தமிழ்நாட்டில் நோய்த்தொற்று பரவல் தடுப்பு நடவடிக்கையின் காரணமாக பிறப்பிக்கப்பட்ட தளர்வுகள் எதுவும் இல்லாத ஊரடங்கு சென்ற மாதம் பத்தாம் தேதி முதல் 7ஆம் தேதி வரை காலை 6 மணி வரை அமலில் இருந்து வருகிறது. இந்த சூழ்நிலையில், தளர்வுகளுடன் மேலும் ஒரு வார காலத்திற்கு அதாவது 14 ஆம் தேதி காலை 6 மணி கரையில் ஊரடங்கு நீட்டித்து முதலமைச்சர் ஸ்டாலின் உத்தரவிட்டு இருந்தார். கடந்த 7ஆம் தேதி முதல் தளர்வுகளுடன் கூடிய ஊரடங்கு அமலில் இருந்து வருகிறது.
அதன்படி திருப்பூர், கோவை உள்ளிட்ட 11 மாவட்டங்களை சேர்ந்த மற்ற மாவட்டங்களிலும் தளர்வுகள் அறிவிக்கப்பட்டிருக்கிறது. வீடுகள் அடுக்குமாடிக் குடியிருப்புகளில் வீடு பராமரிப்பு போன்ற சேவைகள் இ பதிவுடன் அனுமதி வழங்கப்பட்டிருக்கிறது.அதோடு பிளம்பர், தச்சர், கணினி பழுது நீக்குவோர், எலக்ட்ரீசியன் போன்றோர் காலை 6 மணி முதல் மாலை 5 மணி வரையில் இ பதிவுடன் செயல்பட அனுமதி வழங்கப்பட்டிருக்கிறது.
சைக்கிள் உள்ளிட்ட இரு சக்கர வாகனங்களை பழுது நீக்க கடைகள் காலை 6 மணி முதல் மாலை 5 மணி வரையில் செயல்படுவதற்கு அனுமதி வழங்கப்பட்டிருக்கிறது. அதேபோல கடைகள் காலை 6 மணி முதல் மாலை 5 மணிவரையில் செயற்படுவதற்கு அனுமதி வழங்கப்பட்டிருக்கிறது. வாகனங்களின் உதிரிப்பாக விற்பனை கடைகள் காலை 6 மணி முதல் மாலை 5 மணி வரை செயல்படுவதற்கு அனுமதி வழங்கப்பட்டு இருக்கிறது.
இந்த சூழ்நிலையில், தமிழகத்தில் ஜூன் மாதம் 15ஆம் தேதி இதன் முழுமையான ஊரடங்கு முடிவடைய இருக்கிறது. இந்த நிலையில் இந்த ஊரடங்கை நீட்டிப்பது, தளர்வுகள் கொடுப்பது போன்ற நடவடிக்கைகளுக்காக அரசு உயர் அதிகாரிகளுடன் முதலமைச்சர் ஸ்டாலின் இந்த ஆலோசனை மேற்கொள்ள இருக்கிறார். இது தொடர்பான அறிவிப்பு நாளை வெளிவரலாம் என்று தெரிவிக்கப்படுகிறது.
ஸ்டாலின் நாளை வெளியிட இருக்கும் முக்கிய அறிவிப்பு! பரபரப்பில் தமிழகம்!
பிரபல தயாரிப்பாளர் R.B சௌத்ரி மீது நடிகர் விஷால் பரபரப்பு புகார்!
பிரபல தயாரிப்பாளர் ஆர்பி சவுத்ரியின் மீது நடிகர் விஷால் தி நகர் காவல் நிலையத்தில் புகார் அளித்துள்ளது, சினிமா வட்டாரங்களுக்கு இடையே பரபரப்பை ஏற்படுத்தியுள்ளது.
தமிழ் சினிமாவில் பெரிய மற்றும் மூத்த தயாரிப்பாளர் என்றால் R.B சவுத்ரி அவர்களை சொல்லலாம். இவர் தயாரித்த எத்தனையோ எண்ணற்ற படங்கள் பிளாக்பஸ்டர் ஹிட் ஆகியுள்ளது.
இந்நிலையில் ஆர்பி சவுத்ரி மீது விஷால் திநகரில் உள்ள காவல் நிலையத்தில் தீ நகர் துணை கமிஷனர் ஹரிஹரன் பிரசாந்த் இடம் புகார் மனு அளித்துள்ளார்.
