News4 TamilOnline Tamil News

பாமக நிறுவனர் ராமதாஸ் பாமகவில் அடுத்தடுத்த நிர்வாகிகளை நீக்கி அதிரடி நடவடிக்கையில் இறங்கியுள்ளார். அன்புமணி நீக்கம், பாமக பொதுக்குழு தொடர்பாக ராமதாஸ் பதில் கூறுவதாக தெரிவித்த நிலையில் பாமக நிர்வாகிகள் மற்றும் தொண்டர்கள் மத்தியில் மிகப்பெரிய எதிர்பார்ப்பு உள்ளது.

பாமக நிறுவனர் ராமதாஸ் மற்றும் செயல் தலைவர் அன்புமணிக்கும் இடையே கட்சியை யார் உரிமை கொண்டாடுவது என பல்வேறு போட்டி நிலவி வருகின்றது. ராமதாஸ் நீக்கம் செய்யும் நிர்வாகிகளை அன்புமணி உடனடியாக நியமனம் செய்து போட்டிக்கு போட்டி அரசியல் செய்து வருகின்றனர் இந்நிலையில் தைலபுரம் தோட்டத்தில் முக்கிய நிர்வாகிகளை ராமதாஸ் சந்தித்து ஆலோசனை நடத்தி வருகின்றார். மேலும் வன்னியர் சங்க மாநில தலைவர் அருள்மொழி, வன்னியர் சங்க மாநில மகளிர் அணி தலைவர் வழக்கறிஞர் சுஜாதா, வன்னியர் சங்க மாநில மகளிர் அணி செயலாளர் மற்றும் பாமக மாநிலத் துணைத் தலைவர், செங்கல்பட்டு மாவட்டத்தைச் சேர்ந்த 50-க்கும் மேற்பட்டோர் ராமதாஸை சந்தித்து பேசினார்கள்.

பாமகவில் 27 மாவட்ட செயலாளர், ஆறு மாவட்ட தலைவர்கள் மாற்றம் செய்யப்பட்டுள்ளனர். இந்நிலையில் பாமகவில் நிர்வாகிகள் நியமனம் மற்றும் மாற்றம் தொடர்ந்து நடைபெற்று வருகின்றது.

அன்புமணி கட்சியிலிருந்து நீக்கப்படுவாரா பாமக பொதுக்குழு எப்போது கூட்டப்படும் என இன்று பதிலளிப்பதாக ராமதாஸ் கூறியிருப்பது பரபரப்பை ஏற்படுத்தி உள்ளது. பாமக அதிமுக கூட்டணியில் இருந்து விலகிய நிலையில் மாநிலங்களவை எம்பி சீட்டு அன்புமணிக்கு கிடைக்கவில்லை. தற்போது 2026 ஆம் ஆண்டு வரும் தேர்தலில் பாமக எந்த கட்சியுடன் கூட்டணி அமைக்கும் என எதிர்பார்ப்பு அதிகரித்துள்ளது.

நடிகர் விஜய் அண்மையில் தமிழக வெற்றிக் கழகம் என்ற கட்சியை தொடங்கினார். இவர் அரசியலுக்கு வருவதற்கு முன்பாகவே பொது தேர்வுகளில் முதல் மூன்று இடத்தை பிடிக்கும் மாணவர்களுக்கு நலத்திட்ட உதவிகளை செய்து வருகின்றார்.

இந்நிலையில் கடந்த இரண்டு ஆண்டுகளாக பொதுத்தேர்வில் முதல் மூன்று மதிப்பெண் பெற்ற மாணவர்களுக்கு விருது வழங்கும் விழா மிக பிரம்மாண்டமாக நடத்தப்படுகின்றது. அதனால் சமூக வலைதளங்களில் வைரலாகி வருகின்றது. இந்நிலையில் இந்த ஆண்டு பொது தேர்வு முடிவடைந்த நிலையில் முதற்கட்டமாக தவெக சார்பாக மாணவர்களுக்கு விருது வழங்கும் நிகழ்ச்சி நடத்த முடிந்தது. இந்நிலையில் இரண்டாம் கட்டமாக இந்த விழாவானது மாமல்லபுரத்தில் நடத்த முடிவு செய்துள்ளனர்.

மாமல்லபுரத்தில் உள்ள தனியார் ஓட்டல் ஒன்றில் இந்த விழா இன்று நடைபெறுகின்றது. இதில் பொதுத்தேர்வில் தொகுதி வாரியாக முதல் மூன்று இடத்தை பிடித்த மாணவ மாணவியருக்கு பரிசுகளை வழங்கி விஜய் கௌரவிக்க இருக்கின்றார். மேலும் இரண்டாம் கட்ட கல்வி விருது வழங்கும் விழா நடந்து முடிந்த உடனே பூத் கமிட்டி பணிகளை தீவிர படுத்த வேண்டும் என நிர்வாகிகளுக்கு விஜய் உத்தரவிட்டுள்ளதாக தகவல் வெளியாகியுள்ளது.

