News4 TamilOnline Tamil News

ஜெயலலிதாவும் நானும் ஒண்ணு: பிரபல நடிகை பேட்டி

முன்னாள் தமிழக முதல்வர் ஜெயலலிதாவின் வாழ்க்கை வரலாறு திரைப்படம் இயக்குனர் ஏஎல் விஜய் அவர்களால் ’தலைவி’ என்ற பெயரிலும் இயக்குனர் பிரியதர்ஷினின் அவர்களால் ’தி அயர்ன் லேடி’ என்ற பெயரிலும் உருவாகி வருகிறது

இந்த நிலையில் நேற்று முன்தினம் ’தலைவி’ படத்தின் பர்ஸ்ட் லுக் மற்றும் டீசர் வெளியான நிலையில் ஜெயலலிதா கேரக்டரில் நடித்த கங்கனா ரனாவத்தை நெட்டிசன்கள் கேலி செய்தனர். ஜெயலலிதாவுக்கும் ரனாவத்துக்கும் கொஞ்சம் கூட சம்பந்தமே இல்லை என்றும், ஜெயலலிதா படத்தை எடுக்க சொன்னால் தீபாவின் படத்தை எடுத்து வைத்துள்ளார் விஜய் என்றும் நெட்டிசன்கள் கேலி செய்தனர்

இந்நிலையில் ‘தி அயர்ன் லேடி’ படத்தில் ஜெயலலிதா கேரக்டரில் நடித்து வரும் நடிகை நித்யா மேனன் பேட்டி ஒன்றில் கூறியதாவது: “ஜெயலலிதாவுக்கும் எனக்கும் நிறைய ஒற்றுமைகள் உள்ளன. நாங்கள் இருவருமே பெங்களூருவில் படித்துள்ளோம். பழக்க வழக்கம், பேசும் விதம், ஒழுக்கம், மேனரிசம் ஆகியவைகளில் ஜெயலலிதாவுக்கும் எனக்கும் நிறைய ஒற்றுமைகள் இருக்கும்.

ஜெயலலிதா போன்றே நானும் பிடிக்காத விஷயங்களை பட்டென்று சொல்லி விடுவேன். ஜெயலலிதாவிடம் இருந்த நல்ல குணங்கள் என்னிடமும் உள்ளது. அதனால் ஜெயலலிதா வேடத்துக்கு நான் பொருத்தமாக இருப்பேன் என்று நம்புகிறேன். அந்த வேடத்தில் சிறப்பாக நடிக்க எனது அதிகபட்ச ழைப்பை கொடுப்பேன்’ என்று கூறியுள்ளார்.

ஒரே நாளில் ரிலீஸ் ஆகும் இரண்டு தனுஷ் திரைப்படங்கள்

தனுஷ் நடித்த அசுரன் திரைப்படம் சமீபத்தில் வெளியாகி மிகப்பெரிய வெற்றி பெற்ற நிலையில் தற்போது கார்த்திக் சுப்பராஜ் இயக்கத்தில் உருவாகியுள்ள சுருளி என்ற படத்தில் நடித்து முடித்துள்ளார். இதனை அடுத்து அவர் பரியேறும்பெருமாள் இயக்குநர் மாரி செல்வராஜ் இயக்கவிருக்கும் ‘கர்ணன்’ என்ற படத்தில் நடிக்க உள்ளார். இந்த படத்தின் படப்பிடிப்பு அடுத்த மாதம் தொடங்க உள்ளது

இந்த நிலையில் தனுஷ் நடித்த இரண்டு படங்கள் ஒரே நாளில் வெளியாக உள்ளதாக அறிவிக்கப்பட்டுள்ளது. தனுஷ் நடிப்பில் கௌதம் மேனன் இயக்கிய ’என்னை நோக்கி பாயும் தோட்டா’ என்ற திரைப்படம் நீண்ட கால தாமதத்துக்குப் பின் வரும் 29ஆம் தேதி வெளியாக உள்ளது. இந்த படத்திற்கான பிரமோஷன் பணிகள் விறுவிறுப்பாக நடைபெற்று வருகிறது என்பது குறிப்பிடத்தக்கது