நடிகர் விஷால் அந்த புகார் மனுவில் கூறியதாவது, ” நான் சமீபத்தில் தயாரித்த ஒரு படத்திற்காக பணத் தேவை இருந்தது, அதை பிரபல தயாரிப்பாளர் மற்றும் விநியோகஸ்தரான ஆர்பி சவுத்ரி இடம் கேட்டு வாங்கினேன். அந்தப் பணத்தை கடந்த பிப்ரவரி 21ஆம் தேதி திருப்பிக் கொடுத்துவிட்டேன். நான் வாங்கிய கடனுக்காக நான் கையெழுத்திட சில ஆவணங்களை கொடுத்தேன். அந்த ஆவணங்களை திருப்பி கேட்ட பொழுது அவர் தர மறுக்கிறார். இதுகுறித்து நான் கேட்ட பொழுது உறுதிமொழி பத்திரம் தொலைந்துவிட்டது என்று கூறுகின்றனர். அந்த ஆவணங்களை மற்றவர்கள் தவறாக பயன்படுத்தக் கூடும் என்பதால் அவற்றைத் திரும்பப் பெற்றுத் தருமாறு கேட்டுக்கொள்கிறேன்”. என நடிகர் விஷால் அந்த மனுவில் குறிப்பிட்டுள்ளார்.
நடிகர் விஷால் கொடுத்த புகாரின் பெயரில் போலீசார் விசாரணை தொடர்ந்து நடத்தி வருகின்றனர். எவ்வளவு பணம் வாங்கப்பட்டது, திருப்பி கொடுக்கப்பட்டது, என்னென்ன ஆவணங்கள் சமர்பிக்கபட்டது போன்ற எந்த விபரங்களும் புகாரில் இல்லை.
அதிமுக தலைவிக்கு எதிராக ஒட்டப்பட்ட போஸ்டர்! அதிர்ச்சியில் எதிர்க்கட்சித் தலைவர்!
தமிழக சட்டசபை தேர்தலில் அதிமுக 67 இடங்களில் மட்டுமே வெற்றி அடைந்தது .அந்த கட்சி இடங்களில் தோல்வி அடைந்து விட்டது. அந்த கட்சி தென் மாவட்டங்களில் ஏற்பட்ட தோல்வியும், டெல்டா மாவட்டங்களில் ஏற்பட்ட தோல்வியும், முக்கிய காரணமாக அமைந்துவிட்டது.
இந்த நிலையில் எதிர்க்கட்சித் தலைவர் எடப்பாடி பழனிச்சாமி மற்றும் ஓ பன்னீர்செல்வம் உள்ளிட்டோர் ஆதரவாளர்களிடையே மோதல் ஏற்பட்டதாக தெரிவிக்கிறார்கள். அந்த சமயத்தில் மிக அதிக சட்டசபை உறுப்பினர்கள் ஆதரவு இருந்ததால் எடப்பாடி பழனிச்சாமி எதிர்க்கட்சித் தலைவராகத் தெரிவு செய்யப்பட்டார். இருந்தாலும் பன்னீர்செல்வம், எடப்பாடி பழனிச்சாமி உள்ளிட்டோர் பேசிக் கொள்ளவில்லை என்று சொல்லப்படுகிறது. அதன் பின்னர் சசிகலா உரையாடியது ஆடியோ வெளியான பின்னர் ஓ பன்னீர்செல்வம் எடப்பாடி பழனிச்சாமி உள்ளிட்டோர் ஒன்றினைந்து நேரில் சந்தித்துப் பேசியிருக்கிறார்கள்.
இந்த சூழ்நிலையில், நெல்லை வண்ணாரப்பேட்டை சந்திப்பு பகுதியில் அதிமுக தலைமைக்கு எதிராக மாணவர் ஒன்றிய அதிமுக தொண்டர்கள் போஸ்டர் ஒட்டியிருக்கிறார்கள். இந்த சுவரொட்டியில் அதிமுகவில் கட்சி செயல்பாடுகளில் ஜெயலலிதா அவர்களால் அடையாளம் காட்டப்பட்ட தலைமை ஒருங்கிணைப்பாளர் திரு பன்னீர்செல்வம் அவர்களிடம் கலந்தாலோசிக்காமல் எந்த விதமான முடிவுகளையும் எடுக்காமல் இருந்ததால்தான் அதிமுக தோல்வியை சந்தித்திருக்கிறது. இனியும் இவ்வாறு ஒரு முடிவு எடுக்கப்பட்டால் அதிமுக தலைமைக்கழகம் முற்றுகை இடப்படும் என்று சுவரொட்டிகள் ஒட்டி இருப்பது அதிமுகவினரிடையே பரபரப்பை உண்டாக்கியிருக்கிறது.
