News4 TamilOnline Tamil News

ரேஷன் கார்டு என்பது மிக முக்கிய ஆதாரமாக பார்க்கப்படுகின்றது. தமிழகத்தில் அவ்வப்போது புதிய ரேஷன் கார்டு வழங்கப்படும். இந்நிலையில் தற்போது 1.54 லட்சம் புதிய ரேஷன் கார்டுகள் வழங்கப்படும் நிலையில் பெயர், முகவரி திருத்தங்களுக்கான சிறப்பு முகாம்கள் நடத்தப்படும் என தமிழக அரசு அறிவித்துள்ளது.

வரும் ஜூன் 14ஆம் தேதி சென்னையில் 19 மண்டல அலுவலகங்களில் குறை தீர்க்கும் முகாம் நடைபெற உள்ளது. ஏழை எளிய மக்கள் பயன்பெறும் வகையில் ரேஷன் கடைகள் மூலம் மானிய விலையில் பாமாயில், கோதுமை, பருப்பு, சர்க்கரை, உள்ளிட்ட பொருட்கள் விநியோகம் செய்யப்படுகின்றது.

தமிழகத்தில் உள்ள 39 மாவட்டங்களில் மொத்தம் 35,083 ரேஷன் கடைகள் இருக்கும் நிலையில் இந்த கடைகளில் 2,25,24,784 குடும்ப அட்டைகள் இருக்கின்றது. தமிழகத்தில் அரிசி இலவசமாக வழங்கப்படும் நிலையில் 7 கோடிக்கும் மேற்பட்ட மக்கள் மானிய விலையில் உணவுப்பொருட்களை பெற்று வருகின்றனர்.

ரேஷன் கார்டுகள் இருந்தால் மட்டுமே அரசு வழங்கக்கூடிய பல்வேறு நலத்திட்டங்களை பெற முடியும். அதில் குறிப்பாக மகளிர் உரிமை தொகை, பொங்கல் பரிசு உள்ளிட்ட அரசின் திட்டங்கள் பெறப்பட்டு வருகின்றது. இந்நிலையில் புதிய ரேஷன் கார்டு வழங்கும் பணிகள் தொடங்கப்பட்டுள்ள நிலையில் ரேஷன் கார்டில் உள்ள நபர்களின் பெயர் திருத்தம், முகவரி திருத்தம், உள்ளிட்ட பல்வேறு குறைபாடுகளை சரி செய்ய முடியாமல் அடைந்து வருவதால் உடனடியாக அவற்றை திருத்தம் செய்யும் வகையில் சிறப்பு முகாம் நடைபெற இருக்கின்றது.

இது தொடர்பாக உணவு பொருள் வழங்கல் துறை பொதுமக்களுக்கு அறிவிப்பு ஒன்றை வெளியிட்டுள்ளது. மக்கள் குறைதீர்க்கும் முகமூலம் ரேஷன் கடையில் உள்ள திருத்தங்களை செய்து கொள்ளலாம் எனவும் தெரிவித்துள்ளனர். ஜூன் 14ஆம் தேதி காலை 10 மணி முதல் பிற்பகல் ஒரு மணி வரை இந்த முகாம் நடைபெற உள்ளது.

தமிழ்நாடு அரசு மக்களுக்காக பல்வேறு நலத்திட்டங்கள் மற்றும் கடன் உதவிகளை வழங்கி வருகின்றது. குறிப்பாக பெண்களுக்கு அதிக அளவு கடன் உதவி கிடைக்கும். இந்நிலையில் தமிழ்நாடு அரசின் பிற்படுத்தப்பட்டோர் மிகப் பிற்படுத்தப்பட்டோர் மற்றும் சிறுபான்மையினர் நலத்துறையினர் சார்பாக சிறுபான்மையினர் பொருளாதார மேம்பாட்டு கழகம் சுய உதவி குழு நடத்தி வருகின்றது.

அந்த குழுக்களின் மூலம் சிறு கடன்கள் வழங்கப்படுகின்றது. இதில் சிறுபான்மையின பெண்கள் மற்றும் ஆண்கள் சுய உதவிக் குழுக்களை அமைத்து தனித்தனியாக அல்லது சேர்ந்தோ சிறு வியாபாரம் அல்லது தொழில் செய்து தங்களது குடும்ப வருமானத்தை அதிகரித்து வருகின்றனர். அந்த வகையில் காய்கனி கடை, பலகாரக் கடை, கைத்தொழில்கள், சிறுவணிகம், பூ வியாபாரம், மீன் வியாபாரம், உள்ளிட்ட தொழில்களை நடத்த கடன்கள் வழங்கப்படுகின்றது. இதில் பயன்பெற விண்ணப்பதாரர் சிறுபான்மையினர் சுய உதவி குழுவில் உறுப்பினராக இருக்க வேண்டும்.

