திருமணம் ஆகாமலே நடிகை எமி ஜாக்சன் கர்ப்பமா? ரசிகர்கள் அதிர்ச்சி
இலண்டனை சேர்ந்தவரான நடிகை எமி ஜாக்சன் சில ஆண்டுகளுக்கு முன்பு ஆர்யா நடிப்பில் தமிழில் வெளியான மதராசப்பட்டினம் படம் மூலம் தமிழ் சினிமாவில் அறிமுகமானார். இந்த படத்தை தொடர்ந்து அடுத்தடுத்து ஐ, தெறி, எந்திரன் 2.0 உள்ளிட்ட படங்களில் நடித்துள்ளார். தற்போது இவர் லண்டனில் வசித்து வருகிறார்.
நடிகை எமி ஜாக்சன், திடீரென்று தான் கர்ப்பமாக இருப்பதாக கூறி ரசிகர்களுக்கு அதிர்ச்சி கொடுத்தார். அவ்வப்போது கர்ப்பமாக இருக்கும் கவர்ச்சி புகைப்படங்களை வெளியிட்டு வருவதையும் தொடர்ந்து இவர் வழக்கமாக வைத்துள்ளார். இந்நிலையில் அடுத்த கட்டமாக தான் கர்ப்பமாக இருப்பதை உறுதி செய்யும் விதமாக மருத்துவர் ஸ்கேன் செய்யும் வீடியோவை வெளியிட்டு தன்னுடைய 23 வார குழந்தையை ரசிகர்களுக்கு காட்டியுள்ளார். எமி ஜாக்சன் வெளியிட்ட இந்த வீடியோ தற்போது சமூக வலைதளத்தில் வைரலாக பரவி வருகிறது.
லண்டனில் இருந்து பறந்து வந்து, சென்னையின் பாரம்பரியத்தை எடுத்து கூறும் வகையில் இயக்குனர் ஏ.எல். விஜய் இயக்கிய ‘மதராசபட்டினம்’ படத்தில் நடிகர் ஆர்யாவுடன் நடித்தவர் எமி ஜாக்சன்.
இவர் இந்த படத்தை தொடர்ந்து, விக்ரம், தனுஷ், விஜய், ரஜினிகாந்த் என முன்னணி நடிகர்கள் நடித்த படத்தில் மட்டுமே நடித்து வந்தார். மேலும் ஹாலிவுட் வெப் சீரிஸ் ஒன்றிலும் இவர் நடித்து வருகிறார்.
அமெரிக்காவை சேர்ந்த, பிரபல தொழிலதிபரை காதலித்து வருவதாக இன்ஸ்டாகிராம் மூலம் கடந்த ஜனவரி 1 ஆம் தேதி தெரிவித்தார். இதை அறிவித்த சில நாட்களிலேயே தான் கர்ப்பமாக இருப்பதாகவும், இந்த தகவல் இரண்டு மாதங்களுக்கு பின்பு தான் தெரியவந்ததாகவும் கூறி தொடர்ந்து அவரது ரசிகர்களுக்கு அதிர்ச்சி கொடுத்தார்.
இந்நிலையில் 23 வாரங்கள் ஆன தனது குழந்தையை மருத்துவர் ஸ்கேன் செய்யும் வீடியோவை ரசிகர்களுக்காக நடிகை எமி ஜாக்சன் வெளியிட்டுள்ளார். அவர் கர்ப்பமாக இருப்பதை உறுதி செய்ய வெளியிட்ட இந்த வீடியோ தற்போது சமூக வலைத்தளங்களில் வைரலாக பரவி வருகிறது.
பாமகவினரிடம் சிக்கி கொண்டு தவிக்கும் தருமபுரியின் திமுக MP செந்தில்குமார்
மக்களவை தேர்தல் முடிவுகளில் பெரிதும் எதிர்பார்க்கப்பட்ட தொகுதி பாமக இளைஞர் அணி தலைவர் அன்புமணி ராமதாஸ் போட்டியிட்ட தருமபுரியே. இங்கு திமுகவின் சார்பாக டாக்டர் செந்தில்குமார் போட்டியிட்டார். அன்புமணி ராமதாஸ் அவர்களை எதிர்த்து திமுகவின் வேட்பாளராக களமிறக்கப்பட்ட செந்தில்குமார் புதியவர் என்றாலும் பாஜக தலைமையிலான மத்திய அரசின் மீதான வெறுப்பில் அன்புமணியை எதிர்த்து பலகட்ட இழுபறிகளுக்கு பிறகு வெற்றி பெற்று விட்டார்.
இங்கு அன்புமணி ராமதாஸ் கடந்த 5 வருடங்களாக பல்வேறு திட்டங்களை செயல்படுத்தியிருந்தாலும் அது மக்கள் மத்தியில் சரியாக சென்றடையவில்லை என்றே பல்வேறு தரப்புகளிலும் கூறப்படுகிறது. மேலும் அன்புமணி ராமதாஸ் வன்னியர் சமூகத்தை சேர்ந்தவர் என்பதால் திமுக வேட்பாளரும் அதே சமூகத்தை சேர்ந்தவர் என்று பிரச்சாரம் செய்யப்பட்டது. இதையெல்லாம் விட திமுக மற்றும் காங்கிரஸ் கூட்டணியின் சார்பில் பல்வேறு இலவச மற்றும் தள்ளுபடி சலுகைகளை தேர்தல் வாக்குறுதி அறிக்கையாக வெளியிட்டிருந்தார்கள்.
திமுக சார்பாக வெளியிட்ட தேர்தல் வாக்குறுதியில் வங்கிகளில் விவசாயிகள் பெற்ற பயிர்க்கடன்களையும், மாணவர்கள் பெற்ற கல்வி கடன்களையும் தள்ளுபடி செய்வதாக கூறியிருந்தது. மேலும் 5 பவுனுக்கு குறைவாக அடகு வைத்திருக்கும் நகைகளையெல்லாம் இலவசமாக மீட்டு கொடுப்பதாகவும் கூறியிருந்தது. இது பெண்கள்,விவசாயிகள் மற்றும் மாணவர்கள் மத்தியில் பெரும் வரவேற்பை பெற்று வாக்குகளாக மாறியது.
