மாணவரை சுட்டுக்கொன்ற விஜய்யும் கழிவறையில் வழுக்கி விழுவாரா? நீதிமன்றம் அறிவுரை
காஞ்சீபுரம் மாவட்டம் வண்டலூரை அடுத்த வேங்கடமங்கலம் என்ர பகுதியை 19 வயது பாலிடெக்னிக் மாணவர் முகேஷ் என்பவரை அவரது நண்பர் விஜய் சமிபத்தில் சந்தித்தபோது திடீரென துப்பாக்கியால் சுட்டு கொன்றார். முகேஷின் நெற்றிப்பொட்டில் குண்டு பாய்ந்ததால் அவர் சம்பவ இடத்திலேயே மரணம் அடைய விஜய் தலைமறைவானார்.
இந்த நிலையில் போலீசாரின் எச்சரிக்கையை அடுத்து செங்கல்பட்டு நீதிமன்றத்தில் சரண் அடைந்த விஜய்யை கைது செய்த போலீசார் அவர் மீது வழக்குப்பதிவு செய்து சிறையில் அடைத்தனர்.
இந்த நிலையில் இதுகுறித்து பதிவு செய்யப்பட்ட வழக்கில் இளைஞர் விஜய் இன்று நீதிமன்றத்தில் ஆஜர்செய்யப்பட்டார். அவரை 3 நாள் காவலில் எடுத்து விசாரிக்க காவல்துறைக்கு செங்கல்பட்டு நீதிமன்றம் அனுமதி வழங்கியது. ஆனால் அதே நேரம் இளைஞர் விஜய் கழிவறையில் வழுக்கி விழாதவாறு பார்த்துக்கொள்ள போலீசுக்கு நீதிபதி அறிவுரை கூறினார்.
கடந்த சில மாதங்களாகவே போலீசார்களிடம் சிக்கும் குற்றம் சாட்டப்பட்டவர்கள் கழிவறையில் வழுக்கி விழுந்து கை, கால்களில் எலும்பு முறிவு ஏற்பட்டு மாவுக்கட்டுடன் தோன்றும் புகைப்படங்கள் சமூக வலைத்தளங்களில் வைரலானதை தொடர்ந்தே நீதிபதி, காவல்துறைக்கு இதுபோன்ற அறிவுரையை வழங்கியுள்ளதாக தெரிகிறது
காலையில் பேட்டி, மாலையில் முதல்வர் சந்திப்பு: என்ன நடக்குது ரஜினி வீட்டில்?
சூப்பர் ஸ்டார் ரஜினிகாந்த் இன்று காலை கமல்ஹாசன் வீட்டில் நடந்த கே பாலச்சந்தர் சிலை திறப்பு விழாவில் கலந்து கொண்டார். இது குறித்த செய்தி ஊடகங்களில் வெளியாகி கொண்டிருந்த நிலையில் திடீரென ரஜினிகாந்த் அளித்த பேட்டியால் ஊடகங்கள் பரபரப்பு அடைந்தன.
முதலில் பேட்டி கொடுத்த ரஜினிகாந்த் அதன் பின்னர் ஒரு மணிநேரம் கழித்து மீண்டும் செய்தியாளர்களை சந்தித்ததால் இன்று முழுவதும் ரஜினிகாந்த் செய்திகளே முன்னணி ஊடகங்களில் தலைப்பு செய்தியாக இருந்தது
குறிப்பாக இந்த பேட்டியில் அவர் ’தான் பாஜகவின் காவி நிறத்தில் சிக்க மாட்டேன் என்றும் தமிழகத்தில் இன்னும் ஆளுமை உள்ள தலைவர் இல்லாமல் வெற்றிடமாக இருப்பதாகவும் தெரிவித்தது பெரும் பரபரப்பை ஏற்படுத்தியது. முதல்வர் எடப்பாடி பழனிச்சாமி மற்றும் திமுக தலைவர் ஸ்டாலின் ஆகிய இருவரையும் அவர் ஆளுமையுள்ள தலைவராக ஏற்றுக் கொள்ளவில்லை என்பதையே இந்த பேட்டி எடுத்துக் காட்டியது
இந்த நிலையில் காலையில் முதல்வரை விமர்சனம் செய்தது ரஜினிகாந்த் பேட்டி அளித்த நிலையில் மாலையில் அவருடைய மனைவி லதா ரஜினிகாந்த் தமிழக முதல்வர் எடப்பாடி பழனிச்சாமி இன்று சந்தித்தார். தலைமைச் செயலகத்தில் இன்று மாலை நடந்த இந்த சந்திப்பு மரியாதை நிமித்தமானது என்று இரு தரப்பிலும் கூறப்படுகிறது
இருப்பினும் இந்த சந்திப்பில் முக்கிய ஆலோசனை ஒன்று செய்யப்பட்டுள்ளதாகவும், இது குறித்த அறிவிப்பு விரைவில் வெளிவரும் என்றும் கூறப்படுகிறது. தலைமைச் செயலக வட்டாரங்கள் இதுகுறித்து கூறிய போது ’லதா ரஜினிகாந்த அவர்களுக்கு தமிழக அரசு ஒரு முக்கிய பதவியை அளிக்க உள்ளதாக செய்திகள் பரவிக் கொண்டிருக்கின்றது. இது எந்த அளவுக்கு உண்மை என்பது இன்னும் ஓரிரண்டு நாட்களில் தெரிந்துவிடும்
