தரங்க உறுப்பு என பல இடங்களில் மிளகாய் பொடி தூவி உள்ளதாகவும் கூறுகின்றனர். அதிலும் அஜித்குமார் மீது புகார் தந்த நிகிதா என்ற பெண் தற்போது தலைமறைவாகி உள்ளது குறிப்பிடத்தக்கது. இது ஒரு புறம் இருக்க இதே போல் அதிமுக ஆட்சி காலத்தில் கடைசி ஆண்டில் சாத்தான்குளத்தில் அப்பா மகன் லாக்கப் மரணம் நடைபெற்றது.

இதே போல தமிழ்நாட்டின் பெரும்பான்மையான கட்சிகள் எடப்பாடிக்கு எதிராக குரல் ஓங்கினர். அதிலும் சினிமா துறையிலிருந்து சூர்யா, சித்தார்த், பிரகாஷ்ராஜ் இன்னும் பல நடிகைகள் இதற்கு எதிர்ப்பு தெரிவித்தனர். ஆனால் திமுக ஆட்சியில் தற்போதும் அதே போல் ஒரு சம்பவம் நடந்திருக்கும் நிலையில் சூர்யா வாய் திறக்கவில்லை. அவர் நடித்த ஜெய் பீம் இதே போல கதையை தழுவி தான் இருக்கும். தற்போது இந்த நடிகர்கலெல்லாம் வாய் திறக்காததால் சினிமா துறை முழுவதும் திமுக கட்டுப்பாட்டில் உள்ளதா இவர்களெல்லாம் எங்கே போனார்கள் என்று கேள்வியை பலரும் முன் வைத்து வருகிறார்கள்.

நடுநிலைவாதிகளாக இருந்திருந்தால் தற்போதும் ஆதரவு தெரிவித்திருப்பார்கள். ஆனால் இவர்களின் இரட்டை வேடமானது இந்த அசம்பாவிதத்தின் மூலம் அம்பலமானதுடன் யாருக்கு எங்களது சப்போர்ட் என்பதையும் இதன் மூலமே வெளி கான்பித்துள்ளனர்.