சென்னை பெரும்பாக்கத்தில் 2 இளைஞர்கள் வெட்டிக் கொலை! 6 பேர் கைது
சென்னை: மேடவாக்கம் அருகிலுள்ள பெரும்பாக்கத்தில் 2 இளைஞர்கள் வெட்டிக் கொலை செய்யப்பட்ட சம்பவம் அப்பகுதியில் மக்களிடையே பெரும் பரபரப்பை ஏற்படுத்தியுள்ளது.
மேடவாக்கம் அடுத்துவுள்ள பெரும் பாக்கம் பகுதியைச் சேர்ந்தவர் தான் ஆனந்தராஜ். இவரது மகன் ஸ்டீபன் (28). ஆட்டோ ஓட்டுநராக வேலை செய்து வருகிறார். இதே பகுதியைச் சேர்ந்த இந்திராநகர் ஏரிக்கரைத் தெருவைச் சேர்ந்தவர் தேவன். இவரது மகன் ஆனந்த் (29). தனியார் நிறுவன துப்புரவுத் தொழிலாளியாக வேலை செய்து வருகிறார்.
இந்நிலையில் நேற்று முன்தினம் இரவு அப்பகுதியில் ஆட்டோவும், பைக்கும் மோதிக் கொண்டது. இருத்தரப்பினரும் சண்டை மூண்டது. இதை அங்கிருந்த ஸ்டீபனும், ஆனந்தும் சமாதானம் செய்து அனுப்பி வைத்துள்ளனர். ஆட்டோ ஓட்டுநருக்கு ஆதரவாக இருவரும் செயல்பட்டதால், பைக்கில் வந்தவர்கள் ஆத்திரமடைந் துள்ளனர்.
இதையடுத்து, பைக்கில் சென்றவர்கள் 6 பேருடன் மீண்டும் அங்கு வந்தனர். அப்போது மது அருந்திக் கொண்டிருந்த ஸ்டீபன், ஆனந்தை சுற்றிவளைத்து சரமாரியாக வெட்டினர். இதில் இருவரும் சம்பவ இடத்திலேயே உயிரிழந்தனர். தகவல் அறிந்து வந்த பள்ளிக்கரணை போலீஸார் இருவரின் உடலையும் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.
இந்த கொலைகள் தொடர்பாக வழக்குப் பதிவு செய்த பள்ளிக் கரணை போலீஸார், பெரும் பாக்கம் பகுதியைச் சேர்ந்த தீபக், மார்டின், கணேசன், முத்து, அகஸ்டின் மற்றும் காரப்பாக் கத்தைச் சேர்ந்த மணி ஆகியோரை சந்தேகத்தின் பேரில் கைது செய்து விசாரணை நடத்தி வருகின்றனர்
வீரப்பாண்டி ஆறுமுகம் மரணம் குறித்து பேச பாமகவிற்கு அருகதை கிடையாது! வீரப்பாண்டி ராஜா ஆவேசம்
சேலம் பாமக மாநில துணைச்செயலாளர் அருள் அவர்கள், மு.க.ஸ்டாலின் கொடுத்த மன அழுத்தத்தினாலேயே திமுக சேலம் மாவட்டச்செயலாளர் வீரபாண்டி ஆறுமுகம் இறந்தார், இதுகுறித்து தனிக்குழு அமைத்து உண்மையைக் கண்டறிந்துள்ளோம். இதில் உள்ள உண்மையை மனுவாக முதலமைச்சரிடம் கொடுக்க உள்ளோம் என்று தெரிவித்தார்,
இதற்கு கடும் கண்டனத்தை வீரபாண்டி ராஜா அவர்கள் தெரிவித்துள்ளார்.
எனது தந்தையின் மரணம் குறித்து பாமகவினர் பேச எவ்வித தகுதியும் கிடையாது என்று சேலம் வீரபாண்டி ஆறுமுகத்தின் மகன் வீரபாண்டி ராஜா அவர்கள் செய்தியாளர்களிடம் தெரிவித்தார். நேற்று முன்தினம் செய்தியாளர்களை சந்தித்த அவர் கூறியதாவது,
எனது தந்தையின் மரணம் குறித்து பேச பாமகவினருக்கு எந்த அருகதையும் இல்லை.
வன்னியர்களுக்கு 20 சதவீத இட ஒதுக்கீடு வாங்கி கொடுத்தது கருணாநிதிதான், மேலும் வன்னியர்களுக்கு 15% தருகிறேன் என்று மு.க.ஸ்டாலின் கூறியதை வரவேற்காமல், எதிர்ப்பு தெரிவித்து வருகிறார்,
படித்தவர்,மருத்துவர் என்பதால் வன்னியர் சங்கத்திற்கு தலைவராக ராமதாசை எனது தந்தை வீரபாண்டி ஆறுமுகம், வாழப்பாடியார் போன்றவர்கள் கொண்டு வந்தார்கள்.
எனது தந்தையின் இறுதிச்சடங்கிற்கு கூட ராமதாஸும் அன்புமணியும் வரவில்லை, அப்படி இருக்கும் பட்சத்தில் எனது தந்தையின் மரணத்தில் ஆதாயம் தேட பார்க்கிறார். தனது கட்சிக்காரர்களை வைத்து அவதூறாக பேட்டி கொடுக்க வைக்கிறார்,அதிமுக கூட்டணியில் உள்ள ராமதாஸ் ஏன் வன்னியர்களுக்கு உள்ள இட ஒதுக்கீடு கேட்கவில்லை.
காடுவெட்டி குரு மரணத்திற்கும் இடஒதுக்கீடு கேட்டு உயிரிழந்தவர்களின் மரணத்திற்கும் ராமதாஸ் தான் காரணம்.
இது குறித்து நீதி விசாரணை வேண்டும் என்று நான் கேட்கிறேன்,
ஸ்டாலினுக்கும் எனக்கும் உள்ள உறவில் விரிசலை ஏற்படுத்த பாமகவினர் செயல்படுகின்றனர்.தேவைப்பட்டால் இவர்கள் மீது வழக்கு தொடர்வது பற்றி தலைமையிடம் பேசி முடிவெடுக்கப்படும்,
உள்ளாட்சி தேர்தல் வர இருப்பதால் அதிமுகவுடன் அதிக சீட்டுகளை பெற இது போல் செயல்படுவதாகவும் பாமக நிறுவனர் ராமதாஸ் மற்றும் சேலம் பாமகவினர் மீதும் கடுமையான குற்றச்சாட்டுகளை வைத்தார்.