அவர்கள் குழுவில் குறைந்தது ஆறு மாதம் சேமித்தல் மற்றும் கடன் அளித்தல் பணியில் தொடர்ந்து செயல்பட வேண்டும். மேலும் ஒரு சுய உதவி குழுவில் 60 சதவீதம் சிறுபான்மையினராக இருப்பது அவசியம். மீதமுள்ள 40 சதவீதம் பேர் பிற்படுத்தப்பட்டோர் அல்லது மிக பிற்படுத்தப்பட்டோர், சீர்மரபினர், ஆதிதிராவிடர், பழங்குடியினர், இதர வகுப்பினர் இடம்பெறலாம் எனவும் தெரிவித்துள்ளனர். அதிகபட்சமாக 20 உறுப்பினர்களும் குறைந்தபட்சமாக 10 உறுப்பினர்களும் ஒரு குழுவில் இருப்பது அவசியம் சிறுபான்மையினர் குழுக்களில் பெண்களுக்கு முன்னுரிமை வழங்கப்படுகின்றது.

இதில் இரண்டு திட்டங்கள் இருக்கும் நிலையில் முதல் திட்டத்தின் அடிப்படையில் குழுவின் ஒவ்வொரு உறுப்பினருக்கும் அதிகபட்சமாக ஒரு லட்சம் ரூபாய் கடன் வழங்கப்படும். ஒரு ஆண்டுக்கு 7 சதவீதம் வட்டியாகவும் அதிகபட்சமாக மூன்று ஆண்டுகளுக்குள் தவணைத்தொகையை வட்டியுடன் திரும்ப செலுத்தும் வசதியும் உள்ளது. இவர்களின் குடும்ப ஆண்டு வருமானம் 3 லட்சத்திற்குள் இருக்க வேண்டும்.

இரண்டாவது குழுவில் ஒவ்வொரு உறுப்பினருக்கும் அதிகபட்சமாக ஒன்றரை லட்சம் ரூபாய் கடன் வழங்கப்படுகின்றது. ஒரு ஆண்டுக்கு வட்டி விகிதம் 10 சதவீதமும், பெண்களுக்கு எட்டு சதவீதமும் வழங்கப்படும். அதிகபட்சம் மூன்று ஆண்டுகளுக்குள் தவணை தொகையை வட்டியுடன் சேர்த்து திருப்பி செலுத்த வேண்டும். இவர்களின் குடும்ப ஆண்டு வருமானம் 8 லட்சத்திற்குள் இருக்க வேண்டும் எனவும் அரசு தெரிவித்துள்ளது.

மக்கள் நல்வாழ்வுத்துறை அமைச்சர் மா. சுப்ரமணியன் புதுக்கோட்டையில் நிகழ்ச்சி ஒன்றில் கலந்து கொண்டார். அப்போது அவர் பேசுகையில் அரசு மருத்துவமனைகளில் கட்டண பிரிவுகள் தொடங்கப்படுவதற்கான காரண விளக்கத்தையும் கொடுத்துள்ளார்.

அனைத்து மக்களுக்கும் மருத்துவ சேவைகள் என்பது மிக முக்கிய ஒன்றாக உள்ள நிலையில் மக்கள் அனைவரும் மருத்துவ சேவைகளை பெற வேண்டும். என்பதே அரசின் நோக்கமாக உள்ளதாகவும் தெரிவித்துள்ளார். மருந்துகள் சிகிச்சை ஆகியவை அனைவருக்கும் ஒன்றாகவே இருக்கும், ஆனால் தனிமையான முறையில் அறையில் சிகிச்சை பெற விரும்பினால் அவர்களுக்கு கட்டணம் வசூல் செய்யப்படும் எனவும் தெரிவிக்கப்பட்டுள்ளது.

இது பொது வார்டுகளை தவிர தனிப்பட்ட வசதிகளை விரும்புபவர்கான ஏற்பாடாக பார்க்கப்படுகின்றது. அரசு மருத்துவமனை என்றாலே இலவசமாக சிகிச்சை பெரும் மருத்துவமனை என இருக்கும் சூழலை தற்போது மாற்றி அரசு மருத்துவமனையிலும் கட்டண பிரிவு என்ற செய்தியால் பொதுமக்கள் அதிர்ச்சி அடைந்துள்ளனர்.