தனி அதிகாரியை எதிர்த்து வழக்கு: விஷாலுக்கு காத்திருந்த அதிர்ச்சி
தென்னிந்திய நடிகர் சங்கத்திற்கு கீதா என்ற தனி அதிகாரியை நேற்று நியமனம் செய்யப்பட்டதை அடுத்து இந்த நியமனத்திற்கு எதிர்ப்பு தெரிவித்து நடிகர் சங்கத்தின் சார்பில் நடிகர் விஷால் இன்று சென்னை ஐகோர்ட்டில் ஒரு மனுவை தாக்கல் செய்தார்
இந்த மனு இன்று விசாரணைக்கு வந்தது. இந்த வழக்கின் விசாரணையின்போது நடிகர் சங்கத்திற்கு தனி அதிகாரி நியமனம் செய்யப்பட்டது சட்டவிரோதம் என்றும், நடிகர் சங்கம் தொடுத்த வழக்கு நிலுவையில் இருக்கும்போது இந்த நியமனம் செல்லாது என்றும், தனி அதிகாரி நியமனத்திற்கு இடைக்கால தடை விதிக்க வேண்டும் என்றும் விஷாலின் சார்பில் ஆஜரான வழக்கறிஞர் வாதாடினார்
இதன் பின்னர் தமிழக அரசின் வழக்கறிஞர் வாதாடுகையில் நடிகர் சங்கத்தின் செயல்பாடுகள் முடங்கி இருப்பதாகவும், நடிகர் சங்கத்தின் நிர்வாகத்தில் வெற்றிடம் இருப்பதால் தனி அதிகாரி நியமனம் செய்யப்பட்டதாகவும் பதிலளித்தார்
இருதரப்பு வாதங்களையும் கேட்ட நீதிபதி தனி அதிகாரி நியமன தடைக்கு இடைக்கால உத்தரவு பிறப்பிக்க முடியாது என்றும், இது குறித்து தமிழக அரசு வரும் 14ஆம் தேதிக்கு பதில் அளிக்க வேண்டும் என்றும், அன்றைய தினம் அடுத்தகட்ட விசாரணை நடைபெறும் என்றும் தெரிவித்து உத்தரவிட்டார்
இன்றைய வழக்கின் விசாரணையில் எப்படியும் தனி அதிகாரி நியமனத்துக்கு இடைக்காலத் தடை கிடைக்கும் என்று எதிர்பார்த்து இருந்த நடிகர் விஷாலுக்கு இந்த உத்தரவு அதிர்ச்சியை அழைத்துள்ளதாக கூறப்படுகிறது
பாமக தலைவர் G.K மணி மற்றும் திருமாவளவன் இடையேயான சந்திப்பு அரசியல் நாகரிகமா?! கூட்டணிக்கு அச்சாரமா?
சமீபத்தில் நடந்த தனியார் நிகழ்ச்சி ஒன்றில் பாமக தலைவர் G.K.மணி விடுதலை சிறுத்தைகள் கட்சித் தலைவர் தொல் . திருமாவளவனுடன் சிரித்துப் பேசி மகிழ்ச்சியாக இருக்கும் புகைப்படம் ஒன்று வெளியாகியுள்ளது. இது பாமக தொண்டர்கள் இடையே அதிருப்தியை ஏற்படுத்தியுள்ளது. இது குறித்து பாமக தொண்டர்கள் சார்பில் பல்வேறு விமர்சனங்கள் வந்த வண்ணமே உள்ளன.
நேற்று சென்னையில் உள்ள ஐந்து நட்சத்திர ஓட்டல் ஒன்றில் “நமக்கான சேட்டிலைட் தொலைக்காட்சி” என்ற நிகழ்ச்சி நடைபெற்றது. இந்த நிகழ்ச்சியில் அனைத்து அரசியல் கட்சி தலைவர்களும் கலந்து கொண்டு வாழ்த்துக்களை தெரிவித்தனர். இந்த நிகழ்ச்சியில் பாமக தலைவர் ஜி.கே மணி, விடுதலை சிறுத்தைகள் கட்சித் தலைவர் தொல்.திருமாவளவன், மனிதநேய மக்கள் கட்சித் தலைவர் ஜவாஹிருல்லா, மதிமுக துணைப் பொதுச் செயலாளர் மல்லை சத்யா, இந்திய குடியரசு கட்சி தலைவர் சேகு தமிழரசன் உள்ளிட்ட பலர் கலந்து கொண்டு வாழ்த்துக்களை தெரிவித்தனர்.
இதில் அனைவரும் கவனிக்க வேண்டிய விஷயம் என்னவென்றால் தமிழக அரசியலில் எலியும் பூனையுமாக எதிரான அரசியலை செய்து வரும் கட்சிகளான விடுதலை சிறுத்தைகள் கட்சி மற்றும் பாமக ஆகிய இரண்டு கட்சியின் தலைவர்களும் நேருக்கு நேர் சந்தித்து ஒருவரை ஒருவர் கைகுலுக்கி மகிழ்ச்சியாக பேசிக் கொண்ட சம்பவம் நடந்துள்ளது. மற்ற அரசியல் கட்சி தலைவர்கள் முதல் சம்பந்தபட்ட கட்சிகளின் தொண்டர்கள் வரை அனைவருக்குமே இந்த சந்திப்பு ஆச்சரியத்தை ஏற்படுத்தியுள்ளது.