தமிழக சட்டப்பேரவை கூடும் தேதி அறிவிப்பு! பேரவைத் தலைவர் தகவல்!
தமிழக சட்டப்பேரவை கூட்டத்தொடர் வரும் 21 ஆம் தேதி ஆளுநர் உரையுடன் தொடங்கும் என பேரவைத் தலைவர் அப்பாவு அறிவித்துள்ளார்.
தமிழக சட்டப்பேரவை கூட்டத்தொடர் கடந்த மே 11-ஆம் தேதி தொடங்கி 2 நாட்கள் நடைபெற்றது. அப்போது அவைத்தலைவர் தேர்வு நடைபெற்றது. இதில் அப்பாவு போட்டியின்றி அவைத்தலைவராக தேர்ந்தெடுக்கப்பட்டதால் அன்றைய தினமே அவர் பதவி ஏற்றார். கொரோனா பரவல் காரணமாக அவை தேதி குறிப்பிடாமல் ஒத்திவைக்கப்பட்டது.
கொரோனா பரவலை தடுக்க தளர்வுகளுடன் கூடிய ஊரடங்கு வருகிற 14-ந்தேதி வரை நடைமுறைப்படுத்தப்பட்டுள்ளது. இந்நிலையில், ஆளுநர் பன்வாரிலால் புரோகித்தை முதலமைச்சர் ஸ்டாலின், பேரவைத் தலைவர் அப்பாவு ஆகியோர் நேற்று மாலை சந்தித்துப் பேசினார்.
அப்போது, அரசின் கொரோனா தடுப்பு நடவடிக்கைகள் குறித்தும், 16 ஆவது சட்டப்பேரவையை கூட்டுவது தொடர்பாகவும் ஆளுநருடன் ஸ்டாலின் ஆலோசனை நடத்தியதாக தெரிகிறது. இதனைத் தொடர்ந்து செய்தியாளர்களிடம் பேசிய பேரவைத் தலைவர் அப்பாவு, வரும் 21 ஆம் தேதி தமிழக சட்டப்பேரவை கூட்டத்தொடர் ஆளுநர் உரையுடன் தொடங்கும் என்றார்.
கொரோனா பாதிப்பு இன்னும் குறையாமல் இருப்பதால், இந்தக் கூட்டத் தொடர் முழுவதும் கலைவாணர் அரங்கத்திலேயே நடைபெறும் என்றும் அவர் தெரிவித்தார். கூட்டத்தொடரை எத்தனை நாட்கள் நடத்துவது என்பது குறித்து அலுவல் ஆய்வுக் குழு கூடி முடிவு செய்யும் என்றும் அவர் கூறினார்.
முந்தைய அதிமுக அரசு இடைக்கால நிநிநிலை அறிக்கை தாக்கல் செய்திருந்த நிலையில், புதிதாக ஆட்சி அமைத்துள்ள திமுக அரசு முழு நிதிநிலை அறிக்கையை ஆகஸ்ட் மாதத்துக்குள் தாக்கல் செய்ய வேண்டும் என்பது குறிப்பிடத்தக்கது.
கூடுதல் விலைக்கு உரம் விற்றால் உரிமம் ரத்து! வேளாண்துறை எச்சரிக்கை!
கூடுதல் விலைக்கு உரம் விற்பனை செய்தால், கடைகளின் உரிமம் ரத்து செய்யப்படும் என வேளாண்துறை இயக்குநர் எச்சரித்துள்ளார்.
காவிரி டெல்டா மாவட்டங்களில் குறுவை சாகுபடி பணிகளில் விவசாயிகள் தீவிரமாக ஈடுபட்டு வருகின்றனர். இந்நிலையில், வெளி சந்தை கடைகளில் கூடுதல் விலைக்கு உரம் விற்பனை செய்யப்படுவதாக புகார்கள் எழுந்தன. விவசாயிகள் சங்கத்தினரும் கூடுதல் விலைக்கு விற்கப்படுவதைத் தடுக்க வேண்டும் என வலியுறுத்தினர்.
இந்நிலையில், மயிலாடுதுறை அருகே வில்லியநல்லூரில் வேளாண்துறை இயக்குநர் தெட்சிணா மூர்த்தி, மாவட்ட ஆட்சியருடன் சென்று குறுவை சாகுபடி பணிகளை ஆய்வு செய்தார். பின்னர் பேசிய அவர், ஜூன்12 ஆம் தேதி மேட்டூர் அணை திறக்கப்படுவதால், காவிரிப் பாசன மாவட்டங்களில் குறுவை சாகுபடி பணிகள் முழுவீச்சியில் தொடங்கியிருப்பதாகக் கூறினார்.
