News4 TamilOnline Tamil News

நாம் தினசரி சாப்பிடும் பெரும்பாலான உணவுகளில் எண்ணெய் பயன்படுத்தப்படுகிறது.தற்பொழுது எண்ணெய் உணவுகளின் ஆதிக்கம் அதிகமாக இருக்கிறது.உணவுகளை வறுக்க,பொரிக்க என்று அனைத்திலும் எண்ணெய் சேர்க்கப்படுகிறது.

இதில் பூரி,பஜ்ஜி,போண்டா போன்ற எண்ணையில் பொரிதெடுக்க கூடிய உணவுகளை சமைத்த பிறகு மீதமாகும் எண்ணையை திரும்ப பயன்படுத்துவதை பலரும் வழக்கத்தில் ஒன்றாக வைத்திருக்கின்றனர்.ஒருமுறை சமைத்த எண்ணையை மீண்டும் மீண்டும் பயன்படுத்தலாமா என்பது ஆரோக்கியமான செயலா என்பதை சிந்திக்க வேண்டும்.

ஒருமுறை சமைத்த எண்ணையை மீண்டும் பயன்படுத்துவதால் ஏற்படும் பாதிப்புகள்:

சமைத்த எண்ணையை மீண்டும் சூடுபடுத்தும் போது அதில் கொலஸ்ட்ரால் அளவு அதிகரிக்கும்.ஒருமுறை பயன்படுத்திய எண்ணையில் மீண்டும் சமைத்து உட்கொண்டால் வயிறு ஆரோக்கியம் பாதிக்கப்பட்டுவிடும்.

எண்ணையை மீண்டும் சூடுபடுத்தினால் அதில் இருக்கின்ற கொழுப்பு டிரான்ஸ் கொழுப்பாக மாறிவிடும்.இந்த கொழுப்பு நிறைந்த எண்ணைய் உணவை சாப்பிட்டால் இதய ஆரோக்கியம் மோசமாகிவிடும்.

ஒருமுறை பயன்படுத்திய எண்ணெயை மீண்டும் மீண்டும் சூடுப்படுத்தி சமைக்கும் பொழுது உடலுக்கு தீங்காக மாறிவிடும்.அசைவ உணவுகள் பொரித்த எண்ணையை மீண்டும் பயன்படுத்தினால் அது குடல் ஆரோக்கியத்தை மோசமாக்கிவிடும்.

ஒருமுறை சமைத்த எண்ணையை மீண்டும் பயன்படுத்தினால் உயர் இரத்த அழுத்த பாதிப்பு ஏற்படும்.சமைத்த எண்ணையை மீண்டும் மீண்டும் பயன்படுத்தினால் நீரிழிவு நோய் அபாயம் உருவாகும்.உணவு சமைக்க பயன்படுத்திய எண்ணையை மீண்டும் யூஸ் செய்தால் இரத்தம் சம்மந்தபட்ட பாதிப்புகள் ஏற்படும்.

கெட்ட கொலஸ்ட்ரால் அளவு அதிகரித்தல்,உடல் பருமன்,மாரடைப்பு போன்ற பாதிப்புகள் ஏற்பட இதுவும் ஒரு காரணமாகும்.ஒருமுறை சமைத்த எண்ணையை மீண்டும் பயன்படுத்துவது நல்லது அல்ல என்றாலும் அதை ஒருமுறை மட்டும் பயன்படுத்தலாம் என்று மருத்துவ நிபுணர்கள் தெரிவிக்கின்றனர்.

சிறுநீரகம் நமது உடல் கழிவுகளை வெளியேற்றி ஆரோக்கியத்தை மேம்படுத்துகிறது.உடலில் தேங்கும் கழிவுகளை திரவமாக வெளியேற்றும் வேலையை செய்யும் சிறுநீரகத்தை ஆரோக்கியமாக வைத்துக் கொள்ள வேண்டியது நம் கடமை.

சிறுநீரகத்தில் அழுக்கு,உப்பு,யூரிக் அமிலம்,கற்கள் படியாமல் பார்த்துக் கொண்டாலே அவற்றின் ஆரோக்கியம் மேம்படும்.நம் சிறுநீரகத்தின் ஆரோக்கியத்தை காக்க செய்ய வேண்டிய விஷயங்கள் இவைதான்.