ஐஎன்எக்ஸ் மீடியா வழக்கில் ப.சிதம்பரத்தை அமலாக்கத்துறை காவலில் விசாரிக்க சிபிஐ சிறப்பு நீதிமன்றம் அனுமதி
புதுடெல்லி: ஐஎன்எக்ஸ் மீடியா வழக்கில் ப. சிதம்பரத்தினை காவலில் எடுத்து விசாரிக்க அமலாக்கத் துறையினருக்கு டெல்லி சி.பி.ஐ. சிறப்பு நீதிமன்றம் இன்று அனுமதி வழங்கியுள்ளது.
இந்நிலையில் தன்னை சிறையிலேயே அடைத்து வைத்து சிபிஐ அவமானப்படுத்த விரும்புகிறது என்று ஐஎன்எக்ஸ் மீடியா முறைகேடு வழக்கில் கைது செய்யப்பட்டு திஹார் சிறையில் இருக்கும் காங்கிரஸ் மூத்த தலைவர் ப.சிதம்பரம் ஜாமீன் மனு மீதான விசாரணையின் போது உச்ச நீதிமன்றத்தில் தெரிவித்துள்ளார்.
ஐஎன்எக்ஸ் மீடியோ முறைகேடு தொடர்பான வழக்கில் கடந்த ஆகஸ்ட் மாதம் 21 ஆம் தேதி காங்கிரஸ் மூத்த தலைவரும், முன்னாள் நிதியமைச்சருமான ப.சிதம்பரம் சிபிஐ அமைப்பினால் கைது செய்யப்பட்டார். இந்நிலையில் சிபிஐ காவல் முடிந்த நிலையில், கடந்த 50 நாட்களுக்கும் மேலாகவும் நீதிமன்றக் காவலில் திஹார் சிறையில் அடைக்கப்பட்டுள்ளார்.
இதனையடுத்து இந்த வழக்கில் ஜாமீன் கோரி சிபிஐ சிறப்பு நீதிமன்றத்தில் தாக்கல் செய்த மனுவும், டெல்லி உயர் நீதிமன்றத்தில் தாக்கல் செய்த மனுவும் தள்ளுபடி செய்யப்பட்டது. உயர் நீதிமன்றத்தில் தாக்கல் செய்திருந்த ஜாமீன் மனு கடந்த 30-ம் தேதி தள்ளுபடி செய்யப்பட்டது. இதையடுத்து, ப.சிதம்பரம் தரப்பில் ஜாமீன் கோரி உச்ச நீதிமன்றத்தில் மனுத் தாக்கல் செய்யப்பட்டது. இந்த மனு உச்ச நீதிமன்ற நீதிபதிகள் ஆர்.பானுமதி, ரிஷிகேஷ் ராய் ஆகியோர் தலைமையிலான அமர்வு முன் இன்று விசாரணைக்கு வந்தது.
சிதம்பரம் தரப்பில் மூத்த வழக்கறிஞர் கபில் சிபல், அபிஷேக் மனு சிங்வி ஆகியோர் ஆஜரானார்கள். மூத்த வழக்கறிஞர்கள் கபில் சிபல், அபிஷேக் மனு சிங்வி வாதிடுகையில், ” முன்னாள் நிதியமைச்சர் ப.சிதம்பரம் மீதோ அல்லது அவர்களின் குடும்பத்தினர் இதற்கு முன் சாட்சியங்களைக் கலைத்ததாக எந்தவிதமான குற்றச்சாட்டும் இல்லை, சாட்சியங்களை அனுகியதாகவோ, பேசியதாகவோ எந்தவிதமான குற்றச்சாட்டும் இல்லை.
அரசுக்கு எந்தவகையிலும் இழப்பீடு ஏற்படுத்தியதாகவும் இல்லை. அவ்வாறு இருக்கும்போது தொடர்ந்து ஜாமீன் மறுக்கப்படுகிறது.சிபிஐ அமைப்பு எந்தவிதமான காரணமும் இன்றி, தொடர்ந்து சிறையிலேயே அடைத்துவைத்து அவமானப்படுத்த விரும்புகிறது. ஆதலால் சிதம்பரத்துக்கு ஜாமீன் வழங்க வேண்டும் ” என்று வாதிட்டனர்.
சிபிஐ தரப்பு வழக்கறிஞர் சொலிசிட்டர் ஜெனரல் துஷார் மேத்தாவின் வாதம் நாளை நடக்கிறது என்பதால், நாளை வாதத்தைக் கேட்டபின் உச்ச நீதிமன்ற நீதிபதிகள் ஜாமீன் மனுமீது உத்தரவு பிறப்பிப்பார்கள் என எதிர்பார்க்கப்படுகிறது. இதற்கிடையே டெல்லி சிறப்பு நீதிமன்றத்தில் அமலாக்கப்பிரிவு தாக்கல் செய்த மனுவை விசாரித்த நீதிமன்றம், சிதம்பரத்திடம் விசாரிக்க அனுமதி அளித்தது.ஆனால், திஹார் சிறையில் வைத்தே சிதம்பரத்தை அமலாக்கப்பிரிவு அதிகாரிகள் விசாரிக்கலாம் எனத் தெரிவித்துள்ளது.
இந்தியாவில் உள்ள விவசாயிகளுக்குச் சொந்தமான நீரை பாகிஸ்தான் பக்கம் செல்ல விடாமல் தடுப்போம், மேலும் இதற்காக விவசாயிகளுகளுடன் இணைந்து போராடுவோம் என்றும் பிரதமர் மோடி உறுதியளித்துள்ளார்.
வரும் 21 ஆம் தேதி ஹரியானா மாநிலத்தில் உள்ள 90 சட்டப்பேரவைத் தொகுதிகளுக்கும் தேர்தல் நடைபெறவுள்ளது. இதனையடுத்து வரும் 24 ஆம் தேதி இதற்கான வாக்கு எண்ணிக்கையும் நடைபெறவுள்ளது. இந்நிலையை இதற்கான தேர்தல் பிரச்சாரத்தில் காங்கிரஸ், பாஜக உள்ளிட்ட கட்சிகள் தீவிரமாக இறங்கியுள்ளன.
