தலித் என்பதன் பொருள் என்ன? 6 ஆம் வகுப்பு மாணவர்களுக்கு கேள்வி! கொந்தளிப்பில் மு.க.ஸ்டாலின்.
மத்திய அரசின் மனிதவள மேம்பாட்டு அமைச்சகத்தின் கீழ் செயல்படும் கேந்தரிய வித்தியாலயா பள்ளியில் 6 ஆம் வகுப்பு பள்ளி தேர்வில் ‘தலித்’ என்பதன் பொருள் என்ன? என்ற கேள்வி இடம்பெற்றுள்ளது, இது தாழ்த்தப்பட்ட சமுதாயத்தைச் சேர்ந்தவர்களிடையே கடும் அதிர்ச்சிக்கு உள்ளாகியுள்ளது.
கேள்விக்கு பதிலாக தீண்டத்தகாதவர்கள் என்ற பதிலை விருப்பமாக தேர்ந்தெடுக்கவும் என்று குறிப்பிட்டுள்ளனர், இது கடுமையான விமர்சனங்களுக்கு உள்ளாகியுள்ளது. மேலும் *தலித் சமுதாயத்தைச் அரசாங்கம் எப்படி குறிப்பிடுகிறது? *அம்பேத்கர் எந்த பிரிவை சேர்ந்தவர்? *முஸ்லிம் பற்றிய பொதுவான நிலைபாடு என்ன? என்ற கேள்வியும் இடம்பெற்றுள்ளது, இந்த கேள்விகளும் சர்ச்சைக்குள்ளாகியுள்ளது.
தற்போதைய காலகட்டத்தில் தாழ்த்தப்பட்ட சமுதாயத்தைச் சேர்ந்தவர்களை தலித் என்று பெயர் சொல்லி அழைத்தால் வன்கொடுமை தடுப்பு சட்டம் உடனடியாக பாய்கிறது,
ஊர் பகுதியில் உயர்சாதியினரும், காலணி பகுதிகளில் தாழ்த்தப்பட்ட சாதியினரும் வாழ்கின்ற இடமாகவே எல்லாரும் பேசி வந்தனர். அனைவரின் பேச்சு வழக்கம் அப்படி தான் இருக்கும், தற்போது காலணி பகுதி சொன்னாலே பயங்கர எதிர்ப்பு தாழ்த்தப்பட்ட சமுதாயத்தைச் சேர்ந்தவர்களிடம் எழும்பும்,
காரணம் தாழ்த்தப்பட்டவர்களின் வளர்ச்சி அப்படி இருக்கிறது, அரசும் வளர்ச்சிக்கு உறுதுணையாக இருந்து வருகிறது. காலக்கட்டம் இப்படி இருக்கும் போது பள்ளி குழந்தைகள் மனதில் தலித் என்றால் தீண்டத்தகாதவர்கள் என்ற எண்ணத்தை விதைப்பது அதுவும் மத்திய அரசின் மனிதவள மேம்பாட்டின் கேந்தரிய வித்தியாலயா பள்ளியே செய்தது மன்னிக்க முடியாத செயலாகும் என்று கல்வியாளர்கள் கண்டித்துள்ளனர்.
இப்படிப்பட்ட கேள்விகளை இடம்பெற செய்தவர்கள் மீது விசாரிக்கப்பட்டு சட்டத்தின் மூலம் கடும் நடவடிக்கை எடுக்க வேண்டும் என்று திமுக தலைவர் மு.க.ஸ்டாலின் அவர்களும் கண்டித்துள்ளார்.
இஸ்ரோ விஞ்ஞானிகளுக்கு நாடே துணை நிற்கிறது- மருத்துவர் இராமதாஸ் ஆறுதல் தெரிவித்துள்ளார்!
சந்திரயான் விண்கலத்தின் ஆராய்ச்சிக் கருவியை தரையிறக்குவதில் ஏற்பட்ட பின்னடைவு தற்காலிகமானதே. பின்னடைவை சந்திக்காத விண்வெளி ஆராய்ச்சி உலகில் ஏதுமில்லை. சந்திரயான்-2 முயற்சி மிகவும் அற்புதமானது. இஸ்ரோ விஞ்ஞானிகள் பாராட்டப்பட வேண்டியவர்கள். அவர்களின் முயற்சி போற்றத்தக்கது!
2.1 கி.மீ இடைவெளியில் நிலவு சாதனையை இழந்த இஸ்ரோ விஞ்ஞானிகள் விரைவில் நிலவை ஆளும் முயற்சியில் வெற்றியை சுவைப்பர். சாதாரண மனிதனுக்கும் நிலவு ஆராய்ச்சி குறித்த விழிப்புணர்வை சந்திரயான் -2 ஏற்படுத்தியுள்ளது. நிலவை நெருங்கும் முயற்சியில் விஞ்ஞானிகளுக்கு இந்த நாடு துணை நிற்கும்!
சந்திரயான் விண்கலத்தின் ஆராய்ச்சிக் கருவியை தரையிறக்குவதில் ஏற்பட்ட பின்னடைவு தற்காலிகமானதே. பின்னடைவை சந்திக்காத விண்வெளி ஆராய்ச்சி உலகில் ஏதுமில்லை. சந்திரயான்-2 முயற்சி மிகவும் அற்புதமானது. இஸ்ரோ விஞ்ஞானிகள் பாராட்டப்பட வேண்டியவர்கள். அவர்களின் முயற்சி போற்றத்தக்கது!
ஆசிய நாடுகளுக்கு அடிக்கப்பட்ட அபாயமணி! எச்சரிக்கும் மருத்துவர் ராமதாஸ்
நாளுக்கு நாள் புவி வெப்பமயமாதலின் தாக்கமும்,அதனால் மனிதர்களுக்கு ஏற்படும் ஆபத்தும் அதிகரித்து கொண்டே இருக்கிறது என பாமக நிறுவனர் மருத்துவர் ராமதாஸ் எச்சரித்துள்ளார்.
இது குறித்து அச்சுறுத்தும் புவிவெப்பமயமாதல்: இந்தியா
விழித்துக்கொள்ள புதிய வேண்டுகோள்! என்ற தலைப்பில் இன்று அவர் வெளியிட்டுள்ள அறிக்கையில் கூறியுள்ளதாவது.
புவிவெப்பமயமாதலின் தாக்கமும், அதனால் மனிதகுலத்திற்கு ஏற்படவிருக்கும் ஆபத்தும் நாளுக்கு நாள் அதிகரித்து வரும் நிலையில், அவற்றைக் கட்டுப்படுத்துவதற்காக போர்க்கால அடிப்படையில் நடவடிக்கைகள் மேற்கொள்ள வேண்டியதன் அவசியத்தை பாங்காக் காலநிலை மாநாடு மீண்டும் ஒரு முறை வலியுறுத்தியுள்ளது. இது ஆசிய நாடுகளுக்கு அடிக்கப்பட்ட அபாயமணியாகவே தோன்றுகிறது.
