News4 TamilOnline Tamil News

தமிழகத்தில் நாடாளுமன்ற மக்களவைத் தேர்தல் குறித்து தேர்தல் ஆணையம் முன்கூட்டியே அறிவிப்பை வெளியிட்டது. வரும் 19ஆம் தேதி நாடாளுமன்ற மக்களவைத் தேர்தல் நடைபெற உள்ளது. ஜூலை மாதம் காலியாக உள்ள ஆறு பதவிகளில் சட்டமன்ற பலத்தின் அடிப்படையில் திமுக சார்பாக 4 உறுப்பினர்களும் அதிமுக சார்பாக இரண்டு உறுப்பினர்களையும் தேர்வு செய்ய இருக்கின்றனர்.

திமுக சார்பாக வில்சன், எஸ் ஆர் சிவலிங்கம் மற்றும் சல்மா போட்டியிடுகின்றனர். திமுக ஒதுக்கீடு ஓர் இடத்தில் மக்கள் நீதி மையம் தலைவர் கமலஹாசன் போட்டியிட்ட இருப்பதாகவும் கூறப்படுகின்றது. அதனை தொடர்ந்து அதிமுகவில் உள்ள இரண்டு எம்பிகள் சீட்டு யாருக்கு என பல்வேறு கேள்விகள் எழுந்தது. முன்னாள் அமைச்சர் ஜெயக்குமாருக்கு சீட்டு கிடைக்க அதிக வாய்ப்பிருப்பதாக கூறப்பட்டது.

ஆனால் தற்போது பாஜகவுடன் அதிமுக கூட்டணி அமைத்துள்ளதால் ஜெயக்குமார் அதிருப்தியில் இருக்கின்றார். குறிப்பாக கடந்த 2021 தேர்தலில் தோல்வி அடைந்ததற்கு பாஜக தான் காரணம் என வெளிப்படையாக ஜெயக்குமார் குற்றச்சாட்டை முன்வைத்துள்ளார். அதிமுகவின் முக்கிய தலைவர்கள் பலரும் பதவியில் இருக்க தனக்கு மட்டும் பதவி இல்லை என வருத்தத்தில் இருக்கின்றார்.

அதனால் அவருக்கே வாய்ப்பு அதிகம் என அதிமுக வட்டாரத்தில் கூறப்பட்டது.ஆனால் அதிமுகவின் வழக்கு விவரங்களை கையாளும் இன்பதுரை மற்றும் ஆதிதிராவிடர் சமூகத்திற்கு பிரதிநிதித்துவம் தரும் வகையில் செங்கல்பட்டு மாவட்ட அதிமுக அவை தலைவர் தனபால் ஆகியோர் மாநிலங்களவை உறுப்பினர் வேட்பாளராக அறிவிக்கப்பட்டிருக்கின்றனர் ஜெயக்குமார் அதிமுக தலைமை மீது மிகவும் வருத்தத்தில் இருக்கின்றார் என கூறப்படுகின்றது.

வேட்பாளர் அறிவிக்கப்பட்ட நாளிலிருந்து கோவையில் அவரிடம் அது தொடர்பாக கேள்விகள் முன்வைக்கப்பட்டது. அப்போது கேள்விகளுக்கு எந்த பதிலும் கூறாமல் அவசரமாக பொள்ளாச்சிக்கு செல்கிறேன் எனக்கூறி சென்றுள்ளார். ஆனால் அதன் பிறகு எந்த ஒரு விளக்கத்தையும் அவர் தற்போது வரை தரவில்லை.

மேலும் கடந்த ஜூன் இரண்டாம் தேதி வடசென்னை கொடுங்கையூர் குப்பை கிடங்கு குப்பையில் இருந்து மின்சாரம் தயாரிக்கும் ஆலை திட்டத்திற்கு அதிமுக சார்பாக போராட்டம் நடத்தப்பட்டது. ஆனால் அந்த போராட்டத்தில் கூட ஜெயக்குமார் கலந்து கொள்ளாமல் தவிர்த்து விட்டதாக கூறப்படுகின்றது.

இந்த போராட்டத்தில் முன்னாள் அமைச்சர் பா வளர்மதி கலந்து கொண்டார். எடப்பாடி பழனிசாமி ஜெயக்குமாரை கலந்து கொள்ள அறிவுறுத்தியும் அவர் கலந்து கொள்ளவில்லை என அதிமுக வட்டாரங்கள் பேசி வருகின்றனர். மேலும் வரும் 2026 தேர்தலுக்கு ஒரு ஆண்டு உள்ள நிலையில் ஜெயக்குமார் ராயபுரம் தொகுதியில் மீண்டும் நிறுத்த எடப்பாடி பழனிசாமி முடிவு செய்துள்ளார்.

