மத்திய அரசு பசுமை எரிசக்திக்கு முக்கியத்துவம் அளித்து வருகிறது. இந்நிலையில், ஹைட்ரஜன் எரிபொருளால் இயக்கப்படும் வாகனங்களுக்கு தனி வகையான பதிவு எண் (நம்பர் பிளேட்) வடிவமைப்பு ஒன்றை மத்திய சாலை போக்குவரத்து அமைச்சகம் முன்மொழிந்துள்ளது.
இந்த முன்மொழிவு மூன்று வகை வாகனங்களுக்கும் பொருந்தும்:
வணிக வாகனங்கள்
தனிப்பட்ட (பிரைவேட்) வாகனங்கள்
வாடகை வாகனங்கள் (ரென்டல் காப்கள்)
வணிக ஹைட்ரஜன் வாகனங்களுக்கு:
நம்பர் பிளேட்டின் மேல் பகுதி பச்சை, கீழ் பகுதி நீலம் உள்ளிட்ட நிறங்கள் கொண்டதாக இருக்கும்.
மேலும் இதில் இடம்பெறும் எழுத்துக்கள் மற்றும் எண்கள் மஞ்சள் நிறத்தில் இருக்கும்.
தனியார் ஹைட்ரஜன் வாகனங்களுக்கு:
மேல் பகுதி பச்சை, கீழ் பகுதி நீலம் உள்ளிட்ட நிறங்களிலும் – எழுத்துக்கள் வெள்ளை நிறத்தில் உள்ளதாகவும் இருக்கும்.
வாடகை ஹைட்ரஜன் வாகனங்களுக்கு:
மேல் பகுதி கருப்பு, கீழ் பகுதி நீலம் உள்ளிட்ட நிறங்களை கொண்டதாக இருக்கும்.
மேலும் இதில் இடம்பெறும் எண்கள் மஞ்சள் நிறத்தில் இருக்கும்.
இந்த வகைப்படுத்தல்கள் மூலமாக பசுமை எரிபொருள் பயன்படுத்தும் வாகனங்களை மற்ற வாகனங்களிலிருந்து வேறுபடுத்தவும், எளிதில் அடையாளம் காணவும் முடியும்.
பசுமை சக்திக்காக தொடரும் முயற்சி:
மத்திய அமைச்சர் நிதின் கட்கரி, ஹைட்ரஜன் எரிபொருளை இந்தியாவின் எதிர்கால எரிசக்தியாக புகழ்ந்து பேசினார். முனிசிபல் கழிவுகளில் இருந்து ஹைட்ரஜன் தயாரிக்க திட்டமிடப்பட்டு வருவதாகவும், இதுவே குறைந்த செலவில் சிறந்த மாற்று எரிசக்திக்கான தீர்வாக இருக்கும் எனவும் கூறினார். அவர் சொந்தமாக ஹைட்ரஜன் வாகனமே ஓட்டுவதாகவும் தெரிவித்துள்ளார்.
இருசக்கர வாகனங்களுக்கு புதிய பாதுகாப்பு விதிகள்:
2026 ஜனவரி 1 முதல், எந்த எஞ்சின் அளவையும் பொருட்படுத்தாமல், அனைத்து புதிய இருசக்கர வாகனங்களிலும் (பைக்/ஸ்கூட்டர்) ஆன்டி-லாக் பிரேக்கிங் சிஸ்டம் (ABS) கட்டாயமாக்கப்படுகிறது. இது வாகனம் திடீரென நிறுத்தும் போது சறுக்காமல் பாதுகாப்பாக நிற்க உதவும்.
மேலும், புதிய இருசக்கர வாகனம் வாங்கும் போது, பாதுகாப்பு தரநிலையை பூர்த்தி செய்யும் இரண்டு ஹெல்மெட்டுகள் வழங்க தயாரிப்பாளர்கள் கட்டாயம் இருக்க வேண்டும்.
இந்த நவீன கட்டுப்பாடுகள் பயணிகளின் பாதுகாப்பை உறுதி செய்யும் நோக்கத்தில் அமையப்பட்டுள்ளது.