ஹரியானாவில் உள்ள சார்கி தாத்ரி என்ற பகுதியில் பாஜகவின் சார்பில் நடந்த தேர்தல் பிரச்சாரக் கூட்டத்தில் பிரதமர் மோடி பங்கேற்றார். அப்போது அவர் பேசியதாவது:
கடந்த 70 ஆண்டுகளாக இந்தியாவுக்குச் சொந்தமான நீர், ஹரியானா விவசாயிகளுக்குச் சொந்தமான நீர் பாகிஸ்தான் நாட்டிற்குள் பாய்கிறது. இந்த நீரை மோடியாகிய நான் தடுத்து நிறுத்தி, உங்களுடைய நிலங்களுக்கும், வீடுகளுக்கும் கொண்டு வருவேன்.
பாகிஸ்தான் பக்கம் பாயும் நீரைப் பெறுவதற்கு ஹரியானா, ராஜஸ்தான் மாநில மக்களுக்கு அதிக உரிமை இருக்கிறது. இந்த நீரை இதற்கு முன் ஆண்ட அரசுகள் தடுத்திருக்க வேண்டும். ஆனால் இனிமேல் உங்கள் போராட்டத்தில் உங்களுக்காக மோடியாகிய நான் போராடுவேன்.
சமீபத்தில் தமிழகத்தின் மகாபலிபுரத்தில் சீன அதிபர் ஜி ஜின்பிங்கும், நானும் சந்தித்தோம். அப்போது, என்னிடம் ஜி ஜின்பிங் சமீபத்தில் அவர் பார்த்த ‘தங்கல்’ திரைப்படம் பற்றி பேசினார். அதில் இந்தியாவில் உள்ள பெண்கள் சிறப்பாக நடித்துள்ளதாக அவர் பெருமையாகக் குறிப்பிட்டார். இதைக் கேட்கும்போது ஹரியானாவைப் பற்றி பெருமையாக இருந்தது.
ஹரியானா கிராமங்களில் உள்ள பெண்கள் , ஆண்கள் ஆதரவு இல்லாமல் முதல்வர் மனோகர் லால் கட்டாரின் பெண் குழந்தைகளைக் காப்போம் தி்ட்டம் வெற்றி பெற்று இருக்காது.
ஜம்மு காஷ்மீரில் கடந்த 70 ஆண்டுகளாக நீடித்துவந்த தீவிரவாதத்தை 370 பிரிவை நீக்கியதன் மூலம் முடிவுக்கு கொண்டு வந்திருக்கிறோம்.
இந்த முடிவை நாட்டில் உள்ள அனைவரும் பாராட்டுகிறார்கள். ஆனால், காங்கிரஸ் கட்சியில் உள்ள சில தலைவர்கள், மக்களிடமும், உலக நாடுகளிடமும் பொய்யான தகவல்களை பரப்புகிறார்கள்.
எதிர்க்கட்சிகளிடம் நான் கேட்கிறேன், உங்களுக்கு துணிச்சல் இருந்தால், மீண்டும் அரசியலமைப்பு 370-ம் பிரிவை திரும்பக் கொண்டுவர முடியுமா.
நான் ஹரியானாவுக்கு தேர்தல் பிரச்சாரத்துக்காக வரவில்லை. பாஜகவுக்காகவும் பிரச்சாரம் செய்யவில்லை. ஹரியானா மக்களிடமும் வாக்குக் கேட்கவில்லை. ஹரியானா என்னை அழைக்கும் வரை நான் இங்கு வருவதை நான் நிறுத்தமாட்டேன். என் மீது நீங்கள் அளவு கடந்த அன்பை காட்டுகிறீர்கள்.
இந்த தீபாவளிப் பண்டிகையை நமது வீட்டில் உள்ள பெண் குழந்தைகளுக்காக அர்ப்பணியுங்கள். இந்த ஆண்டு நமக்கு இரு வகையான தீபாவளி இருக்கிறது.
மண் விளக்கில் தீபம் ஏற்றும் தீபாவளி, தாமரையில் ஒளி ஏற்றும் தீபாவளி. ஆதலால், நம்முடைய தீபாவளியை நமது வீட்டில் உள்ள பெண் குழந்தைகளுக்கு அர்ப்பணித்து அவர்களின் சாதனைகளைப் போற்ற வேண்டும்.
ஹரியானாவுக்கு மீண்டும் சேவை செய்ய பாஜக முடிவு செய்துவி்ட்டது, மக்களும் எங்களுக்கு வாய்ப்பு வழங்க முடிவு செய்துவிட்டார்கள் என்பதும் தெளிவாகத் தெரிகிறது என்றும் பிரதமர் மோடி பேசினார்.
டோக்கியோ – கடந்த வாரம் ஜப்பானை சூறையாடிய சூறாவளி, வீடுகளை சேற்றில் புதைத்து மக்களை கூரைகளில் சிக்கித் தவிக்கவைத்தது.
ஆபத்தான பூகம்பங்கள், சுனாமி மற்றும் எரிமலைகளின் தொடர்ச்சியான அச்சுறுத்தலால் ஆபத்தில் சிக்கியுள்ள ஒரு நாட்டில் மக்களின் பாதுகாப்பு உணர்வைத் நிலைகுலைய செய்வதாகவே இப்புயலின் தாக்கம் அமைந்துள்ளது.
டோக்கியோவிற்கு அருகே நிலச்சரிவு ஏற்பட்ட மூன்று நாட்களுக்குப் பிறகு, செவ்வாயன்று (இன்று) மீட்பு முயற்சிகள் தொடர்ந்தன.
நாகானோ, புகுஷிமா, மியாகி மற்றும் பிற மத்திய மற்றும் வடக்கு மாகாணங்களில் டஜன் கணக்கானவர்கள் இறந்துள்ளனர், மேலும் பல பேர் காணாமல் போயுள்ளனர் மற்றும் சுமார் 100 பேருக்கும் மேல் காயமடைந்தனர்.
நாகானோவில் ஒரு டிப்போவில் ஏற்பட்ட வெள்ளத்தால் 10 ஷின்கன்சன் ரயில்கள், ஒவ்வொன்றும் 12 கார்களைக் கொண்டவை சேதமடைந்ததாக கிழக்கு ஜப்பான் ரயில்வே நிறுவனத்தின் செய்தித் தொடர்பாளர் யுஜி இஷிகாவா தெரிவித்தார்.