இந்நிலையில் தமிழகத்தில் 38 நாடாளுமன்ற உறுப்பினர்களை பெற்ற திமுக காங்கிரஸ் கூட்டணி தேசிய அளவில் படு தோல்வியை தழுவி ஆட்சி அமைக்கும் வாய்ப்பை இழந்து விட்டது. தமிழக சட்டமன்றத்திற்கு நடந்த தேர்தலிலும் எதிர்பார்த்த அளவிற்கு வெற்றி பெறாததால் எடப்பாடி பழனிசாமி தலைமையிலான அதிமுக அரசே ஆட்சியே மீண்டும் தொடர்கிறது.
இந்நிலையில் சென்னை உயர்நீதிமன்றத்தில் எட்டு வழிச்சாலைக்கு எதிராக பிறப்பிக்கப்பட்ட தடை உத்தரவை எதிர்த்து மத்திய அரசு மேல்முறையீடு செய்வதாக தெரிவித்துள்ளது. இதற்கு வழக்கு தொடர்ந்து அன்புமணி ராமதாஸ் அவர்கள் சட்டப்படி மீண்டும் போராட்டம் நடத்தப்படும் என்றும், மனுதாரரான என்னை கேட்காமல் இந்த எட்டு வழிச்சாலை திட்டத்தை நிறைவேற்ற முடியாது என்று அறிவித்துள்ளார்.
தருமபுரியின் முன்னாள் நாடாளமன்ற உறுப்பினரான அன்புமணி ராமதாஸ் எட்டு அந்த தொகுதி மக்கள் வழிச்சாலையால் பாதிக்கபட கூடாது என்று செயல்பட்டு வரும் நிலையில் தருமபுரி தொகுதியில் அன்புமணி ராமதாஸ் அவர்களை எதிர்த்து போட்டியிட்டு வெற்றி பெற்ற திமுகவின் செந்தில்குமார் சமீபத்தில் இணையத்தில் பிரபலமாக்கப்பட்ட நேசமணியை பற்றி சமூக வலைத்தளங்களில் பதிவிட்டு வருகிறார்.
இதைக்கண்ட தொகுதி மக்களும் பாமகவினரும் சமூக வலைத்தளங்களில் அவரை கேள்விகளை கேட்டு விமர்சித்து வருகிறார்கள்.அவரும் தொடர்ந்து இது போன்ற சர்ச்சைக்குரிய பதிவுகளை சமூக வலைத்தளங்களில் இருந்து நீக்கி வருகிறார். இது மட்டுமில்லாமல் தனக்கு வாக்களித்த மக்களுக்கு திமுக MP செந்தில்குமார் நன்றி தெரிவிக்க பதிவிட்டத்தில் கூட அந்த தொகுதியில் உள்ள ஊர்களின் பெயர்களை தவறாக குறிப்பிட்டது மேலும் சர்சைக்குள்ளானது. எது எப்படியோ பாமகவினரிடம் சிக்கி கொண்டு தவிக்கும் திமுக MP செந்தில்குமாருக்கு கட்சியில் உள்ள மூத்த தலைவர்கள் யாராவது சரியாக செயல்பட ஆலோசனை கூறினால் நல்லது.
வெஸ்ட் இண்டீஸ் அணியிடம் மரண அடி வாங்க தயாராகும் பாகிஸ்தான் அணி
இலண்டனில் நடந்து வரும் உலக கோப்பை போட்டி தொடரின் இரண்டாவது போட்டி ஆட்டத்தில் வெஸ்ட் இண்டீஸ் மற்றும் பாகிஸ்தான் ஆகிய அணிகள் நாட்டிங்காமில் உள்ள மைதானத்தில் விளையாடி வருகிறது.
முதலில் டாஸ் வென்ற வெஸ்ட் இண்டீஸ் கேப்டன் ஹோல்டர் பாகிஸ்தான் அணியை பேட்டிங் செய்ய அனுமதித்தார். பாகிஸ்தான் அணியானது இங்கிலாந்துக்கு எதிராக அண்மையில் நடந்த தொடரில் கூட பேட்டிங்கில் சிறப்பாக ஆடியிருந்தாலும், அந்த அணி கடைசியில் கலந்து கொண்ட 11 போட்டிகளில் எதிலும் வெற்றி பெறவில்லை.
எனவே தொடர் தோல்விகளால் துவண்டு போயிருக்கும் பாகிஸ்தான் அணிக்கு இந்நிலையில் ஒரு வெற்றி நிச்சயமாக அவசியம் என்ற நிலையில், ஃபகார் ஜமானும் இமாம் உல் ஹக்கும் களத்திற்கு வந்தனர். ஃபகார் ஜமான் அதிரடியாக தொடங்க, தொடக்கம் முதலே திணறிய இமாம் உல் ஹக், 11 பந்துகளில் வெறும் 2 ரன் மட்டுமே அடித்து கோட்ரெலின் பந்தில் ஆட்டமிழந்து வெளியேறினார்.
இதன் பிறகு ஃபகார் ஜமானுடன் பாபர் அசாம் ஜோடி சேர்ந்தார். அதிரடியாக ஆடிக்கொண்டிருந்த இந்த இணையில் ஃபகார் ஜமான் விக்கெட்டை 6வது ஓவரில் ரசல் வீழ்த்தினார். 16 பந்துகளில் 2 பவுண்டரிகள் மற்றும் ஒரு சிக்ஸருடன் 22 ரன்களை அடித்த ஃபகார் ஜமான், ஆண்ட்ரே ரசலின் எக்ஸ்ட்ரா பவுன்ஸரை சமாளிக்க முடியாமல் ஆட்டம் இழந்தார். ஃபகார் ஜமான் அந்த பந்தை புல் ஷாட் அடிக்க நினைத்தார். ஆனால் பந்து அவர் எதிர்பார்த்ததை விட அதிக உயரம் எழும்பியதால் ஹெல்மெட்டில் பட்டு அப்படியே ஸ்டம்பில் அடித்து ஆட்டமிழக்க செய்தது.
