-

November 16, 2019

சஜித் பிரேமதாசா vs கோத்தபய ராஜபக்சே: இலங்கையின் அடுத்த அதிபர் யார்?

இலங்கையில் அதிபர் தேர்தல் தற்போது நடைபெற்று கொண்டிருக்கின்றது. இன்று காலை 7 மணி முதல் வாக்குப்பதிவு தொடங்கியிருக்கும் நிலையில் அங்கு அடுத்த அதிபர் யார்? என்பது விரைவில் தெரிந்துவிடும்

இந்த தேர்தலில் 35 வேட்பாளர்கள் களத்தில் இருந்தாலும் ஐக்கிய தேசிய கட்சி சார்பில் போட்டியிடும் சஜித் பிரேமதாசா அவர்களுக்கும் இலங்கை பொதுஜன பெரமுனா கட்சி சார்பில் போட்டியிடும் கோத்தபய ராஜபக்சேவுக்கும் இடையே தான் கடும் போட்டி உள்ளது. சஜித் பிரேமதாசா முன்னாள் அதிபரான மறைந்த ரணசிங்க பிரேமதாசாவின் மகன் ஆவார். அதேபோல் கோத்தபய முன்னாள் அதிபர் மகிந்த ராஜபக்சேவின் சகோதரரும், முன்னாள் ராணுவ அமைச்சரும் என்பது குறிப்பிடத்தக்கது.

மேலும் மக்கள் கட்சி வேட்பாளரான அனுரா குமாரா திசநாயகவும் ஒரு முக்கிய வேட்பாளராக களமிறங்கியுள்ளார். இவர் பிரிக்கும் ஓட்டுக்கள் தான் சஜித் பிரேமதாசா மற்றும் கோத்தபயா ஆகிய ஒருவரை அதிபராக்கும் என எதிர்பார்க்கப்படுகிறது

தேர்தலுக்கு முந்தைய கருத்து கணிப்புகளில் கோத்தபயாவுக்கு வெற்றி வாய்ப்பு உள்ளதாக தெரிவிக்கப்பட்டிருந்தாலும் சஜித் பிரேமதாசா கடும் சவால் கொடுப்பார் என்று எதிர்பார்க்கப்படுகிறது. இந்த தேர்தலில் 1.6 கோடி வாக்காளர்கள் வாக்களிக்கவுள்ளனர் என்பதும் இந்த தேர்தலில் தமிழர்கள் வாக்குகள் மற்றும் புதிய வாக்காளர்களே அடுத்த அதிபரை தேர்வு செய்யும் ஒரு சக்தியாக இருப்பார்கள் என்றும் கருதப்படுகிறது

பறக்கும் விமானத்தில் நடைப்பயிற்சி, உடற்பயிற்சி: பயணிகள் மகிழ்ச்சி

World

CineDesk

-

November 16, 2019

0

பறக்கும் விமானத்தில் நடைப்பயிற்சி, உடற்பயிற்சி: பயணிகள் மகிழ்ச்சி

பறக்கும் விமானத்தில் நடைப்பயிற்சி, உடற்பயிற்சி உள்பட ஒருசில வசதிகளை ஆஸ்திரேலியாவின் தனியார் விமானம் ஒன்று பயணிகளுக்கு செய்து கொடுத்துள்ளது பெரும் ஆச்சரியத்தை ஏற்படுத்தியுள்ளது

இங்கிலாந்தின் தலைநகர் லண்டனில் இருந்து ஆஸ்திரேலியாவின் சிட்னி நகரம் வரை சுமார் 11,060 மைல்களுக்கு காண்டாஸ் என்ற விமானம் பயணம் செய்கிறது. இந்த விமானம் இடையில் எங்கும் நிற்காமல் தொடர்ந்து 20 மணி நேரம் பயணம் செய்து சிட்னி நகரை அடைகிறது

எனவே இந்த நீண்ட பிரயாணம் மேற்கொள்ளும் பயணிகளுக்கு மனரீதியில் சோர்வு ஏற்படாமல் இருக்க நடை பயிற்சி மற்றும் உடற்பயிற்சி மேற்கொள்ள விமான நிறுவனம் ஏற்பாடு செய்துள்ளது. இதற்காக விமானத்தின் ஒரு பகுதியில் இடம் ஒதுக்கப்பட்டுள்ளதால் பயணிகள் மகிழ்ச்சி அடைந்துள்ளனர். மேலும் விமானத்தின் இருக்கையில் இருந்தபடியே ஒருசில எளிய உடற்பயிற்சியை மேற்கொள்ளவும் அறிவுறுத்தப்படுகிறது