விதைகள், உரங்கள் போதுமான அளவு கையிருப்பு வைக்கப்பட்டுள்ளதாக கூறிய அவர், உரங்களை கூடுதல் விலைக்கு விற்பனை செய்தால், அந்தக் கடையின் உரிமம் ரத்து செய்யப்படும் என்று எச்சரித்தார்.
11ம் வகுப்பு சேர்க்கை, மாணவர்களை மீண்டும் மீண்டும் குழப்புவதா? டாக்டர் ராமதாஸ் காட்டம்!
9ம் வகுப்பு மதிப்பெண் மூலம் 11ம் வகுப்பு சேர்க்கை நடைபெறும் எனக்கூறி மாணவர்களை மீண்டும் மீண்டும் குழப்பக்கூடாது என பாமக நிறுவனர் டாக்டர் ராமதாஸ் தெரிவித்துள்ளார்.
தமிழகத்தில் பதினொன்றாம் வகுப்பு மாணவர் சேர்க்கைக்கு நுழைவுத் தேர்வு நடத்தலாம் என பள்ளிக் கல்வித்துறை அறிவித்தது. இதற்கு பாமக நிறுவனர் மருத்துவர் ராமதாஸ் உள்ளிட்டோர் கடும் எதிர்ப்பு தெரிவித்தனர். இதைத் தொடர்ந்து நுழைவுத்தேர்வு அறிவிப்பை ரத்து செய்த பள்ளிக் கல்வித்துறை, 9ம் வகுப்பு மதிப்பெண் அடிப்படையில் மாணவர் சேர்க்கை நடைபெறும் என மாற்றி அறிவித்தது.
இந்நிலையில், நுழைவுத்தேர்வு ரத்து செய்யப்பட்டிருப்பது சரியான நடவடிக்கை என டாக்டர் ராமதாஸ் டிவிட்டரில் பதிவிட்டுள்ளார். பாமக சுட்டிக்காட்டிய தவறை தமிழக அரசு சரி செய்திருப்பதாக கூறியுள்ள அவர், மாணவர் நலன் தொடர்புடையவற்றில் அவசரப்படாமல் நிதானமாக முடிவெடுக்க வேண்டும் எனக் கேட்டுக் கொண்டுள்ளார்.
தமிழ்நாட்டில் 11-ஆம் வகுப்பு மாணவர் சேர்க்கைக்கான நுழைவுத்தேர்வு ரத்து செய்யப்பட்டிருப்பது சரியான நடவடிக்கை. பா.ம.க. சுட்டிக்காட்டிய தவறை தமிழக அரசு சரி செய்திருக்கிறது. மாணவர் நலன் சம்பந்தப்பட்ட விஷயங்களில் அவசரப்படாமல் நிதானமாக முடிவெடுக்க வேண்டும்!(1/5)#studentlifematters
— Dr S RAMADOSS (@drramadoss) June 9, 2021
9-ஆம் வகுப்பு மதிப்பெண்களின் அடிப்படையில் மாணவர் சேர்க்கை நடத்தப்படும் என்று அறிவிக்கப்பட்டுள்ளது. கடந்த ஆண்டு ஒன்பதாம் வகுப்புக்கு ஆண்டு இறுதித் தேர்வு நடத்தப்படாத நிலையில் இதுவும் குழப்பத்தை ஏற்படுத்தும்.
9-ஆம் வகுப்பு மதிப்பெண்களின் அடிப்படையில் 11-ஆம் வகுப்பு மாணவர் சேர்க்கை நடத்தப்படும் என்று அறிவிக்கப்பட்டுள்ளது. கடந்த ஆண்டு ஒன்பதாம் வகுப்புக்கு ஆண்டு இறுதித் தேர்வு நடத்தப்படாத நிலையில் இதுவும் குழப்பத்தை ஏற்படுத்தும்!(2/5)
— Dr S RAMADOSS (@drramadoss) June 9, 2021
2019-20ஆம் கல்வியாண்டில் 9-ஆம் வகுப்பில் நடத்தப்பட்ட எந்தெந்த தேர்வுகளின் மதிப்பெண்கள் மாணவர் சேர்க்கைக்கு கணக்கில் கொள்ளப்படும் என்பது குறித்து தெளிவான அறிவிப்பை பள்ளிக்கல்வி ஆணையரகம் வெளியிட வேண்டும்.