உடனடியாக பூத் கமிட்டி நிர்வாகிகளை நியமனம் செய்து மாவட்ட ரீதியாக பூத் கமிட்டி லிஸ்ட்டை தயாரிக்க வேண்டும் என தவெக விஜய் உத்தரவிட்டிருப்பதாக தகவல் கசிந்துள்ளது. தவெக கூட்டணி குறித்து கடந்த இரண்டு நாட்களாக பல்வேறு செய்திகள் பரவி வரும் நிலையில் விஜய் தற்போது பூத் கமிட்டி அமைக்க உத்தரவிட்டிருப்பது 2026 தேர்தல் களத்திற்கு விஜய் ஆட்டத்தை ஆரம்பித்துள்ளார்.

ஜெயலலிதா மறைவிற்கு பிறகு அதிமுகவில் அணிகள் பிரச்சனை தலை தூக்கி உள்ளது. இபிஎஸ், ஓபிஎஸ் அணிகள் கடந்த 2017 ஆம் ஆண்டு இணைந்த நிலையில் ஓபிஎஸ் அதிமுகவின் ஒருங்கிணைப்பாளராகவும் இபிஎஸ் இணை ஒருங்கிணைப்பாளராகவும் தேர்வு செய்யப்பட்டனர்.

அப்போது அதிமுக இவர்கள்தான் என அதிகாரபூர்வமாக அறிவிக்கப்பட்ட நிலையில் இரட்டை இலை சின்னம் வழங்கப்பட்டது. அதனைத் தொடர்ந்து எடப்பாடி பழனிசாமி பொதுச் செயலாளராக பதவி ஏற்க முடிவு செய்த நிலையில் ஓபிஎஸ் அதற்கு எதிர்ப்பு தெரிவித்தார். அதனால் கடந்த 2022 ஆம் ஆண்டு அவர் கட்சியை விட்டு நீக்கப்பட்டார்.

இதனால் ஓபிஎஸ் தனது ஆதரவாளர்களுடன் இணைந்து அதிமுக தொண்டர்கள் உரிமை மீட்பு குழு என்ற தற்காலிக அமைப்பை நடத்தி வருகின்றார். மேலும் இரட்டை இலை சின்னம் அதிமுக பொதுச்செயலாளர் பதவி ஆகியவை தொடர்பாக ஓபிஎஸ் மற்றும் பெங்களூரு புகழேந்தி உள்ளிட்டோர் மனு தாக்கல் செய்தனர்.

இந்த மனு மீது தேர்தல் ஆணையம் அனைத்து தரப்பின் வாதங்களையும் கேட்டது. இந்நிலையில் தமிழகத்தில் ஆறு உறுப்பினர்களுக்கான மாநிலங்களவைத் தேர்தல் வரும் 19ஆம் தேதி நடைபெற உள்ள நிலையில் அதிமுக சார்பாக இன்பதுரை மற்றும் தனபால் ஆகிய இரு வேட்பாளர்கள் அறிவிக்கப்பட்டுள்ளனர்.

தேர்தல் தொடர்பாக தேர்தல் ஆணையத்தில் கடந்த வாரம் புகழேந்தி மனுதாக்கல் ஒன்றை செய்தார். அந்த மனுவில் மாநிலங்களவை தேர்தலுக்கான வேட்பு மனுவில் அதிமுக பொதுச்செயலாளர் என்ற முறையில் எடப்பாடி பழனிசாமி கையெழுத்திடும் படிவங்களை ஏற்றுக் கொள்ளக் கூடாது, மேலும் அவர் அறிவித்துள்ள வேட்பாளர்களை அதிமுக வேட்பாளராக அறிவிக்க கூடாது எனவும் வலியுறுத்தப்பட்டிருந்தது.

இந்த விவகாரத்தில் தேர்தல் ஆணையம் என்ன முடிவு எடுக்கப் போகும் என அனைவரும் எதிர்பார்ப்பில் இருந்தனர். இந்நிலையில் இரட்டை இலை சின்ன விவகாரத்தில் டெல்லி உயர் நீதிமன்றத்தில் பெங்களூரு புகழேந்தி அவமதிப்பு வழக்கு தொடர்ந்தார்.

அதில் இரட்டை இலை, அதிமுக விவகாரம் குறித்து புகார் மனு அளிக்கப்பட்ட நிலையில் தேர்தல் ஆணையம் அது குறித்து நடவடிக்கை எடுக்கவில்லை எனவும் உயர்நீதிமன்றம் உத்தரவிட்டன்படி தனது மனுக்கள் மீது 14 மாதங்களாக நடவடிக்கை எடுக்கப்படவில்லை அதனால் இந்திய தலைமை தேர்தல் ஆணையர் மற்றும் தேர்தல் ஆணையர்கள் மீது நடவடிக்கை எடுக்க வேண்டும் எனவும் குறிப்பிடப்பட்டிருந்தது. மேலும் அதிமுக மற்றும் இரட்டை இலை சின்னம் குறித்தான மனு மீது விசாரணை விரைவில் வரலாம் என எதிர்பார்க்கப்படுகின்றது.