இந்த புதிய உடற்பயிற்சி வசதிக்கு பயணிகள் இடையே நல்ல வரவேற்பு கிடைத்துள்ளதாகவும், இதனையடுத்து இந்த விமான நிறுவனத்தில் செல்லும் பயணிகள் எண்ணிக்கை அதிகரித்து இருப்பதாகவும் கூறப்படுகிறது. மேலும் இதே திட்டத்தை உலகின் மற்ற விமான நிறுவனங்களும் கடைபிடிக்க வேண்டும் என பயணிகள் வேண்டுகோள் விடுத்துள்ளனர்.

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே – வைரலாகிய புகைப்படம்

Cinema

Parthipan K

-

November 15, 2019

0

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே – வைரலாகிய புகைப்படம்

சில ஆண்டுகளுக்கு முன்பு வெளியான மேகா படத்தில் நடித்ததன் மூலம் தமிழ் பட உலகில் அறிமுகம் ஆனவர் தான் நடிகை சிருஷ்டி டாங்கே. இதனையடுத்து இவர் இந்தப் படத்தைத் தொடர்ந்து, டார்லிங், தர்மதுரை, கத்துக்குட்டி உள்ளிட்ட பல படங்களிலும் நடித்திருக்கிறார்.

அதன்பின், வழக்கம் போல அவருக்கும் சரி வர படங்கள் எதுவும் அமையவில்லை. இதனால், எல்லா நடிகைகளையும் போலவே, நடிகை ஷ்ருஷ்டி டாங்கேயும், பட வாய்ப்புக்காக தொடர்ந்து போட்டோ ஷூட் நடத்தி அதன் மூலம் கொஞ்சம் கவர்ச்சியாக படம் எடுத்து அதனை தொடர்ந்து அவருடைய சமூக வலைதள பக்கங்களில் வெளியிட்டு பரபரப்பை ஏற்படுத்தி வருகிறார்.

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 1

இந்நிலையில் இதற்காக அவர் நீச்சல் குளத்தில் தண்ணீரில் நனைந்த உடையுடன் உள்ள நிலையில் படு கவர்ச்சியான புகைப்படத்தை அவருடைய சமூக வலைத்தளத்தில் வெளியிட்டுள்ளார். முதல் முறையாக இவ்வளவு கவர்ச்சியாக போஸ் கொடுத்துள்ளது தமிழ் சினிமா ரசிகர்களுக்கு இன்ப அதிர்ச்சியை கொடுத்துள்ளது.

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 2

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 3

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 4

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 5

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 6

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 7

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 8

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 9

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 10

முதல் முறையாக நீச்சல் உடையில் படு கவர்ச்சியில் ஸ்ருஷ்டி டாங்கே - வைரலாகிய புகைப்படம் 11

சமூக வலைத்தளங்கள் புகழ் ரோகினி ஐஏஎஸ்! மீண்டும் விரட்டியடித்த தமிழக அரசு! காரணம் என்ன?

State

Parthipan K

-

November 15, 2019

0

சமூக வலைத்தளங்கள் புகழ் ரோகினி ஐஏஎஸ்! மீண்டும் விரட்டியடித்த தமிழக அரசு! காரணம் என்ன?

தமிழகம் முழுவதும் இன்று IAS IPS அதிகாரிகள் புதியதாக நியமிக்கப்பட்டும், மாற்றப்பட்டும் உள்ளனர், அதில் குறிப்பாக
தமிழ்நாடு இசை, கவின் கலை கல்லூரி பதிவாளராக உள்ள ரோஹிணி ஐ.ஏ.எஸ்., அவர்களை மத்திய அரசு பணிக்கு மாற்றியது தமிழக அரசு.

மத்திய அரசின் மனிதவள மேம்பாட்டு துறையான உயர்கல்வித்துறைக்கு துணை செயலாளராக அவரை பணிமாற்றம் செய்து தமிழக அரசு உத்தரவிட்டுள்ளது. முன்னதாக இவர் சேலம் மாவட்ட ஆட்சியராக பதவி வகித்த பொது சமூக வலைத்தளங்கள் மூலம் மக்களிடம் பிரபலமாக இருந்தவர் என்பது குறிப்பிடத்தக்கது.