கடந்த காலங்களில் பாமக மற்றும் விசிக என இரண்டு கட்சிகளும் இணைந்து செயல்படும் போது இரண்டு கட்சிகளுக்கும் தேர்தல் முடிவுகள் சாதகமாக அமைந்தது.ஆனால் மருத்துவர் ராமதாஸ் மூலமாக அரசியல் பயின்ற திருமாவளவன் பிரிந்து சென்று அந்த கட்சிக்கும்,குறிப்பாக வன்னியர் சமுதாயத்திற்கும் எதிராக மறைமுகமாகவும்,நேரிடையாகவும் என தரமற்ற செயல்களில் ஈடுபட்டது இரு கட்சியினரின் இடையே இடைவெளியை அதிக படுத்தியது. இதை சாதகமாக பயன்படுத்திக் கொள்ள நினைத்த பெரிய கட்சிகளான அதிமுக மற்றும் திமுக தொடர்ந்து இரண்டு கட்சிகளுக்கு இடையேயான பிரச்சினையை இரண்டு சாதிகளுக்கு இடையேயான பிரச்சனையாக கிளப்பி விட்டது. இப்படி தமிழ் சமுதாயத்தில் பெரும்பான்மையாக உள்ள இரு சமூகத்தினரிடையே பிரிவினையை உருவாக்கி அதன் மூலம் தொடர்ந்து மாறி மாறி இரு கட்சிகளும் ஆட்சியை தக்க வைத்துக் கொண்டன.
இந்நிலையில் பாமக தலைவர் ஜி.கே.மணி மற்றும் விடுதலை சிறுத்தைகள் கட்சித் தலைவர் தொல்.திருமாவளவன் என இருவரும் நேற்று சந்தித்துக் கொண்ட போது, ஒருவருக்கொருவர் மகிழ்ச்சியாக கைகொடுத்து பேசிக்கொண்டார்கள். அந்த சமயத்தில் எடுக்கப்பட்ட புகைப்படம் தற்போது வெளியாகி சமூக வலைத் தளங்களில் வைரலாக பரவி வருகிறது.இந்நிகழ்வு விடுதலை சிறுத்தைகள் கட்சியின் செயல்பாடுகளை பிடிக்காமல் இருந்த பாமக தொண்டர்களை அதிர்ச்சி அடைய வைத்துள்ளது. வழக்கமாக ஒவ்வொரு மேடையிலும் சம்பந்தமே இல்லாமல் பாமகவை சீண்டி கொண்டிருந்த திருமாவளவன் பாமக கட்சியின் தலைவருடன் மகிழ்ச்சியாக பேசியது தமிழக அரசியலில் ஒரு திருப்பு முனையாக அமையம் என்று எதிர்பார்க்கப்படுகிறது.
கடந்த மக்களவை தேர்தலில் திமுகவுடன் விசிக கூட்டணி அமைத்து போட்டியிட்டாலும் அக்கட்சி போட்டியிடும் தொகுதிகளை தவிர வேறு எந்த தொகுதியிலும் திருமாவளவன் பிரச்சாரம் செய்ய திமுக தலைமை அனுமதிக்கவில்லை.அப்போதே இது அரசியலில் நடைபெறும் நவீன தீண்டாமை என்ற குற்றச்சாட்டும் வைக்கப்பட்டது. அதையடுத்து தற்போது நடைபெற்ற விக்கரவாண்டி மற்றும் நாங்குநேரி சட்டமன்ற இடைத்தேர்தலில் கூட திருமாவளவன் அவர்களுக்கு பிரச்சாரம் செய்ய வாய்ப்பு வழங்கவில்லை.குறிப்பாக விக்கிரவாண்டி தொகுதியில் வன்னியர்களுக்கு அடுத்தபடியாக அதிகமாக வசிப்பது தலித் மக்கள் தான் என்ற நிலையிலும் திருமாவளவன் அவர்களுக்கு உரிய முக்கியத்துவம் கொடுக்க திமுக தலைமை அனுமதிக்கவில்லை.
இந்த தேர்தல் பிரச்சாரத்தில் மருத்துவர் ராமதாஸ் ஆரம்பித்த முரசொலி அலுவலகம் அமைந்துள்ள பஞ்சமி நிலத்தை திரும்ப தர வேண்டும் என்ற கருத்துக்கு ஆதரவு அளிக்கும் விதமாக தான் திருமாவளவன் மழுப்பாலான பதிலை அளித்திருந்தார். தொடர்ந்து திமுக தலைமையும் விடுதலை சிறுத்தைகள் கட்சியை தொடர்ந்து வாக்கு அரசியலுக்காக மட்டுமே பயன்படுத்தி வருவதும்,விசிக தொண்டர்களை எரிச்சலடைய செய்துள்ளது. மேலும் அதிமுக தலைமையிலான அரசு கவிழும் என்று எதிர்பார்க்கப்பட்ட சூழலில் திமுக தலைவர் ஸ்டாலின் அவர்களின் செயல்படாத தன்மையால் மேலும் பெரும்பான்மை பெற்று வருகிறது. பாமக மற்றும் தேமுதிக போன்ற கட்சிகளும் அதிமுகவுடன் இணைந்துள்ள நிலையில் தற்போது மீண்டும் அந்த கூட்டணியே வெற்றி பெறும் சூழல் நிலவி வருகிறது.