உடலுக்கு போதுமான நீரை பருக வேண்டும்.சிறுநீரை அவ்வப்போது வெளியேற்ற வேண்டும்.ஆரோக்கியம் நிறைந்த உணவுகளை உட்கொள்ள வேண்டும்.சிறுநீரகத்தில் யூரிக் அமிலம் படியாமல் பார்த்துக் கொள்ள வேண்டும்.மது மற்றும் புகைப்பழக்கத்தை தவிர்க்க வேண்டும்.உப்பு உணவுகளை குறைத்துக் கொள்ள வேண்டும்.மூன்று மாதத்திற்கு ஒருமுறை சிறுநீரக பரிசோதனை செய்து கொள்ள வேண்டும்.சிறுநீர் வந்தால் அடக்கி வைக்காமல் வெளியேற்ற வேண்டும்.

சிறுநீரக ஆரோக்கியத்தை பாதிக்கும் உணவுகள்:

1)சோடா
2)அசைவ உணவுகள்
3)வெண்ணெய்
4)ஊறுகாய்
5)துரித உணவுகள்

இந்த ஐந்து உணவுகளை தவிர்த்தால் சிறுநீரக ஆரோக்கியம் அதிகரிக்கும்.இவற்றில் அதிக உப்பு நிறைந்திருக்கிறது.இந்த உணவுகளை சாப்பிட்டால் சிறுநீரகத்தில் உப்பு அதிகமாக தேங்கிவிடும்.அதேபோல் யூரிக் அமில அளவு அதிகரித்துவிடும்.எனவே சிறுநீரக ஆரோக்கியத்தை மேம்படுத்தும் உணவுகளை அவசியம் உட்கொள்ள வேண்டும்.

கிட்னி ஆரோக்கியத்தை காக்கும் உணவுகள்:

1)முட்டைகோஸ்
2)ப்ளூபெர்ரி
3)கருப்பு மிளகு
4)வெள்ளைப்பூண்டு பல்
5)முட்டையின் வெள்ளைக்கரு

இந்த ஐந்து உணவுகளை சாப்பிட்டால் சிறுநீரகத்தின் ஆரோக்கியம் மேம்படும்.முட்டைகோஸில் வைட்டமின் சி சத்து நிறைந்து காணப்படுகிறது.அதேபோல் ப்ளூபெர்ரியில் கால்சியம்,பொட்டாசியம் போன்றவை நிறைந்து காணப்படுகிறது.

கருப்பு மிளகில் வைட்டமின் சி சத்து நிறைந்து காணப்படுகிறது.இது சிறுநீரக ஆரோக்கியத்தை மேம்படுத்துவதோடு உடலில் நோய் எதிர்ப்பு சக்தியை அதிகரிக்க உதவுகிறது.வெள்ளிப்பூண்டு சிறுநீரக ஆரோக்கியத்தை மேம்படுத்த உதவுகிறது.அதேபோல் முட்டையின் வெள்ளைக்கரு சிறுநீரக ஆரோக்கியத்தை மேம்படுத்த உதவுகிறது.

ஒருவருக்கு சர்க்கரை பாதிப்பு வந்துவிட்டால் வாழ்நாள் முழுவதும் இரத்த சர்க்கரை அளவை கட்டுப்பாட்டில் வைத்துக் கொள்ள வேண்டியது முக்கியம்.உணவு வழக்கத்தில் அதிக கவனமாக செலுத்த வேண்டியது முக்கியம்.

அதேபோல் கோடை காலத்தில் சர்க்கரை நோயாளிகள் தங்கள் உடல் ஆரோக்கியத்தில் அதிக அக்கறை செலுத்த வேண்டும்.அதிக வெயிலால் உடலில் நீரிழப்பு ஏற்பட்டு உடல் சோர்வை உண்டாக்கிவிடும்.கோடை காலத்தில் இரத்த சர்க்கரை அளவு உயர அதிக வாய்ப்புள்ளது.

கோடையில் இரத்த சர்க்கரை அளவை கட்டுப்பாட்டில் வைக்க வழிகள்:

1)அதிகளவு தண்ணீர் பருக வேண்டும்.இதனால் உடலில் நீரிழப்பு அபாயம் குறையும்.நார்ச்சத்து நிறைந்த உணவுகளை அதிகமாக சாப்பிட வேண்டும்.நீர்ச்சத்து நிறைந்த பழங்களை அதிகமாக சாப்பிட வேண்டும்.