இவரையடுத்து களத்திற்கு வந்த ஹாரிஸ் சொஹைலையும் ரசலே வீழ்த்தினார். இதுவும் ஒரு அபாரமான பவுன்ஸர். சொஹைல் வெறும் 8 ரன்களில் ஆட்டமிழந்தார். 10 ஓவரில் வெறும் 45 ரன்களுக்கு பாகிஸ்தான் அணி 3 விக்கெட்டுகளை இழந்ததை அடுத்து கேப்டன் சர்ஃபராஸ் அகமது, பாபர் அசாமுடன் ஜோடி சேர்ந்தார். இருவரும் இணைந்து அணியை சரிவிலிருந்து மீட்டெடுக்க வேண்டிய பொறுப்பில் இருந்த இந்த ஜோடியும் அதை செய்ய முடியவில்லை.
14 வது ஓவரை தனது இரண்டாவது ஓவராக வீசிய ஒஷேன் தாமஸ், அந்த ஓவரில் பாபர் அசாமை 22 ரன்களில் வீழ்த்தினார். 62 ரன்களுக்கே பாகிஸ்தான் அணி 4 விக்கெட்டுகளை இழந்துவிட்டது. அதன்பின்னர கேப்டன் சர்ஃபராஸ் அகமதுவும் அனுபவ வீரர் முகமது ஹஃபீஸும் சேர்ந்து அணியை காப்பாற்ற வேண்டிய நிலையில் இருந்தனர். ஆனால் சர்ஃபராஸ் அகமதுவும் அவரை தொடர்ந்து இமாத் வாசிமும் ஹோல்டரின் ஒரே ஓவரில் ஆட்டமிழந்தனர். அதற்கு அடுத்த ஓவரிலேயே ஷதாப் கான் கோல்டன் டக் அவுட்டானார். இதையடுத்து வெறும் 78 ரன்களுக்கு 7 விக்கெட்டுகளை இழந்துவிட்டது பாகிஸ்தான் அணி. எனவே வெஸ்ட் இண்டீஸிடம் மரண அடி வாங்கப்போவது உறுதியாகிவிட்டது.
எஸ்.ஆர்.எம்
பல்கலைக்கழகத்தில் தொடரும் தற்கொலையின் மர்மம் தேசிய அளவில் டிரெண்டிங்
சென்னையில்
இயங்கி வரும் எஸ்.ஆர்.எம் பல்கலைக்கழகத்தில் நடந்து வரும் அடுத்தடுத்த மாணவ
மாணவிகளின் தற்கொலையானது பெற்றோர்களிடையேயும் பொது மக்களிடையேயும் பெரும் பரபப்பை
ஏற்படுத்தியுள்ளது. இந்த தொடர் தற்கொலை சம்பந்தமாக அந்த பல்கலைக்கழகத்தின்
பதிவாளர் விளக்கம் தெரிவித்து அறிக்கை விட்டிருக்கிறார்.
காட்டாங்கொளத்தூரில்
உள்ள இந்தக் கல்லூரியானது திமுக கூட்டணியில் போட்டியிட்ட இந்திய ஜனநாயக கட்சியின்
பாரி வேந்தருக்கு சொந்தமானது. இந்த கல்லூரிக்கான விடுதி பொத்தேரியில் அமைந்திருக்கிறது.
சமீபத்தில் இங்கு கல்லூரியின் விடுதியில் 10-வது மற்றும் 2-வது
மாடியிலிருந்து இரண்டு மாணவர்கள் குதித்து தற்கொலை செய்துக் கொண்டனர்.
இதில்
கல்லூரியின் இரண்டாவது மாடியிலிருந்து குதித்து தற்கொலை செய்துக் கொண்ட மாணவர் ஜார்கண்ட்
மாநிலத்தைச் சேர்ந்த அனில் செளத்ரி (வயது 19) என்ற தகவல் தெரிய வந்திருக்கிறது. இவர் விடுதியில்
தங்கி முதலாமாண்டு மின்னணு பொறியியல் படிப்பு படித்து வந்துள்ளார்.
அனில்
சௌத்ரியின் தற்கொலை குறித்து மறைமலை நகர் காவல் துறையினர் வழக்குப்பதிவு செய்து விசாரணை
நடத்தி வருகின்றனர். அந்த விசாரணையில் அனில் சௌத்ரியின் பெற்றோர்கள் படிப்பிற்காக
நிறைய கட்டுபாடுகள் விதித்துள்ளதாகவும். குறிப்பாக டி.வி கூட பார்க்கக் கூடாது
எனவும் அவரது நண்பர்கள் கூறியுள்ளனர்.
இவ்வாறு
அவரது பெற்றோர்கள் அனைத்து விஷயங்களுக்கும் மிகுந்த கட்டுப்பாடு விதித்ததால் அவர்
சில நாட்களாக மன உளைச்சலில் இருந்ததாகவும், அனில் செளத்ரியுடன் தங்கியிருந்த மாணவர்கள் தெரிவித்திருக்கிறார்கள்.
ஆனால் பெற்றோர்கள் கண்டிப்பதற்கே மாணவர்கள் தற்கொலை செய்து கொள்வார்களா? என்ற
சந்தேகமும் எழாமல் இல்லை. இவரது தற்கொலைக்கு வேறு எதாவது காரணம் இருக்குமா என்று
பொதுமக்கள் சந்தேகிக்கிறார்கள்.