எதிரும் புதிருமாக செயல்பட்ட பாமக மட்டும் விசிக ஒரே கூட்டணியில் இருக்க மாட்டோம் என முடிவு செய்திருந்தனர்.ஆனால் தற்போதைய அரசியல் சூழ்நிலையை கருத்தில் கொண்டும்,திமுகவில் தங்களுக்கு உரிய முக்கியத்துவம் கொடுக்க மறுப்பதாலும் விடுதலை சிறுத்தைகள் கட்சி அதிமுக கூட்டணிக்கு வர வாய்ப்புள்ளது என்றே எதிர்பார்க்க படுகிறது. இந்நிலையில் இதற்கு பாமக எதிராக அமைந்து விட கூடாது என்பதை உறுதி செய்யவே G.K.மணி மற்றும் திருமாவளவன் இடையேயான சந்திப்பு நிகழ்ந்துள்ளதாக கருதப்படுகிறது. இந்த சந்திப்பு வருகின்ற உள்ளாட்சி மட்டும் சட்டமன்ற தேர்தலில் அமையவுள்ள கூட்டணிக்கு அச்சாரமா? என்ற ஒரு கருத்தும் நிலவி வருகிறது.
ப.சிதம்பரத்தை அடுத்து குறிவைக்கப்படும் திமுக பிரமுகர்
பாஜகவின் பெரும் தலைவலியாக இருப்பது திமுக மட்டுமே என்ற ஒரு கருத்து பாஜகவின் மேலிடத்தில் இருந்து வருவது தெரிந்ததே. குறிப்பாக தமிழகத்திற்கு பிரதமர் மோடி வரும் போது ’கோபேக் மோடி’ என்று கோஷம் போடுவது, பாஜகவை கடும் அதிருப்தி அடைய செய்துள்ளது
இந்த நிலையில் காங்கிரஸ் பிரமுகர் ப சிதம்பரம் அவர்கள் ஊழல் வழக்கில் கைது செய்யப்பட்டதை அடுத்து திமுகவுக்கு அமித்ஷா-மோடி கூட்டணியினர் குறி வைத்துள்ளதாக கூறப்படுகிறது. இதனை உறுதி செய்வது போல் சமீபத்தில் பேட்டியளித்த ஒரு பாஜக பிரமுகர் ’தமிழகத்தில் இரண்டு பிரமுகர்கள் கைது செய்யப்படுவார்கள் என்று ஏற்கனவே சொல்லப்பட்டது. அதில் ஒருவர் கைது செய்யப்பட்டுவிட்டார், இன்னொருவர் மிக விரைவில் கைது செய்யப்படுவார் என்று கூறியுள்ளார்
இதனை அடுத்து அந்த இன்னொரு பிரமுகர் அனேகமாக திமுக பிரமுகராகத்தான் இருக்கும் என்று கூறப்படுகிறது. ஆ.ராசா, கனிமொழி ஆகியோர் சம்பந்தப்பட்ட 2ஜி வழக்கு மீண்டும் தூசி தட்டப்பட்டு உள்ளதாகவும் அதேபோல் திமுக பிரமுகர் சாதிக் பாட்சா கொலை வழக்கும் தூசு தட்டப்பட வாய்ப்பு இருப்பதாகவும் தெரிகிறது
அமித்ஷா – மோடியின் பார்வை தற்போது திமுக பக்கம் திரும்பியுள்ளதாகவும், வரும் சட்டமன்ற தேர்தலுக்குள் திமுக இமேஜை உடைத்து காலி செய்தால்தான் தங்கள் கூட்டணி ஆட்சி அமைக்க முடியும் என்பதால் அடுத்த குறி திமுகவுக்குத்தான் என்றும் பாஜக வட்டாரங்கள் கூறுகின்றன
பாஜகவின் இந்த அதிரடியை எதிர்கொள்ள திமுகவும் தயாராக இருப்பதாகவும், ஊடகங்கள் மற்றும் சமூக வலைத்தளங்கள் தங்களுக்கு சாதகமாக இருப்பதால் பாஜக அதிரடி காட்டினால் பதிலடி கொடுக்க ஊடகங்களை பயன்படுத்தி கொள்ளலாம் என்ற முடிவில் திமுக இருப்பதாகவும் கூறப்படுகிறது.