புவிவெப்பமயமாதல் என்ற பேரழிவை தடுப்பதற்கான செயல்திட்டங்களை வகுத்து, அறிவிப்பதற்காக ஐக்கிய நாடுகள் அமைப்பின் சிறப்பு காலநிலை மாநாடு வரும் 23 ஆம் தேதி நியூயார்க்கில் நடைபெறுகிறது. அம்மாநாட்டுக்கு ஆயத்தமாவதற்காக கானா, பிரேசில், தாய்லாந்து ஆகிய நாடுகளில் மண்டல மாநாடுகள் நடத்தப்படும் என்று ஐ.நா. அமைப்பு அறிவித்திருந்த நிலையில், ஆசிய – பசுபிக் மண்டலத்திற்கான மாநாடு தாய்லாந்து தலைநகர் பாங்காக் நகரில் கடந்த 2ஆம் தேதி தொடங்கி இன்று நிறைவடைகிறது.
புவிவெப்பமயமாதலுக்கு ஆசிய பசுபிக் நாடுகள் இதுவரை முதன்மைக் காரணமில்லை என்றாலும், இனி வரும் காலங்களில் இந்த நாடுகளில் இருந்து தான் அதிக அளவில் மாசுக்காற்று வெளியாகும். அதுமட்டுமின்றி, புவிவெப்பமயமாதலால் இந்நாடுகள் தான் மிகக்கடுமையான பேரழிவுகளை சந்திக்கும். புவிவெப்பமயமாதலின் தீய விளைவுகளை கட்டுப்படுத்துவதில் முக்கியப் பங்கு வகிக்க வேண்டிய இந்தியாவும் இம்மண்டலத்தில் தான் உள்ளது என்பதால் இம்மாநாடு மிகுந்த முக்கியத்துவம் பெற்றது.
புவிவெப்பமயமாதலை கட்டுப்படுத்துவதற்கான மேற்கொள்ளப்பட வேண்டிய நடவடிக்கைகள் குறித்து 6 தலைப்புகளில் விவாதங்கள் நடைபெற்றன. அரசு பிரதிநிதிகள், அதிகாரிகள், பன்னாட்டு அமைப்புகள், வங்கிகள், அரசு சாரா அமைப்புகள் சார்பிலான பிரதிநிதிகள் பங்கேற்ற இம்மாநாட்டில் தமிழகத்திலிருந்து நான் உருவாக்கிய பசுமைத் தாயகம் அமைப்பின் சார்பில் அதன் செயலாளர் இர. அருள் உள்ளிட்ட பிரதிநிதிகள் கலந்து கொண்டனர். இம்மாநாட்டில், புவிவெப்பமயமாதலைக் கட்டுப்படுத்துவதில் இந்தியா போன்ற நாடுகள் ஆற்ற வேண்டிய பணிகள் பற்றியே விரிவாகவும், அழுத்தமாகவும் விவாதிக்கப்பட்டன.
மாநாட்டில் பேசிய ஐ.நா காலநிலை பிரிவு துணை செயலரும், இந்தியருமான ஓவைஸ் சர்மத் ‘‘பாரிஸ் காலநிலை உடன்பாட்டின் இலக்குகளை முழுமையாக நிறைவேற்றினால் கூட 3 டிகிரி செல்சியஸ் வெப்பநிலை அதிகமாகும். இதனால் பயன் கிடைக்காது. மாறாக, உலகநாடுகள் அனைத்தும் இணைந்து வெப்பநிலை அதிகரிப்பை 1.5 டிகிரி செல்சியசுக்குள் கட்டுப்படுத்த வேண்டும். அதற்கான திட்டங்களை செப்டம்பர் 23 ஐநா மாநாட்டில் வெளியிட வேண்டும்’’ என்று வலியுறுத்தினார். இதற்கான நடவடிக்கைகளை தங்களின் அமைப்புகள் சமரசமின்றி மேற்கொள்ளும் என தாய்லாந்து சுற்றுச்சூழல் அமைச்சர் வராவுட் சில்பா ஆர்ச்சா (Varawut Silpa-archa), ஆசிய- பசிபிக் மண்டலத்திற்கான ஐ.நா. சமூக, பொருளாதார ஆணைய செயலர் அர்மிடா அலிஸ்ஜபானா (Ms. Armida Alisjahbana) ஆகியோர் உறுதியளித்தனர்.
தாய்லாந்தில் நடைபெற்ற இந்த மாநாடும், நியூயார்க்கில் இம்மாதம் 23-ஆம் தேதி நடைபெறும் சிறப்பு காலநிலை மாநாடும் கூடிக்கலையும் தன்மை கொண்டவையோ, உலகத் தலைவர்கள் சுற்றுலா வருவதற்காக ஏற்பாடு செய்யப்பட்டவையோ அல்ல. மாறாக, புவிவெப்பமயமாதல் என்ற பேரழிவிலிருந்து மனிதகுலத்தை காப்பதற்காக எழுப்பப்படும் கூக்குரல்கள் ஆகும். ஆகவே இந்த மாநாட்டில் விடுக்கப்பட்ட அறைகூவலை அலட்சியம் செய்யாமல் நிறைவேற்ற வேண்டியது இந்தியா உள்ளிட்ட நாடுகளின் தலையாய கடமையாகும்.
புவிவெப்பமயமாதலின் தாக்கங்களை இந்தியா உணரத் தொடங்கிவிட்டது. ஒருபுறம் இராஜஸ்தானில் மிக அதிக வெப்பம் பதிவான நிலையில், மறுபுறம் தமிழ்நாட்டின் அவலாஞ்சியில் மிக அதிக மழை பெய்தது. ஐரோப்பாவில் இதுவரை இல்லாத வெப்பம் பதிவாகியுள்ளது. அமெரிக்க கண்டத்தின் மிக வேகமான டோரியன் புயல் 350 கிலோமீட்டர் வேகத்தில் பஹாமாஸ் தீவுகளைத் தாக்கி சின்னாபின்னம் ஆக்கியது. ஆர்ட்டிக் பனிப்பாறை உருகுதல், உலகின் பல நகரங்கள் பெரும் தண்ணீர் பஞ்சத்தை எதிர்கொள்ளுதல் என புவிவெப்பமயமாதல் நம்மை சூழ்ந்து கொண்டிருப்பதற்கு ஏராளமான எடுத்துக்காட்டுகள் உள்ளன.
இந்த அழிவுகள் அதிகரிக்காமல் தடுக்கவும், புவியைக் காக்கவும் வேண்டுமானால் அடுத்த ஆண்டிற்குள் கரியமில வாயு வெளியாகும் அளவு கட்டுப்படுத்தப்படுவதுடன், படிப்படியாக குறைக்கப்படவும் வேண்டும். கரியமில வாயு வெளியாகும் அளவு 2030-ஆம் ஆண்டுக்குள் 50 விழுக்காடாகவும், 2050-ஆம் ஆண்டில் சுழியமாகவும் குறைக்கப்பட வேண்டும். இதற்காக இந்தியா அளிக்க வேண்டிய பங்களிப்புகள் ஏராளம்.