SRM University Students Suicide Death Trending
இதே
போல கல்லுரி விடுதியின் 10-வது மாடியிலிருந்து குதித்து தற்கொலை செய்துக் சொண்ட
மாணவி அனுப்ரியா பயோ மெடிக்கல் இன்ஜினியரிங் இறுதியாண்டு பயின்று வந்துள்ளார். இவர்
திருவள்ளூர் மாவட்டம் பொன்னேரியைச் சேர்ந்தவர் என்று தெரிவிக்கிறார்கள். தற்கொலை
செய்து கொண்ட இந்த அனு பிரியாவும் கல்லூரி விடுதியில் தான் தங்கி படித்து
வந்துள்ளார்.
இவர்
சனிக்கிழமை நடைபெற்ற கடைசி தேர்வை முடித்து விட்டு விடுதியை காலி செய்துவிட்டு
வீட்டிற்கு செல்ல தயாராகி கொண்டிருந்த அனு பிரியாவை அழைத்துச் செல்ல அவரது அம்மா செல்வியும், சகோதரர் ராஜூ சுந்தரமும் வந்து
கொண்டிருந்திருக்கிறார்கள். அவர்கள் வந்து கொண்டிருந்த இந்நிலையில் எதிர்பாராதவிதமாக
மாடியிலிருந்து குதித்து உயிரை மாய்த்திருக்கிறார் இந்த மாணவி அனுப்ரியா.
இது
தொடர்பாக சம்பந்தப்பட்ட எஸ்.ஆர்.எம். பல்கலைக்கழக பதிவாளர் இந்த மாணவர்களின்
தற்கொலை குறித்து வெளியிட்ட அறிக்கையில், மன அழுத்தம் காரணமாக இரு மாணவர்கள்
தற்கொலை செய்திருக்கிறார்கள். மாணவர்களின் மன அழுத்தத்தை போக்க பல்கலைக்கழக
உளவியல் துறை உரிய ஆலோசனைகளை வழங்கி வருகிறது. 24 மணி நேரமும் ஆன்லைன் இணையதள
வசதியின் மூலமாகவும் ஆலோசனைகள் வழங்கப்பட்டு வருகின்றன.
மேலும்
இது போன்ற அசம்பாவிதங்களை தவிர்க்க மாணவர்களுடன் எப்போதுமே அவர்களது பெற்றோர் நல்ல
நட்புறவுடன் இருக்க வேண்டும். மாணவர்களின் திறனுக்கு ஏற்ப பெற்றோர்கள் அவர்களை
வழிநடத்த வேண்டும். ஆசிரியர்களும் இதற்கு உதவிகரமாக இருக்க வேண்டும் எனவும்
தொடர்ந்து வலியுறுத்தி வருகிறோம் என்று அதில் கூறியிருக்கிறார்.
கல்லூரியில்
தொடர்ந்து நடைபெறும் மாணவ மாணவிகளின் தற்கொலைகள் குறித்து கல்லூரி நிர்வாகம்
முறையான விளக்கம் கொடுத்ததும் ஏற்று கொள்ளாத பொது மக்கள் தங்களது விமர்சனங்களை
சமூக வலைத்தளங்களில் பதிவிட்டு வருகிறார்கள். இவ்வாறு அவர்கள் பதிவிட்ட
விமர்சனங்கள் #SRMcollegesuicudes
என்ற ஹேஷ் டேக்கில் தேசிய அளவில் டிரென்ட் ஆகி வருகிறது. பொதுமக்கள்
வெளியிட்ட விமர்சன பதிவுகளில் சில உங்களின் பார்வைக்காக
Already 4students died but no justice got for them again our poorivendhar calling 300 students for his graveyard… Now we are started trending this see what is happening…?#SRMcollegesuicudespic.twitter.com/sWRHG0FKZf
தொடரும் மாணவ மாணவிகள் தற்கொலை சிக்கலில் பாரிவேந்தரின் SRM கல்லூரி
சென்னை கட்டாங்களத்தூரில் செயல்பட்டு வரும் பாரிவேந்தருக்கு சொந்தமான எஸ்.ஆர்.எம். பல்கலைக்கழகத்தில் மருத்துத் துறையில் 4 ஆம் ஆண்டு படித்த வந்த திருவள்ளூர் மாவட்டம் பொன்னேரியை சேர்ந்த மாணவி அனுப்பிரியா என்பவர் 9-வது மாடியில் இருந்து விழுந்து தற்கொலை செய்து கொண்டுள்ளார். இது அந்த கல்லூரி மாணவர்களிடையேயும்,பெற்றோர்களிடையேயும் கடும் அதிர்ச்சியை ஏற்படுத்தியுள்ளது.
மாணவியின் குடும்ப சூழ்நிலை காரணமாகவும் மனஅழுத்தத்தாலும் அவர் தற்கொலை செய்து கொண்டார். என்று கல்லூரி நிர்வாகத்தால் கூறப்பட்டது. இதையடுத்த அவரது பெற்றோர்களும், உறவினர்களும் தற்கொலை செய்து கொண்ட அனுப்பிரியாவின் உடலை வாங்கி சென்றனர்.
இந்நிலையில் ஜார்கண்ட் மாநிலத்தைச் சேர்ந்த அனிரூத் என்ற மாணவரும் நேற்று தற்கோலை செய்து கொண்டது கல்லூரி மாணவர்களிடையே பெரும் பரபரப்பை ஏற்படுத்தியுள்ளது. அனிரூத் மின்னணு பொறியியல் முதலாம் ஆண்டு படித்து வந்துள்ளார் என்று கூறப்படுகிறது. விடுதியில் தங்கி படித்து வந்த அவர் 2ஆவது மாடியில் இருந்து கீழே குதித்துள்ளார். இதில் சம்பவ இடத்திலேயே அனிரூத் உயிரிழந்தார். அனிருத் தற்கொலை செய்து கொண்ட தகவல் அறிந்து சம்பவ இடத்திற்கு சென்ற மறைமலைநகர் போலீசார், மாணவரின் உடலை மீட்டு பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர்.