சேலம் மாவட்டத்தின் மாவட்ட ஆட்சியராக இருந்த பெண் ஐபிஎஸ் அதிகாரி ரோகினி, அவர்கள் சமூக வலைதளங்கள் மூலம் பிரபலமாக பேசப்பட்டவர், தான் எங்கே சென்றாலும் எந்த மக்களுக்கு பொது சேவை செய்தாலும் திட்டங்களை செயல்படுத்தினாலும் அதை படம்பிடித்து சமூக வலைத்தளங்களில் பரப்ப ஒரு கூட்டம் இருந்து கொண்டே இருக்கும்,.

தமிழகம் முழுவதும் இருக்கும் மாவட்ட ஆட்சியர்களில் மிக குறுகிய காலத்தில் முன்னாள் மாவட்ட ஆட்சியர் ஆக இருந்த ரோகிணி ஐஏஎஸ் அவர்கள் பிரபலமாக இருந்த காலகட்டம் எல்லாம் உண்டு,. மற்ற மாவட்ட ஆட்சியர்கள் ரோகினி ஐஏஎஸ் மேல் பொறாமைப்படும் அளவிற்கு தனது செயலை மக்களிடம் சமூக வலைத்தளங்களின் விளம்பரம் மூலம் பிரபலமானார்,.

கடந்த நாடாளுமன்ற தேர்தலில் ஆளும் கட்சியான அதிமுகவிற்கு சாதகமாக அவர் நடந்து கொள்ளாத காரணத்தினாலும், தேர்தல் விதிமுறைகளை கடுமையாக பின்பற்றி ஆளுங்கட்சிக்கு நெருக்கடி கொடுத்தார். முதல்வர் எடப்பாடி பழனிச்சாமி அவர்களின் சொந்த மாவட்டம் என்பதால் கட்சி நிர்வாகிகள் அனைவரும் முதலமைச்சரை நேரடியாகவே தொடர்புகொண்டு இவர் மீது நடவடிக்கை எடுக்க அழுத்தம் கொடுத்தனர்,.

இதற்கும் மேலே முதல்வர் பங்கேற்ற அரசு நிகழ்ச்சி ஒன்றில் சேலம் நாடாளுமன்ற உறுப்பினராக வெற்றி பெற்ற திமுகவின் எஸ்.ஆர்.பார்த்திபன் அவர்கள் பதவி ஏற்காத சமயத்தில் அழைப்பு விடுத்து பரபரப்பை ஏற்படுத்தினார்,. இந்த செயல் மூலம் முதலமைச்சர் எடப்பாடி பழனிசாமியின் கோபப் பார்வைக்கு உள்ளானார். அடுத்த சில தினங்களில் அவர் முகவரியே இல்லாத இடத்திற்கு தமிழக அரசு தூக்கி அடித்தது,. தமிழ்நாடு இசை மற்றும் கவின் கலைக்கல்லூரி இயக்குனராக நியமிக்கப்பட்டார்,.

ரோகிணி அவர் சேலம் மாவட்ட ஆட்சியர் பொறுப்பில் இருந்து விடுபடும் போது விவசாயிகள் மத்தியில் கண்ணீர் மல்க விடை பெற்றார்,. தற்போது அவரை தமிழ்நாடு அரசு சார்ந்த பணியில் இருந்து வெளியேற்றி மத்திய அரசு பணிக்கு அனுப்பி வைத்துள்ளது,. மத்திய மனிதவள மேம்பாட்டு துறை சார்ந்த உயர்கல்வித்துறைக்கு துணை செயலாளராக பணியிட மாற்றம் செய்து அதிரடியாக உத்தரவு பிறப்பித்துள்ளது.

தொடரும் மாணவிகள் தற்கொலை: ஃபாத்திமாவை அடுத்து திருச்சி மாணவி தற்கொலை

State

CineDesk

-

November 15, 2019

0

தொடரும் மாணவிகள் தற்கொலை: ஃபாத்திமாவை அடுத்து திருச்சி மாணவி தற்கொலை

சென்னை ஐஐடி மாணவி பாத்திமா தற்கொலை செய்துகொண்ட விவகாரம் தற்போது அரசியல்ரீதியாகி பூதாகரமாகியுள்ள நிலையில் திருச்சியில் ஜார்கண்ட் மாநில மாணவி ஒருவர் தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.