வண்டிகளுக்கு அடியில் உள்ள மின்னணு உபகரணங்கள் முற்றிலுமாக சிதைந்து போயிருக்கலாம் என்றும் அவர் கூறினார்.
தீவிரமான சூறாவளி, புவி வெப்பமடைதல் மற்றும் நிலச்சரிவு குறித்து விஞ்ஞான சமூகம் பல ஆண்டுகளாக எச்சரித்து வருகிறது.
“சூறாவளி பாதிப்புக்குள்ளான பகுதிகளுக்கான செய்தி என்னவென்றால், அனைவரும் எதிர்காலத்தில் இன்னும் வலுவான புயலுக்கு தயாராக வேண்டும்” என்று ஸ்டான்போர்ட் பல்கலைக்கழகத்தின் சுற்றுச்சூழலின் இயக்குனர் கிறிஸ் பீல்ட் கூறினார்.
“காலநிலை மாற்றத்தின் விளைவாக புயல்கள் வலுவடைந்து வருகின்றன என்பதற்கான ஆதாரங்களை புரிந்துகொண்டு பதிலளிக்க வேண்டியது அவசியம், மேலும் பேரழிவு தடுப்பு முதலீடுகள் முன்னெப்போதையும் விட இப்போது இன்னும் மேம்படுத்த வேண்டும்” என்றும் அவர் கூறினார்.
ஜப்பான் ஏற்கனவே அதன் வயதான மற்றும் போதிய அளவு பராமரிக்கப்படாத உள்கட்டமைப்பு நெருக்கடியில் உள்ளது. பூகம்பங்கள் மற்றும் பிற பேரழிவுகளுக்கு ஈடுகொடுக்கும் வகையில் மேம்பட்ட தரங்களை பூர்த்தி செய்ய சுரங்கங்கள், பாலங்கள் மற்றும் பிற கட்டமைப்புகளை புதுப்பித்து மாற்றுவதற்கான நிதி மற்றும் மனிதவளத்தை அரசாங்கங்கள் கொண்டிருக்கவில்லை.
அதற்கு மேல், ஆரம்ப எச்சரிக்கை முறைகளை மேம்படுத்துவதற்கும், பாதிக்கப்படக்கூடிய பகுதிகளிலிருந்து மக்கள் இடம்பெயர உதவுவதற்கும் அவசர தேவை உள்ளது என்று நிபுணர்கள் தெரிவித்தனர்.
பல மில்லியன் மக்களை பாதிக்கும் பகுதிகளுக்கு வெளியேற்றும் ஆலோசனைகள் வழங்கப்பட்டாலும், பல்லாயிரக்கணக்கானவர்களில் மிகக் குறைவானவர்கள் அந்த எச்சரிக்கைகளுக்கு செவிசாய்த்தனர்.
ஜப்பானியர்கள் பேரழிவு அபாயங்கள் குறித்து அதிக விழிப்புடன் இருக்க வேண்டும், மேலும் அவற்றைக் கவனித்துக்கொள்வதற்கு அரசாங்கத்தை நம்புவதற்குப் பதிலாக சொந்தமாகத் கையாள வேண்டும் என்றும் நிபுணர்கள் தெரிவித்தனர்.
மியாகி ப்ரிபெக்சர், செண்டாயில் உள்ள தோஹோகு பல்கலைக்கழகத்தின் பேரழிவு நிபுணரும் பேராசிரியருமான ஹிரோகி மருயா கூறுகையில், பேரழிவுகளைக் குறைக்க ஜப்பான் இரண்டாம் உலகப் போருக்குப் பிறகு பல அணைகள் கட்டியது.
“இந்த நாட்களில், நாங்கள் ஒரு பெரிய சூறாவளியை ஒன்றன்பின் ஒன்றாகக் கொண்டிருக்கிறோம், பல காலங்களாக வெள்ளம் வராத இடங்கள் இப்போது வெள்ளத்தில் உள்ளன,” என்றும் அவர் கூறினார்.
கொஞ்சம் கொஞ்சமாக இயல்புநிலைக்கு ஜப்பான் திரும்பும் என்று முடித்தார்.
இளம் நடிகையுடன் தொடர்பா? யார் அவர்?அதிர்ச்சியளிக்கும் திருட்டு முருகனின் லீலைகள்
திருச்சி:
நகைக்கடை கொள்ளையில் ஈடுபட்ட எய்ட்ஸ் வந்த திருட்டு முருகனுக்கு தமிழ் நடிகை ஒருவருடன் தவறான தொடர்பு இருக்கிறதாம்.. இது தான் இப்போதைய அவரை பற்றிய ஹாட் நியூஸ்! சமீபபதில் லலிதா ஜுவல்லரியில் கொள்ளையில் ஈடுபட்ட கொள்ளையானான முருகன் பெங்களூர் கோர்ட்டில் சரண் அடைந்தார். இதனையடுத்து தற்போது தமிழக போலீசாரின் கட்டுப்பாட்டில் தொடர் விசாரணை நடந்து வருகிறது.
தமிழ்நாடு, கேரளா, ஆந்திரா, கர்நாடகா என மாநில வாரியாக பல இடங்களில் கொள்ளை நடத்தி உள்ளவர் தான் இந்த திருட்டு முருகன். இப்போது லலிதா ஜுவல்லரி கொள்ளை தொடர்பாக போலீசாரிடம் வாக்குமூலம் அளித்து வருகிறார். இதனிடையே அவ்வப்போது இந்த திருட்டு முருகனை பற்றிய பரபரப்பு தகவல்களும் வெளியாகி வருகிறது.
இந்த லலிதா ஜீவல்லரியில் நடந்த கொள்ளையில் ஈடுபட்ட இந்த திருட்டு முருகன் தான் கொள்ளை அடித்த பணத்தை வைத்து கொண்டு தெலுங்கு சினிமா உலகில் ஏகப்பட்ட ஆட்டம் போட்டுள்ளார் என்கிறார்கள். கொள்ளையடித்ததை கொண்டு துணை நடிகைகள், நடிகைகளுக்கு பணத்தை தண்ணீராக செலவு செய்துள்ளான். கடைசியில் எய்ட்ஸ் வரவும் தான் அவனது ஆட்டம் அடங்கி உள்ளது என்றும் கூறுகிறார்கள். இதனையடுத்து பல் கொட்டி போய்.. உடம்பு மெலிந்து.. தலை மொட்டை ஆகி.. ஆளே கேவலமாக உருக்குலைந்து போயுள்ளார்.
