News4 TamilOnline Tamil News

தமிழக அரசு சார்பாக பெண்களுக்கு வேலைவாய்ப்பு மற்றும் உதவித்தொகை என பல்வேறு வகையான நலத்திட்ட உதவிகள் வழங்கப்பட்டு வரும் நிலையில், சுயவேலை வாய்ப்புக்கு கடன் உதவியும் வழங்கி வருகின்றனர்.

இந்நிலையில் தமிழக அரசு தற்போது அறிவிப்பு ஒன்றை வெளியிட்டுள்ளது. அந்த அறிவிப்பில் பெண்கள் திறன் மற்றும் அறிவு பெறுவதினால் அதிகாரம் அடைவதன் மூலம் பாலின சமத்துவத்தை உறுதி செய்ய முடியும். பெண்கள் சுதந்திரமாக செயல்பட வழிவகை செய்ய முடியும் என்பதால் அவர்களுடைய பொருளாதார தரத்தை மேம்படுத்துவதற்காகவும் அவர்களின் தேவைகளை பூர்த்தி செய்து கொள்வதற்காகவும் பல்வேறு திட்டங்கள் கொண்டுவரப்பட்டுள்ளது.

மேலும் தொழில் கூட்டுறவு சங்கங்களில் சமுதாயத்தில் பின்தங்கிய 18 வயதிற்கும் மேல் 40 வயதிற்கு உட்பட்ட பெண்களுக்கு மட்டுமே உறுப்பினர்களாக சேர முடியும். வறுமைக்கோட்டுக்கு கீழே உள்ள பெண்கள் இந்த சங்கங்களில் உறுப்பினர்கள் ஆக்கப்பட்டு அவர்களுக்கு வேலைவாய்ப்பு வழங்கப்பட்டு வருகின்றது. மேலும் தையல் தெரிந்திருந்தால் அவர்களுடைய ஆண்டு வருமானம் ஒரு லட்சத்து 20 ஆயிரம் ரூபாயாக இருந்தால் மட்டும் இத்திட்டத்திற்கு விண்ணப்பிக்கலாம்.

மேலும் இதில் கைம்பெண்கள், கணவனால் கைவிடப்பட்ட பெண்கள், பொருளாதாரத்தில் நலிந்த பிரிவை சேர்ந்த பெண்கள், மாற்றுத்திறனாளிகள் மற்றும் ஆண்கள் மற்றும் பெண்கள் சமூக ரீதியாக பாதிக்கப்பட்டிருந்தால் சமூக நலன் மற்றும் மகளிர் உரிமை துறையின் மூலம் இலவச தையல் இயந்திரம் வழங்கப்படுகின்றது. இதற்கு அருகே உள்ள இ சேவை மையத்தின் மூலம் விண்ணப்பித்துக் கொள்ளலாம்.

இந்தியாவில் உள்ள குடிமக்கள் ஒவ்வொருவருக்கும் ஆதார் என்பது மிக முக்கிய அடையாளமாக பார்க்கப்படுகின்றது. ஆதார் மட்டும் இருந்தால் போதுமானது இந்நிலையில் ஆதாரில் உள்ள விவரங்கள் 10 ஆண்டுகளுக்கு ஒரு முறையாவது அப்டேட் செய்ய வேண்டும் என இந்திய தனித்துவ அடையாள ஆணையம் தெரிவித்துள்ளது.

அந்த வகையில் ஆதார் கார்டில் உள்ள விவரங்களை இலவசமாக அப்டேட் செய்து கொள்ளவும் இந்திய தனித்துவ அடையாள ஆணையம் அனுமதி வழங்கியுள்ளது. ஜூன் 14ஆம் தேதி அதாவது இன்று ஆதார் விவரங்களை உடனடியாக அப்டேட் செய்து கொள்ள வேண்டும். நாளை அப்டேட் செய்யும் நபர்கள் அனைவரும் கட்டணம் செலுத்திய அப்டேட் செய்து கொள்ள முடியும். அதனால் இன்றைய தினத்தை பயன்படுத்திக் கொண்டு ஒவ்வொருவரும் ஆதார் கார்டை தனிநபரின் பெயர், வயது, பாலினம், முகவரி, கைரேகை மற்றும் புகைப்படம் உள்ளிட்ட முக்கிய தகவல்கள் அனைத்தையும் திருத்தம் செய்து கொள்ளலாம்.

ஆதார் கார்டில் ஒரு சில நபர்களுக்கு ஏதேனும் தவறுகள் இருந்தால் அதனை உடனடியாக திருத்தி கொள்வது அவசியம். அதனால் அரசு வழங்கக்கூடிய இலவச அப்டேட்டை பயன்படுத்திக் கொண்டு ஒவ்வொருவரும் தங்களது ஆதாரில் உள்ள திருத்தங்களை உடனடியாக அப்டேட் செய்து கொள்ள வேண்டும் எனவும் கேட்டுக் கொள்ளப்பட்டுள்ளது.