திருச்சி கே.கே.நகர் பகுதியில் தனியார் மகளிர் கல்லூரி ஒன்று இயங்கி வருகிறது. இந்த கல்லூரியில் ஜார்கண்ட் மாநிலத்தை சேர்ந்த மாணவி ஜெப்ரா பர்வீன் என்பவர் பட்டப்படிப்பு படித்து வந்தார். ஹாஸ்டலில் தங்கி படித்து வந்த ஜெப்ரா திடீரென நேற்று தனது அறையில் தூக்கிட்டு தற்கொலை செய்து கொண்டுள்ளது கல்லூரி வளாகத்தில் பெரும் பரபரப்பை ஏற்படுத்தியுள்ளது.

ஜெப்ரா தற்கொலை தகவல் கிடைத்த போலீசார் உடனே சம்பவ இடத்திற்கு வந்து அவருடைய உடலை கைப்பற்றி பிரேத பரிசோதனைக்காக அனுப்பி வைத்தனர். பின்னர் இதுகுறித்து விசாரணை செய்தபோது, ‘கல்லூரி பாடங்களை ஆங்கிலத்தில் புரிந்து கொள்ள சிரமப்பட்டதால் அவர் தற்கொலை செய்து கொண்டதாக முதல்கட்ட தகவல்கள் தெரிய வந்துள்ளது

மேலும் மாணவி ஜெப்ரா அடிக்கடி தனது செல்போனை பயன்படுத்தியதால் விடுதி காப்பாளர் திட்டியதாகவும், அதனால் மனமுடைந்து தற்கொலை செய்து கொண்டதாகவும் கல்லூரி மாணவிகள் குற்றஞ்சாட்டியுள்ளனர். இது குறித்து விடுதி காப்பாளரிடமும் போலீசார் விசாரணை செய்து வருகின்றனர்.

தமிழகத்தில் கல்லூரி மாணவிகள் அடுத்தடுத்து தற்கொலை செய்து வருவதால் மாணவ, மாணவிகளுக்கு கவுன்சிலிங் தேவை என சமூக ஆர்வலர்கள் கருத்து தெரிவித்துள்ளனர்.

படிப்படியாக குறையும் தங்கத்தின் விலை! சென்னையில் இன்றைய தங்கத்தின் விலை நிலவரம் என்ன?

Uncategorized

Parthipan K

-

November 15, 2019

0

படிப்படியாக குறையும் தங்கத்தின் விலை! சென்னையில் இன்றைய தங்கத்தின் விலை நிலவரம் என்ன?

பெண்களுக்கு மிகவும் பிடித்தமான விசயங்களில் தங்க ஆபரணங்கள் தான் முதலிடத்தில் உள்ளது. அதுவும் தெனிந்திய மாநிலங்களில் அதிகளவிலான தங்கத்தை வைத்துள்ள மாநிலங்களில் தமிழ்நாடு தான் முன்னிலையில் உள்ளது. இதற்கு காரணம் தமிழ்நாட்டு பெண்களின் தங்க நகைகள் மீதான அளவிற்கு அதிகமான மோகமே.

தமிழ்நாட்டில் மற்ற நகரங்களை விட சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக நடைபெறுகிறது.
இந்நிலையில் கடந்த சில நாட்களாக தங்கத்தின் விலையில் தொடர் ஏற்ற இறக்கங்கள் காணப்பட்டு வருகிறது. இந்த ஏற்ற இறக்கமானது சென்னை தங்க வர்த்தகத்தில் பிரதிபலித்துள்ளது.

சமீபத்தில் தங்கத்தின் மீதான இறக்குமதி வரி அதிகரித்த உடன் சவரன் விலை 30 ஆயிரத்தை தாண்டி விற்பனையானாலும் பின்னர் படிப்படியாக குறைந்து 28 ஆயிரத்தை தாண்டி விற்பனையானது. பிறகு மீண்டும் மெல்ல மெல்ல உயர்ந்த சவரன் விலை தற்போது 29 ஆயிரத்தை தாண்டி விற்பனையாகி வருகிறது.