ஆனால் மாநிலங்களவை சீட்டுக் கொடுக்காததால் ராயபுரம் தொகுதியில் நின்று அவர் வெற்றி பெற்றால் மாநிலங்களவை பதவியை ஒரே வருடத்தில் ராஜினாமா செய்ய வேண்டும். அவர் மாநில அரசியலில் இருக்க வேண்டும் என்றே இபிஎஸ் விரும்புகிறார் அதனால் ஜெயக்குமாருக்கு சீட்டு வழங்காமல் தவிர்த்து விட்டார் எனவும் கூறப்படுகின்றது.

தமிழ் சினிமாவில் முன்னணி நடிகர்களில் ஒருவராக இருப்பவர் விஜய். இவர் அண்மையில் தமிழக வெற்றிக் கழகம் என்ற கட்சியை தொடங்கினார். மேலும் தற்போது எச் வினோத் இயக்கத்தில் ஜனநாயகன் படப்பிடிப்பு முடிவடைந்துள்ளது. அடுத்த ஆண்டு ஜனவரி மாதம் பொங்கல் அன்று ரிலீஸ் ஆகும் என எதிர்பார்க்கப்பட்டு வரும் நிலையில் இந்த படப்பிடிப்பு முடிந்தவுடன் தீவிர அரசியலில் ஈடுபட போவதாக முன்கூட்டியே தவெக தலைவர் விஜய் தெரிவித்திருந்தார்.

இந்நிலையில் இந்த மாதத்திலேயே அவர் மாவட்ட செயலாளர்களை சந்தித்து ஆலோசனை நடத்த இருப்பதாக கூறப்படுகின்றது. இந்த மாதம் விஜயின் பிறந்தநாள் வருவதால் மக்கள் நலத்திட்டங்களையும் தமிழக வெற்றி கழகத்தின் சார்பாக பல்வேறு நலத்திட்டங்களை செய்ய திட்டமிடப்பட்டுள்ளது. மேலும் 2026 ஆம் ஆண்டு நடைபெற உள்ள தமிழக சட்டப்பேரவை தேர்தலில் விஜய் போட்டியிடும் தொகுதி என அண்மையில் தொலைக்காட்சிகளில் செய்தி பரவியது.

அந்த வகையில் எம்ஜிஆரை போல விஜய்யும் மதுரை தொகுதியை குறி வைக்க வாய்ப்பிருப்பதாக கூறப்படுகின்றது. ஆனால் விஜய் மீனவ மக்கள் அதிகம் இருக்கக்கூடிய தொகுதியில் போட்டியிட வாய்ப்பு இருப்பதாக தவெக வட்டாரத்தில் கூறப்படுகின்றது.

நாகப்பட்டினம் மாவட்டத்தில் விஜய்க்கு செல்வாக்கு அதிகம் உள்ள நிலையில் நாகையில் விஜய் தனது ரசிகர்களை திரட்டி ஆர்ப்பாட்டத்தில் ஈடுபட்டார். இதனால் விஜய் நாகை தொகுதியில் போட்டியிடலாம் என எதிர்பார்க்கப்படுகின்றது. மேலும் விஜய் அரசியல் களத்தில் தனது கவனத்தை தென்மாவட்ட பக்கம் திருப்பினால் பலன் அதிகரிக்கும் என அரசியல் நிபுணர்கள் கூறி வருவது குறிப்பிடத்தக்கது.  

நடிகர் விஜய் அண்மையில் தமிழக வெற்றிக் கழகம் என்ற கட்சியை தொடங்கினார். அதன் மூலம் மக்களுக்கு பல்வேறு நலத்திட்டங்களை செய்து வரும் நிலையில் தனது குறிக்கோளாக 2026 தேர்தலை நோக்கி தற்போது தனது கட்சியை தயார்படுத்தி வருகின்றார்.

