News4 TamilOnline Tamil News

பெண்களின் பாதுகாப்பை கருத்தில் கொண்டு தமிழக அரசு பல்வேறு வகையான திட்டங்களை அறிமுகம் செய்து வருகின்றது. அதன் அடிப்படையில் திருமணம் ஆகாமல் 50 வயதை கடந்த ஏழை எளிய பெண்களுக்கு மாதம்தோறும் உதவித்தொகை வழங்க இருக்கின்றனர்.

இந்த திட்டத்தின் கீழ் 50 வயதை கடந்த திருமணமாகாத பெண்கள் மாதம்தோறும் 400 ரூபாய் உதவித்தொகை பெற முடியும். அந்த தொகை தற்போது ஆயிரம் ரூபாயாக உயர்த்தப்பட்டுள்ளது. இத்திட்டம் குறித்து பலரும் அறியாத நிலையில் குடும்பத்திலோ அல்லது அக்கம் பக்கத்திலோ திருமணமாகாமல் 50 வயதை கடந்த பெண்கள் இருந்தால் இந்த திட்டத்தை பற்றி உடனடியாக தெரிந்து கொள்ளும் வகையில் தற்போது செய்திகள் வெளியிடப்பட்டு வருகின்றது.

திருமணமாகாத பெண்கள் ஓய்வூதிய உதவி தொகை திட்டத்திற்கு விண்ணப்பிக்க விரும்பும் விண்ணப்பதாரர் ஒரு பெண்ணாக இருக்க வேண்டும். அந்த பெண்ணுக்கு திருமணமாகாமல் இருப்பது அவசியம். மேலும் அந்தப் பெண்ணின் வயது 50 அல்லது அதற்கு மேல் இருக்க வேண்டும்.

அந்த பெண் தமிழ்நாட்டில் நிரந்தரமாக வசிபவராக இருந்தால் இந்த திட்டத்திற்கு விண்ணப்பிக்கலாம். இந்தத் திட்டத்தின் மூலமாக உதவித்தொகை பெற சில நிபந்தனைகள் கொடுக்கப்பட்டுள்ளது. திருமணம் செய்யாமல் ஒன்றாக வாழ்ந்து கொண்டிருக்கும் பெண் இந்த திட்டத்திற்கு விண்ணப்பிக்க முடியாது.

விண்ணப்பதாரர் மகளிர் உரிமைத்தொகை திட்டம், ஆதரவற்றோர் ஓய்வூதிய திட்டம், முதியோர் உதவித் தொகை திட்டம் போன்ற தமிழக அரசின் மற்ற எந்த ஒரு ஓய்வூதிய திட்டத்திற்கும் விண்ணப்பித்திருக்கக் கூடாது. மேலும் அரசு ஊழியர் ஆகவோ, வருமான வரி செலுத்துபவராகவும் இருக்கக் கூடாது.

இத்திட்டத்திற்கு விண்ணப்பிக்க விரும்பும் பெண்கள் பாஸ்போர்ட் சைஸ் போட்டோ, ஆதார் அட்டை, வருமானச் சான்றிதழ், வாக்காளர் அடையாள அட்டை, ரேஷன் கார்டு, ஓட்டுனர் உரிமம் ,பாஸ்போர்ட், பான் கார்டு ,திருமணமாகாதவர் சான்றிதழ், ஜாதி சான்றிதழ் உள்ளிட்டவற்றை சமர்ப்பிக்க வேண்டும்..

நகராட்சி அல்லது பஞ்சாயத்து அலுவலகத்தில் நேரில் சென்று விண்ணப்பிக்கலாம். விண்ணப்பத்தை பெற்ற பிறகு அதிகாரிகள் விண்ணப்பத்தையும் ஆவணங்களையும் சரிபார்த்து விண்ணப்பம் ஏற்றுக் கொள்ளப்படும் பட்சத்தில் ஆன்லைனில் பதிவேற்றுவார்கள். விண்ணப்பித்து 30 முதல் 45 நாட்களுக்குப் பிறகு ஒப்புதல் அளிக்கப்படும்..

திமுக தேர்தல் வாக்குறுதியாக மகளிர்களின் வங்கி கணக்கில் மாதந்தோறும் ஆயிரம் ரூபாய் வழங்கப்படும் என அறிவிப்பை வெளியிட்ட நிலையில் அந்த தேர்தலில் திமுக வெற்றி பெற்றது. அதன் பிறகு மகளிர் உரிமைத் தொகை வழங்குவதில் தாமதம் ஏற்பட்டதால். பல்வேறு தரப்பிலிருந்து கோரிக்கைகள் எழுந்து வருகின்றது.