தற்போதைய நிலையில் ஒரு சவரன் தங்கம் ஆபரணம் வாங்க வேண்டுமென்றால் செய்கூலி சேதாரம் என சேர்த்து 31 ஆயிரம் முதல் 33 ஆயிரம் ரூபாய் வரை செலவு ஆகும் என்பது குறிப்பிடத்தக்கது.

இந்நிலையில் இன்று சென்னையில் 22 கேரட் ஆபரணத்தங்கத்தின் விலை சவரனுக்கு ரூ.88 குறைந்து ரூ.29,104-க்கும், கிராமிற்கு ரூ.11 குறைந்து ரூ.3,638-க்கும் விற்பனை செய்யப்படுகிறது. 24 கேரட் ஆபரணத்தங்கத்தின் விலை சவரன் ரூ.30,408-க்கும், கிராம் ரூ.3801-க்கும் என விற்பனையாகிறது. இதேபோல், ஒரு கிராம் வெள்ளியின் விலை 30 காசு குறைந்து ரூ.47.70-க்கும், கிலோ ரூ.47,700-க்கும் என விற்பனை செய்யப்படுகிறது.

கார்த்தி-சூர்யா படத்தின் ஃபர்ஸ்ட்லுக் போஸ்டரை வெளியிட்ட சூர்யா!

Cinema

CineDesk

-

November 15, 2019

0

கார்த்தி-சூர்யா படத்தின் ஃபர்ஸ்ட்லுக் போஸ்டரை வெளியிட்ட சூர்யா!

கார்த்தி மற்றும் ஜோதிகா இணைந்து நடிக்கும் படம் ஒன்று உருவாகி வருகிறது என்பதும் இந்த படத்தை தமிழில் ‘பாபநாசம்’ என்ற படத்தையும் பல மலையாள படங்களையும் இயக்கிய இயக்குனர் ஜித்துஜோசப் இயக்கி வருகிறார் என்பதும் தெரிந்ததே.

இந்த படத்தின் படப்பிடிப்பு கடந்த சில மாதங்களாக நடைபெற்று வந்த நிலையில் தற்போது இந்த முடிவடைந்து பின்னணி உள்பட தொழில்நுட்ப பணிகள் நடந்து வருகிறது

இந்த நிலையில் இந்த படத்தின் டைட்டில் மற்றும் ஃபர்ஸ்ட்லுக் இன்று மாலை வெளியாகவிருப்பதாக கடந்த இரண்டு நாட்களுக்கு முன்னர் அறிவிக்கப்பட்டிருந்தது. இந்த நிலையில் சற்றுமுன் இந்த படத்தின் டைட்ல் மற்றும் ஃபர்ஸ்ட்லுக் போஸ்டரை நடிகர் சூர்யா தனது டுவிட்டர் பக்கத்தில் வெளியிட்டார்.

இந்த படத்திற்கு ‘தம்பி’ என்ற டைட்டில் வைக்கப்பட்டுள்ளது. சூர்யாவின் தம்பி கார்த்தி நடிக்கும் ‘தம்பி’ போஸ்டரை அண்ணன் சூர்யா வெளியிடுவது பொருத்தமாகவே கருதப்படுகிறது

கார்த்தி, ஜோதிகா, ஆகிய இருவரும் அக்கா-தம்பியாகவும் இவர்களது தந்தையாக சத்யராஜூம் நடிக்கும் இந்த படத்திற்கு ‘96’ படபுகழ் கோவிந்த் வசந்த் இசையமைத்துள்ளார். ஆர்.டி.ராஜசேகர் ஒளிப்பதிவு செய்யும் இந்த படத்தை வயாகம் 18 ஸ்டுடியோஸ் மற்றும் பாரலல் மைண்ட்ஸ் புரடொக்சன்ஸ் நிறுவனங்கள் தயாரித்து வருகின்றன.

