News4 TamilOnline Tamil News

சென்னை அண்ணா பல்கலைக்கழக மாணவி பாலியல் வன்கொடுமை வழக்கு பெரும் அதிர்ச்சியை ஏற்படுத்திய நிலையில் அந்த வழக்கில் ஞானசேகரன் குற்றவாளியாக கைது செய்யப்பட்டார். சென்னை மகளிர் நீதிமன்றத்தில் வழக்கு நடைபெற்று வந்த நிலையில் சென்னை மகளிர் நீதிமன்ற நீதிபதி எம் ராஜலட்சுமி தற்போது தீர்ப்பு வழங்கியுள்ளார். அந்த தீர்ப்பில் ஜூன் இரண்டாம் தேதி அறிவிக்கப்படும் என முன்கூட்டியே தெரிவிக்கப்பட்டு இருந்த நிலையில் இந்த வழக்கில் ஞானசேகரன் மீது 11 பிரிவுகளின் கீழ் குற்றச்சாட்டு வைக்கப்பட்டுள்ளது.

அந்த குற்றச்சாட்டு நிரூபணம் ஆகியுள்ளதாக நீதிபதி அறிவித்துள்ள நிலையில் ஞானசேகரன் குற்றவாளி என தீர்ப்பு வழங்கி இருக்கின்றார். இந்த வழக்கில் ஐந்து மாதங்களில் தீர்ப்பு வழங்கப்பட்டுள்ளது குறிப்பிடத்தக்கது. தண்டனை விவரம் குறித்து ஞானசேகரன் நீதிபதியிடம், தனக்கு வயதான தாய் இருப்பதாகவும், தன்னுடைய தொழிலுக்கு நஷ்டம் ஏற்படும் அதனால் குறைந்தபட்ச தண்டனை வழங்க வேண்டும் என நீதிபதியிடம் கோரிக்கை வைத்துள்ளார். ஆனால் அரசு தரப்பில் ஞானசேகரனுக்கு உச்சபட்ச தண்டனை வழங்க வேண்டும் என வலியுறுத்தப்பட்டது.

மேலும் இந்த வழக்கை சிபிஐ விசாரணைக்கு மாற்ற கோரி வழக்கு விசாரிக்கப்பட்டது உயர்நீதிமன்றம் இது தொடர்பாக பெண் ஐபிஎஸ் அதிகாரிகள் அடங்கிய சிறப்பு புலனாய்வு குழுவை அமைத்தனர் . ஞானசேகரனுக்கு தடுப்புச் சட்டத்தின் கீழ் சிறையில் அடைக்க சென்னை காவல் ஆணையர் ஜனவரி 5ஆம் தேதி உத்தரவு பிறப்பித்தார்.மேலும் பிப்ரவரி 24ஆம் தேதி சைதாப்பேட்டை 9-வது குற்றவியல் நடுவர் நீதிமன்றத்தில் ஞானசேகரனுக்கு எதிராக குற்றப்பத்திரிகை தாக்கல் செய்யப்பட்டது.

ஆதாரங்கள் இல்லாமல் தனக்கு எதிராக குற்றச்சாட்டுகளை போலீசார் சுமத்தியுள்ளார் இந்த வழக்கிலிருந்து தன்னை விடுவிக்க வேண்டும் என தொடர்ந்து ஞானசேகரன் கோரிக்கை வைத்து வந்தார். இந்நிலையில் குற்றவாளி மீது 35 வழக்குகள் பதியப்பட்டுள்ள நிலையில் பல வழக்குகளில் தண்டனையும் சில வழக்குகளில் விடுதலையும் பெற்றுள்ள ஞானசேகரனுக்கு 20க்கும் மேற்பட்ட வழக்குகள் நிலுவையில் இருப்பதும்  குறிப்பிடத்தக்கது. 

தமிழ்நாட்டில் மொத்தம் 40 சர்க்கரை ஆலைகள் செயல்பட்டு வருகின்றது. அதில் 16 கூட்டுறவு, 2 பொதுத்துறை, 22 தனியார் என செயல்பட்டு வரும் நிலையில் 24 ஆம் ஆண்டு அரவை பருவத்தில் 12 கூட்டுறவு மற்றும் 2 பொதுத்துறை, 16 தனியார் என 30 சர்க்கரை ஆலைகள் அரவை பணி மேற்கொண்டன. கூட்டுறவு மற்றும் பொதுத்துறை சர்க்கரை ஆலைகள் 2024-25 காலகட்டத்தில் 18.81 லட்சம் மெட்ரிக் டன் அரவை செய்து 8 சதவீத சர்க்கரை கட்டுமானத்தில் 1.58 லட்சம் மெட்ரிக் டன் சர்க்கரை உற்பத்தி செய்தது.

அரவை மேற்கொண்ட சுமார் 12 கூட்டுறவு மற்றும் 2 பொதுத்துறை சர்க்கரை ஆலைகளில் தாங்கள் கொள்முதல் செய்து அரவை செய்த 10.30 லட்சம் மெட்ரிக் டன் கரும்பிற்கு 329.34 கோடி ரூபாய் வழங்க வேண்டும். அந்த பணத்தை தங்கள் ஆலையின் சொந்த நிதியிலிருந்து கரும்பு விவசாயிகளுக்கு கரும்புத் தொகையை வழங்கி உள்ளனர். மேலும் கரும்பு விவசாயிகளின் நலனை பாதுகாக்கும் வகையில் தமிழக அரசு 5920 விவசாயிகள் பயன்பெறும் வகையில் வழிவகை கடனாக 97.77 கோடி ரூபாய் தர அனுமதி வழங்கியுள்ளது.