கடந்த 2023 ஆம் ஆண்டு செப்டம்பர் மாதம் 15ஆம் தேதி முதல் விண்ணப்பித்த மகளிர்களின் வங்கி கணக்கில் ஆயிரம் ரூபாய் வரவு வைக்கப்பட்டு வருகின்றது. தற்போது தமிழ்நாட்டில் சுமார் ஒரு கோடி 20 லட்சம் பெண்கள் மகளிர் உரிமை தொகத் திட்டத்தின் மூலம் பயனடைந்து வருகின்றனர்.

இந்நிலையில் 10 முதல் 15 லட்சம் பேர் சேர்க்க தமிழக அரசு திட்டமிட்டுள்ளது ஜூலை முதல் வாரத்தில் மகளிர் உரிமைத் தொகை விண்ணப்பிக்க மீண்டும் முகாம்கள் நடத்தப்படும், இதற்கான நிதி ஒதுக்கீடு பெற்ற உடன் விண்ணப்பங்கள் வெளியிடப்படும் என தகவல்கள் வெளியானது..

ஆனால் இந்த திட்டம் விரிவாக்கம் செய்யப்பட்டாலும் சிலருக்கு இந்த உரிமை தொகை வழங்கப்படாது என தற்போது தெரியவந்துள்ளது. அதன்படி வார்டு உறுப்பினர்களுக்கு உரிமை தொகை வழங்கப்படும். ஆனால் மற்ற அதிகார பதவிகளான கவுன்சிலர்கள், எம்எல்ஏக்கள், எம்பிகள், ஊராட்சி மன்ற தலைவர்கள், நகராட்சி மன்ற தலைவர்கள் மற்றும் மேயர்களின் மனைவிகளுக்கு இந்த தொகை வழங்கப்பட மாட்டாது.

மேலும் அரசு மற்றும் கார்ப்பரேஷன் பணிகளில் இருந்து ஓய்வு பெற்றவர்கள், 3000 ரூபாய் பென்ஷன் போன்ற குறைந்த பென்ஷன் பெற்றாலும் இந்த உரிமை தொகை வழங்கப்பட மாட்டாது.

குடும்ப தலைவி அல்லாத பெண்களுக்கும் இந்த மகளிர் உரிமைத் தொகை கிடைக்கும் வகையில் ஏற்பாடு செய்யப்பட்டுள்ளது.. பெறப்படும் விண்ணப்பங்கள் அனைத்தும் பரிசீலனை செய்யப்பட்டு தகுதியானவர்களுக்கு மகளிர் உரிமைத் தொகை விரைவில் வழங்கப்படும் என தமிழக அரசு தெரிவித்துள்ளது.

மகளிர் சுய உதவி குழுக்களின் மூலம் பெண்களுக்கு பல்வேறு உதவிகள் வழங்கப்பட்டு வருகின்றது. பெண்கள் எதிர்பாராத அளவிற்கு கடன் உதவிகளும் வழங்கப்படுகின்றது. பெண்களுக்கு பொருளாதார சுதந்திரம் மற்றும் வாழ்க்கை தரம் உயர்த்தப்படும் நிலையில் கடன்கள் பயிற்சிகள் மற்றும் ட்ரோன் தொழில்நுட்பம் போன்ற பல்வேறு சலுகைகளை வழங்கி ஊக்குவித்து வருகின்றனர்.

மகளிர் சுய உதவி குழுக்களின் மூலமாக சிறுசேமிப்பு மற்றும் கடன் வசதிகள் மூலம் பெண்கள் சொந்தமாக தொழில் தொடங்கவோ வருமானம் பெற உதவுகின்றன. கிராமப்புறங்களில் வறுமையில் இருக்கக்கூடிய பெண்களுக்கு சிறு கடன்கள் மூலம் வருமானம் ஈட்டும் வாய்ப்புகளை சுய உதவிக் குழுக்கள் உருவாகி தருகின்றது.

வறுமையை குறைக்க உதவும் நிலையில் பெண்களுக்கு பயிற்சிகள் மற்றும் திறன் மேம்பாட்டு திட்டங்கள் மூலம் தொழில் முனைவு மற்றும் வேலைவாய்ப்பு திறன்களை வளர்க்கவும் உதவுகின்றனர். மத்திய மற்றும் மாநில அரசுகளால் மகளிர் சுய உதவி குழுக்கள் அதற்கு பல்வேறு சலுகை மற்றும் திட்டங்கள் செயல்படுத்தப்பட்டு வருகின்றது.