We’re super excited to share the first look of Karthi and Jo’s next amazing venture #Thambi. Teaser releasing tomorrow at 11 AM! Stay tuned! 🙂 #ThambiTeaserFromTomorrow #ThambiFirstLook #Donga #AJeethuJosephFilm #Jyotika #Sathyaraj #Surajsadanah #AnsonPaul #Viacom18Studios pic.twitter.com/mlMURshXdr
— Viacom18 Studios (@Viacom18Studios) November 15, 2019

மகாத்மா காந்தி சாலை விபத்தில் உயிரிழந்தாரா? அதிர்ச்சி தகவல்

National

CineDesk

-

November 15, 2019

0

மகாத்மா காந்தி சாலை விபத்தில் உயிரிழந்தாரா? அதிர்ச்சி தகவல்

இந்தியாவுக்கு சுதந்திரம் வாங்கி கொடுத்தவர்களில் முக்கிய காரணமானவர்களில் ஒருவரான மகாத்மா காந்தி, கோட்சே என்பவரால் சுட்டுக்கொல்லப்பட்டார் என்பது உலகிற்கே தெரியும். இந்த நிலையில் அவர் சாலை விபத்தில் உயிரிழந்தார் என ஒடிசா மாநில பள்ளிக்கல்வித்துறை வெளியிட்ட ஒரு புத்தகத்தில் குறிப்பிட்டது பெரும் பரபரப்பை ஏற்படுத்தியுள்ளது

ஒடிசா மாநில பள்ளிக்கல்வி துறை மகாத்மா காந்தி குறித்து வெளியிட்ட புத்தகம் ஒன்றில் மகாத்மா காந்தி விபத்தில் உயிரிழந்தார் என குறிப்பிடப்பட்டுள்ளது. சமீபத்தில் மகாத்மா காந்தி 150வது பிறந்த நாள் கொண்டாடப்படும் போது வெளியிட்ட ஒரு சிறப்பு புத்தகத்தில் தான் இந்த தவறான தகவல் உள்ளது

இந்த புத்தகத்தில் மகாத்மா காந்தி குறித்து குறிப்பிடப்பட்டுள்ள தகவலுக்கு காங்கிரஸ் கட்சி கடும் கண்டனம் தெரிவித்துள்ளது. உடனடியாக மாநில அரசு இதற்கு பொறுப்பேற்று வருத்தம் தெரிவிக்க வேண்டும் என்று கோரிக்கை வைத்துள்ளது. மகாத்மா காந்தி குறித்த தவறான தகவல் இடம்பெற காரணமானவர்கள் மீது நடவடிக்கை எடுக்க ஒடிஷா மாநில அரசு உத்தரவிட்டுள்ளது என்பது குறிப்பிடத்தக்கது.

ஏர்டெல் வாடிக்கையாளரா? உடனே மாறுங்கள் என அறிவுறுத்தல்

National

CineDesk

-

November 15, 2019

0

ஏர்டெல் வாடிக்கையாளரா? உடனே மாறுங்கள் என அறிவுறுத்தல்

ஏர்டெல் வாடிக்கையாளர்கள் 3ஜி சிம்மை பயன்படுத்தி கொண்டு இருந்தால் உடனடியாக அவற்றை 4ஜி சேவை சிம்’ ஆக மாற்றி கொள்ள வேண்டும் என அறிவுறுத்தப்பட்டுள்ளது

இந்தியாவில் ஜியோவை அடுத்து இரண்டாவது பெரிய தொலை தொடர்பு நிறுவனமாக இருக்கும் ஏர்டெல் நிறுவனம், தனது வாடிக்கையாளர்களுக்கு முக்கிய அறிவிப்பு ஒன்றை வெளியிட்டுள்ளது

இதன்படி தற்போது 3ஜி சேவை நிறுத்தப்படுவதாகவும், எனவே 3ஜி சிம் வைத்திருக்கும் வாடிக்கையாளர்கள் உடனடியாக அருகில் உள்ள ஏர்டெல் அலுவலகத்தில் சென்று 4ஜி சிம் பெற்றுக் கொள்ளும்படியும் அறிவித்துள்ளது

ஆனால் அதேவேளையில் 2ஜி சேவையை தொடர்ந்து வழங்கப்படும் என்றும் அந்நிறுவனம் அறிவித்துள்ளது

பெரும்பாலான வாடிக்கையாளர்கள் 4ஜி சேவைக்கு மாறிவிட்டதால் செலவை மிச்சப்படுத்தும் நோக்கில் 3ஜி சேவை நிறுத்தப்படும் என்றும் ஏர்டெல் நிர்வாகம் விளக்கம் அளித்துள்ளது

எனவே 3ஜி சிம் வைத்துள்ள வாடிக்கையாளர்கள் உடனடியாக அருகிலுள்ள ஏர்டெல் கஸ்டமர் அலுவலகத்திற்கு சென்று மாற்றிக்கொள்ளலாம் என அறிவுறுத்தப்படுகிறது