இந்த நிதியுதவி விவசாயிகளின் வங்கி கணக்கிற்கு சர்க்கரை ஆலைகளால் கரும்பு பணமும் நிலுவை இல்லாமல் முழுமையாக வழங்கி உள்ளதாக அரசு விளக்கம் அளித்துள்ளது. அரசின் இந்த செயலுக்கு விவசாயிகள் ஒன்று சேர்ந்து நன்றி தெரிவித்துள்ளனர்.

நாடு முழுவதும் இரண்டு ஆண்டுகளாக கொரோனா பரவல் அதிகரித்து காணப்பட்டது. இந்நிலையில் அனைத்து சேவைகளும் நிறுத்தப்பட்டது. அதில் விமானம், ரயில் மற்றும் பேருந்து உள்ளிட்ட அனைத்து போக்குவரத்துகளும் நிறுத்தப்பட்டு மக்கள் ஒரு இடத்தில் இருந்து மற்றொரு இடத்திற்கு செல்ல முடியாமல் மிகவும் அவதி அடைந்தனர். கொரோனா பரவுவதை தடுப்பதற்கு தடுப்பூசி போடப்பட்டு கொரோனா பரவலை கட்டுக்குள் கொண்டு வந்தனர். அதன் பிறகு படிப்படியாக இயல்பு நிலைக்கு திரும்பப்பட்டது.

தற்போது மீண்டும் கொரோனா பரவல் தொடங்கியுள்ளதாக செய்திகள் பரவி வருகின்றது. கொரோனா வேகமெடுத்து வரும் நிலையில் ஹரியானா, டெல்லி, உத்திரபிரதேசம், மத்திய பிரதேசம், பீகார், மேற்கு வங்கம், தெலுங்கானா, புதுச்சேரி, தமிழ்நாடு, ஆந்திரா, கேரளா, கோவா, கர்நாடகா, குஜராத், மகாராஷ்டிரா, ராஜஸ்தான் உள்ளிட்ட பல்வேறு மாநிலங்களில் கொரோனா பரவலின் தாக்கம் அதிகரிக்க காணப்படுகின்றது. தமிழ்நாட்டில் 69 பேருக்கு கொரோனா தொற்று உறுதி செய்யப்பட்டுள்ளது. .

இந்தியாவில் மே 19ஆம் தேதி 257 ஆக இருந்த கொரோனா தொற்று மே 26 அன்று 1,011 பேருக்கு கொரோனா தொற்று நான்கு மடங்காக அதிகரித்து காணப்படுகின்றது. தற்போது பரவி வரக்கூடிய தொற்று LF.7,NB.1.8 என கூறப்படுகின்றது . புதிய வகை கொரோனா வைரஸ் எனவும் கண்டறியப்பட்டுள்ளது. தமிழ்நாட்டில் பொது சுகாதாரத்துறை சார்பாக பல்வேறு அறிவுறுத்தல்கள் வழங்கப்பட்டுள்ளது. மக்கள் அதிகம் கூட கூடிய கண்காட்சி, திருவிழாக்கள் உள்ளிட்ட இடங்களில் மக்களுக்காக வழங்கக்கூடிய உணவுகளை சுகாதாரத்துறை கண்காணிக்க வேண்டும் எனவும் அறிவிக்கப்பட்டுள்ளது.

மேலும் மக்கள் அதிகமாக கூடும் இடங்களில் இருக்கும் கழிப்பிட வசதிகள், குடிநீர் வசதியை தொடர்ந்து கண்காணிக்க வேண்டும். கொரோனா தொற்று பரவல் தொடர்ந்து அதிகரித்து காணப்படும் பட்சத்தில் மக்கள் அதிகம் கூடும் இடங்களுக்கு கட்டுப்பாடு விதிக்க வாய்ப்புள்ளது. பொது சுகாதாரத்துறை இயக்குனர் செல்வவிநாயகம் அனைத்து மாவட்ட சுகாதாரத்துறை அதிகாரிகளுக்கும் உத்தரவு ஒன்றை பிறப்பித்துள்ளார்.

தமிழகத்தில் கடந்த சில நாட்களாக பொருட்காட்சி இடங்கள், கலாச்சார நிகழ்வுகள், மதசார்பு நிகழ்வுகள் அதிகரித்து காணப்படும் நிலையில் காய்ச்சல், வயிற்றுப்போக்கு உள்ளிட்ட கொரோனா தொற்று அறிகுறிக்கான பாதிப்புகள் அதிகரித்து வருவதாகவும் கூறப்படுகின்றது. இதனை கட்டுப்படுத்த உடனடியாக நடவடிக்கை எடுக்க வேண்டும் எனவும் தெரிவித்துள்ளனர். கொரோனா பரவல் நாளுக்கு நாள் அதிகரித்து வரும் நிலையில் மக்கள் யாரும் அச்சப்படத் தேவையில்லை. சுகாதாரத்துறை கூறும் கட்டுப்பாடுகளை பின்பற்றினால் மட்டுமே போதுமானது என தெரிவிக்கப்பட்டுள்ளது.