கட்டண பிரிவில் எவ்வளவு கட்டணம் வசூலிக்கப்படும் என்பது குறித்து தற்போது வரை தகவல் வெளியாகவில்லை. மேலும் ஒரு சிலர் அரசு மருத்துவமனைக்கு வருவதற்கே அச்சப்படுகின்றனர். பொது பிரிவுகளில் அனைவருக்கும் சமமான சிகிச்சை வழங்கப்பட்டு வரும் நிலையில் ஒரு சிலர் தனி அறையில் சிகிச்சை பெற வேண்டும் என விருப்பம் தெரிவிக்கின்றனர்.

அதனால் விரும்புவர்கள் மட்டும் தனிமையான முறையில் அறையில் சிகிச்சை பெற கட்டணம் வசூல் செய்யப்படும் எனவும் தெரிவிக்கப்பட்டுள்ளது.

தமிழக அரசு விவசாயிகளுக்கு பல்வேறு நலத்திட்ட உதவிகளை செய்து வருகின்றனர். அந்த வகையில் வேளாண்துறை சார்பாக விவசாயிகளுக்கு விடியலை ஏற்படுத்தும் உழவன் செயலி உருவாக்கி தரப்பட்டது. வேளாண்மை உழவர் நலத்துறை மூலமாக உழவன் மொபைல் போன் அப்ளிகேஷன் கடந்த 2022 ஆம் ஆண்டு அறிமுகம் செய்யப்பட்ட நிலையில் இந்த செயலியின் மூலமாக விவசாயிகள் ஒட்டுமொத்த வளர்ச்சிக்கும் தேவையான 24 வகையான சேவைகள் வழங்கப்பட்டு வருகின்றது.

தமிழ்நாடு அரசின் முன்னோடி திட்டமான அனைத்து கிராம ஒருங்கிணைந்த வேளாண் வளர்ச்சி திட்டத்தின் தரிசு நிலங்கள் அனைத்தையும் சாகுபடி நிலங்களாக மாற்ற வேண்டும் என்ற நோக்கத்துடன் விவசாயிகள் குழுவாக சேர்ந்து பதிவு செய்வதற்காக உழவன் செயலி உருவாக்கப்பட்டது.

இந்த செயலியின் மூலம் அரசு அளிக்கும் வேளாண் தொழில்நுட்ப பயிற்சி மற்றும் வேளாண் கல்வி, சுற்றுலாவில் பங்கேற்க முன்பதிவு செய்து கொள்ளலாம். விவசாயிகள் தங்களின் விலை பொருட்களை சந்தைப்படுத்தவும் கொள்முதல் செய்யவும் வியாபாரிகளின் முகவரிகள் உழவன் செயலியில் பதிவு செய்யப்பட்டு இருக்கும். மேலும் விவசாயிகள் தங்கள் பகுதியில் இருக்கும் கால்நடை மருத்துவர்களையும் இதன் மூலம் தொடர்பு கொண்டு பயனடைய உழவன் செயலி உதவியாக இருக்கின்றது.

இந்த உழவன் செயலியை ஆண்ட்ராய்டு மற்றும் ஐபோன்களில் ப்ளே ஸ்டோரில் பதிவிறக்கம் செய்து கொள்ளலாம். பதிவிறக்கம் செய்யப்பட்ட உழவன் செயலியில் பெயர், முகவரி, மொபைல் எண் மற்றும் ஆதார் போன்ற தங்களது அடிப்படை தகவல்களை பதிவு செய்ய வேண்டும் அதனை தொடர்ந்து இந்த உழவன் செயலின் மூலம் பயன் பெறலாம் என தெரிவிக்கப்பட்டிருந்த நிலையில் தற்போது 19 லட்சம் பேர் பயனடைந்துள்ளனர் என வேளாண்மை துறை அதிகாரிகள் தெரிவித்துள்ளனர்.

மேலும் விவசாயிகளுக்கு அரசின் வழிகாட்டு நெறிமுறைகளின் அடிப்படையில் மானியம் வழங்கப்பட்டு வருகின்றது. வேளாண் உழவர் நலத்துறை மூலம் விநியோகிக்கப்படும் அனைத்து வகையான இடுப்பொருட்களை பெறுவதற்கு முன்கூட்டியே பதிவு செய்வது அவசியம். விவசாயிகள் தங்கள் நிலங்களில் விளைச்சலை மேற்கொள்வதற்கு முன்பு மண்வளம் குறித்து விளைநிலங்களின் தற்போதைய நிலை அறிய மண் ஆய்வு செய்யவும் பதிவு செய்வது அவசியம். இது போன்ற பல்வேறு வழிகாட்டு நெறிமுறைகளுக்கு இந்த செயலி பயன்படுகிறது.