சபரிமலை ஐயப்பன் கோவிலுக்கு செல்ல 36 பெண்கள் முன்பதிவு! இவ்விஷயத்தில் கேரள அரசு தலையிடாது என அறிவிப்பு

National

Parthipan K

-

November 15, 2019

0

சபரிமலை ஐயப்பன் கோவிலுக்கு செல்ல 36 பெண்கள் முன்பதிவு! இவ்விஷயத்தில் கேரள அரசு தலையிடாது என அறிவிப்பு

சபரிமலையில் உள்ள ஐயப்பன் கோவிலுக்குள் அனைத்து வயது பெண்களும் அனுமதிக்க வேண்டும் என்று உச்சநீதிமன்றம் தீர்ப்பு வழங்கியிருந்த நிலையில் அதற்கு கடும் எதிர்ப்பு தெரிவித்து இந்து அமைப்புகள் மற்றும் இந்து உணர்வாளர்கள் ஆகியோர்கள் மிகப்பெரிய அளவில் போராட்டங்களை கடந்த ஆண்டு நடத்தினார்கள்.

இதையடுத்து அனைத்து வயது பெண்களையும் ஐயப்பன் கோவிலுக்கு அனுமதிக்கும் தீர்ப்பை மறுஆய்வு செய்யக்கோரி உச்சநீதிமன்றத்தில் சீராய்வு மனுக்கள் தாக்கல் செய்யப்பட்டது. இந்த வழக்கை விசாரித்த 5 நீதிபதிகள் அமர்வு கொண்ட வழக்கை 7 நீதிபதிகள் கொண்ட அமர்வுக்கு மாற்றி நேற்று உத்தரவிட்டார் தலைமை நீதிபதி இரஞ்சன் கோகாய்.

அதே நேரத்தில், அனைத்து வயது பெண்களும் சபரிமலைக்கு அனுமதிக்கலாம் என்ற முந்தைய உத்தரவு பற்றி தீர்ப்பில் எதுவும் குறிப்பிடவில்லை, இதனால் முந்தைய தீர்ப்புக்கு தடையில்லை என்று அறிவிக்கப்பட்டுள்ளது.

இந்த பரப்பரப்பான சூழ்நிலையில் மண்டல மற்றும் மகரவிளக்கு பூஜைக்காக சபரிமலை ஐயப்பன் கோயிலில் நாளை நடை திறக்கப்படவுள்ளது. இரண்டு மாதங்கள் நடைபெறவுள்ள பூஜையில் வழிபாடு நடத்த அனுமதி கோரி 36 பெண்கள் இணையதளம் வாயிலாக பங்கேற்க முன்பதிவு செய்துள்ளனர். இதனால் பதற்றம் நீடித்து வருகிறது. கோவிலுக்கு வரும் பெண்கள் மற்றும் பக்தர்கள் பாதுகாப்புக்காக சன்னிதானம், பம்பை, நிலக்கல் உள்ளிட்ட இடங்களில் 5 அடுக்கு பாதுகாப்பு ஏற்பாடுகள் செய்யப்பட்டு வருகின்றன. சுமார் 10,000 போலிசார் பாதுகாப்பு பணியில் உள்ளனர்.

இதனிடையே சட்டநிபுணர்களின் சட்ட ஆலோசனை பெற்று அடுத்த கட்ட நடவடிக்கை என்ன செய்யலாம் என்று முடிவு செய்யப்படும் என கேரள முதலமைச்சர் பினராயி விஜயன் தெரிவித்துள்ளார். உச்சநீதிமன்றத் தீர்ப்பு எதுவாக இருந்தாலும் அதனை செயல்படுத்த அரசு தயாராக உள்ளதாக தெரிவித்துள்ளார்.

கேரள மாநில அரசின் நிலைப்பாடு பற்றி பேட்டியளித்த தேவசம்போர்டு அமைச்சர் கடகம்பள்ளி சுரேந்திரன் அவர்கள்,. “சபரிமலைக்கு பெண்களை அழைத்து வர கேரள அரசு எந்த முயற்சியும் எடுக்காது எனவும் ஊக்கப்படுத்தவும் செய்யாது” என்று செய்தியாளர்களிடம் தெரிவித்தார்.

UrbanObserver

News4 TamilOnline Tamil News

Subscribe to newsletter