உலகைக் காப்பாற்றுவதற்கான இலக்குகளை எட்ட இந்தியா இப்போது பயணிக்கும் வேகம் போதாது. இந்த வேகத்தை விரைவுபடுத்துவதற்காகத் தான் இந்தியாவில் காலநிலை அவசரநிலையை பிரகடனம் செய்ய வேண்டும் என்று பாட்டாளி மக்கள் கட்சி தொடர்ந்து வலியுறுத்தி வருகிறது. தாய்லாந்து தலைநகர் பாங்காக்கில் நடைபெற்ற காலநிலை நெருக்கடியை கட்டுப்படுத்துவதற்கான ஆசிய-பசுபிக் மாநாட்டில் புதிய வேண்டுகோள் விடுக்கப்பட்டுள்ள நிலையில், இந்தியா விழித்துக் கொண்டு போர்க்கால வேகத்தில் கரியமில வாயு வெளியாகும் வேகத்தைக் கட்டுப்படுத்துவதற்கான நடவடிக்கைகளை விரைவுபடுத்த வேண்டும். அதற்காக உள்ளாட்சி அமைப்புகளில் தொடங்கி அனைத்து மாநில சட்டப்பேரவைகளிலும், நாடாளுமன்றத்திலும் காலநிலை அவசர நிலையை அரசுகள் உடனடியாக பிரகடனம் செய்ய வேண்டும் என்றும் அவர் அதில் குறிப்பிட்டுள்ளார்.
தென்னிந்திய பார்வர்ட் பிளாக் கட்சியின் தலைவர் திரு கே.சி.திருமுருகன் ஜி அவர்கள் அதிர்ச்சி தகவலை ஒன்றை தெரிவித்துள்ளார்!
மதுரையிலிருந்து இரண்டு இளம்பெண்கள் கடத்தப்பட்டதாகவும் அவர்களை ராயபுரத்தில் கடத்தி வைத்துக்கொண்டு பேரம் பேசியதாகவும் அவர்களிடம் இருபது லட்சம் ரூபாயை கொடுத்து இளம் பெண்களை மீட்டு வந்ததாகவும் தெரிவித்துள்ளார்.
இன்னொரு அதிர்ச்சிகரமான விஷயம் என்னவென்றால் இளம்பெண்கள் கருவுற்று இருந்தால் ஒரு தொகையையும் கருவுறாமல் இருந்தால் இன்னொரு தொகையும் பேரம் பேசப்படுவதாக தெரிவித்துள்ளார்.
இளம்பெண்களை மூளைச்சலவை செய்து அவர்களின் வாழ்க்கையை சீரழித்து எதிர்காலத்தை கேள்விக்குறியாக மாற்றும் ஒரு கும்பல் தமிழகத்தில் தொழிலாகவே செய்து வருகின்றனர் எனவும் தமிழகம் முழுவதும் இதை ஒரு கும்பல் தான் செய்து வருகிறது என்றும் அவர்களுக்கு அந்த கும்பலின் தலைவர் முழுமையாக ஆதரவு அளிப்பதாகவும் பகிரங்கமாக தெரிவித்துள்ளார்.
நாகை மாவட்டம் வேதாரண்யத்தில் இரண்டு சமுதாயத்தினரிடையே மோதல் காரணமாக அம்பேத்கர் சிலை தாக்கப்பட்டது. சிலை தாக்கப்பட்டது முட்டாள்தனமான செயல் எனவும் இதை தாக்கப்படும்போது வெறித்தனமாக பார்த்தவர்கள் காரை கொளுத்தியவர்கள் மீது ஏன் வெறித்தனமாக பார்க்கவில்லை எனவும் கேள்வி எழுப்பினார்.
சிலை எதனால் தாக்கப்பட்டது என்று எவரும் கேள்வி கேட்கவில்லை எந்த ஊடகமும் வெளிக்காட்டவில்லை, அந்த நேரத்தில் அம்பேத்கர் சிலையை உடைத்தவர்கள் மட்டும் கைது செய்து வழக்கு பதிவு செய்துள்ளனர், அதற்கு முன்னதாக காரை வழிமறித்து தீ யீட்டு கொளுத்தியவர்கள் மீது எந்த நடவடிக்கையும் யாருடைய பார்வையும் திரும்பவில்லை அதை ஊடகமும் பெரிதாக எடுத்துக் கொள்ளவில்லை என்று கடுமையாக விமர்சித்துள்ளார்.
அம்பேத்கர் ஒரு தேசியத் சின்னம்! ஒரு ஒரு குறிப்பிட்ட கும்பல் வக்கிர செயல்களையும் வன்முறை செயல்களையும் செய்துவிட்டு அம்பேத்கர் பின்னால் போய் ஒளிந்துகொண்டுள்ளனர் என்று கடுமையாக விமர்சித்துள்ளார்.
தெலுங்கானா ஆளுநராக நியமிக்கப்பட்டிருக்கும் திருமதி தமிழிசை சௌந்தரராஜனுக்கு அனைத்து தரப்பினரும் வாழ்த்திய வண்ணம் இருக்கின்றனர். அரசியல் பிரமுகர்கள், திரையுலகினர்,பொதுமக்கள் என அனைவரும் தமிழிசைக்கு உழைப்புக்கு கிடைத்த அங்கீகாரம் என்று பரவலாக வாழ்த்தி வருகின்றனர்.
மேலும் பல பிரமுகர்கள் நேரில் சந்தித்து தமிழிசையின் பணி சிறக்க தங்களின் வாழ்த்துகளை தெரிவித்த வண்ணம் இருக்கின்றனர், கட்சி சார்பற்ற நடுநிலைவாதிகள், கவிஞர்கள், இளைஞர்கள் அவரை மீம்ஸ் போட்டு கேலி செய்து வந்த சமூக வலைத்தள வாசிகளும் அவருடைய வளர்ச்சியை கண்டு பெருமிதம் கொண்டுள்ளனர்.
இது ஒருபுறமிருக்க தமிழிசை சௌந்தரராஜன் அவர்கள் மேல்மருவத்தூர் ஆதிபராசக்தி அம்மனை நேற்று தரிசித்தார். அம்மனுக்கு ஆரத்தி எடுத்து வழிப்பட்டார், இதைத்தொடர்ந்து மேல்மருவத்தூர் பங்காரு அடிகளார் அவர்களிடம் தன்னை ஆளுனராக நியமிக்கப்பட்ட ஆணையை காண்பித்து ஆசியும் பெற்றார்.
ஆளுநர் பணியை மிகச் சிறப்பாக செய்து வரலாற்றில் இடம் பிடிக்க வேண்டுமென்று தமிழிசையை அனைத்து தரப்பினரும் வாழ்த்தி வருவது தமிழக பாஜகவிற்கு உற்சாகத்தை ஏற்படுத்தியுள்ளது. கட்சியில் கடுமையான உழைத்தவர்களுக்கு சரியான அங்கீகாரம் பாரதிய ஜனதா கட்சியால் தரப்படுகிறது என்று தொண்டர்களும் பெருமையாக மற்றவர்களிடம் சமூக வலைத்தளங்கள் வாயிலாக தங்கள் மகிழ்ச்சியை தெரிவித்துக் கொண்டு வருகின்றனர்.
இது மக்கள் மீதான பொருளாதாரா தாக்குதலே! முக்கிய விவகாரத்தில் ராமதாஸ் கொடுக்கும் அதிரடி ஆலோசனை
தேசிய நெடுஞ்சாலைகளில் வசூலிக்கும் சுங்கக் கட்டண கணக்கீடு சுரண்டலின் உச்சம் என பாமக நிறுவனர் ராமதாஸ் தன்னுடைய கண்டனத்தை தெரிவித்துள்ளார். இது குறித்து இன்று அவர் வெளியிட்டுள்ள அறிக்கையில் குறிப்பிட்டுள்ளதாவது.