2019-2020 கல்வியாண்டில் 9-ஆம் வகுப்பில் நடத்தப்பட்ட எந்தெந்த தேர்வுகளின் மதிப்பெண்கள் மாணவர் சேர்க்கைக்கு கணக்கில் கொள்ளப்படும் என்பது குறித்து தெளிவான அறிவிப்பை பள்ளிக்கல்வி ஆணையரகம் வெளியிட வேண்டும்!(3/5)#NeedMoreClarity
— Dr S RAMADOSS (@drramadoss) June 9, 2021
உயர்நிலைப்பள்ளிகளில் படித்து மேல்நிலைப்பள்ளிகளில் 11-ஆம் வகுப்புக்கு விண்ணப்பிக்கும் மாணவர்களிடம் அதிகாரப்பூர்வ மதிப்பெண் பட்டியல் இருக்காது. அவர்களுக்கு அதிகாரப்பூர்வ மதிப்பெண் பட்டியல் வழங்க அரசு ஆணையிட வேண்டும்.
இவை அனைத்தையும் முடித்து ஜூன் மூன்றாவது வாரத்திற்குள் வகுப்புகளை தொடங்குவது சாத்தியமில்லை என்பதால், 11-ஆம் வகுப்பு மாணவர் சேர்க்கைக்கான கால அவகாசத்தை சில வாரங்களுக்கு தமிழக அரசு நீட்டிக்க வேண்டும் என்று டாக்டர் ராமதாஸ் கேட்டுக் கொண்டுள்ளார்.
இவை அனைத்தையும் முடித்து ஜூன் மூன்றாவது வாரத்திற்குள் வகுப்புகளை தொடங்குவது சாத்தியமில்லை என்பதால் 11-ஆம் வகுப்பு மாணவர் சேர்க்கைக்கான கால அவகாசத்தை சில வாரங்களுக்கு தமிழக அரசு நீட்டிக்க வேண்டும் என்று கேட்டுக் கொள்கிறேன்.(5/5)#TNGovt
— Dr S RAMADOSS (@drramadoss) June 9, 2021
இதே போன்று, மாணவர்களின் எதிர்காலத்தை கருத்தில் கொண்டு தமிழக அரசு சான்றிதழ்களை வழங்க முன்வர வேண்டும் என பெற்றோர்களும் வேண்டுகோள் விடுத்துள்ளனர்.
வனப்பகுதியில் ஒரு அங்குலம் கூட ஆக்கிரமிக்க விடக்கூடாது! உயர்நீதிமன்றம் அதிரடி!
வனப்பகுதி நிலத்தை ஒரு அங்குலம் கூட ஆக்கிரமிக்க விடக்கூடாது என தமிழக அரசுக்கு உயர்நீதிமன்றம் அறிவுறுத்தியுள்ளது.
நீலகிரி மாவட்டம், கூடலூரைச் சேர்ந்த பிரபாகரன் என்பவர் சென்னை உயர்நீதி மன்றத்தில் மனு ஒன்றை தாக்கல் செய்திருந்தார். அதில், நீலகிரி மாவட்டம் நடுவட்டம் கிராமத்தில் அனுமதியின்றி கட்டப்படும் சொகுசு விடுதிக்கு எதிராக நடவடிக்கை எடுக்க வேண்டும் என கோரிக்கை விடுத்திருந்தார்.
இது தொடர்பாக மாவட்ட வனத்துறை அதிகாரி, கூடுதல் முதன்மை வனப்பாது காவலரின் கவனத்துக்கு கொண்டு சென்றும் எந்த நடவடிக்கையும் எடுக்கபட வில்லை என அவர் கூறியிருந்தார். எனவே, வனப்பகுதியில் கட்டுமான பொருட் கள் வைக்க தடை விதிக்க வேண்டும் எனவும், வனப்பகுதியில் அமைக்கப் பட்டுள்ள மின் இணைப்பை துண்டிக்க வேண்டும் என்றும் கோரியிருந்தார்.
பாதுகாக்கப்பட்ட வனப்பகுதியில் ஆக்கிரமிப்புகள் அதிகரித்ததால், மரங்கள் வெட்டப்பட்டு, இயற்கை எழில் பாதிக்கப்பட்டுள்ளதாகவும், பறவைகள் மாயமாகி வருவதாகவும், நீரோடைகள் தடுக்கப்படுவதால் நிலச்சரிவுகள் ஏற்படுவதாகவும் மனுவில் சுட்டிக் காட்டியுள்ளார்.