சூப்பர் ஸ்டார் ரஜினிகாந்த் அவர்களை பாஜகவின் முகம் என்றும், பாஜகவின் தீவிர ஆதரவாளர் என்றும், அதே போல் ஆன்மீக அரசியல் என்ற பெயரில் இந்துத்துவத்தை ஆதரிப்பவர் என்றும் எதிர்க்கட்சிகள் அவர் மீது குற்றம் சாட்டி வந்தன. மேலும் ரஜினி பாஜகவில் இணைந்து விடுவார் என்றும் அல்லது தனிக்கட்சி ஆரம்பித்து பாஜகவுடன் கூட்டணி வைப்பார் என்றும் வதந்திகள் பரப்பப்பட்டு வந்தன
இந்த நிலையில் சட்டசபை தேர்தல் விரைவில் நடைபெற உள்ள நிலையில் அரசியல் கட்சியை ரஜினிகாந்த் தொடங்க உள்ளார். அரசியல் கட்சியை தொடங்குவதற்கு முன்னதாகவே அவர், ’தான் ஆதரவாளர் இல்லை என்பதை நிரூபிக்க வேண்டிய கட்டாயத்தில் உள்ளார். ஏனெனில் ரஜினிகாந்துக்கு அனைத்து மத இன ரசிகர்கள் இருப்பதால் அனைவரின் ஆதரவையும் பெற வேண்டும் என்பதே அவரது திட்டம்
இந்த நேரத்தில் பாஜக ஆதரவாளர் என்ற முத்திரை தனக்கு பின்னடைவை ஏற்படுத்தும் என்று கருதிய ரஜினிகாந்த் இன்று தனது பேட்டியில் தான் பாஜக ஆதரவாளர் இல்லை என்பதைத் தெளிவுபடுத்தியுள்ளார். எதிர்பார்த்தது போலவே ரஜினியின் இந்த பேட்டியை திமுக தவிர பாஜகவை பிடிக்காத அரசியல் கட்சிகள் வரவேற்று உள்ளனர் விடுதலைச் சிறுத்தைகள், காங்கிரஸ் உள்பட அரசியல் கட்சிகள் ரஜினியின் பேட்டியை பாராட்டியுள்ளன
திமுக இந்த பேட்டி கொடுத்து எந்தவித கருத்தையும் தெரிவிக்காமல் உள்ளது. குறிப்பாக திருவள்ளுவர் நாத்திகர்தான் என்று ரஜினிகாந்த் கூறிய கருத்திற்கு திமுக உள்பட யாரும் பதில் கூறவில்லை என்பது தான் உண்மை. ரஜினிகாந்த் கூறிய வெற்றிடம் என்ற கருத்துக்கு மட்டும் துரைமுருகன் பதிலளித்து உள்ளார் என்பது குறிப்பிடத்தக்கது
ரஜினியின் இந்த பேட்டியில் இருந்து அவர் தான் எந்த கட்சிக்கும் ஆதரவாளர் இல்லை குறிப்பாக பாஜகவின் ஆதரவாளர் இல்லை என்பதை தெளிவுபடுத்தி உள்ளார் என்பது குறிப்பிடத்தக்கது
திருவள்ளுவருக்கும் தனக்கும் காவிச்சாயம் பூச முயற்சி நடந்து கொண்டிருப்பதாகவும் இந்த முயற்சியில் திருவள்ளுவரும் மாட்ட மாட்டார், நானும் மாட்ட மாட்டேன் என்றும் ரஜினிகாந்த் கேள்வி ஒன்றுக்கு பதிலளித்தார்
இன்று கமல்ஹாசன் அலுவலகத்தில் கே பாலசந்தர் அவர்களின் சிலை திறப்பு விழாவில் கலந்து கொண்ட பின்னர் செய்தியாளர்களை சந்தித்தபோது ரஜினிகாந்த் கூறியபோது, ‘திருவள்ளுவருக்கு காவி சாயம் பூசியிருக்கும் விவகாரத்தை பெரிதுபடுத்த வேண்டியதில்லை. திருவள்ளுவர் ஒரு சித்தர், ஞானி. சித்தர், ஞானிகள் ஜாதி, மதத்திற்கு அப்பாற்பட்டவர்கள்
அதே நேரத்தில் திருவள்லுவர் ஒரு ஆத்திகர், கடவுள் நம்பிக்கை உடையவர். நாத்திகர் இல்லை. மேலும் நாட்டில் எவ்வளவோ மக்களுடைய பிரச்சினை இருக்கும் போது திருவள்ளுவர் விவகாரத்தை பெரிதாகத் தேவையில்லை என்பதுதான் என்னுடைய கருத்து.
மேலும் பொன் ராதாகிருஷ்ணன் அடிக்கடி என்னை வந்து சந்திப்பதால் தான் பாஜகவில் இணையவிருப்பது போன்ற ஒரு மாயையை ஏற்படுத்தி வருகின்றனர். திருவள்ளுவருக்கு காவிச்சாயம் பூச முயற்சிப்பது போல் எனக்கும் காவிச்சாயம் பூச முயற்சி நடந்து கொண்டிக்கின்றது அதில் திருவள்ளூர் மாட்ட மாட்டார், நானும் மாட்ட மாட்டேன் என்று ரஜினிகாந்த் கூறினார்.
முன்னதாக கமல்ஹாசன் அலுவலகத்தில் நடைபெற்ற கே.பாலசந்தர் சிலை திறப்பு விழாவில் கலந்து கொண்ட ரஜினிகாந்த், கே.பாலசந்தருடனான தனது மலரும் நினைவுகளை பகிர்ந்து கொண்டார். மேலும் கமல்ஹாசனுக்கும் அவர் பாராட்டு தெரிவித்தார்.