தேசிய நெடுஞ்சாலைகளில் சுங்கக்கட்டணம் எந்த அடிப்படையில் நிர்ணயிக்கப்படுகிறது என்பது குறித்து தகவல் பெறும் உரிமைச் சட்டத்தின் கீழ் மத்திய அரசு விளக்கம் அளித்திருக்கிறது. சுங்கக் கட்டணம் நீண்ட காலமாகவும், அளவுக்கு அதிகமாகவும் வசூலிக்கப்படுவதற்கு தேசிய நெடுஞ்சாலைகள் ஆணையம் கூறியுள்ள காரணங்கள், கந்து வட்டியை நியாயப்படுத்தும் வகையில் தான் அமைந்துள்ளன.
தமிழ்நாட்டில் உள்ள தேசிய நெடுஞ்சாலைகளில் 45 சுங்கச்சாவடிகள் செயல்பட்டு வருகின்றன. அவற்றில் வசூலிக்கப்படும் கட்டணங்கள் ஆண்டுக்கு ஒரு முறை சராசரியாக 20 விழுக்காடு வரை உயர்த்தப்படுகின்றன. ஒவ்வொரு முறை சுங்கக் கட்டணம் உயர்த்தப்படும் போது அதற்கு மக்களிடையே எதிர்ப்பு எழுவதும், அதை நெடுஞ்சாலைகள் ஆணையம் கண்டுகொள்ளாமல் இருப்பதும் வாடிக்கையாகி விட்டது. நெடுஞ்சாலைகளுக்கு அதிகபட்சமாக 15 ஆண்டுகள் மட்டுமே முழுமையான சுங்கக்கட்டணம் வசூலிக்கப்படும்; அதன்பின்னர் பராமரிப்புக்கான கட்டணம் மட்டுமே வசூலிக்கப்படும் என்ற எதிர்பார்ப்பு இருந்தாலும் கூட, அது நடைமுறைக்கு வருவதற்கான அறிகுறிகள் கண்ணுக்கெட்டியவரை தெரியவில்லை.
சென்னை தாம்பரம் -திண்டிவனம் இடையே பயணிப்பதற்கான 45 எண் கொண்ட தேசிய நெடுஞ்சாலையில் செங்கல்பட்டை அடுத்த பரணூரிலும், திண்டிவனத்திற்கு முன்பாக ஆத்தூரிலும் சுங்கச்சாவடிகள் அமைக்கப்பட்டுள்ளன. இவை இரண்டிலுமே 24 மணி நேரம் வாகனங்கள் நீண்ட வரிசைகளில் நிற்கும். இந்த சுங்கச்சாவடிகளில் கட்டணமும் அதிகமாக வசூலிக்கப்படும். ஆனாலும் கடந்த 14 ஆண்டுகளாக தொடர்ந்து சுங்கக்கட்டணம் வசூலிக்கப்படுவது ஏன்? என்ற வினாவுக்கு மட்டும் விடை கிடைக்கவில்லை. இப்போது தி நியூ இந்தியன் எக்ஸ்பிரஸ் நாளிதழ் தகவல் பெறும் உரிமை சட்டத்தின்படி பெற்றுள்ள விளக்கத்தின் மூலமாகத் தான் சுங்கக்கட்டணம் வசூலிப்ப்பதில் நடக்கும் கொள்ளை அம்பலமாகியுள்ளது.
தாம்பரம் – திண்டிவனம் இடையிலான 4 வழிச்சாலை அமைக்கும் பணிகள் 1999-2004 காலத்தில் நடைபெற்றன. இந்தப் பணிகள் முடிவடைந்த பிறகு 2005-ஆம் ஆண்டு ஏப்ரல் ஒன்றாம் தேதி முதல் இச்சாலை சுங்கக்கட்டண சாலையாக அறிவிக்கப்பட்டு கட்டணம் வசூலிக்கப்பட்டு வருகிறது. இந்த சாலை அமைக்க ரூ.536 கோடி மட்டுமே செலவானதாக மத்திய அரசு தெரிவித்துள்ளது. சுங்கச்சாலை அமைக்கப்பட்டது முதல் 2018-ஆம் ஆண்டு செப்டம்பர் 30-ஆம் தேதி வரையிலான 13 ஆண்டுகள் ஆறு மாத காலத்தில் பரணூர், ஆத்தூர் சுங்கச்சாவடிகளில் ரூ.1098 கோடி சுங்கக்கட்டணமாக வசூல் செய்யப்பட்டுள்ளது. அதன்பின் இப்போது வரையிலான ஓராண்டு காலத்தையும் கணக்கில் கொண்டால் அதில் குறைந்தது ரூ.150 கோடி வசூலிக்கப்பட்டிருக்கும். சாலை அமைக்க செலவிடப்பட்டதை விட இரு மடங்கிற்கும் மேலாக கட்டணம் வசூலிக்கப்பட்டு விட்ட நிலையில், இன்னும் முழு கட்டணம் வசூலிப்பது ஏன்? என்ற வினாவுக்கு அளிக்கப்பட்டுள்ள பதில் தான் பெரும் அதிர்ச்சியை அளிக்கிறது.
நெடுஞ்சாலை அமைக்க ரூ.536 கோடி மட்டும் தான் செலவிடப்பட்டது என்றாலும், அதற்கான பணிகள் தொடங்கப்பட்ட நாள் முதல் முடிவடைந்த நாள் வரை பணவீக்கம் கணக்கிடப்பட்டு, அதுவும் திட்டச் செலவில் சேர்க்கப்பட்டது. அதனால் திட்டச் செலவு ரூ.770.18 கோடியாக அதிகரித்து விட்டதாம். அதுமட்டுமின்றி, சுங்கக்கட்டணமாக வசூலிக்கப்பட்ட தொகையில் 4% பராமரிப்புக்காக ஒதுக்கப் பட்டதுடன், இயக்கச் செலவுகள் என்ற பெயரில் 12% கழிக்கப்பட்டது. இத்தகைய கழிவுகளுக்குப் பிறகு சுங்கக்கட்டணமாக ரூ.416.04 கோடி மட்டும் தான் வசூலிக்கப்பட்டிருப்பதாக கணக்கில் காட்டப் பட்டுள்ளது. ரூ.770 கோடி முதலீட்டை திரும்ப எடுக்க இன்னும் ரூ.354 கோடி தேவை என்றும், அதுவரை முழுமையான சுங்கக் கட்டணம் தான் வசூலிக்கப்படும் என்றும் நெடுஞ்சாலைகள் ஆணையம் கூறியுள்ளது.