Tamilnadu Gov: தமிழக அரசு பல்வேறு மசோதாக்களை சட்டப்பேரவையில் நிறைவேற்றியது. ஆனால் இதற்கு முன் கொண்டு வந்த சட்ட மசோதாக்களுக்கு ஆளுநரிடமிருந்து ஒப்புதல் அளிக்கப்படாத நிலையில் நீதிமன்றம் நாடி அவை அனைத்திற்கும் ஒப்புதல் வாங்கினர். நீதிமன்ற வழக்கை அடுத்து தொடர்ந்து ஆளுநர் பல்வேறு மசோதாக்களுக்கு தற்போது வரை ஒப்புதல் அளிக்கும் வழக்கத்தை கொண்டு வந்துள்ளார்.

அந்த வகையில் துணை முதல்வர் உதயநிதி சட்டப்பேரவையில் கடன் ரீதியாக புதிய மசோதா ஒன்றை நிறைவேற்றினார். இனிவரும் நாட்களில் கடன் கொடுத்த நிறுவனம் சம்பந்தப்பட்ட நபர்களிடம் துன்புறுத்தி கடனை வசூல் செய்யக்கூடாது. மேற்கொண்டு வசூல் செய்யும் பட்சத்தில் மூன்றாண்டு சிறை தண்டனை மற்றும் 5 லட்சம் வரை அபராதம் விதிக்கப்படும் என வரையறுத்துள்ளனர்.

வரம்பு மீறுபவர்களுக்கு இது இரண்டும் கூட கிடைக்கக்கூடும் என்றும் தெரிவித்துள்ளனர். இதனால் கடன் வாங்கியவர்களுக்கு சற்று பொறுமையுடன் கடனை தர சூழல் உருவாகும். குறிப்பாக கடன் பிரச்சனையால் தற்கொலைகள் அதிகரித்து வரும் நிலையில் இந்த மசோதா நடைமுறைக்கு வரும் பட்சத்தில் குறையக்கூடும். இந்த கடன் வசூலிக்கும் மசோதாக்கு தான் தற்பொழுது ஆளுநர் ஆர். என் ரவி ஒப்புதல் அளித்து உத்தரவிட்டுள்ளார்.

கடன் தரும் நிறுவனங்கள் வசூலிக்கும் முறை மாற்றி கட்டபஞ்சாயத்து செய்பவர்கள் என பலரிடம் அந்த பொறுப்பை கொடுத்து விடுகின்றனர். இதனால் 1 தவணை கட்ட முடியவில்லை என்றாலும் கடன் வாங்கிவர்களை மிகவும் அவதூறாக பேசி விடுகின்றனர். இதனால் தற்கொலைகள் அதிகரிக்க தொடங்கவே அதனை தடுக்கும் வகையில் தமிழக அரசு இந்த மசோதாவை கொண்டு வந்துள்ளது.

நகை என்பது ஒரு சொத்தாக பார்க்கப்படும் நிலையில் பணத்தேவையின் பொழுது நகையை வங்கிகளில் அடமானம் வைத்து பண தேவை பூர்த்தி செய்யப்பட்டு வருகின்றது. நகையை அடகு வைக்கும் பொழுது அதனை சரியான காலகட்டத்தில் திருப்ப வேண்டும்.

ஆனால் மீண்டும் மீண்டும் மறு அடகு வைத்தால் வட்டியாக மட்டுமே ஒவ்வொரு ஆண்டும் பல்லாயிரங்களை கட்ட வேண்டிய சூழல் உள்ளது. சிலர் நகையை திருப்ப செல்லும் பொழுது நகையை வங்கிகள் ஏலமே விட்டிருக்கும். நகை அடகு வைக்கும் பொழுது வங்கி கொடுக்கும் ரசீதியை பத்திரமாக வைத்துக் கொள்ள வேண்டியது அவசியம். அந்த ரசீது இருந்தால் மட்டுமே நகையை திரும்ப பெற முடியும். நகை வைக்கும் பொழுது கொடுக்கப்படும் ரசீது தொலைந்து விட்டால் நகையை திரும்ப பெறுவதில் சிக்கல் ஏற்படும்.

ஆனால் அதனை காரணம் காட்டி வங்கி நிர்வாகம் தங்களது நகையை ஏலம் விடும் பட்சத்தில் நுகர்வோர் நீதிமன்றத்தின் மூலம் வழக்கு தொடர்ந்து தற்போதைய சந்தை நிலவரப்படி நகையின் மதிப்பீட்டிற்கு ஏற்ற பணத்தை பெற்றுக் கொள்ளலாம் எனவும் தெரிவிக்கப்பட்டுள்ளது.

வங்கிகளில் நகை அடமானம் வைக்க தற்போது புதுப்புது நடைமுறை அமலுக்கு வந்துள்ளது. முன்பே 100 சதவீதம் நகைக்கு 75 சதவீதம் மட்டுமே கடனாக வழங்கப்பட்டுள்ள நிலையில் தற்போது 85 சதவீதம் கடன் வழங்கப்படும் எனவும் தெரிவிக்கப்பட்டுள்ளது.