தவெக தலைவர் விஜய் யாருடன் கூட்டணி அமைப்பார் என அனைவரும் எதிர்பார்ப்பில் உள்ளனர். இந்நிலையில் அரசியல் விமர்சகர் ரங்கராஜ் பாண்டே கூறியது அனைவரையும் திரும்பி பார்க்க வைத்துள்ளது. அவர் சீமானின் பேச்சு விஜயின் வீச்சு ஆகிய இரண்டும் சேர்ந்து தமிழகத்தில் இதுவரை யாரும் காணாத அளவில் மூன்றாவது அணியை மக்கள் பார்ப்பார்கள் எனவும் இரண்டு திராவிட கட்சிகளின் கூட்டணியும் மிகப்பெரிய ஆச்சரியத்தை ஏற்படுத்தும் எனவும் கூறியிருக்கின்றார்.

2026 ஆம் தேர்தலுக்கு அதிமுக மற்றும் திமுக கூட்டணி தயாராக உள்ள நிலையில் திமுக கூட்டணியில் இருந்து எந்த கட்சியும் வெளியே போகாது. அதேபோல் வேறு புதிய கட்சி வர வாய்ப்பு இல்லை எனவும் கூறப்பட்டுள்ளது. இந்நிலையில் அதிமுக பாஜக கூட்டணி உறுதி செய்யப்பட்டுள்ளது.

இந்த கூட்டணியில் இன்னும் சில கட்சிகள் சேர வாய்ப்பிருப்பதாக எதிர்பார்க்கப்படுகின்றது. இந்நிலையில் மூன்றாவதாக விஜயின் நிலைப்பாடு மக்கள் மத்தியில் மிகப்பெரிய எதிர்பார்ப்பை ஏற்படுத்தி இருக்கின்றது. அதிமுக மற்றும் திமுக கூட்டணியில் அவர் இணைந்தால் அவருக்கான தனித்துவம் போய்விடும். அதனால் அரசியல் கட்சி ஆரம்பித்த நடிகர்கள் விஜய், சரத்குமார் மற்றும் கமலஹாசன் உள்ளிட்டோர் தனித்தன்மையுடன் கட்சியை தொடங்கிய பொழுது திராவிட கட்சிகளுடன் இணைந்து விட்டார்கள்.

ஆனால் அவர்களுடைய கட்சிகள் காணாமல் போனது. அந்த தவறை விஜய் செய்யக்கூடாது என உறுதியாக இருக்கின்றார். விஜய் போலவே சீமானும் திராவிட கட்சிகளுடன் கூட்டணி அமைக்க கூடாது என்பதில் உறுதியாக உள்ள நிலையில் விஜய் மற்றும் சீமான் இணைந்து மூன்றாவது அணியை உருவாக்க வாய்ப்புள்ளது. மேலும் விஜய்க்கு 22 சதவீதம் வாக்குகள் , சீமானிடம் 8 சதவீதம் வாக்குகள் இருப்பதாக கருத்துக்கணிப்பு கூறப்படும் நிலையில் இவை இரண்டும் சேர்ந்தால் 30 சதவீதத்திற்கும் மேலாக வாக்குகள் கிடைக்க வாய்ப்புள்ளது . அதனால் இந்த இரண்டு கட்சிகளும் இணைய வாய்ப்பிருப்பதாக கூறப்படுகின்றது.

தமிழக வெற்றிக் கழகத்தின் சார்பாக அக்கட்சியின் தலைவர் விஜய் பொதுத் தேர்வில் தொகுதி வாரியாக முதல் மூன்று இடத்தை பிடித்த மாணவர்களை நேரில் சந்தித்து பரிசு வழங்கி வருகின்றார்.

கடந்த இரண்டு ஆண்டுகளாக இந்த பரிசு வழங்கும் விழா மிக பிரமாண்டமாக நடத்தப்பட்டு வரும் நிலையில் இந்த ஆண்டு முதற்கட்டமாக மாணவர்களுக்கு பரிசு வழங்கும் விழா நடந்தது முடிந்தது. அதனைத் தொடர்ந்து இன்று மாமல்லபுரத்தில் ஹோட்டல் ஒன்றில் இரண்டாம் கட்டமாக மாணவர்களுக்கு பரிசு வழங்கும் விழா நடைபெற்றது.

இது குறித்து தமிழக வாழ்வுரிமை கட்சி தலைவர் வேல்முருகன் பேசியது தற்போது சலசலப்பை ஏற்படுத்தி உள்ளது. வேல்முருகன் பேசியதை திமுக துணை பொதுச்செயலாளர் கனிமொழி ஏன் கண்டுகொள்ளாமல் இருக்கிறார் என தமிழக வெற்றிக் கழகத்தின் இணைச் செயலாளர் கேள்வி எழுப்பியுள்ளார்.