தேசிய நெடுஞ்சாலைகள் ஆணையம் கூறியுள்ள கணக்கு கந்து வட்டியை விட மிகவும் மோசமான கணக்கு ஆகும். நெடுஞ்சாலை அமைப்பதற்கான செலவு ரூ.536 கோடி என மதிப்பிடப்பட்ட நிலையில், அதைவிட கூடுதலாக ஒரு பைசா கூட செலவழிக்கப்படவில்லை. நெடுஞ்சாலை பணிகள் தொடங்கப்பட்ட நாளில் இருந்து முடிவடைந்த நாள் வரையிலான பணவீக்கத்தை கணக்கிட்டு தான் திட்ட மதிப்பீடு தயாரிக்கப்பட்டிருக்கும். அந்த தொகை தான் ஒப்பந்ததாரருக்கு வழங்கப்பட்டிருக்கும். அவ்வாறு இருக்கும் அத்தொகைக்கு பணவீக்கம் சேர்த்து புதிய தொகை நிர்ணயிப்பது நியாயமற்றது. அதுவும் திருத்தப்பட்ட மதிப்பீடு 2013-ஆம் ஆண்டில் தான் கணக்கிடப்பட்டுள்ளது. உண்மையில் 2013-ஆம் ஆண்டுக்கு முன்பாகவே திட்டச்செலவான ரூ.536 கோடியை விட அதிக தொகை வசூலிக்கப்பட்டிருக்கும். அதனால், சுங்கக்கட்டணம் ரத்து செய்யப்படுவதை தவிர்க்கவும், தொடர்ந்து வாகன உரிமையாளர்களை சுரண்டவும் வசதியாகவே திட்ட மதிப்பீடு உயர்த்தப்பட்டிருக்கிறது என்பதை உணர முடிகிறது. இது நியாயமல்ல.
அதேபோல், கடந்த பதிமூன்றரை ஆண்டுகளில் சுங்கக்கட்டணமாக வசூலிக்கப்பட்ட ரூ.1098 கோடியில் ரூ.682 கோடியை, அதாவது மொத்த வசூலில் 63% தொகை பராமரிப்பு மற்றும் இயக்குதலுக்காக செலவாகிவிட்டது என்பதை ஏமாளிகள் கூட ஏற்றுக்கொள்ள மாட்டார்கள். பராமரிப்பு மற்றும் இயக்கச் செலவுகள் மொத்த முதலீட்டை விட 15% அதிகம் என்பது குறிப்பிடத்தக்கது. இது தவிர பரணூர், ஆத்தூர் ஆகிய இரு சுங்கச்சாவடிகளிலும் சேர்த்து பதிமூன்றரை ஆண்டுகளில் ரூ.1098 கோடி மட்டும் தான் வசூலிக்கப்பட்டுள்ளது என்பதையே நம்ப முடியவில்லை. இந்தக் கணக்கின்படி பார்த்தால் இரு சுங்கச்சாவடிகளிலும் ஒரு நாளைக்கு சராசரியாக ரூ. 11 லட்சம் மட்டுமே வசூலாகியிருக்கிறது. இந்த இரு சுங்கச்சாவடிகளிலும் சராசரியாக தினமும் ஒரு லட்சம் வாகனங்கள் செல்லும் நிலையில், இவ்வளவு குறைந்த தொகை தான் வசூலாகியிருக்கிறது என்ற கணக்கின் பின்னணியில் மர்மம் நிறைந்துள்ளது.
மொத்தத்தில் தாம்பரம் – திண்டிவனம் தேசிய நெடுஞ்சாலையில் இன்னும் 100 ஆண்டுகள் ஆனாலும் சுங்கக்கட்டணம் வசூலிப்பதற்கு ஏற்ற வகையில் தான் கணக்குகள் காட்டப்படுகின்றன. இவற்றை மக்கள் மீதான பொருளாதாரத் தாக்குதலாகவே பார்க்க வேண்டியுள்ளது. இதற்கு முடிவு கட்டும் வகையில், தாம்பரம் & திண்டிவனம் தேசிய நெடுஞ்சாலை மட்டுமின்றி, தமிழகத்திலுள்ள அனைத்து தேசிய நெடுஞ்சாலைகளிலும் அவற்றை அமைப்பதற்காக ஆன உண்மையான செலவு, இதுவரை உண்மையாக வசூலிக்கப்பட்ட சுங்கக்கட்டணம் எவ்வளவு? என்பது குறித்து பணியில் உள்ள உயர்நீதிமன்ற நீதிபதி, இந்திய தலைமை கணக்குத் தணிக்கையாளர் (சி.ஏ.ஜி) அலுவலக உயரதிகாரிகள் உள்ளிட்டோரைக் கொண்ட ஆணையம் அமைத்து விசாரணை நடத்த வேண்டும். இந்த விசாரணை முடியும் வரை, 10 ஆண்டுகளுக்கும் மேலாக சுங்கக்கட்டணம் வசூலித்து வரும் சுங்கச்சாவடிகளில், பராமரிப்புக் கட்டணமாக 40% கட்டணம் மட்டுமே வசூலிக்க மத்திய அரசு ஆணையிட வேண்டும் என்றும் அவர் அந்த அறிக்கையில் குறிப்பிட்டுள்ளார்.
வாகன உரிமையாளர்களையும்,பொது மக்களையும் கடுமையாக பாதிக்கும் இந்த முக்கிய விவகாரத்தில் பாமக நிறுவனர் மருத்துவர் ராமதாஸ் அளித்துள்ள இந்த ஆலோசனை மக்களை இது குறித்து சிந்திக்க வைத்துள்ளது.
நடிகர் ஜீவா நடித்த கற்றது தமிழ் படத்தின் மூலம் தமிழ் சினிமாவில் அறிமுகமானவர் தான் நடிகை அஞ்சலி.அந்த படத்திற்கு பிறகு தமிழில் அங்காடி தெரு படத்தில் நடித்ததின் மூலம் தமிழ் திரையுலகில் பிரபலமானார். இதனையடுத்து தொடர்ந்து பல நல்ல கதாபாத்திரத்தை தேர்தெடுத்து நடித்து வந்தார் நடிகை அஞ்சலி.
தமிழ் சினிமாவில் பல முன்னணி இயக்குநர்களுடன் இணைந்து பணியாற்றியுள்ள நடிகை அஞ்சலி தற்போது விக்னேஷ் சிவனுடன் இணைந்துள்ளார்.
தற்போதைய நிலையில் பேரன்பு, லிசா ஆகிய படங்களைத் தொடர்ந்து நடிகை அஞ்சலி கைவசம் நாடோடிகள் 2, கிருஷ்ணன் ஜெயராஜ் இயக்கத்தில் உருவாகும் படம் மற்றும் மாதவன் நடிக்கும் சைலன்ஸ் ஆகிய படங்கள் கைவசம் உள்ளன.
தற்போது நடிகை அஞ்சலி விக்னேஷ் சிவன் இயக்கும் படத்தின் படப்பிடிப்பில் நடிக்க தொடங்கியுள்ளார். நான்கு குறும்படங்களை அடிப்படையாக கொண்டு ஆந்தலாஜி பாணியில் உருவாகும் இந்தப் படம் நெட்ஃப்ளிக்ஸ் தளத்துக்காகத் தயாராகிறது. நான்கு இயக்குநர்கள் இணைந்து இயக்கும் இந்தப் படத்தில் விக்னேஷ் சிவன் இயக்கும் குறும்படத்திற்காக நடிகை அஞ்சலி கதாநாயகியாக நடிக்கிறார்.
இதில் மற்ற குறும்படங்களை வெற்றி மாறன், சுதா கொங்காரா, கௌதம் மேனன் ஆகியோர் இயக்குகிறார்கள். தற்போது விக்னேஷ் சிவன் படப்பிடிப்பைத் தொடங்கியுள்ள நிலையில் விரைவில் அந்த குறும்படங்களின் படப்பிடிப்பும் தொடங்கவுள்ளது.