தொடர்ந்து அடுத்தடுத்த சில நாட்களில் கல்லூரி விடுதியில் மாணவியும், மாணவனும் தற்கொலை செய்து கொண்டதால் SRM கல்லூரியில் பதற்றமான சூழ்நிலை நிலவி வருகிறது.
இந்நிலையில் மாணவன் தற்கொலை செய்து கொண்டதாக போலீசார் வழக்குப்பதிவு செய்து விசாரணை நடத்தி வருகின்றனர். மேலும் மாணவர்களின் பெற்றோர்கள் கொடுக்கும் புகாரின் பேரில் போலீசார் அடுத்தக்கட்ட நடவடிக்கை எடுக்க உள்ளதாகவும் காவல் துறையினர் தெரிவிக்கின்றனர்.
அமைச்சர் பதவி பிரச்சனையால் அதிமுக மீண்டும் உடைகிறதா?
சமீபத்தில் நடைபெற்று முடிந்த மக்களவை தேர்தலுக்கான முடிவுகள் தேசிய அளவில் அதிமுக,பாஜக கூட்டணிக்கு சாதகமாக அமைந்து மோடி தலைமையிலான பாஜக மீண்டும் மத்தியில் ஆட்சியை தொடரவுள்ளது. அதே நேரத்தில் தமிழகத்தில் படு தோல்வியை சந்தித்த அதிமுக கூட்டணி கட்சிகள் 1 தொகுதியில் மட்டுமே வெற்றி பெற்றுள்ளது. இந்நிலையில் கூட்டணி ஒப்பந்தத்தின் மூலம் கிடைக்கும் மாநிலங்களவை உறுப்பினர் மூலம் அமைச்சர் ஆகும் வாய்ப்பை பற்றி ஒவ்வொரு கட்சியும் சிந்தித்து வருகிறது.
இந்நிலையில் மத்திய அமைச்சர் பதவியை தராமல் விட்டால் அதிமுக கட்சியை உடைப்பேன் என்று அக்கட்சியின் ராஜ்யசபா எம்.பி.,வைத்திலிங்கம் மிரட்டல் விடுத்து உள்ளார். இது தமிழக முதல்வர் எடப்பாடி பழனிசாமிக்கு கடும் நெருக்கடியை ஏற்படுத்தியுள்ளது. மக்களவை தேர்தலுக்காக பாமக,பாஜக மற்றும் தேமுதிக உடன் அமைந்த கூட்டணியை வரும் உள்ளாட்சி தேர்தல் மற்றும் அடுத்த சட்டமன்ற தேர்தல் வரை தொடர முயற்சிக்கும் எடப்பாடி பழனிசாமிக்கு இது பெரிய தலைவலியாக உருவெடுத்துள்ளது.
கடந்த 2011 ஆம் ஆண்டு முன்னாள் தமிழக முதல்வர் ஜெயலலிதா ஆட்சி பொறுப்பேற்ற பிறகு அதிமுகவில் ஓ.பன்னீர் செல்வம், கே.பி.முனுசாமி, எடப்பாடி பழனிசாமி, வைத்திலிங்கம் ஆகியோர்களை கொண்ட நால்வர் அணியை ஏற்படுத்தி அதன் மூலம் கட்சியின் முக்கியமான நடவடிக்கைகளை கவனித்து வந்தார். இவர்களும், கட்சி சம்பந்தமான முக்கிய முடிவைகளை எடுத்து செயல்படுத்தி வந்தனர். இந்த நால்வரும் கட்சி மற்றும் ஆட்சி நிர்வாகத்தில் ஜெயலலிதாவிற்கு அடுத்த நிலையில் இருந்தனர். ஜெயலலிதாவின் அறிவுரைப்படி கட்சியினருக்கு அறிவுரைகளை வழங்கி வந்தனர்.
இந்த நிலையில் கடந்த 2016 ஆம் ஆண்டு நடைபெற்ற சட்டமன்ற தேர்தலில் வைத்திலிங்கம் ஒரத்தநாடு தொகுதியில் போட்டியிட்டு தோல்வியடைந்தார். இருப்பினும் ஜெயலலிதா அவருக்கு மாநிலங்களவை எம்பி பொறுப்பையும், தஞ்சாவூர் தெற்கு மாவட்ட செயலாளர் பொறுப்பையும் வழங்கினார். அந்த அளவுக்கு ஜெயலலிதா, வைத்திலிங்கத்திற்கு முக்கியத்துவம் கொடுத்து வந்தார்.
இந்நிலையில் திடீரென்று உடல் நலக்குறைவு காரணமாக கடந்த 2016 ஆம் ஆண்டு டிசம்பரில் ஜெயலலிதா காலமானார். அதன்பிறகு, அதிமுக சசிகலா, ஓபிஎஸ் அணி என இரண்டாக உடைந்தது. அந்த நேரத்தில் கூட சசிகலா அணியில் தான் இருந்தார். இந்த நிலையில் சசிகலா சிறை சென்ற பிறகு, ஓபிஎஸ், இபிஎஸ் அணியாக தனித்தனியாக செயல்பட்டு வந்தனர். அப்போதும் கூட இபிஎஸ் அணிக்கு ஆதரவாக செயல்பட்டு வந்தார்.
இந்த நிலையில் அதிமுகவில் ஓபிஎஸ், இபிஎஸ் அணி மீண்டும் இணைந்தது. அதன்பிறகு கட்சி ஒருங்கிணைப்பாளராக ஓ.பன்னீர்செல்வமும், இணை ஒருங்கிணைப்பாளராக எடப்பாடி பழனிசாமியும் செயல்பட்டு வருகின்றனர். அதற்கு அடுத்தபடியாக துணை ஒருங்கிணைப்பாளராக வைத்திலிங்கம் முக்கிய பொறுப்பு வகித்து வருகிறார். கட்சியில் முடிவெடுக்குக்கும் குழுவிலும் முக்கிய நபராக உள்ளார். இந்த நிலையில் வைத்திலிங்கத்தின் ஆலோசனையின் படி தான் டெல்டா மாவட்டங்களில் எடப்பாடி பழனிசாமி வேட்பாளரை தேர்வு செய்ததாக கூறப்படுகிறது.