இவருக்கு வந்த இந்த எய்ட்ஸ் நோய்க்காக செங்கல்பட்டு மருத்துவமனையில் தான் முருகன் சிகிச்சை பெற்று வந்துள்ளார். இந்த மருத்துவமனை மட்டுமல்லாமல்.. வேறு எந்த இடங்களில் உள்ள மருத்துவமனைக்கு சென்றாலும் அங்கு தன்னுடைய பெயரை மாற்றி சொல்லி உள்ளார். அதிலும் சிவா, ராஜா.. இந்த இரண்டு பெயர்களைத் தான் மாற்றி மாற்றி தன் பெயருக்கு பதிலாக மருத்துவமனைகளில் முருகன் பயன்படுத்தி சிகிச்சை பெற்று வந்துள்ளார்.
இந்த கொள்ளைக்கார முருகன் இவ்வாறு ஜாலியாக இருந்ததில், சில நடிகைகளின் பெயர்களும் அடிபடுகின்றன. ஆனால், ஒவ்வொரு நாளும் ஒவ்வொரு நடிகையின் பெயர் அடிபடுவதால் போலீசாருக்கு ஏகபட்ட குழப்பம் ஏற்பட்டு வருகிறதாகவும் தகவல்கள் தெரிவிக்கின்றன. இதில், தமிழ் நடிகை ஒருவருடனும் முருகனுக்கு தொடர்பு உள்ளது என்று கூறப்படுகிறது. அவர் பிரபல இளம் வயது நடிகையாம். ஆனால் ஆளை பார்த்தால், நடிகை கூடவெல்லாம் இவருக்கு தொடர்பு இருக்குமா? என்றெல்லாம் பலருக்கு சந்தேகம் வரலாம்.
தமிழ் திரையுலகில் அதுவும் பிரபலமான ஒரு இளம் நடிகை என்றால், ஈகோவை விட்டு.. தன்னுடைய தரத்தை விட்டு.. பணத்திற்காக மட்டும் முருகனிடம் ஜாலியாக இருந்திருப்பார்களா என்பதும் தெரியவில்லை. ஆனால், தமிழ் நடிகையுடன் தொடர்பு என்பது மட்டும் உறுதியாகி உள்ளது என்கிறார்கள். விரைவில் அந்த நடிகை யார் என்பதையும் போலீசார் விசாரணையில் வெளியே கொண்டு வந்து விடுவார்கள் என்று எதிர்பார்க்கப்படுகிறது.
நீ தான் விளக்கு பிடிச்சயா! ஸ்டாலினுக்கு எதிராக மாவீரன் குருவை போல சரவெடியாய் அதிரடி காட்டிய அன்புமணி ராமதாஸ்
விக்கிரவாண்டி இடைத்தேர்தலில் போட்டியிடும் அதிமுக வேட்பாளர் முத்தமிழ் செல்வன் அவர்களை ஆதரித்து பாமக சார்பில் அன்புமணி ராமதாஸ் பிரச்சாரம் மேற்கொண்டார்.அதில் அவர் பேசியதாவது.
நாம் கூட்டணியில் உள்ள அதிமுக வேட்பாளர் முத்தமிழ் செல்வனுக்கு இரட்டை இலை சின்னத்தில் வாக்களித்து வெற்றி பெற செய்ய வேண்டும்.இந்த தேர்தலில் கட்டாயம் நாம் வெற்றி பெற்றாக வேண்டும் காரணம் இது ஒரு வித்தியாசமான தேர்தல்.இந்த இடைத் தேர்தல் நம்முடைய மண்ணில் நடக்கிறது,இது என்னுடைய மண்,என்னுடைய மக்கள்,என்னுடைய மாவட்டம்,தியாகம் செய்த இந்த மண்.இந்த மண்ணில் நடைபெறும் இந்த தேர்தலில் மருத்துவர் அய்யா சொல்கின்ற வேட்பாளர் வெற்றி பெற்றாக வேண்டும்.இது அவருடைய அன்பு கட்டளை.
இந்த தேர்தலில் மிகப்பெரிய வெற்றி பெற்று ஸ்டாலின் முகத்தில் கரியை பூச வேண்டும். இது நமக்கும் ஸ்டாலினுக்கும் நடைபெறுகிற போட்டி.ஸ்டாலினுக்கு ஒரு புதிய பெயரை வைத்திருக்கிறேன் அது புளுகு மூட்டை ஸ்டாலின், ஏனென்றால் அவர் வாயை திறந்தாலே போய் தான்.பொய்யை தவிர வேறு எதுவுமில்லை.
கடந்த மக்களவை தேர்தலில் அவ்வளவு பொய்யை சொன்னார்கள்.அதில் முக்கியமான பொய் நாங்கள் வெற்றி பெற்றால் நடைக்கடன் தள்ளுபடி செய்வோம் என்றார்.இங்கு யாருக்காவது தள்ளுபடி செய்திருக்கிறாரா? இருக்கின்ற 39 மக்களவை தொகுதிகளில் 38 இல் மிகப்பெரிய வெற்றி பெற்றார்.மக்கள் அவர்களுக்கு மிகப்பெரிய வெற்றியை கொடுத்தனர்.ஆனால் அவர் வாக்குறுதியை நிறைவேற்றினாரா? அவரால் நிறைவேற்ற முடியுமா? அவரால் சட்டையை மட்டும் தான் கிழிக்க முடியும்.வேறு எதையும் கிழிக்க முடியாது.
அதே போல ஸ்டாலின் சொல்லியது விவசாய கடனை தள்ளுபடி செய்வோம்,கல்விக்கடன் தள்ளுபடி செய்வோம்.இங்கு யாருக்காவது விவசாய கடனை தள்ளுபடி செய்திருக்கிறாரா? கல்விக்கடன் தள்ளுபடி செய்திருக்கிறாரா? ஒண்ணுமே செய்யவில்லை.அவர் சொல்வதெல்லாம் பொய்.அதனால் தான் புளுகு மூட்டை ஸ்டாலின்.