இவை தவிர விக்னேஷ் சிவன், சிவகார்த்திகேயனை கதாநாயகனாகக் கொண்டு புதிய படத்தை இயக்கும் முயற்சியிலும் ஈடுபட்டுள்ளார்.
சொத்து கணக்கு விபரங்களை அரசு ஆசிரியர்கள் பதிவிட வேண்டும்! பள்ளி கல்வித்துறை அதிரடி உத்தரவு
தமிழகம் முழுவதும் உள்ள அரசு ஆசிரியர்கள் தங்களது சொத்து விவரங்களை பதிவிட பள்ளிக்கல்வித்துறை அதிரடியாக உத்தரவிட்டுள்ளது. மேலும் பயோமெட்ரிக் வருகைப்பதிவை தவறாமல் கடைபிடிக்க வேண்டும் என்றும் முதன்மை கல்வி அலுவலர் மாவட்ட கல்வி அலுவலர்கள் வட்டார கல்வி அலுவலர்களுக்கு சுற்றறிக்கை அனுப்பப்பட்டுள்ளது.
தமிழகம் முழுவதும் உள்ள அரசு ஆசிரியர்கள் தங்களது ஊதியம் போதவில்லை என்று சென்ற ஆண்டு போராட்டம் நடத்தினார்கள். சிறப்பாக தமிழக அரசு போராட்டத்தை கையாண்ட விதம் தமிழக மக்களின் பாராட்டுக்கு உள்ளானது. இந்த கோரிக்கை நியாயம் இல்லை என்று தமிழக அரசு தெரிவித்தது. அதிகமாக ஊதியத்தை அரசு ஆசிரியர்களுக்கு வழங்கியும் அவர்களின் முதிர்ச்சியை கருத்தில் கொண்டும் ஊதியம் மிக அதிகமாக வழங்கப்படுகின்றது.
மேலும் எந்த ஒரு துறைக்கும் இல்லாத விடுமுறையை ஆசிரியர்கள் அனுபவித்து வருகின்றனர், இப்படி தமிழக அரசு பல சலுகைகளை அரசு ஆசிரியர்களுக்கு வழங்கி வருகிறது. ஆனால் இது போதவில்லை என்று மேலும் மேலும் ஊதியம் எங்களுக்கு அதிகப்படியாக வழங்க வேண்டுமென்று ஜாக்டோ-ஜியோ போன்றன ஆசிரிய அமைப்புகள் போராட்டத்தை ஆசிரியர்களிடம் தூண்டிவிட்டு கொண்டு இருக்கின்றன, இதன்காரணமாக அரசின் கடும் கோபத்திற்கு உள்ளாகிறார்கள் அரசு ஆசிரியர்கள்.
இதனால் ஆசிரியர் தகுதித் தேர்வை மிகக்கடுமையாக அமைத்தது, இதில் தேர்ச்சி பெறுவது அவ்வளவு சுலபமான காரியமல்ல.
இது ஒருபுறமிருக்க ஆசிரியர்களின் சொத்து கணக்கு விபரங்களை பணிப் பதிவேட்டில் முறையாக பராமரித்து வர வேண்டும் என்று தமிழக அரசு உத்தரவிட்டுள்ளது. இதன்படி அரசு ஆசிரியர்கள் தங்களின் அசையும் மற்றும் அசையா சொத்துக்களின் விவரங்களை பணிப் பதிவேட்டில் பதிவிட வேண்டும். இதனை முதன்மை கல்வி அலுவலர், மாவட்ட கல்வி அலுவலர், வட்டார கல்வி அலுவலர் ஆகியோர்கள் ஆய்வு செய்து வரவேண்டும்.
சொத்துக்கணக்கு விபரங்களை சரியாக பதிவிடாமல் தவறாக இருந்தால் ஆசிரியர்கள் மீது துறை ரீதியான நடவடிக்கை எடுக்கப்படும் என்று பள்ளிக்கல்வித்துறை அதிரடியாக தெரிவித்துள்ளது, மேலும் பயோமெட்ரிக் வருகைப்பதிவு தவறாமல் கடைபிடிக்க வேண்டும் என்றுஅனைத்து அலுவலர்களுக்கும் சுற்றறிக்கை அனுப்பப்பட்டுள்ளது.
இதன் காரணமாக தமிழகத்தில் உள்ள அரசு ஆசிரியர்கள் கடும் எரிச்சலுக்கு உள்ளாகியுள்ளனர். பொது மக்களும் இந்த நடவடிக்கைக்கு பாராட்டு தெரிவித்த வண்ணம் வருகின்றனர்.
பிரதம மந்திரி குடியிருப்பு திட்டத்தை விரும்பாதோர் பட்டியலை தாக்கல் செய்ய மத்திய அரசு உத்தரவு
பிரதமரின் குடியிருப்பு திட்டத்தின் கீழ் வீடு கட்ட விரும்பாதோரை பயனாளிகள் பட்டியலில் இருந்து நீக்குவது தொடர்பாக அனைத்து மாநிலங்களும் செப். 15ம் தேதிக்குள் தங்கள் கருத்துக்களை அனுப்பி வைக்க வேண்டும் என்று மாநில அரசுகளுக்கு மத்திய அரசு உத்தரவிட்டுள்ளது.
பிரதமரின் குடியிருப்பு திட்டத்தின் கீழ் வீடு இல்லாதோர் மற்றும் குடிசை வீடுகளில் வசிக்கும் ஏழை மற்றும் நடுத்தர மக்களுக்கு கழிப்பறை வசதிகளுடன் கூடிய வீடு கட்டி கொடுக்கப்படுகிறது. இத்திட்டத்தில் வீடு கட்ட 2.10 லட்சம் ரூபாய் வழங்கப்படுகிறது. இத்திட்டத்தில் பயன்பெற ‘சமூக பொருளாதார கணக்கெடுப்பு பட்டியல் – 2011’ அடிப்படையில் கிராம சபை வழியே பயனாளிகள் கண்டறியப்பட்டு பட்டியல் தயாரிக்கப்பட்டுள்ளது.
இந்த பட்டியலில் இடம் பெற்றுள்ள பலர் வீடு கட்ட விரும்பவில்லை, மணல் விலை உயர்வு, கட்டுமான ஆட்களின் தினக்கூலி பல மடங்கு உயர்வு, கட்டுமான பொருட்களின் விலை உயர்வு ஆகியவை கடுமையாக மக்களை பாதித்துள்ளது. அதுவும் நடுத்தர மற்றும் ஏழை மக்களுக்கு பாதிப்பு மிக அதிகம் என்பதால் தற்போது வீடு வேண்டாம் என்று பலர் ஒதுங்கி கொண்டு வருகின்றனர்.
இது தொடர்பாக மத்திய ஊரக வளர்ச்சித்துறை சார்பில் மாநிலங்களில் உள்ள ஊரக வளர்ச்சித்துறை செயலர்களுக்கு அனுப்பப்பட்டுள்ள கடிதம் பின்வருமாறு:
பிரதம மந்திரி குடியிருப்பு திட்டத்தின் கீழ் பயனாளிகள் தேர்வுக்கான பட்டியல் தயார் செய்யப்பட்டுள்ளது. அந்த பட்டியலில் இடம் பெற்றுள்ளவர்களில் பலர் வீடு கட்ட விரும்பவில்லை. ஆதரவற்றோர் கொத்தடிமைகளாக இருந்து மீட்கப்பட்டோர் துப்புரவு தொழிலாளி போன்றோரை உடனடியாக பயனாளிகள் பட்டியலில் சேர்க்க வேண்டும்.