இந்த நிலையில் பாஜவுடன் கூட்டணி அமைத்து போட்டியிட்டதால் தமிழக அமைச்சராக இருந்த வைத்திலிங்கம் இம்முறை தனக்கு மத்திய அமைச்சர் பதவி கிடைக்கும் என்று எதிர்பார்த்துள்ளார். ஆனால், தற்போது நடந்து முடிந்த நாடாளுமன்ற தேர்தலில் அதிமுக சார்பில் வெற்றி பெற்றுள்ள ஒரே ஒரு எம்பியான ஓபிஎஸ் மகன் ரவீந்திரநாத்குமாருக்கு அமைச்சர் பதவி தர வேண்டும் என்று ஓ பன்னீர்செல்வம் டெல்லியில் முகாமிட்டுள்ளார். இதேபோல் அதிமுகவில் மாநிலங்களவை எம்பியாக உள்ள ஒன்று அல்லது 2 பேருக்கு அமைச்சர் பதவி வழங்கி, தமிழகத்துக்கு முக்கியத்துவம் அளிக்க வேண்டும் என்று முதல்வர் எடப்பாடி பழனிசாமியும் கோரிக்கை வைத்துள்ளார்.
ADMK Will Devide Due to Minister Post Issue-News4 Tamil Online Tamil News Today
இதற்கிடையே ஓபிஎஸ் மகனுக்கு அமைச்சர் பதவி வழங்க கூடாது என அதிமுகவில் மூத்த அமைச்சர்கள் போர்க்கொடி தூக்கியுள்ளனர். மாநிலங்களவை எம்பியாக வைத்திலிங்கம், நவநீதகிருஷ்ணன் உள்ளிட்ட பலர் உள்ளனர். இதில் வைத்திலிங்கம் சீனியர். அவருக்கு அமைச்சர் பதவி கேட்டும், ரவீந்திரநாத்குமாருக்கு அமைச்சர் பதவி வழங்க கூடாது என ஓபிஎஸ், எடப்பாடிக்கு நெருக்கடி கொடுத்து வருகின்றனர்.
இந்நிலையில் தனக்கு அமைச்சர் பதவி கிடைக்காவிட்டால் கட்சியை உடைப்பேன் என்று வைத்திலிங்கம் பகிரங்க மிரட்டல் விடுத்துள்ளதாக செய்திகள் வெளியாகியுள்ளன. வைத்திலிங்கம் தனது ஆதரவாளர்களுடன் ரகசிய பேச்சு நடத்தி வருவதாகவும் கூறப்படுகிறது. மேலும்,இதற்காக வைத்திலிங்கமும் டெல்லியில் முகாமிட்டுள்ளதாக கூறப்படுகிறது. மேலும், கட்சியில் சீனியர் எம்பியான எனக்கு மத்திய அமைச்சர் பதவி தர வேண்டும் என்று வைத்திலிங்கம் போர்க்கொடி தூக்கியுள்ளது தனக்கு அமைச்சர் பதவி கிடைக்காவிட்டால் கட்சியை உடைப்பேன் என்றும் மிரட்டல் விடுத்துள்ளது அதிமுக தொண்டர்களிடையே கவலையை ஏற்படுத்தியுள்ளது.
ஏற்கனவே அதிமுக இரண்டாக உடைந்ததால் டெல்டா மாவட்டங்களில் பலவீனமடைந்துள்ளது. இந்த நிலையில் வைத்திலிங்கம் மீண்டும் கட்சியை உடைத்தால் டெல்டா மாவட்டங்களில் அதிமுக காணாமல் போகும் நிலை ஏற்படும். இது, தமிழக முதல்வர் எடப்பாடி பழனிசாமிக்கு கடும் நெருக்கடியை ஏற்படுத்தியுள்ளது.
மக்களவை தேர்தல் முடிவுகளில் பெரிதும் எதிர்பார்க்கப்பட்ட தொகுதி பாமக இளைஞர் அணி தலைவர் அன்புமணி ராமதாஸ் போட்டியிட்ட தருமபுரியே. இங்கு திமுகவின் சார்பாக டாக்டர் செந்தில்குமார் போட்டியிட்டார். அன்புமணி ராமதாஸ் அவர்களை எதிர்த்து திமுகவின் வேட்பாளராக களமிறக்கப்பட்ட செந்தில்குமார் புதியவர் என்றாலும் பாஜக தலைமையிலான மத்திய அரசின் மீதான வெறுப்பில் அன்புமணியை எதிர்த்து பலகட்ட இழுபறிகளுக்கு பிறகு வெற்றி பெற்று விட்டார்.
இங்கு அன்புமணி ராமதாஸ் கடந்த 5 வருடங்களாக பல்வேறு திட்டங்களை செயல்படுத்தியிருந்தாலும் அது மக்கள் மத்தியில் சரியாக சென்றடையவில்லை என்றே பல்வேறு தரப்புகளிலும் கூறப்படுகிறது. மேலும் அன்புமணி ராமதாஸ் வன்னியர் சமூகத்தை சேர்ந்தவர் என்பதால் திமுக வேட்பாளரும் அதே சமூகத்தை சேர்ந்தவர் என்று பிரச்சாரம் செய்யப்பட்டது. இதையெல்லாம் விட திமுக மற்றும் காங்கிரஸ் கூட்டணியின் சார்பில் பல்வேறு இலவச மற்றும் தள்ளுபடி சலுகைகளை தேர்தல் வாக்குறுதி அறிக்கையாக வெளியிட்டிருந்தார்கள்.