தேர்தல் வந்தாலே ஸ்டாலினுக்கு வன்னியர் மீது பாசம் வந்து விடும். தேர்தல் முடிந்தது என்றால் அதுவும் முடிந்து விடும்.இப்போ இங்கு இடைத்தேர்தல் அதனால் திடீர் வன்னியர் மீது பாசம் வந்துள்ளது.ஸ்டாலின் அவர்களே உங்களுக்கும் வன்னியர்களுக்கும் என்ன சம்பந்தம்.இந்த இடைத்தேர்தலில் வெற்றி பெற்றால் வன்னியர்களுக்கு தனி இட ஒதுக்கீடு வழங்குவதாக கூறியுள்ளீர்கள்.கடந்து 50 ஆண்டுகளாக என்ன செய்தீர்கள்,உங்கள் தந்தை 5 முறை முதலமைச்சர்,நீங்கள் ஒரு முறை துணை முதல்வர் அப்போ என்ன கிழித்தீர்கள். கருணாநிதி முதல்வராக இருந்த போது மருத்துவர் ராமதாஸ் வன்னியர்களுக்கு தனி இட ஒதுக்கீடு கேட்ட போது எல்லாம் இந்த மக்கள் உங்கள் கண்களுக்கு தெரியவில்லையா? இப்போ விக்கிரவாண்டி இடைத்தேர்தலில் மட்டுமே வன்னியர்கள் மீது ஆசை,பாசம் எல்லாம் வந்துள்ளது.
ஏ.கோவிந்தசாமி இந்த மாவட்டத்தை சேர்ந்தவரும்,முதன் முதலில் இங்கு போட்டியிட்ட வருமான நமது மதிப்புக்கும் மரியாதைக்கும் உரிய ஏ.கோவிந்தசாமி என்பவர் தான் திமுகவிற்கு உதய சூரியன் சின்னதையே கொடுத்தவர்.அப்படிப்பட்ட ஏ.ஜி க்கு 1967 இல் திமுக முதன் முறையாக ஆட்சியமைத்த போது அமைச்சர் பதவி கொடுக்க மாட்டேன் என பிரச்சினை செய்தார்கள்.பிறகு தகராறு பண்ணி ஏதோ ஒரு அமைச்சர் பதவி, பொறுப்பு வழங்கினார்கள். இப்போ ஸ்டாலினுக்கு ஏ.கோவிந்தசாமி மீது திடீரென்று பாசம் வந்து விட்டது.இந்த இடைத்தேர்தலில் திமுக வெற்றி பெற்றால் ஏ.கோவிந்தசாமி அவர்களுக்கு மணிமண்டபம் கட்டுவாராம்.ஆனால் அது நடக்க போவதில்லை.ஏனென்றால் திமுக வெற்றி பெறவே போவதில்லை. அது முடிஞ்சு போச்சு.
ஏன் திமுக ஆட்சிக்கு வந்து தான் ஏ.கோவிந்தசாமி அவர்களுக்கு மணிமண்டபம் கட்ட வேண்டுமா? இப்போ நம் மாவீரன் குருவிற்கு நாம் கட்டவில்லையா? சொல்லியபடி 9 மாதத்தில் கட்டி முடிக்க வில்லையா? இதுக்கு நாங்க ஆட்சிக்கு வர வரைக்கும் காத்து கொண்டு இருந்தோமா? கலைஞருக்கு நினைவு மண்டபம் மட்டும் இப்பவே கட்டுவார்கள் ஆனால் ஏ.ஜி க்கு மணிமண்டபம் கட்ட மட்டும் இவர்கள் ஆட்சிக்கு வர வேண்டுமா? ஏன் இவர்களிடத்தில் பணமில்லை யா? இவர்கள் தானே கூட்டணி கட்சியான கம்யூனிஸ்ட்,கொங்கு நாடு முன்னேற்ற கழகம் போன்ற கட்சிகளுக்கு 40 லிருந்து 50 கோடி பணத்தை கொடுத்தார்கள்.
ஆனால் போன தேர்தலில் நம்மை பேசுகிறார்கள்,அவர்கள் பெட்டி வாங்கி விட்டார்கள் என்று சொல்கிறார்கள்.ஏன் நீ தான் விளக்கு புடிச்சயா அப்போ? நீ தான் கூட இருந்தயா? ஏதோ கூட இருந்தா மாதிரியே பேசுற. யோவ் நாங்க முப்பது ஆண்டு காலமாக நேர்மையாக அரசியல் நடத்தி வந்து கொண்டிருக்கிறோம். இனியும் நேர்மையாக தான் கட்சி நடத்துவோம்.காசு சம்பாதிக்க வேண்டும் என்றால் எப்படி வேண்டுமென்றாலும் சம்பாதித்து இருக்கலாம். இந்த டொபாகோ லாபி,லிக்கர் லாபி,குட்கா லாபி, பார்மா என யார் கிட்ட வேண்டுமென்றாலும் காசு வாங்கியிருக்கலாம்.ஆனால் எங்களுக்கு அதெல்லாம் தேவையில்லை.மக்கள் பிரச்சினைகளுக்காக போராடுவது,இளைஞர்களை நல்வழிப் படுத்துவது மட்டும் தான் எங்களுடைய இலக்கு.
ஒரு எம்பி தொகுதியில் 70 லட்சம் தான் செலவு செய்ய வேண்டும் ஆனால் 2 தொகுதிகளுக்கு 15 கோடி கொடுக்கிறார்கள்.ஏனென்றால் எல்லாம் லஞ்சம்,கொள்ளையடித்த பணத்தை லஞ்சமாக கொடுக்கிறார்கள்.இவர் நம்மை பற்றி பேசுகிறார்.அய்யாவை பற்றியோ,நம்மை பற்றியோ பேசுவதற்கு இவருக்கு தகுதியும் இல்லை,அருகதையும் இல்லை என்றும் அவர் காட்டமாக பேசினார்.வன்னியர் சங்க தலைவரும்,மறைந்த பாமக நிர்வாகியான மாவீரன் குரு அவர்களை போல சரவெடியா அதிரடி காட்டிய அன்புமணி ராமதாஸ் அவர்களின் இந்த பேச்சுக்கு அப்பகுதி மக்கள் மத்தியில் மிகுந்த வரவேற்பு பெற்றுள்ளது.