இந்த நிலையில் தனுஷ் நடித்த ஹாலிவுட் திரைப்படமான ’The Extraordinary Journey Of The Fakir’ என்ற திரைப்படமும் அதே நவம்பர் 29ஆம் தேதி சீனாவில் வெளியாக உள்ளது. சீனாவில் 13 ஆயிரம் திரையரங்குகளில் இந்த படத்தை வெளியிட திட்டமிட்டிருப்பதாக இந்த படத்தின் இயக்குநர் தனது சமூக வலைப் பக்கத்தில் உறுதி செய்துள்ளார்

மேலும் சீனாவில் வெளியாகும் தனுஷின் முதல் படம் இதுதான் என்பது குறிப்பிடத்தக்கது. கடந்த சில ஆண்டுகளாக தமிழ் படங்களுக்கு சீனாவில் நல்ல வரவேற்பு கிடைத்து வரும் நிலையில் தனுஷின் இந்த படத்திற்கும் வரவேற்பு கிடைக்குமா என்பதை பொறுத்திருந்து பார்ப்போம்

கேம் விளையாடுங்கள், சிவகார்த்திகேயனை சந்தியுங்கள்: ஒரு அரிய வாய்ப்பு

நடிகர் சிவகார்த்திகேயன் நடித்து முடித்துள்ள ’ஹீரோ’ திரைப்படத்தின் படப்பிடிப்பு சமீபத்தில் முடிவடைந்த நிலையில், இந்த படத்தின் தொழில்நுட்ப பணிகள் தற்போது விறுவிறுப்பாக நடைபெற்று வருகிறது

இந்த படத்தின் மீது தொடரப்பட்டுள்ள வழக்கு கிட்டத்தட்ட முடிவுக்கு வந்துவிட்டதாகவும் இதனை அடுத்து இந்த படத்தின் தடை உடைக்கப்பட்டதால், திட்டமிட்டபடி இந்த படம் வரும் டிசம்பர் 20ஆம் தேதி வெளியாகும் என்றும் இந்த படத்தின் தயாரிப்பு நிறுவனம் ஏற்கனவே அறிவித்து உள்ளது என்பது குறிப்பிடத்தக்கது

இந்த நிலையில் சமீபத்தில் இந்த படத்தின் தயாரிப்பு நிறுவனம் ’ஹீரோ’ என்ற ஆண்ட்ராய்டு கேமை அறிமுகப்படுத்தியது. கூகுள் பிளே ஸ்டோரில் டவுன்லோட் செய்து விளையாடும் வகைகயிலான இந்த கேம் தற்போது இளைஞர்கள் மத்தியில் பெரும் வரவேற்பை பெற்று வருகிறது

இந்த கேமில் வெற்றி பெறுபவர்களுக்கு சிவகார்த்திகேயன் உள்பட படக்குழுவினர்களை சந்திக்கும் வாய்ப்பு உள்ளதாக தயாரிப்பு நிறுவனம் தற்போது அறிவித்துள்ளது. இதனை அடுத்து இந்த கேமை டவுன்லோட் செய்து விளையாடும் இளைஞர்கள் சிவகார்த்திகேயனை சந்திக்கலாம் என்ற ஆர்வத்துடன் ஹீரோ கேமை மிகுந்த ஆர்வத்துடன் விளையாடி வருகின்றனர்

சிவகார்த்திகேயன், அர்ஜூன், கல்யாணி பிரியதர்ஷன், இவானா, ஷ்யாம் கிருஷ்ணன், ரோபோ சங்கர் உள்ளிட்ட பலர் நடித்து வரும் இந்த படத்திற்கு யுவன்ஷங்கர் ராஜா இசையமைத்துள்ளார். ’இரும்புத்திரை’ இயக்குனர் பி.எஸ்.மித்ரன் இயக்கியுள்ள இந்த படம் ஜார்ஜ் வில்லியம்ஸ் ஒளிப்பதிவில், ரூபன் படத்தொகுப்பில் உருவாகியுள்ளது.