திமுக சார்பாக வெளியிட்ட தேர்தல் வாக்குறுதியில் வங்கிகளில் விவசாயிகள் பெற்ற பயிர்க்கடன்களையும், மாணவர்கள் பெற்ற கல்வி கடன்களையும் தள்ளுபடி செய்வதாக கூறியிருந்தது. மேலும் 5 பவுனுக்கு குறைவாக அடகு வைத்திருக்கும் நகைகளையெல்லாம் இலவசமாக மீட்டு கொடுப்பதாகவும் கூறியிருந்தது. இது பெண்கள்,விவசாயிகள் மற்றும் மாணவர்கள் மத்தியில் பெரும் வரவேற்பை பெற்று வாக்குகளாக மாறியது.
இந்நிலையில் தமிழகத்தில் 38 நாடாளுமன்ற உறுப்பினர்களை பெற்ற திமுக காங்கிரஸ் கூட்டணி தேசிய அளவில் படு தோல்வியை தழுவி ஆட்சி அமைக்கும் வாய்ப்பை இழந்து விட்டது. தமிழக சட்டமன்றத்திற்கு நடந்த தேர்தலிலும் எதிர்பார்த்த அளவிற்கு வெற்றி பெறாததால் எடப்பாடி பழனிசாமி தலைமையிலான அதிமுக அரசே ஆட்சியே மீண்டும் தொடர்கிறது.
இவ்வாறு உள்ள சூழ்நிலையில் தருமபுரி தொகுதியில் அன்புமணியை எதிர்த்து போட்டியிட்ட திமுகவின் செந்தில்குமாரிடம் திமுக அளித்த வாக்குறுதிகளை எப்படி நிறைவேற்றுவீர்கள் என்பது பற்றி சமூக வலைத்தளங்களில் மக்கள் கேள்வியெழுப்பி வருகின்றனர். அதற்கு அவர் வாக்குறுதிகளை நிறைவேற்றுவேன் அல்லது நிறைவேற்ற முடியாது என்று நேரிடையாக பதில் கூறாமல் ஏற்கனவே அங்கு நாடாளுமன்ற உறுப்பினராக இருந்த அன்புமணி ராமதாஸ் ராஜ்ய சபா உறுப்பினராக வாய்ப்புள்ளதாகவும் அவரும் இந்த தொகுதியில் மக்கள் பணியற்றலாம் என்று குறிப்பிட்டுள்ளார்.
Sathya தோழர்., இப்பவும் Dr.Anbumani அமைச்சர் ஆகலாம்., There is a Rajyasabha seat promised by ADMK., Ask NJP to provide ministry to Dr.Anbumani. He too can bring more schemes for Dharmapuri.
— Dr.Senthilkumar.S (@DrSenthil_MDRD) May 26, 2019
தருமபுரி நாடாளுமன்ற தொகுதிக்கு மக்களால் தேர்ந்தெடுக்கப்பட்டது திமுக உறுப்பினர் செந்தில்குமார் தான் ஆனால் அவரோ அந்த தொகுதியில் தோல்வியடைந்த அன்புமணி ராமதாஸ் மாநிலங்களவை உறுப்பினராகி தருமபுரி தொகுதிக்கு சேவை செய்வார் என்று கூறியது கடும் விமர்சனத்திற்குள்ளாகியுள்ளது. அவர் கூறுவது போல அன்புமணி ராமதாசுக்கு மாநிலங்களவை உறுப்பினர் ஆகும் வாய்ப்பு கிடைத்தாலும் அவர் தமிழகம் முழுவதற்குமாக தான் செயல்படுவாரே தவிர குறிப்பிட்ட தொகுதிக்காக செயல்பட முடியாது.
இவ்வாறு திமுக கொடுத்த வாக்குறுதிகள் அனைத்தும் வெறும் வாக்குகளை கவர மட்டுமே பயன்படுத்தப்பட்டுள்ளது தெளிவாக தெரிகிறது. இதன் மூலம் தருமபுரி மட்டுமில்லாமல் ஒட்டு மொத்தமாக தமிழக மக்களும் திமுகவின் தேர்தல் வாக்குறுதிகளால் ஏமாற்றபட்டுள்ளனர் என்பது தெளிவாகிறது.
சொந்த மாவட்டத்திலேயே அடைந்த தோல்வியால் சாட்டையை சுழற்றும் எடப்பாடி பழனிசாமி
நடந்து முடிந்த மக்களவை தேர்தலில் தேசிய அளவில் அதிமுக அங்கம் வகிக்கும் பாஜக தனிப்பெரும்பான்மை பெற்று ஆட்சியை பிடித்தாலும் தமிழகத்தில் ஒரு தொகுதியில் மட்டுமே வெற்றி பெற்று மீதி இடங்களில் அதிமுக உட்பட கூட்டணி கட்சிகள் அனைத்துமே தோல்வியை தழுவின.
தோல்விக்கு முக்கிய காரணம் பாஜக தலைமையிலான மத்திய அரசு கடந்த காலங்களில் தமிழகத்தை மாற்றான்தாய் மனப்பான்மையுடன் நடத்தியது தான் என்றாலும், அதற்கு முன்பு ஆட்சி செய்த காங்கிரஸ் கட்சியும் தமிழகத்திற்கு பெரிதாக எதையும் செய்ததில்லை.மேலும் இலங்கை தமிழர் படுகொலையில் கண்டும் காணாமல் இருந்து தமிழக மக்களுக்கு பெரும் துரோகத்தை இழைத்தது.