இந்நிலையில் தமிழக அரசு சார்பாக திருவள்ளுவர் மாவட்டத்தில் சுமார் 1000க்கும் மேற்பட்ட சுய உதவிக் குழுக்களை சேர்ந்த 2,014 பெண்களுக்கு 131 கோடி ரூபாய் மதிப்பிலான வங்கி கடன் உதவிகள் கடந்து சில நாட்களுக்கு முன்பு வழங்கப்பட்டது.

இந்நிலையில் குறைந்தபட்சம் ஆறு மாதங்கள் செயல்பட்ட மகளிர் சுய உதவி குழுவினர் கடன்களை பெற்றுக் கொள்ளலாம் எனவும் தெரிவித்துள்ளனர். தமிழ்நாடு மாநில ஊரக வாழ்வாதார இயக்கம் மூலம் வங்கி கடன்களுக்கு வட்டி மானியம் வழங்கப்படுகின்றது.

கடன்களை பெற்று அதனை முறையாக செலுத்தும் சுய உதவி குழுக்கள் இதற்கு தகுதி பெற்றவர்கள் எனவும் தெரிவித்துள்ளனர். மேலும் மகளிர் சுய உதவி குழுவிற்கு மத்திய அரசு 1261 கோடி ரூபாய் மதிப்பில் 15 ஆயிரம் மகளிருக்கு ட்ரோன் வழங்குவதற்கு ஒப்புதல் வழங்கியுள்ளது. இதில் ட்ரோன் மற்றும் உபகரணங்களின் செலவில் 80 சதவீதம் அதிகபட்சம் 8 லட்சம் ரூபாய் வரை மானியம் வழங்கப்படும். மீதமுள்ள தொகையை தேசிய வேளாண் உள் கட்டமைப்பு நிதி வசதியின் கீழ் கடனாக பெற்றுக்கொள்ளலாம்.

இதன் மூலம் விவசாய நிலங்களில் பூச்சிக்கொல்லி மருந்து தெளிக்க அதிக அளவு ட்ரோன் பயன்படுத்தப்படுகின்றது. இதனால் மகளிர் வருமானத்தை பெற வாய்ப்புள்ளது. மேலும் ட்ரோன் பயன்படுத்துவதற்காக மகளிர் சுய உதவி குழுவிற்கு 15 நாட்கள் பைலட் பயிற்சி மற்றும் பத்து நாட்கள் வேளாண் தொடர்பான பயிற்சிகள் வழங்கப்படும்.

ஒவ்வொருவருக்கும் ஆதார் என்பது மிக முக்கிய ஒன்றாக உள்ளது. ஆதாரம் இருந்தால் நாம் எங்கு வேண்டுமானாலும் செல்லும் நிலை உருவாகியுள்ளது. ரயில் டிக்கெட் புக்கிங் மற்றும் வங்கி கணக்கு தொடங்குவதற்கு என எதற்கெடுத்தாலும் ஆதார் அட்டை என்பது மிக முக்கிய அடையாளமாக மாறி வருகின்றது.

ஆனால் சில சமயங்களில் ஆதார் அட்டையை கையில் எடுத்துச் செல்ல முடியாததால் ஒரு சில பிரச்சனைகள் ஏற்படுகின்றது. இதனை தீர்ப்பதற்காக இந்திய தனித்துவ அடையாள ஆணையம் புதிய திட்டத்தை கொண்டு வந்துள்ளது.

வருங்காலங்களில் UIDAI  ஒரு புதிய மொபைல் செயலியை அறிமுகப்படுத்த இருக்கின்றது. இந்த செயலி தங்கள் போனில் இருந்தால் எந்த நேரத்திலும் எந்த இடத்தில் வேண்டுமானாலும் ஆதார் மீது எளிதாக மின்னணு முறையில் சமர்ப்பிக்க முடியும்.

இனி ஆதாரை ஜெராக்ஸ் எடுத்துச் செல்லும் அவசியம் இருக்காது. இந்த செயலியில் ஆதார் தகவல் க்யூஆர் கோடு வடிவில் இருக்கும் இதை ஸ்கேன் செய்தால் தங்களுடைய ஆதார் சமர்ப்பிக்கப்படும்.

தனிப்பட்ட தகவல்களை பாதுகாப்பதற்கு ஆதார் சமர்ப்பிக்கும் பொழுது முழுமையான விவரங்கள் தெரியும்படி வேண்டுமோ அல்லது சில தகவல்கள் மறைக்கப்பட்ட வடிவில் என்பதை தேர்வு செய்து கொள்ளலாம்.

இந்த புதிய வசதி மூலம் ஆதார் தொடர்பான செயல்களுக்காக மக்கள் நீண்ட நேரம் காத்திருப்பதும் நேரத்தை வீணடிப்பதும் தவிர்க்கப்படும் என என்பது குறிப்பிடத்தக்கது