“அடுத்த ஆண்டு சின்னசாமி மைதானத்தில் இருப்பேன்..” டிவில்லியர்ஸின் பதிவால் ரசிகர்கள் சோகம்!
கிரிக்கெட் உலகில் மிஸ்டர் 360 என அழைக்கப்படும் டிவில்லியர்ஸ் சர்வதேச கிரிக்கெட்டில் இருந்து சில ஆண்டுகளுக்கு முன்னர் ஓய்வை அறிவித்தார்.
ஏபி டி வில்லியர்ஸ் ஐபிஎல் 2023க்காக ராயல் சேலஞ்சர்ஸ் பெங்களூர் அணிக்கு திரும்புவதை உறுதி செய்துள்ளார். ஆனால், ஒரு வீரராக அல்ல. அனைத்து வகையான கிரிக்கெட்டிலிருந்தும் ஓய்வு பெறுவதாக அறிவித்த முன்னாள் தென்னாப்பிரிக்கா கேப்டன், RCB அணியில் இடம்பெற போவதில்லை.
இதுபற்றி அவர் தன்னுடைய சமூகவலைதளப் பக்கத்தில் “அடுத்த வருடம் சின்னசாமி ஸ்டேடியம் செல்வேன். ஆனால் கிரிக்கெட் விளையாடுவதற்காக அல்ல. இதுவரை ஐபிஎல் பட்டத்தை வெல்லாததற்காக ஆர்சிபி ரசிகர்களிடம் மன்னிப்பு கேட்கிறேன். கடந்த பத்தாண்டுகளாக அவர்கள் அளித்த ஆதரவிற்கும் நன்றி சொல்ல விரும்புகிறேன். இனி கிரிக்கெட் விளையாட முடியாது. ஏனென்றால் எனது வலது கண்ணில் அறுவை சிகிச்சை செய்யப்பட்டது” என்று டிவில்லியர்ஸ் சமூக ஊடக உரையாடலின் போது கூறினார்.
மேலும் அவர் “நான் நிச்சயமாக ஒரு அணிக்கு பயிற்சியாளராகத் செயல்படுவது பற்றி திட்டமிடவில்லை. நான் கற்றுக்கொண்ட அனைத்தையும் பகிர்ந்து கொள்ள விரும்புகிறேன். ஆனால் நான் ஒரு அணியில் சேரப் போவதில்லை, பயிற்சியளிப்பது மற்றும் உலகம் முழுவதும் பயணம் செய்யப் போவதில்லை. 18 வருட பயணத்திற்குப் பிறகு வீட்டில் சிறிது நேரம் செலவழிப்பதில் நான் மிகவும் மகிழ்ச்சியடைகிறேன் ” என்று தன்னுடைய யுட்யூப் சேனலில் கூறினார்.
மேலும் லெஜண்ட்ஸ் லீக் கிரிக்கெட் பற்றி பேசிய அவர் “எனக்கு இப்போது மிகவும் வயதாகிவிட்டது. லெஜெண்ட்ஸ் லீக் மிகவும் வேடிக்கையாக இருப்பதாகத் தெரிகிறது. நான் அழைக்கப்பட்டேன், ஆனால் எனக்கு ஒரு கண் அறுவை சிகிச்சை செய்யப்பட்டது. நான் ஒரு கண்ணால் விளையாட முடியும் என்று நீங்கள் நினைக்கலாம், ஆனால் நான் அதைச் செய்யமாட்டேன்,” என்று அவர் கூறினார். கூறினார்.