2)மெலிந்த புரத உணவுகளை உட்கொள்ள வேண்டும்.முழு தானிய உணவுகளை சாப்பிட்டு வந்தால் இரத்த சர்க்கரை அளவு கட்டுப்படும்.

3)தினந்தோறும் இரத்தப் பரிசோதனை மேற்கொள்ள வேண்டும்.தவறாமல் இன்சலின் மருந்து மாத்திரையை எடுத்துக் கொள்ள வேண்டும்.

4)பகல் நேரத்தில் வெளியில் செல்வதை தவிர்க்க வேண்டும்.காலையில் எழுந்ததும் ஒரு கிளாஸ் வெந்தய நீர் பருகலாம்.

5)முழு நெல்லிக்காய் கொண்டு ஜூஸ் செய்து சாப்பிட்டு வந்தால் சர்க்கரை நோய் பாதிப்பு கட்டுப்படும்.

6)பாகற்காய் சாறு,கோவைக்காய் சாறு சாப்பிட்டு வந்தால் இரத்த சர்க்கரை அளவு கட்டுப்படும்.தினமும் ஒரு கிளாஸ் கற்றாழை ஜூஸ் குடித்தால் இரத்த சர்க்கரை அளவு கட்டுப்படும்.

7)உடற்பயிற்சி,நடைபயிற்சி போன்றவற்றை தினமும் செய்து வந்தால் இரத்த சர்க்கரை அளவு உயராமல் இருக்கும்.

8)இன்சுலின்,மருந்துகளை வெயிலின் தாக்கத்தில் இருந்து பாதுகாக்க வேண்டும்.இதனால் குளிர்ந்த இடம் அல்லது உலர்ந்த இடத்தில் இதை வைத்து பராமரிக்கலாம்.

இந்த உலகில் சர்க்கரை நோய் பாதிப்பு நாளுக்கு நாள் அதிகரித்து வருகிறது.குறிப்பாக நம் நாட்டில் மட்டுமே அதிக எண்ணிக்கையில் சர்க்கரை நோயாளிகள் நடமாடிக் கொண்டிருக்கின்றனர்.கார்போ ஹைட்ரேட் உணவுகள்,சுத்திகரிக்கபட்ட சர்க்கரை உணவுகள்,மாவுச்சத்து நிறைந்த உணவுகளால் இரத்த சர்க்கரை அளவு உயர்கிறது.

முன்பெல்லாம் குடும்பத்தில் யாராவது சர்க்கரை நோயால் பாதிக்கப்பட்டு இருந்தால் மட்டுமே குடும்ப உறுப்பினர்களுக்கு அந்த பாதிப்பு ஏற்படும்.ஆனால் தற்பொழுது இளம் வயதினர் முதல் பெரியவர்கள் வரை இன்று சர்க்கரை நோய் பாதிப்பால் அவதியடைந்து வருகின்றனர்.இதற்கு முக்கிய காரணம் மோசமான உணவுப்பழக்க வழக்கங்கள்.

குறிப்பாக எண்ணையில் வறுத்த மற்றும் பொரித்த உணவுகளை சாப்பிட்டு வந்தால் இரத்தத்தில் சர்க்கரை அளவு உயர்ந்துவிடும்.இதில் அசைவ உணவுகள்,துரித உணவுகள் சாப்பிட்டால் உடலில் இரத்த சர்க்கரை அளவு அதிகரித்துவிடும்.

சர்க்கரை உள்ளவர்கள் வேகவைத்த முட்டை,மீன்,கோழி இறைச்சி,புரதம் நிறைந்த உணவுகளை சாப்பிடலாம்.அதேபோல் ஒமேகா 3 கொழுப்பு அமிலம் நிறைந்த உணவுகளை சாப்பிட்டால் இரத்த சர்க்கரை அளவு கட்டுப்படும்.ஆனால் சிவப்பு இறைச்சி அதாவது மாட்டிறைச்ச,ஆட்டிறைச்சி போன்றவற்றை அதிகமாக உட்கொண்டால் இரத்தத்தில் சர்க்கரை அளவு அதிகரித்துவிடும்.