சென்னை:
பிகில் படத்திற்கு தணிக்கை சான்று வழங்க
எந்த அரசியல் கட்சியும் நெருக்கடி தரவில்லை என்று
படத்தயாரிப்பாளார் அர்ச்சனா கல்பாத்தி கூறியிருக்கிறார்.
அட்லீ இயக்கத்தில் உருவாக்கப்பட்டிருக்கும்
படம் பிகில். கதாநாயகன் நடிகர் விஜய், நடிகை நயன்தாரா. இவர்கள் தவிர, கதிர், விவேக், ஜாக்கி ஷெராப், டேனியல் பாலாஜி, ஆனந்தராஜ், யோகி பாபு உள்ளிட்ட பலர் நடித்துள்ளனர். ஏஆர்
ரஹ்மான் இசை அமைத்துள்ளார்.
பெண்கள் கால்பந்து விளையாட்டை மையமாக வைத்து எடுக்கப்பட்டுள்ளதாக
சொல்லப்படுகிறது. படத்தில் 2 வேடங்களில் விஜய் நடித்திருப்பதாக கூறப்
படுகிறது.
ஏஜிஎஸ். எண்டர்டெயின்மெண்ட் மிக
பிரம்மாண்ட முறையில் தயாரித்திருக்கும் படத்தின் டிரெய்லர் சில தினங்களுக்கு முன்
வெளியாகியது. டிரெய்லர்
இணையத்தில் சக்கை போடு, போட்டு வருகிறது.
படம் தீபாவளிக்கு ரிலீஸ்
செய்யப்படும் என்று எதிர்பார்க்கப்படுகிறது. அதற்கான வேலைகளில் படக்குழு தீவிரமாக இறங்கி
உள்ளது. ஆனாலும்,
அதிகாரப்பூர்வ ரிலீஸ் தேதி அறிவிக்கப்படவில்லை.
ஏன் என்றால் படத்திற்கு தணிக்கை சான்றிதழ் இன்னும் வழங்கப்படவில்லை.
அந்த விவகாரத்தில், அரசியல் தலையீடு இருப்பதாக செய்திகள் வெளியாகி பரபரப்பை கூட்டி
இருக்கின்றன.
இந் நிலையில், படத்தின் தயாரிப்பாளர் அர்ச்சனா கல்பாத்தி கூறியதாவது: பிகில் படத்திற்கு தணிக்கை சான்று வழங்குவதில் எந்த அரசியல் கட்சியும் நெருக்கடி கொடுக்கவில்லை. நாங்கள் சுதந்திரமாக செயல்படுகிறோம்” என்றார்.
பாஜக மற்றும் காங்கிரஸ் ரெண்டுமே ஒண்ணு தான்! வித்தியாசம் கிடையாது! சீமான் பேட்டி
சென்னை: பாஜகவுக்கும், காங்கிரசுக்கும் எந்த வித்தியாசமும் கிடையாது, இரண்டுமே ஒன்று தான் என்று என நாம் தமிழர் கட்சி தலைமை ஒருங்கிணைப்பாளர் சீமான் கூறியிருக்கிறார்.
ராஜீவ் காந்தி கொலை வழக்கு தொடர்பாக, சீமான்
பேசியதால் தமிழக அரசியல் மீண்டும் பரபரப்பை சந்தித்து வருகிறது. கடந்த சனிக்கிழமை விக்கிரவாண்டி
இடைத்தேர்தல் பிரச்சாரத்தில் பேசிய அவர், காந்தியை கோட்சே சுட்டது சரிதான் என்று சிலர்
பேசும் போது, ராஜீவ் காந்தியை கொன்றோம் என்பதும் சரியே என்றார்.
அவரின் இந்த பேச்சு தமிழகத்தில் கடும் அதிர்வலைகளை ஏற்படுத்தி இருக்கிறது. சீமான் மீது
கைது நடவடிக்கை பாயலாம் என்று எதிர்பார்க்கப்படுகிறது.
இந்
நிலையில், சென்னை வந்த அவர் விமான நிலையத்தில் செய்தியாளர்களுக்கு
பேட்டி அளித்துள்ளார். அவர் கூறியதாவது:ராஜீவ்காந்தி கொலை வழக்கை 28 ஆண்டுகளாக பேசிக்கொண்டு புலிகளை ஒழித்து
விட்டதாக சொல்கின்றனர்.
ஆனால், புலிகள் மீதான தடையை நீடித்து கொண்டுதான்
இருக்கிறார்கள்.
இது ஒரு தேசிய இனத்தின் மீது சுமத்தப்பட்ட அவமானம். ராஜீவ் கொலையாளிகள் 7 பேர் விடுதலைக்கு எவ்வளவு முட்டுக்கட்டைகள்.
தேசிய ஒருமைப்பாட்டை பற்றி பேச காங்கிரசுக்கு என்ன உரிமை இருக்கிறது. ஆட்சியில் இருந்தபோது காவிரி நதி நீரை
தமிழகத்துக்கு வாங்கி தர முடிந்ததா? செய்து லட்சக்கணக்கான மக்களை கொன்றனர்.
இலங்கையில் போர் நடத்தியது காங்கிரஸ் அரசுதான். அதற்கு திமுக
ஆதரவு தெரிவித்ததை யாராவது மறுக்க முடியுமா?.
பாஜக, காங்கிரஸ் ஆகிய கட்சிகளை சமமாகத்தான் பார்க்கிறோம். கச்சத்தீவு கொடுத்தது கொடுத்ததுதான் என 2 கட்சிகளும் சொல்கிறது. அணு உலையை எதிர்த்தால் தேச துரோகி என 2 கட்சிகளும்
கூறுகின்றன.
நீட் மற்றும் ஜிஎஸ்டி ஆகியவற்றை கொண்டு வந்தது காங்கிரஸ். அதை செயல்படுத்தியது பாஜக. பொருளாதார வீழ்ச்சிக்கு
ஜிஎஸ்டியை கொண்டு வந்ததுதான் காரணம்.
சீன அதிபரை தமிழகத்தில் சந்தித்ததால் பிரதமர் மோடி வேட்டி கட்டி இருப்பார். ஆனாலும் தமிழன் பாரம்பரிய உடையை அணிந்தது மகிழ்ச்சி என்று அவர் கூறினார்.