இந்த வழக்கு தலைமை நீதிபதி சந்தீப் பானர்ஜி மற்றும் நீதிபதி செந்தில்குமார் ராமமூர்த்தி அடங்கிய அமர்வில் விசாரணைக்கு வந்தது. அப்போது வழக்கை விசாரித்த நீதிபதிகள், நீலகிரி மாவட்ட ஆட்சியர், மாவட்ட வனத்துறை அதிகாரி ஆகியோர் உடனடியாக நடுவட்டம் கிராமத்தில் ஆய்வு செய்து, ஆக்கிரமிக்கப்பட்ட வனப்பகுதி நிலத்தை மீட்க வேண்டும் எனவும், இது தொடர்பாக வனத்துறை அதிகாரிகள் அறிக்கை தாக்கல் செய்ய வேண்டும் எனவும் உத்தரவிட்டனர்.
மேலும் தமிழகத்தில் ஒரு அங்குல வனப்பகுதி நிலத்தை கூட ஆக்கிர மிக்க அனுமதிக்க கூடாது என தமிழக அரசுக்கு உத்தரவிட்ட நீதிபதிகள், வனப்பகுதியில் இருந்து தனியார் சொகுசு விடுதிகளுக்கு தண்ணீர் எடுப்பதை தடுத்து நிறுத்த வேண்டும் என்று கூறி, வழக்கு விசாரணையை மூன்று வாரங்களுக்கு தள்ளிவைத்தனர்.
மத்திய அரசை குற்றம்சாட்ட விரும்பவில்லை! அமைச்சர் மா.சுப்பிரமணியன் பேட்டி!
பேரிடர் காலத்தில் குற்றச்சாட்டுகளைக் கூறி மத்திய அரசுடனான உறவில் விரிசலை ஏற்படுத்திக் கொள்ள விரும்பவில்லை என சுகாதாரத்துறை அமைச்சர் மா.சுப்பிரமணியன் தெரிவித்துள்ளார்.
சென்னை வேளச்சேரியில் உள்ள தனியார் கல்லூரி ஒன்றில், சுகாதாரப் பணியாளர்களுக்கு உணவு தயாரித்து வழங்கும் இடத்தை அமைச்சர்கள் மா.சுப்பிரமணியன், பழனிவேல் தியாகராஜன் ஆகியோர் பார்வையிட்டனர். பின்னர் செய்தியாளர்களிடம் பேசிய சுகாதாரத்துறை அமைச்சர் மா.சுப்பிரமணியன், பொதுமுடக்க நடவடிக்கையால் தமிழகத்தில் கொரோனா தொற்றின் அளவு சரி பாதியாக குறைந்துள்ளது என்றார்.
கறுப்புப் பூஞ்சை நோயால் 1,502 பேர் பாதிக்கப்பட்டுள்ளதாக கூறிய அவர், இந்நோய்க்கான தடுப்பு மருந்தை 3,060 என்ற எண்ணிக்கையிலேயே நடுவணரசு வழங்கியுள்ளதாக தெரிவித்தார். எனினும் பேரிடர் காலத்தில் குற்றச்சாட்டுகளைக் கூறி, தமிழக அரசுக்கும் மத்திய அரசுக்கும் இடையேயான உறவில் விரிசலை ஏற்படுத்திக் கொள்ள விரும்பவில்லை என்றும் அவர் கூறினார்.
சென்னை ராஜீவ்காந்தி பொது மருத்துவமனையில் பெண் உயிரிழந்தது குறித்து அனைத்துக் கோணங்களிலும் விசாரணை நடைபெற்று வருவதாகவும் அமைச்சர் மா.சுப்பிரமணியன் தெரிவித்தார்.
கொடைக்கானலுக்கு இ-பாஸ் இல்லாமல் வந்தால் கடும் நடவடிக்கை! காவல்துறை எச்சரிக்கை!
கொடைக்கானலுக்கு இ-பாஸ் இல்லாமல் வந்தால் கடும் நடவடிக்கை எடுக்கப்படும் என காவல் கண்காணிப்பாளர் ரவளி பிரியா எச்சரித்துள்ளார்.
தமிழகத்தில் கொரோனா வைரஸ் இரண்டாம் அலையைக் கட்டுப்படுத்த ஊரடங்கு நீட்டிக்கப்பட்டுள்ளது. அதே நேரத்தில் தளர்வுகளும் அறிவிக்கப்பட்டுள்ளன. தொற்று அதிகம் பாதிக்கப்பட்டுள்ள 11 மாவட்டங்களைத் தவிர மற்ற மாவட்டங்களில் டாக்சி, ஆட்டோ உள்ளிட்டவை இ-பதிவு எனப்படும் இணையவழிப் பதிவு செய்து பயணம் மேற்கொள்ள அனுமதி அளிக்கப்பட்டுள்ளது.