ஆதிதிராவிடர் கட்டடம் இருந்தது உண்மைதான் திமுக ஜெயராஜ்! நிலைகுலைந்து போன உடன்பிறப்புகள் விவாத நிகழ்ச்சிகளில் கலந்துகொள்ள தடை
அசுரன் படத்தை பார்த்துவிட்டு சும்மா இருந்திருந்தால் மு.க.ஸ்டாலின் அவர்களுக்கு ‘முரசொலி’ என்ற தலைவலி வந்திருக்காது,. ட்விட்டரில் அவர் பதிவிட்ட ஒரே ஒரு ட்விட் இன்று தமிழக அரசியல் களத்தில் கலகலக்க வைத்துள்ளது,. முரசொலி இடம் பஞ்சமி நிலத்திற்கு தான் சொந்தமானது என்று பாமக நிறுவனர் ராமதாஸ் தகுந்த சமயத்தில் கூறியதால்,. இப்பிரச்சனை பூதாகரமாக வெடித்துக் கொண்டிருக்கிறது.
இதற்கு பதில் அளித்த ஸ்டாலின் ஒரு பட்டாவை காட்டி இது பாத்தியப்பட்ட தனிநபருக்கு சொந்தமான பட்டா எனவும் வெளியிட்டிருந்தார்,. இதற்கு பதிலளித்த ராமதாஸ் மூலப்பத்திரம் எங்கே? அவை யாரிடமிருந்து வாங்கப்பட்டுள்ளது என்று அடுக்கடுக்கான கேள்விகளை டிவிட்டர் மூலமாகவே முன்வைத்தார்,. தகுந்த நேரத்தில் நான் முரசொலி பத்திரத்தை வெளியிடுவேன், உண்மை நிலை அன்று தெரியும் என்றும், அதுவே முரசொலி விவரத்தில் பஞ்சமி நிலம் என்று சொல்லிக்கொண்டிருக்கும் அரசியல் கட்சி தலைவர்களுக்கு பதிலாக அமையும் என்று சொல்லிக் கொண்டு வருகிறார்,.
இந்நிலையில் பாஜகவும் தன் பங்குக்கு தேசிய தாழ்த்தப்பட்டோர் நல ஆணையத்திடம் புகார் அளித்து மத்திய அரசு மூலமாக ஸ்டாலினுக்கு நெருக்கடி கொடுத்து வருகிறது,. இதனை எதிர்கொள்ள முடியாமல் திமுக தரப்பு திகைத்து கொண்டிருக்கிறது,.
தேசிய தாழ்த்தப்பட்டோர் ஆணையமும் தமிழக தலைமை செயலருக்கு இடத்தை ஆய்வு செய்து அறிக்கையாக சமர்ப்பிக்கும்படி உத்தரவிட்டுள்ளது,. மேலும் எரிகின்ற தீயில் எண்ணெய் ஊற்றுவது போல் தமிழக முதலமைச்சர் எடப்பாடி பழனிச்சாமி அவர்களும் முரசொலி விவகாரத்தில் பஞ்சமி நிலம் என்று தெரியவந்தால் தகுந்த நடவடிக்கை எடுக்கப்படும் என்று தெரிவித்தார்,. இது திமுகவினரை கதிகலங்கச் செய்துள்ளது.
இந்த சூழ்நிலையில் நேற்று தினத்தந்தியில் நடைபெற்ற விவாத நிகழ்ச்சியில் முரசொலி நிலம் தொடர்பாக விவாதங்கள் முன்வைக்கப்பட்டுள்ளது,. இதில் இந்திய குடியரசு கட்சி தலைவர் செ.கு.தமிழரசன்,. திமுக தரப்பில் பேச்சாளர் சிவ.ஜெயராஜ் அவர்கள் கலந்து கொண்டனர், காரசாரமாக நடைபெற்ற இந்த விவாதத்தில் திருட்டுப் பொருள் எத்தனை கை மாறினாலும் திருட்டுப் பொருள் திருட்டுப்பொருள் தான் என்று நீதிபதி சந்துரு பேசியதை சுட்டிக்காட்டி செ.கு.தமிழரசன் பேசினார்,. இதற்கு பதிலளிக்க முடியாமல் திமுகவின் சிவ.ஜெயராஜ் அவர்கள் முரசொலி இடத்தில் ஆதிதிராவிடர் நல விடுதி கட்டடம் இருந்தது உண்மைதான் என்று யாரும் எதிர்பாராதவிதமாக பேசினார்,. இது திமுகவினரை கதிகலங்க செய்துள்ளது,.
மேலும் திமுக தலைமைக்கு தர்மசங்கடமான நிலையை உருவாக்கி உள்ளது,. இதன் காரணமாக திமுக தலைமை இன்று வெளியிட்டுள்ள அறிக்கையில் தினத்தந்தி விவாத நிகழ்ச்சியில் திமுகவினர் யாரும் கலந்துகொள்ள வேண்டாம் என்று உத்தரவு பிறப்பித்துள்ளது,. ஆதிதிராவிடர் நல கட்டிடம் முரசொலி அலுவலகம் கட்டப்படுவதற்கு முன்பு இருந்தது என்று திமுகவின் முக்கிய பிரமுகரே தெரிவித்துள்ளதால் அக்கட்சி நிலைகுலைந்து போயுள்ளது.
அசுரன் படம் அதன் தயாரிப்பாளர், இயக்குனர், நடிகருக்கு புகழை சேர்த்ததோ இல்லையோ திமுக தலைவர் மு.க.ஸ்டாலினை தூங்கவிடாமல் செய்துவிட்டது என்று எவராலும் மறுக்க முடியாது,.
