News4 TamilOnline Tamil News

நமது கை,கால் நகங்களை வைத்து நமது உடல் ஆரோக்கியத்தை கணித்துவிட முடியும் என்கின்றனர் நிபுணர்கள்.நமது நகங்கள் கெரட்டின் என்ற கடின புரோட்டினால் ஆனவை.இந்த நகம் நமது உடலின் வெளிப்புறத்தில் இருக்கிறது.

நம் கை கால் விரல்களின் நுனியில் கவசம் போல் இயற்கையாக இந்த நகங்கள் அமைந்திருக்கிறது.நம் அனைவருக்கும் ஒரே மாதிரியான நகங்கள் வளர்வதில்லை.சிலருக்கு நகங்களின் அடர்த்தி அதிகமாக இருக்கும்.சிலருக்கு வேகமாக வளரக் கூடிய நகங்கள் இருக்கும்.நமது ஒவ்வொரு நகமும் மாத்திற்கு மூன்று மில்லி மீட்டர் வரை வளரும் தன்மை கொண்டது.

நம் நகத்தை வைத்தே நமது உடல் ஆரோக்கிய நிலையை கண்டுபிடிக்க முடியும்.நம் நகங்களின் குறுக்கே அதிக பள்ளங்கள் இருந்தால் வயதாகிவிட்டது என்று அர்த்தம்.நகங்கள் அழுக்கு நிறத்தில் இருந்தால் அது பூஞ்சை தொற்று இருப்பதை உணர்த்துகிறது.

நகங்கள் கருப்பாக மாற ஊட்டச்சத்து குறைபாடு,பூஞ்சை தொற்று முக்கிய காரணமாகும்.நகங்களில் டிரைக்கோபைட்டன் ரூப்ரம் என்ற பூஞ்சை தொற்று ஏற்பட்டால் நகங்கள் கருப்பாக,சொத்தையாக மாறும்.நகச்சொத்தையை நகப்படை என்றும் அழைப்பார்கள்.

உங்கள் நகங்கள் வெளுத்து இருந்தால் அது நிமோனியா,சொரியாசிஸ் போன்ற பாதிப்புகளுக்கான அறிகுறியாக இருக்கலாம்.அதேபோல் உங்கள் நகங்கள் மஞ்சள் நிறத்தில் இருந்தால் அது நுரையீரல் பாதிப்பை உணர்த்தும்.தைராய்டு பாதிப்பு,நீரிழிவு நோய்,சிறுநீரக செயலிழப்பு போன்ற பிரச்சனைகள் இருந்தால் கை கால் விரல் நகங்கள் மஞ்சள் நிறத்தில் இருக்கும்.

உங்கள் நகங்களின் நிறம் நீல நிறத்தில் இருந்தால் நுரையீரல் பாதிப்பிற்கான அறிகுறியாக இருக்கக் கூடும்.நகங்களுக்கு நடுவே கருப்பு கோடுகள் தென்பட்டால் அது புற்றுநோய் பாதிப்பிற்கான அறிகுறியாக இருக்கக் கூடும்.உங்கள் நகம் வளைந்திருந்தால் அது இரும்புச்சத்து குறைபாடு இருப்பதை குறிக்கும்.

நாம் தற்பொழுது பல்வேறு மருத்துவத்தை பின்பற்றி வருகின்றோம்.சித்த மருத்துவம்,ஆயுர்வேதம்,அலோபதி,ஹோமியோபதி போன்ற வரிசையில் இயற்கை மருத்துவம் அதாவது நேச்சுரோபதியும் அடங்கும்.

இந்த இயற்கை மருத்துவத்தில் மருந்து,ஊசி,மாத்திரை எதுவும் இல்லாமல் வியாதிகளை குணப்படுத்துகின்றனர்.உடலில் இருக்கின்ற ஐந்து உறுப்புகளை வைத்து உடல் சமநிலையை சரி செய்கின்றனர்.

உடலில் நோய் பாதிப்புகள் வராமல் இருக்க இயற்கை மருத்துவத்தை பயன்படுத்தலாம்.இயற்கை மருத்துவத்தின் மூலம் உடல்,மனம் ஆகியவற்றை இணைத்து சிகிச்சை வழங்கப்படுகிறது.மனம் சம்மந்தபட்ட பிரச்சனைகள் குணமாக இயற்கை மருத்துவத்தை பின்பற்றலாம்.இயற்கை மருத்துவ சிகிச்சையின் மூலம் உணவு முறை மற்றும் வாழ்க்கை முறையில் நல்ல மாற்றத்தை கொண்டு வர முடியும்.

எந்த ஒரு நோய் பாதிப்பையும் இயற்கை மருத்துவம் மூலம் குணப்படுத்திக் கொள்ள முடியும்.நோய் பாதிப்புகள் வராமல் இருக்க இயற்கை மருத்துவம் உதவுகிறது.நமது மன ஆரோக்கியத்தை மேம்படுத்திக் கொள்ள இயற்கை மருத்துவத்தை பின்பற்றலாம்.