அதே நேரத்தில், நீலகிரி, கொடைக்கானல் உள்ளிட்ட பகுதிகளுக்கு செல்ல இ-பாஸ் எனப்படும் இணையவழி அனுமதிச்சீட்டு கட்டாயம் மாவட்ட ஆட்சியர்களிடம் பெற வேண்டும் என தமிழக அரசு அறிவித்துள்ளது. இதனால், கொடைக்கானல், உதகை செல்வோர் இ-பாஸ் பெற்று சென்று வருகின்றனர்.
இந்நிலையில், கொடைக்கானல் அருகே பள்ளங்கி பெருங்காட்டில் பழங்குடியினருக்கு உணவுப்பொருட்கள் வழங்கும் நிகழ்ச்சியில் காவல் கண்காணிப்பாளர் ரவளி பிரியா பங்கேற்று பொருட்களை வழங்கினார். அவர்களுக்கு கபசுரக்குடிநீரும் வழங்கப்பட்டது.
பின்னர் பேசிய காவல் கண் காணிப்பாளர், கொடைக்கானல் பகுதியில் இரண்டு போலி மருத்துவர்கள் கைது செய்யப்பட்டுள்ளதாக தெரிவித்தார். இணைய வழி அனுமதி சீட்டு இல்லாமல் கொடைக்கானல் வருபவர்கள் மீது நடவடிக்கை எடுக்கப்படும் என்றும் அவர் எச்சரித்தார்.
இந்த ராசிக்கு எதிலும் கவனமுடன் செயல்படுவது நல்லது! இன்றைய ராசி பலன் 10-06-2021 Today Rasi Palan 10-06-2021
இன்றைய ராசி பலன்- 10-06-2021,
நாள் : 10-06-2021,
தமிழ் மாதம்:
வைகாசி 27, வியாழக்கிழமை
சுப ஹோரைகள்
காலை 09.00-11.00, மதியம் 01.00-01.30, மாலை 04.00-06.00, இரவு 08.00-09.00.
இராகு காலம்:
மதியம் 01.30-03.00
எம கண்டம்:
காலை 06.00-07.30,
குளிகன்:
காலை 09.00-10.30,
திதி:
அமாவாசை திதி மாலை 04.22 வரை பின்பு வளர்பிறை பிரதமை.
நட்சத்திரம்:
ரோகிணி நட்சத்திரம் பகல் 11.44 வரை பின்பு மிருகசீரிஷம்.
நாள் முழுவதும் மரணயோகம். நேத்திரம் – 0. ஜீவன் – 0. சர்வ அமாவாசை. புதிய முயற்சிகளை தவிர்க்கவும்.
மேஷம்
மேஷ ராசிக்காரர்களே உங்களுக்கு பணவரவு சுமாராக இருக்கும். உடல்நிலையில் சற்று மந்த நிலை காணப்படும். உறவினர்களின் உதவியால் குடும்பத்தில் இருந்த பிரச்சினைகள் ஓரளவுக்கு குறையும். தொழில் வளர்ச்சிக்கான முயற்சிகளில் கூட்டாளிகளின் ஆதரவும் ஒத்துழைப்பும் கிட்டும். வேலைபளு குறையும்.
ரிஷபம்
ரிஷப ராசிக்காரர்களே நண்பர்கள் மூலம் சுப செய்திகள் வந்து சேரும். புதிய பொருட்கள் சேர்க்கை மகிழ்ச்சியினை தரும். பிள்ளைகளால் அனுகூலம் உண்டாகும். அலுவலகத்தில் மேலதிகாரிகளின் ஆதரவை பெறுவீர்கள். எதிர்பார்த்த காரியம் எளிதில் நிறைவேறி மகிழ்ச்சியை அளிக்கும்.
மிதுனம்
மிதுன ராசிக்காரர்களே நீங்கள் மனஉறுதியோடு பிரச்சினைகளை எதிர்கொள்ள வேண்டி வரும். குடும்பத்தில் தேவையற்ற கருத்து வேறுபாடுகள் தோன்றும். வாகனங்களால் வீண் செலவுகள் ஏற்படலாம். நிதானத்தை கடைப்பிடிப்பதன் மூலம் விரயங்களை தவிர்க்கலாம். எதிர்பார்த்த உதவிகள் கிடைக்கும்.
கடகம்
கடக ராசிக்காரர்களே குடும்பத்தில் மனமகிழ்ச்சி தரும் நிகழ்ச்சிகள் நடைபெறும். உத்தியோகத்தில் சிலருக்கு எதிர்பார்த்த இடமாற்றம் கிடைக்கும். புதிய பொருட்கள் வாங்கும் முயற்சியில் வெற்றி அடைவீர்கள். நண்பர்களின் உதவியால் எடுத்த காரியம் எளிதில் முடியும். கொடுத்த கடன்கள் வசூலாகும்.