ஆனால் வறுத்த பொரித்த உணவுகளை உட்கொண்டால் கிளைசிமிக் இன்டெக்ஸ் அளவு அதிகரித்து சர்க்கரை அளவு உயர்ந்துவிடும்.அதேபோல் கொழுப்பு நிறைந்த அசைவ உணவுகளை உட்கொண்டால் இரத்த சர்க்கரை அளவு உயர்ந்துவிடும்.

முட்டையின் மஞ்சள் கரு,நண்டு,சிவப்பு இறைச்சி போன்றவற்றை தவிர்க்க வேண்டும்.அசைவ உணவுகளை எண்ணையில் பொரித்து சாப்பிட்டால் இரத்த சர்க்கரை அளவு அதிகரித்துவிடும்.எனவே அசைவ உணவுகளை குறைந்த எண்ணெயில் வறுத்து சாப்பிடுங்கள்.அதேபோல் கொழுப்பு நிறைந்து உணவுகளை தவிர்த்துவிடுங்கள்.பதப்படுத்தி வைக்கப்படும் அசைவ உணவுகளை முற்றிலும் தவிர்த்துவிடுங்கள்.

உங்களில் பெரும்பாலானவர்கள் காலையில் குளியல் போட்டுவிட்டு தான் மற்ற வேலைகளை செய்வீர்கள்.அலுவலகம் செல்பவர்கள்,பள்ள கல்லூரிக்கு செல்பவர்கள் என்று அனைவரும் காலை குளியலை கடைபிடிக்கின்றனர்.

காலையில் குளிப்பதால் உடலுக்கு ஒருவித புத்துணர்வு கிடைக்கும் என்பது அனைவராலும் நம்பப்படும் உண்மை.உடலில் சேரும் அழுக்கு,வியர்வை,எண்ணெய் பிசுபிசுப்பு,இறந்த செல்களை வெளியேற்ற குளிக்கிறோம்.நம் வழக்கத்தில் ஒன்றாக மாறிப்போன காலை குளியல் ஒரு தவறான பழக்கம் என்று நிபுணர்கள் தெரிவிக்கின்றனர்.

காலையில் குளிப்பதை காட்டிலும் மாலை அல்லது இரவு நேரத்தில் குளித்தால் உடல் புத்துணர்வு அதிகமாகும்.காலையில் குளிப்பதால் எந்த பலனும் கிடைக்காது என்று ஆராய்ச்சி சொல்கிறது.இரவில் உறங்க செல்வதற்கு முன் குளித்தால் சருமம் சம்மந்தபட்ட பிரச்சனைகள் அகலும்.வெளியில் சென்று வந்த பின்னர் குளித்தால் சருமத்தில் உள்ள அழுக்குகள் அகலும்.காலையில் எழுந்த பிறகு குளிப்பது நமது உடலுக்கு புத்துணர்வு கொடுக்கும் என்றாலும் இரவு அல்லது மாலை நேரத்தில் குளித்தால் மனம் மற்றும் உடல் ஆகிய இரண்டும் புத்துணர்வுடன் இருக்கும்.

இரவில் குளித்தால் உடல் சூடு தணியும்.சருமத்தில் ஈரப்பதம் தக்கவைப்படும்.இரவில் குளிப்பதால் நல்ல தூக்கத்தை பெற முடியும்.பகலில் குளிப்பதை காட்டிலும் இரவு குளியல் அதிக பலன்களை நமக்கு தருகிறது.இரவில் குளிப்பதால் மன அழுத்தம் குறையும் என்று ஆய்வு முடிவுகள் சொல்கிறது.

மேலும் குளிப்பதற்கு முன்னர் தலைக்கு சிறிது எண்ணெய் வைத்து மசாஜ் செய்த பிறகு குளித்தால் உடல்சூடு முழுமையாக குறைந்துவிடும்.இது தவிர தலை முடி சம்மந்தபட்ட பிரச்சனைகள் அனைத்தும் சரியாகும்.காலை குளியலை தவிர்க்க முடியவில்லை என்றாலும் மாலை அல்லது இரவு நேர குளியலையும் வழக்கமாக்கி கொள்ளுங்கள்.