தற்பொழுது கொஞ்சம் தலைவலி வந்தாலே உடனே மாத்திரை வாங்கி போடும் மோசமான வழக்கத்தை பின்பற்றி வருகின்றோம்.மருந்து,மாத்திரைகள் நம் உடல் நோய்களை குணப்படுத்தும் என்றாலும் இதை மட்டுமே நம்பி இருந்தால் நிச்சயம் ஆரோக்கியம் பாதிக்கப்பட்டுவிடும்.

அலோபதி மருத்துவத்தில் சர்க்கரை நோய்க்கு பரிசோதனை,சிகிச்சை போன்றவை வழங்கப்படுகிறது.ஆனால் இயற்கை மருத்துவத்தில் சிகிச்சை இன்றி ஆரோக்கிய உணவுகள் மூலம் குணமடைய செய்கின்றனர்.

அதேபோல் நமது நாடியை வைத்து நமது உடலில் என்ன சுவை குறைவாக இருக்கிறது என்பதை கணித்து அதற்கு ஏற்ற இயற்கை சிகிச்சை மற்றும் ஆலோசனைகளை வழங்குகின்றனர்.ஊசி,மருந்து,மாத்திரை இது எதுவும் இல்லாமல் நீங்கள் நோய்களை குணப்படுத்திக் கொள்ள நினைத்தால் நிச்சயம் நீங்கள் நேச்சுரோபதியை பின்பற்றலாம்.

சம்மரில் சீசனில் உடல் நல பாதிப்புகள் சற்று அதிகமாகவே இருக்கும்.கோடை வெயில் அதிகரிப்பதன் காரணமாக உடலில் பல நோய்கள் உண்டாகிறது.சுட்டெரிக்கும் வெயிலால் தலைவலி,உடல் சோர்வு,நீரிழப்பு,மயக்கம் போன்ற பாதிப்புகளால் அவதியடைபவர்கள் ஏராளம்.

குறிப்பாக வெயில் காலத்தில் தலைவலி பிரச்சனை பெரும் பிரச்சனையாக இருக்கிறது.நீர்ச்சத்து குறைபாடு,மன அழுத்தம்,உடல் சோர்வு,தலைசூடு போன்ற காரணங்களால் தலைவலி ஏற்படுகிறது.நீரிழப்பால் ஏற்படும் தலைவலியை குணப்படுத்த உடலுக்கு தேவையான திரவத்தை பருக வேண்டும்.

மற்ற பருவ காலங்களைவிட வெயில் காலத்தில் தண்ணீர் தேவை அதிகமாகவே உள்ளது.அதிக வெயிலால் உடலில் இருந்து வியர்வை எளிதில் வெளியேறி நீரிழப்பு அதாவது நீர்ச்சத்து குறைபாடு ஏற்படுகிறது.

நீரிழப்பால் உண்டாகும் தலைவலியை சில அறிகுறிகள் வைத்து தெரிந்து கொள்ளலாம்.அதிகளவு சிறுநீர் கழித்தல்,உதடு மற்றும் நாக்கு வறண்டு போதல்,உடல் சோர்வு போன்றவை நீரிழப்பால் ஏற்படும் தலைவலியாகும்.

அதேபோல் மன அழுத்தத்தால் கடுமையான தலைவலி பாதிப்பை சந்திக்கக் கூடும்.தூக்கமின்மை,நீரிழப்பு,உடல் சோர்வு,ஊட்டச்சத்து குறைபாடு போன்ற காரணங்களால் மன ஆரோக்கியம் பாதிக்கப்படலாம்.இதன் காரணமாக தலைவலி பாதிப்பு ஏற்படும்.மன அழுத்தத்தால் ஏற்படும் தலைவலியை குணப்படுத்த தியானம்,யோகா போன்றவற்றை செய்யலாம்.

அதேபோல் கோடை காலத்தில் உடலில் பித்தம்,கபம்,வாதம் போன்றவை அதிகரிக்கிறது.இதன் காரணமாக தலைவலி பாதிப்பு ஏற்படலாம்.கோடை கால தலைவலியை குணப்படுத்திக் கொள்ள கீழே கொடுக்கப்பட்டுள்ள இயற்கை வழிமுறைகளை பின்பற்றலாம்.

1)உடலில் நீரேற்றத்தை அதிகரிக்க இளநீர் குடிக்கலாம்.இளநீர் குடித்தால் உடலில் வெப்பம் தணியும்.

2)ரோஜா இதழை தண்ணீரில் போட்டு கொதிக்க வைத்து ஆறவிட்டு குடித்தால் உடலில் பித்தம் குறையும்.

3)கொத்தமல்லி விதைகளை ஒரு கிளாஸ் தண்ணீரில் கொதிக்க வைத்து குடித்தால் தலைவலி குணமாகும்.

4)புதினாவின் டீ போட்டு குடித்தால் தலைவலி பாதிப்பு நீங்கும்.சோம்பு பானத்தை பருகினால் தலைவலி நீங்கும்.

5)திரிபலா பொடியில் டீ செய்து குடித்தால் தலைவலி பாதிப்பு குணமாகும்.திரிபலா பொடியை சாப்பிட்டால் உடல் சூடு,தலைவலி போன்ற பாதிப்புகள் குணமாகும்.