குடியரசு மற்றும் விடுதலை நாளைக் கூட தெரியாத திமுக தலைவர் ஸ்டாலினுக்கு வன்னியர் வரலாறு தெரியுமா? பாமக வழக்கறிஞர் பாலு கேள்வி
திமுக தத்துவமேதையின் புதல்வரே…. எது Typographical Error ? என்ற தலைப்பில் இன்று அவர் வெளியிட்டுள்ள அறிக்கையில் கூறியிருப்பதாவது.
திமுக தலைவர் திரு. மு.க.ஸ்டாலின் அவர்கள் விக்கிரவாண்டி தொகுதியில் நேற்று தேர்தல் பிரச்சாரம் மேற்கொண்டார். அப்போது,’’வன்னியர் இனத்திற்காகக் குரல் கொடுத்துப் பாடுபட்ட திரு. இராமசாமி படையாச்சியார் அவர்களுக்கு கழக ஆட்சி வந்தவுடன் மணிமண்டபம் அமைப்போம் என்ற அந்த உறுதிமொழியை நான் தந்திருக்கிறேன்” என்று கூறினார்.
மறைந்த திரு. இராமசாமி படையாட்சியார் அவர்களுக்கு கடலூரில் ஏற்கனவே மணி மண்டபம் அமைக்கப்பட்டு விட்டது. இதை சுட்டிக்காட்டி மருத்துவர் அய்யா அவர்கள் இன்று வெளியிட்ட டுவிட்டர் பதிவுகளில்,’’ திமுக ஆட்சிக்கு வந்தவுடன் இராமசாமி படையாட்சியாருக்கு மணிமண்டபம் அமைக்கப் போவதாக விக்கிரவாண்டியில் மு.க.ஸ்டாலின் பிரச்சாரம் செய்திருக்கிறார். இராமசாமி படையாட்சியருக்கு கடலூரில் மணிமண்டபம் அமைக்கப்பட்டு திறப்பு விழாவுக்கு தயாராக இருக்கிறது. இந்த உண்மை கூட தெரியாமல் ஒருவர் எதிர்க்கட்சித் தலைவராக இருக்கிறார். வன்னியர் தலைவர் குறித்த நிகழ்கால நிலவரம் கூட தெரியாத இவர் தான் வன்னியர் நலனைக் காப்பாற்றப் போகிறாராம். இது தான் காலக் கொடுமை போலிருக்கிறது!” என்று கூறியிருந்தார்.
அதற்கு விளக்கம் அளிக்கும் வகையில் தி.மு.க கழக செய்தித் தொடர்புச் செயலாளர் டி.கே.எஸ் . இளங்கோவன் வெளியிட்டுள்ள செய்திக் குறிப்பில், Typographical Error-ஐ எல்லாம் பெரிது படுத்துவதா? என்று வினவியுள்ளார்.
திமுகவில் உள்ள ஒரு சில நல்ல்லவர்களில் டி.கே.எஸ் . இளங்கோவனும் ஒருவர். புத்திசாலியும் கூட. அவருக்கு தெரியாத விஷயங்கள் இல்லை. Typographical Error என்றால் என்ன? என்று அவருக்கு நன்றாக தெரிந்து இருக்கும். விக்கிரவாண்டி பிரச்சாரத்தில் யாரோ எழுதிக் கொடுத்ததை ஸ்டாலின் படித்திருக்க வேண்டும். அல்லது ஸ்டாலின் பேசியதை யாரோ தட்டச்சு செய்து பத்திரிகைகளுக்கு அனுப்பியிருக்க வேண்டும். ஸ்டாலின் பேசாத ஒன்று அவரது உரை என்ற பெயரில் ஊடகங்களுக்கு அனுப்பப்படும் செய்திக் குறிப்பில் இடம் பெறுகிறது என்றால் அது எப்படி Typographical Error ஆகும். அது திரிக்கப்பட்ட செய்தி அல்லவா?
ஊடகங்களுக்கு திமுக சார்பிலேயே திரிக்கப்பட்ட செய்தி அனுப்பப்பட்டு இருந்தால் உடனடியாக அது குறித்து ஊடகங்களுக்கு விளக்கம் அளிக்க வேண்டாமா?
திமுக தலைவர் மு.க. ஸ்டாலின் என்பதில் மு-வுக்கும், க-வுக்கும் இடையே புள்ளி விடுபட்டிருந்தால் கூட உடனடியாக திருத்தப்பட்ட செய்திக் குறிப்பு அனுப்பும் திமுக தலைமை, நேற்றிரவு 10.52 மணிக்கு அனுப்பப்பட்ட செய்திக் குறிப்புக்கு இன்று வரை விளக்கம் அளிக்காதது ஏன்? அதை மருத்துவர் அய்யா அவர்கள் சுட்டிக்காட்டிய பிறகு மழுப்பலாக விளக்கம் அளிப்பது ஏன்?
குடியரசு நாளும், விடுதலை நாளும் தெரியாத திமுக தலைவர் ஸ்டாலினுக்கு வன்னியர் வரலாறு எல்லாம் நிச்சயமாக தெரியாது என்பதை நாங்கள் மட்டுமல்ல நீங்களும் அறிவீர்கள். அவ்வாறு இருக்கும் போது ஸ்டாலின் செய்த தவறுக்கு நீங்கள் இந்த அளவுக்கு முட்டுக் கொடுக்க வேண்டுமா?
டி.கே. சீனிவாசன் திமுகவில் தத்துவமேதை என்று அழைக்கப்பட்டவர். அறிஞர் அண்ணாவின் நண்பர். திமுகவின் நிறுவனத் தலைவர்களில் ஒருவர். திமுகவின் ஐம்பெரும் தலைவர்களுக்கு நிகரானவர். கலைஞரை விட பல அடுக்கு உயர்ந்த நிலையில் இருந்தவர். அப்படிப்பட்டவரின் புதல்வராகிய டி.கே.எஸ் . இளங்கோவன் ஒரு தத்துபித்துவின் உளறல்களுக்கு விளக்கம் தர வேண்டிய நிலை ஏற்பட்டுவிட்டதே. இது தான் காலக் கொடுமையோ? என்றும் அவர் அதில் கேள்வியெழுப்பியுள்ளார்.