கரூர் மாவட்டம் பள்ளப்பட்டியில் நடைபெற்ற நிகழ்ச்சி ஒன்றில் தமிழக வாழ்வுரிமை கட்சியின் தலைவரும் சட்டமன்ற உறுப்பினருமான வேல்முருகன் கலந்து கொண்டார். தவெக தலைவர் விஜய் மாணவிகளை பரிசு வழங்கும்போது அரவணைத்து புகைப்படம் எடுத்துக் கொள்வது தொடர்பாக சர்ச்சைக்குரிய பேச்சை முன் வைத்துள்ளார்.

இது குறித்து தவெகவினர் கடும் கண்டனம் தெரிவித்து வருகின்றனர். வீரமங்கை வேலு நாச்சியாரையும் மக்கள் சேவகர் அஞ்சலையம்மாளையும் தமிழக வெற்றிக் கழகத்தின் கொள்கை தலைவர்களாக ஏற்று பெண்களுக்கு மரியாதை கொடுக்கும் தலைவரைப் பார்த்து அநாகரீக பேச்சை வேல்முருகன் முன் வைத்துள்ளார்.

இந்த பேச்சுக்கு திமுக சார்பாக கண்டனம் தெரிவித்திருக்க வேண்டும். மேலும் தான் பேசியது தவறு என்பதை உணர்ந்து வேல்முருகன் மன்னிப்பு கேட்க வேண்டும். தமிழக வாழ்வுரிமை கட்சியின் தலைவர் வேல்முருகன் எம்எல்ஏவுக்கு இதுவே இறுதி எச்சரிக்கை என தவெக சார்பாக தெரிவிக்கப்பட்டுள்ளது.

PMK: பாமக கட்சிக்குள் அப்பா மகனுக்கிடையே கட்சி மோதல் தீவிரமடைந்து காணப்பட்டது. இதனின் அடுத்த கட்டம் கட்சி இரண்டாக பிரிய போவதாக தகவல் வெளியானது. அதிலும் ராமதாஸ் நான் தான் இனி தலைவர் என கூறி ஒரு சில நிர்வாகிகளை நீக்கம் செய்தார். அதற்கு எதிர்ப்பு தெரிவித்த அன்புமணி, உடனே பொதுக்குழு மூலம் தேர்வு செய்யப்பட்ட நான்தான் தலைவர் ராமதாஸ் அவர்கள் நீக்கியது செல்லாது என அறிவித்தார். இப்படியே இருவரும் கட்சிக்குள்ளேயே முரண்பட்டு செயல்படுவது நல்லதல்ல என எண்ணிய நிர்வாகிகள் இருவரையும் சமாதானம் செய்ய முயற்சித்தனர்.

அதன் முதல் படியாக இன்று தைலபுர தோட்டத்தில் அன்புமணி மற்றும் ராமதாஸ் இருவரும் சந்தித்துக் கொண்டனர். இந்த இருவரின் சந்திப்பானது அப்பா மகனின் போருக்கு முற்றுப்புள்ளி வைக்கும் என்று எதிர்பார்க்கப்படுகிறது. குறிப்பாக முக்கிய மூன்று கட்டுப்பாடுகளை ராமதாஸ் விதித்துள்ளாராம். அதில் முதலாவதாக கட்சித் தலைவராக நான் தான் செயல்படுவேன் எனக் கூறியுள்ளாராம். மேற்கொண்டு கட்சியிலிருந்து தானாக விலகிக் கொண்ட மகள் வழி பேரனான முகுந்தனுக்கு மீண்டும் கட்சிக்குள் முக்கிய பொறுப்பு வழங்கப்படும்.

அதில் ஏதும் அன்புமணி தலையிடக்கூடாது. மேற்கொண்டு வரப்போகும் சட்டமன்றத் தேர்தலில் யாருடன் கூட்டணி வைக்க வேண்டும் என்பதையும் நான்தான் முடிவு செய்வேன் என கூறியுள்ளாராம். இதில் எதற்கும் அன்புமணி ஒத்து வரவில்லை என்றால் கட்சியிலிருந்து நீக்கம் செய்து விடுவதாக தெரிவித்துள்ளார். ஆனால் அன்புமணி இந்த மூன்று ஒப்பந்தங்களுக்கும் சரி என்று கூறியுள்ளதாக தகவல்கள் வெளியாகியுள்ளது.