பஞ்சமி நிலம் பற்றிய விவாதம் ஆரம்பித்ததும் பட்டாவை காட்டிய ஸ்டாலின் மூலப்பத்திரத்தை காட்ட மட்டும் மருத்துவர்களை பதவி விலக கேட்பது ஏன்?
நடந்து முடிந்த விக்கிரவாண்டி மற்றும் நாங்குநேரி சட்டமன்ற இடைத்தேர்தலில் அதிமுக தலைமையிலான கூட்டணி அமோக வெற்றி பெற்று தற்போது நடந்து வரும் எடப்பாடி பழனிசாமி தலைமையிலான அரசிற்கு மேலும் வலிமை சேர்த்துள்ளது.
அதே நேரத்தில் தங்களிடம் இருந்த இந்த இரண்டு தொகுதிகளையும் இழந்து திமுக படு தோல்வியை அடைந்தது அந்த கட்சியின் செயல்பாடு சரியில்லை என்றும்,மக்கள் மத்தியில் திமுக தலைவர் ஸ்டாலின் ரசிக்கபட வில்லை என்ற கருத்தும் வந்த வண்ணமே உள்ளன.
இந்நிலையில் திமுக தலைவர் செயல்பாடுகள் ஒவ்வொன்றும் முடிவில் அவருக்கு எதிராகவே அமைந்து விடுகிறது.சமீபத்தில் நடந்த திருவள்ளுவர் சிலைக்கு காவி வேட்டி உடுத்திய விவகாரம் முதல் இதற்கு முன் விக்கிரவாண்டி சட்டமன்ற இடைத்தேர்தலில் வெற்றி பெற்றால் வன்னியர்களுக்கு உள் இட ஒதுக்கீடு வழங்கப்படும் என்று கூறியது வரை அனைத்தும் அவருக்கு எதிராகவே அமைந்துள்ளது.
இடைத்தேர்தல் பிரச்சாரத்தின் கடைசி கட்டத்தில் நடிகர் தனுஷ் நடித்த அசுரன் படத்தை பார்த்து விட்டு ஸ்டாலின் டிவிட்டர் பக்கத்தில் பதிவிட்ட பஞ்சமி நிலம் குறித்த கருத்துக்கு பாமக நிறுவனர் எழுப்பிய கேள்விக்கு இன்னும் விடை கிடைக்காமல் தேடி கொண்டிருக்கின்றனர்.
அசுரன் படம் குறித்து திமுக தலைவர் டிவிட்டரில் பதிவிட்ட கருத்து:
அந்த பதிவிற்கு பாமக நிறுவனர் ராமதாஸ் முதலில் முரசொலி அலுவலகம் அமைந்துள்ள பஞ்சமி நிலத்தை முதலில் திருப்பி தாருங்கள் என விமர்சனம் செய்ய அதற்கு பதிலளிக்கும் விதமாக திமுக தலைவர் ஸ்டாலின் முரசொலி அலுவலகம் அமைந்துள்ள நிலத்தின் பட்டாவை வெளியிட்டு பதில் அளித்திருந்தார்.
மருத்துவர் ராமதாஸ் திமுக தலைவர் ஸ்டாலின் டிவிட்டர் பதிவை விமர்சனம் செய்தது:
பஞ்சமி நில மீட்பு குறித்து பேசும் அசுரன் படம் அல்ல… பாடம்: திமுக தலைவர் மு.க.ஸ்டாலின் – ஆஹா…. அற்புதம்… அசுரன் கற்றுத் தந்த பாடத்தை ஏற்று, முரசொலி அலுவலகத்திற்காக வளைக்கப்பட்ட பஞ்சமி நிலங்களை உரியவர்களிடம் மீண்டும் ஒப்படைப்பார் என்று நம்புவோம்!
இதனையடுத்து திமுக தலைவர் ஸ்டாலின் சார்பாக முரசொலி அலுவலகம் அமைந்துள்ள இடம் பஞ்சமி நிலம் அல்ல அது தனியாருக்கு சொந்தமான இடம் என பதிலை டிவிட்டரில் அந்த நிலத்திற்கு சொந்தமான பட்டாவை இணைத்து பதிவிட்டிருந்தார்.
மருத்துவர் ராமதாஸ் அவர்கள், தற்போது “முரசொலி “ இருக்கும் இடத்தை பஞ்சமி நிலமென்று பச்சையாகப் புளுகியிருக்கிறார்.!
அது பஞ்சமி நிலமே அல்ல; வழி வழியாகத் தனியாருக்குச் சொந்தமாகப் பாத்தியப்பட்ட பட்டா- மனை! pic.twitter.com/6x3S6P6qkL
கடந்த காலங்களில் குறிப்பிட்ட ஆண்டுகள் ஓரிடத்தில் வசிப்பவர்களுக்கு இலவச பட்டா வழங்கிய நிலையில் அதை ஆதாரமாக ஏற்று கொள்ளாமல் மூலப் பத்திரத்தை வெளியிடுமாறு பாமக நிறுவனர் மருத்துவர் ராமதாஸ் சார்பில் கேட்கப்பட்டது.