சிம்மம்
சிம்ம ராசிக்காரர்களே நீங்கள் நினைத்த காரியத்தை நினைத்தபடி செய்து முடித்து வெற்றி அடைவீர்கள். குடும்பத்தில் உற்றார் உறவினர்கள் மூலம் சுபசெய்திகள் கிடைக்கும். உத்தியோகஸ்தர்களுக்கு திறமைகேற்ப புதிய வாய்ப்புகள் கிட்டும். தொழில் வியாபாரத்தில் போட்டி பொறாமை குறைந்து லாபம் அதிகரிக்கும்.
கன்னி
கன்னி ராசிக்காரர்களே உங்களுக்கு உறவினர்களால் வீண் விரயங்கள் ஏற்படும். உடல் ஆரோக்கியத்தில் சிறுசிறு பிரச்சினைகள் உண்டாகும். பெரிய மனிதர்களின் நட்பு நல்ல மாற்றத்தை தரும். தொழிலில் வெளியூர் தொடர்புகள் மூலம் அனுகூலப் பலன்கள் இருக்கும். எதிலும் கவனமுடன் செயல்படுவது நல்லது.
துலாம்
துலா ராசிக்காரர்களே உடல் ஆரோக்கியத்தில் சிறு பாதிப்புகள் ஏற்படும். வியாபாரத்தில் தேவையில்லாத பிரச்சினைகள் உண்டாகும். உங்கள் ராசிக்கு சந்திராஷ்டமம் இருப்பதால் கொடுக்கல் வாங்கல் விஷயத்தில் கவனமுடன் இருப்பது நல்லது. வெளியூர் பயணங்களை தவிர்ப்பது உத்தமம்.
விருச்சிகம்
விருச்சிக ராசிக்காரர்களே குடும்பத்தில் பொருளாதாரம் மிகச் சிறப்பாக இருக்கும். உறவினர்கள் மூலம் உங்கள் பிரச்சினைகளுக்கு தீர்வு கிடைக்கும். புதிய தொழில் தொடங்கும் எண்ணம் நிறைவேறும். கொடுக்கல் வாங்கல் லாபகரமாக இருக்கும். சுபகாரியம் கைகூடும். நண்பர்களால் அனுகூலம் உண்டாகும்.
தனுசு
தனுசு ராசிக்காரர்களே குடும்பத்தில் பெரியவர்களுடன் இருந்த மனஸ்தாபங்கள் மறைந்து ஒற்றுமை கூடும். எதிர்பார்த்த உதவிகள் உரிய நேரத்தில் கிடைக்கும். கூட்டாளிகளின் ஆலோசனைகளால் வியாபாரத்தில் நல்ல முன்னேற்றம் ஏற்படும். நண்பர்களின் சந்திப்பு மன மகிழ்ச்சியை தரும்.
மகரம்
மகர ராசிக்காரர்களே நீங்கள் எடுக்கும் முயற்சிகளில் சிறு தடைக்கு பின்பு அனுகூலம் உண்டாகும். உடன் பிறந்தவர்களிடம் ஒற்றுமை குறையும். உடல் ஆரோக்கியத்தில் கவனம் தேவை. வேலையாட்களை அனுசரித்து சென்றால் வியாபாரத்தில் முன்னேற்றத்தை காணலாம். எதிர்பார்த்த உதவி கிடைக்கும்.
கும்பம்
கும்ப ராசிக்கு உங்களுக்கு பணவரவு சுமாராக இருக்கும். உறவினர்களுடன் சிறு சிறு மனஸ்தாபங்கள் ஏற்படும். உத்தியோகஸ்தர்களுக்கு வேலைபளு அதிகரிக்கும். எதிர்பார்த்த உதவிகள் கிடைக்கும். தொழில் சம்பந்தமான புதிய முயற்சிகளுக்கு நண்பர்களின் ஆதரவும் ஒத்துழைப்பும் கிட்டும்.
மீனம்
மீனம் ராசிக்கு நீங்கள் தொட்ட காரியம் அனைத்தும் வெற்றியில் முடியும். அரசு வழியில் எதிர்பார்த்த உதவிகள் கிடைக்கும். தொழில் சம்பந்தமான புதிய ஒப்பந்தங்கள் கைகூடும். குடும்பத்தில் கணவன் மனைவியிடையே இருந்த மனஸ்தாபங்கள் விலகி ஒற்றுமையும் மகிழ்ச்சியும் கூடும்