தனியே வசிக்கும் 65 வயதிற்கு மேற்பட்ட பெண் மற்றும் ஆண்கள் மிகவும் வறுமை நிலையில் உள்ளவர்கள் போன்றோர் பெயரை பயனாளிகள் பட்டியலிலிருந்து நீக்காமல் அவர்கள் வீடுகள் கட்டிக்கொள்ள உதவ வேண்டும். இடம் மாறி செல்வோர் வீடு கட்ட விருப்பம் இல்லாதோர் நிலம் தொடர்பான பிரச்னையில் உள்ளோரின் பெயர்களையும் நீக்கக் கூடாது. அவர்கள் மீண்டும் வீடு கட்ட விருப்பம் தெரிவிக்கலாம். இதை கிராம சபை கூட்டம் நடத்தி உறுதி செய்ய வேண்டும். வீடு கட்ட விருப்பம் இல்லாதோரிடம் அதற்கான காரணத்தை கேட்டறிய வேண்டும். நிலம் இல்லாதோருக்கு மாற்று இடம் வழங்க வேண்டும்.
வீடு கட்ட விரும்பாதோரை பட்டியலில் இருந்து நீக்க வேண்டும் என்றால் அவர்களிமிருந்து அதற்கான ஆவணங்களை பெற வேண்டும்.
வீடு கட்ட விரும்பாதோரின் பெயரை பயனாளிகள் பட்டியலிலிருந்து நீக்குவது தொடர்பான கருத்துக்களை வரும் 15ம் தேதிக்குள் மத்திய அரசுக்கு அனுப்பி வைக்க வேண்டும். அந்த கருத்துக்கள் அடிப்படையில் மத்திய ஊரக வளர்ச்சித்துறை உரிய நடவடிக்கை எடுக்கும். இவ்வாறு அந்தக் கடிதத்தில் கூறப்பட்டுள்ளது.
அரசியலுக்காக சாதித் தலைவர்களை நாடிச் செல்லும் திமுகவின் இரட்டை வேடம் அம்பலம்
தமிழக அரசியலில் திமுக மற்றும் அதிமுகவை தவிர்த்து வேறு எந்த கட்சியாக இருந்தாலும் அதை ஒரு குறிப்பிட்ட சாதி.மதம் அல்லது மொழி அடிப்படையில் பிரித்து பார்ப்பதே வழக்கமாகி விட்டது. அதிலும் குறிப்பாக பெரியார் கொள்கைகளை பின்பற்றுவதாக கூறும் திமுக சாதி மதமற்ற அரசியலை செய்வதாக கூறி தான் தொடர்ந்து மக்களை சந்தித்து வருகிறது. ஆனால் இதை அரசியல் அறிந்தவர்கள் நன்றாக உற்று கவனித்தால் சாதி மதமற்ற அரசியல் என்பதற்காக தொடர்ந்து ஒரு குறிப்பிட்ட பிரிவினருக்கு சாதகமாகவும்,வேறு ஒரு பிரிவினருக்கு எதிராகவும் திமுக செயல்பட்டு வருவது தெளிவாக புரியும். இதையெல்லாம் உறுதி செய்யும் வகையில் தான் திமுகவின் கடந்த கால செயல்பாடுகள் அமைந்துள்ளன.
திமுக தலைவரும், முன்னாள் தமிழக முதல்வருமான கலைஞர் கருணாநிதி இருக்கும் போது, பாமக, வி.சி.க, புதிய தமிழகம் கட்சிகளை தேர்தலுக்காக கூட்டணியில் இணைக்க வேண்டிய கட்டாயம் வந்தால், ‘அவை சாதிக் கட்சிகள் அல்ல. சாதிக்கும் கட்சிகள்’ என்று நியாயப்படுத்துவார். அதே கட்சிகள், திமுக கூட்டணிக்கு தேவையில்லை என்ற நிலையெடுத்தால், அவற்றை சாதிக்கட்சிகள் என்று விமர்சிப்பார்.இதில் அதிகம் பாதிக்கப்பட்டது மருத்துவர் ராமதாஸ் அவர்களால் தொடங்கப்பட்ட பாட்டாளி மக்கள் கட்சி தான். ஆரம்பத்தில் வன்னியர் சங்கமாக இருந்தாலும் இட ஒதுக்கீடு போராட்டத்திற்கு பிறகு பாமக ஆரம்பித்து அரசியலுக்குள் நுழைந்த பிறகு தொடர்ந்து ஒட்டு மொத்த தமிழக மக்களுக்காக தான் பாமக நிறுவனர் ராமதாஸ் போராடி வருகிறார்.ஆனால் திமுக மற்றும் அதிமுக போன்ற கட்சிகள் தாங்கள் வெற்றி பெற அக்கட்சியின் வாக்குகளை பயன்படுத்தும் போது சாதகமாக ஏற்று கொள்கிறார்கள். இதுவே பாமக எதிரணியில் இருக்கும் போது அக்கட்சியை சாதிக் கட்சி என கூறி கடுமையான விமர்சனங்களை வைக்கிறார்கள்.
கடந்த காலங்களில் எம்.ஜி.ஆர். மற்றும் ஜெயலலிதா தலைமையில் அதிமுக இருக்கும் போது தைரியமாக ‘தனித் தொகுதி தலித் மிகுதி’ என்று கலைஞரால் அழைக்கப்பட்ட தொகுதிகளில் மட்டுமின்றி, மற்றவர்கள் போட்டியிடும் பொதுத் தொகுதிகளிலும் பட்டியலின வேட்பாளர்களை நிறுத்துவார்கள். அதாவது திருச்சி மக்களவைக்கு தலித் ஏழுமலையையும், மதுரவாயல் சட்டப்பேரவைக்கு சிபிஎம் கட்சியின் பீமராவையும் நிறுத்தி, ஜெயலலிதா வெற்றி பெற வைத்தார் என்பதே அதற்கு உதாரணம்.
பொதுவாக, கடந்த கால அரசியலை பார்க்கும் போது திமுக, அதிமுக கட்சிகள் அந்தந்த தொகுதிகளில் செல்வாக்குள்ள சாதி வேட்பாளர்களையே நிறுத்துவார்கள் என்பது குறிப்பிடத்தக்கது. இது போன்ற செயல்களை அந்த குறிப்பிட்ட சாதிகளை, வலுப்படுத்தவே உதவும் என்பது பற்றி அவர்கள் கவலைப்படாமல் அரசியல் வெற்றி ஒன்றையே நோக்கமாக கொண்டு செயல்பட்டு வருகிறார்கள். உள்கட்சி காரணங்களுக்காக, ஆர்.கே.நகர் சட்டப்பேரவைக்கு, ஸ்டாலின் தலைமையிலான திமுக, நாடார் சமூகத்தைச் சேர்ந்த சிம்லா முத்துச் சோழனை நிறுத்தாததால் ஏற்பட்ட படுதோல்வி நிச்சயமாக திமுக தலைமையை இது குறித்து சிந்திக்க வைத்துள்ளது.