1. முரசொலி அலுவலகம் அமைந்துள்ள இடம் பஞ்சமி நிலம் இல்லை என்பதை நிரூபிக்க 1985-ஆம் ஆண்டு வாங்கப்பட்ட பட்டாவை ஆதாரமாகக் காட்டியிருக்கிறார் மு.க.ஸ்டாலின். இதற்கு காட்ட வேண்டிய ஆதாரம் நிலப் பதிவு ஆவணமும், மூல ஆவணங்களும். அவை எங்கே? நில உரிமையாளரிடமே ஆவணங்கள் இல்லையா?
ஆனால் பஞ்சமி நிலம் பற்றிய விவாதம் ஆரம்பித்ததும் பட்டாவை வெளியிட்ட திமுக தலைவர் ஸ்டாலின் தற்போது மூலப் பத்திரத்தை வெளியிடாமல் மூலப் பத்திரத்தை காட்டினால் பாமக நிறுவனர் மருத்துவர் ராமதாஸ் மற்றும் அவரது மகன் அன்புமணி ராமதாஸ் என இருவரும் பதவி விலகுவார்களா என்றும் கேள்வி எழுப்பியிருந்தார்.
மருத்துவர் ராமதாஸ் மற்றும் திமுக தலைவர் ஸ்டாலின் இடையே நடந்து வந்த இந்த டிவிட்டர் விவாதத்தில் சம்பந்தமில்லாமல் அன்புமணி ராமதாஸ் அவர்களை பதவி விலக கேட்டதே அரசியல் ஆர்வலர்கள் மத்தியில் ஸ்டாலின் மீது சந்தேகத்தை ஏற்படுத்தியது. அடுத்து மூலப் பத்திரத்தை வெளியிட கேள்வி கேட்டவர்கள் பதவி விலகுவதாக அறிவிப்பாளர்களா? என்ற மலுப்பல் கேள்வி ஸ்டாலின் மீதான சந்தேகத்தை அதிகப் படுத்தியுள்ளது.
இடைத்தேர்தல் முடிவுகள் வெளியாகி பல முக்கிய செய்திகள் குறித்த விவாதங்கள் நடைபெற்று முடிந்த நிலையிலும் பாமக பஞ்சமி நிலம் குறித்த விமர்சனத்தை விடாமல் மீண்டும் அக்கட்சியின் தலைவர் G.K மணி மூலம் மீண்டும் ஆரம்பித்துள்ளது. நடந்து முடிந்த பல முக்கியமான நிகழ்வுகளால் இதை மறந்து விடுவார்கள் என்று எதிர்பார்த்திருந்த திமுக தலைமைக்கு மிகப்பெரிய அதிர்ச்சியை ஏற்படுத்தியுள்ளது.
இதனையடுத்து இனி அனைத்து அரசியல் கட்சிகளும் திமுக தலைவர் முரசொலி அலுவலகம் அமைந்துள்ள நிலத்தின் மூலப் பத்திரத்தை வெளியிட கேட்க ஆரம்பித்து விடுவார்கள்.உண்மையிலேயே அந்த இடத்திற்கு மூலப் பத்திரம் என ஒன்று இருந்தால் அதை வெளியிட்டு விட்டு பாமக நிறுவனர் ராமதாஸ் கூறிய குற்ற சாட்டு பொய் என்று நிரூபிக்க திமுக தலைவர் ஸ்டாலின் முயற்சிக்கலாமே என்றும் கேள்விகள் வந்த வண்ணமே உள்ளன.
அயோத்தி ராமர் கோவில் குறித்த வழக்கின் தீர்ப்பு இன்னும் ஓரிரு நாளில் வெளிவர உள்ளதை அடுத்து, நாடு முழுவதும் பெரும் பரபரப்பு ஏற்பட்டுள்ளது
இந்த தீர்ப்பை அடுத்து எந்த விதமான பாதிப்பும் ஏற்படக்கூடாது என்பதற்காக காவல்துறையினர் முன்னெச்சரிக்கை பாதுகாப்பு நடவடிக்கைகளை எடுத்து வருகின்றனர்
அயோத்தி பகுதியில் வாழும் பெரும்பாலான மக்கள் வேறு பகுதிக்கு தற்காலிகமாக குடியேறி இருப்பதாகவும் தகவல்கள் வந்து கொண்டிருக்கின்றன
இந்த நிலையில் ஒரு தீவிர ராமர் பக்தர் சுமார் 20 அடி நீளத்தில் ஒரு காவி கொடியை கையில் ஏந்தி, பிஸியான சாலையின் நடுவில் நின்று இங்கும் அங்கும் கொடியை ஆட்டிக்கொண்டிருக்கும் வீடியோ இணையத்தில் வைரலாகியுள்ளது
இதனால் அந்த பகுதியில் இரு பக்கமும் செல்லவேண்டிய வாகனங்கள் தடைபட்டு நின்றது. இது குறித்த வீடியோ சமூக வலைதளங்களில் வைரலாகிய நிலையில் அந்த ராமர் பக்தருக்கு நெட்டிசன்கள் கண்டனம் தெரிவித்து வருகின்றனர்.
பொது மக்களை தொந்தரவு செய்யும் அளவுக்கு பக்தி முற்றிப் போய் இருப்பது பக்தியையே கேலி செய்வதாக சமூக ஆர்வலர்கள் கருத்து தெரிவித்துள்ளனர்.