இப்போது அடுத்து வரவுள்ள 2021 சட்டப்பேரவைப் பொதுத்தேர்தலுக்காக தங்களை தயார் செய்து வருகிறது திமுக. நடந்து முடிந்த மக்களவைப் பொதுத்தேர்தலில், மாபெரும் வெற்றியைப் பெற்றிருந்தாலும் வேலூர் மக்களவைத் தேர்தல் முடிவால் திமுக தலைமை சற்று அச்சமடைந்துள்ளது.
ஜெயலலிதா, 2016 சட்டமன்றத் தேர்தலில் கொங்கு இளைஞர் பேரவை பெயரில் தனியரசு, முக்குலத்தோர் புலிப்படை பெயரில் கருணாஸ், முஸ்லிம் அடையாளத்திற்கு, மனிதநேய ஜனநாயகக் கட்சி பெயரில் தமீமுன் அன்சாரி என்று ‘சாதி ரீதியிலான அடையாள அரசியலை’ கையாண்டு அதன் மூலம் குறிப்பிட்ட உறுப்பினர்களை வெற்றி பெற வைத்து சட்டப்பேரவைக்கு சேர்த்துக்கொண்டார்.
அதுபோல மு.க.ஸ்டாலினும், தென்மாவட்டங்கள், கிழக்கு மாவட்டங்களைப் பொறுத்தவரை, சாதித் தலைவர்களது பிறந்த நாள், நினைவு நாள் நிகழ்வுகள் வரும் காலங்களில் அது தன்னுடைய அரசியலுக்கு முக்கியமானவை என உணந்துள்ளார். பெரம்பலூர் மக்களவைக்கு, பாரிவேந்தர் மூலம் பார்கவ குலமான உடையார்கள், நாமக்கல் மக்களவைக்கு கொங்கு நாடு மக்கள் தேசியக் கட்சி, சிதம்பரம், விழுப்புரம் மக்களவைத் தொகுதிகளுக்கு, வி.சி.க., என்பது போல சாதி மதமற்ற அரசியலை கையிலெடுப்பதாக கூறும் திமுகவும் சாதி அடிப்படையிலான அடையாள அரசியலை சேர்த்துக் கொண்டது.
தற்போது, இது அடுத்த நிலையை அடைந்து சம்பந்தபட்ட சாதித் தலைவர்களது விழாக்களில் திமுக தலைவரான ஸ்டாலின் பங்கு கொண்டு வாக்குகளை ஈர்ப்பது என்ற அளவிற்கு வந்துள்ளனர். வழக்கமாக, முத்துராமலிங்கத் தேவர் ஜெயந்திக்கு மட்டுமே, மு.க.ஸ்டாலின் செல்வார். ஆனால் டி.டி.வி. தினகரனோ, இரண்டு ஆண்டுகளாக, தேவர் ஜெயந்தி மட்டுமின்றி, ஒண்டிவீரன் பூலித்தேவன், இமானுவேல் சேகரன், வல்வில் ஓரி ஆகியோர் நிகழ்ச்சிகளுக்கும் சென்று கொண்டிருக்கிறார்.
ஆகவே இனி திமுக தலைவரும் இது போன்ற வாய்ப்புகளை விடக் கூடாது என்று முடிவெடுத்து விட்டார். இதையடுத்து திமுக தலைவர் ஸ்டாலின், அருந்தியர்களின் அடையாளத்திற்காக ஒண்டிவீரன், மறவர் அடையாளத்திற்கு பூலித்தேவன் நிகழ்ச்சிகளுக்கும் சமீபத்தில் சென்று வந்தார். சென்ற ஆண்டு கிராம சபைகள் பெயரில் திமுக கூட்டிய சபைகளில், உதயநிதியையும், கனிமொழியையும், தேவேந்திர குல வேளாளர் இளைஞர்கள், ‘ஏன் ஸ்டாலின் இமானுவேல் சேகரன் நிகழ்ச்சிக்கு வரவில்லை?’ என்று கேள்வி கேட்டுத் துளைத்து விட்டனர். அதுவே நடந்து முடிந்த தென்மாவட்ட, மக்களவைத் தேர்தல் பரப்புரைகளிலும் தொடர்ந்தது.
தேவேந்திர குல அடையாளத்துடன் கிருஷ்ணசாமியும், ஜான் பாண்டியனும், அதிமுக பக்கம் இருந்தனர். ஆனாலும், நடந்து முடிந்த மக்களவைப் பொதுத்தேர்தலில், திமுகவின் தனுஷ்குமாருக்கு தென்காசியிலும், கனிமொழிக்கு தூத்துக்குடியிலும், முஸ்லிம் லீக் நவாஸ் கனிக்கு இரு தேவர் சமூக வேட்பாளர்களை எதிர்த்து ராமநாதபுரத்திலும், தேவேந்திர குல வாக்குகள் கணிசமாக விழுந்து திமுக தலைமைக்குத்தெரியும்.
இந்தப் பின்னணியில் இந்த ஆண்டு செப்டம்பர் 11 ஆம் தேதி நடைபெறவுள்ள இமானுவேல் சேகரன் நிகழ்ச்சிக்கு பரமக்குடிக்கு ஸ்டாலின் செல்கிறார். இதனை உறுதி செய்யும் வகையில் இதற்கான விளம்பரங்கள் செய்வதற்கு அனுமதி கோரி திமுகவின் ராமநாதபுரம் மாவட்டப் பொறுப்பாளர் காதர் பாட்சா முத்துராமலிங்கம், மாவட்ட காவல்துறை கண்காணிப்பாளருக்கு கடிதம் எழுதியுள்ளார் என்பது குறிப்பிடத்தக்கது.
இதுவே தேவேந்திர குல வாக்காளர்களை திருப்திப்படுத்தும் என திமுக தலைமை நம்புகிறது. அடுத்து மருது பாண்டியர்கள் நிகழ்ச்சி, தேவர் ஜெயந்தி போன்ற விழாக்களிலும் இது தொடரும் என்று கூறப்படுகிறது. ஏற்கனவே, தங்கத் தமிழ்செல்வனுக்கு கொ.ப.செ., கலைராஜனுக்கு இலக்கிய அணிச் செயலாளர் பதவிகள் கொடுத்ததன் மூலம் பிறமலைக்கள்ளர், மற்றும் கள்ளர் சமூகங்களை திருப்திப்படுத்தலாம் என திமுக எடுத்த முடிவு தெளிவாக புரிகிறது.
மற்ற கட்சிகளை சாதிக் கட்சி என விமர்சனம் செய்து வாக்குகளை பெற்ற திமுகவே இப்படி சாதி அடையாளத்தை பயன்படுத்தி இரட்டை வேட அரசியல் செய்வது மக்கள் மத்தியில் கடும் விமர்சனத்திற்குள்ளாகியுள்ளது. இந்த நிலையில் சாதி அடிப்படையில் பள்ளி மாணவர்கள் கையில் கயிறு கட்டி வருவதை திமுக எதிர்த்தது அனைவருக்கும் நினைவிருக்கலாம்.
அரசியலுக்காக எந்த நிலைக்கும் இறங்கலாம் என்பது திமுகவின் இந்த இரட்டை வேடம் அம்பலமாவதின் மூலம் தெளிவாக தெரிகிறது.