பாஜக தலைமையிலான மத்திய அரசு செயல்படுத்த நினைத்த எட்டு வழி சாலை, தூத்துக்குடி கலவரம் மற்றும் தேசிய அளவில் செயல்படுத்திய பணமதிப்பிழப்பு நடவடிக்கை,GST வரி விதிப்பு போன்றவை தமிழக மக்களின் மனதில் பாஜகவிற்கு எதிராக பதிந்து விட்டது. இது போன்ற திட்டங்களுக்கு ஆளும் அதிமுக அரசும் துணை போனது மேலும் தமிழக மக்களிடம் கோபத்தை ஏற்படுத்தியது.
இவ்வாறு பொதுவான காரணங்கள் நிறைய இருந்தாலும் தமிழக முதல்வர் எடப்பாடி பழனிசாமியின் சொந்த மாவட்டமான சேலத்தில் அவரது தனிபட்ட செல்வாக்கின் மூலம் வெற்றி பெற்று விடுவார் என அனைவராலும் எதிர்பார்க்கப்பட்டது. ஆனால் அனைவரின் எதிர்பார்ப்பையும் பொய்யாக்கும் வகையில் திமுகவின் வேட்பாளர் எஸ்.ஆர்.பார்த்திபன் வெற்றி பெற்றுள்ளார்.
எடப்பாடி பழனிசாமியின் சொந்த மாவட்டமான சேலத்தில் அடைந்த இந்த தோல்வி அதிமுகவினரிடையே அதிர்ச்சியை ஏற்படுத்தியுள்ளது. இதற்கு கட்சிக்குள் இருந்த உட்கட்சி பிரச்சனைகளும்,கடந்த காலங்களில் எடப்பாடி பழனிசாமி அமைச்சராக இருந்த போது பாதிக்கப்பட்டவர்களும் சமயம் பார்த்து இந்த தேர்தலில் துரோகம் செய்துள்ளதாக பரவலாக பேசி வருகிறார்கள்.
மேலும் எடப்பாடி பழனிசாமி முன்னாள் முதல்வர் ஜெயலலிதா இருந்த காலத்தில் அவரை தவிர வேறு யாரையும் சேலம் மாவட்டத்தில் வளர விடவில்லை என்றும் கூறப்படுகிறது. இது மட்டுமில்லாமல் வன்னியர்கள் பெரும்பான்மையினர் வாழும் சேலம் மாவட்டத்தில் கடந்த காலங்களில் அவர்களை இவர் தொடர்ந்து புறக்கணித்து வந்ததும் முக்கிய காரணமாக பார்க்கப்படுகிறது.
எல்லா சமூக மக்களையும் பகைத்து கொண்டு தன்னுடைய சொந்த சமூகமான கொங்கு வெள்ளாள மக்களுக்கு பெரும்பான்மையான உதவிகளை இவர் செய்திருந்தும் இந்த தேர்தலில் அந்த சமுதாய மக்களும் இவரை காலை வாரி விட்டுள்ளனர்.மேலும் தேர்தல் செலவுக்காக வாங்கிய பணத்தை பெரும்பாலான கட்சி நிர்வாகிகள் செலவு செய்யவில்லை என்ற குற்றச்சாட்டும் எழுந்து வருகிறது.
ஜெயலலிதா இல்லாத,கட்சி இரண்டாக பிரிந்து கிடக்கும் நிலையில் தேர்தலை சந்தித்த எடப்பாடி பழனிசாமிக்கு கூட்டணி கட்சிகளான பாமக மற்றும் தேமுதிக வாக்குகள் ஓரளவு கை கொடுத்து வாக்கு சதவீதத்தை ஓரளவு உயர்த்தியுள்ளது. அதிமுகவிலிருந்து பிரிந்து தனி அணியாக செயல்பட்ட சசிகலா மற்றும் தினகரன் அணியினருக்கு எங்கும் செல்வாக்கில்லை என்பது இந்த தேர்தலில் உறுதியாகியுள்ளது.
இவ்வாறு ஆட்சியை ஓரளவு தக்கவைத்து கொண்ட எடப்பாடி பழனிசாமி இனி தேர்தல் தோல்விக்கு காரணமானவர்களை கண்டறிந்து முன்னாள் முதல்வர் ஜெயலலிதா போல கடுமையான நடவடிக்கை எடுப்பார் என்று எதிர்பார்க்கபடுகிறது.
மக்களவை தேர்தலில் திமுக பெற்ற இந்த மெகா வெற்றிக்கு உண்மையான காரணம்
இது தான்
நடைபெற்று முடிந்த 17 -ஆவது மக்களவை தேர்தலுக்கான
முடிவுகள் வெளிவந்துள்ள நிலையில் இந்தியா முழுவதும் பாஜக கூட்டணி 350 மேற்பட்ட
தொகுதிகளை கைப்பற்றி மீண்டும் தங்களுடைய ஆட்சியை அமைக்க உள்ளது.
இதில் பாஜக மட்டும் தனியாகவே 302 தொகுதிகளில் தனிபெரும்பன்மையுடன்
வெற்றி பெற்றுள்ளது பாஜகவிற்கு எதிராக போட்டியிட்ட காங்கிரஸ் கட்சியோ வெறும் 52 தொகுதிகளில் மட்டுமே முன்னிலை
பெற்று படு தோல்வியை தழுவியுள்ளது.
இந்த மக்களவை தேர்தலில் குறிப்பிடத்தக்க அம்சம் என்னவென்றால் இந்தியா முழுவதும்
பாஜகவிற்கு ஆதரவாக முடிவை எடுக்க தமிழகம் உள்ளிட்ட தென் மாநிலங்கள் மட்டும் மாநில
கட்சிகளுக்கு முக்கியத்துவம் கொடுத்து வேறு மாதிரியான முடிவை தந்துள்ளது.
தமிழகத்தில் காங்கிரஸ் மற்றும் திமுக தலைமையிலான கூட்டணி 38 இடங்களில் வெற்றி பெற்றுள்ளது.எதிர்தரப்பில்
பாஜக மற்றும் அதிமுக கூட்டணி 1 தொகுதியில் மட்டுமே வெற்றி வேற முடிந்துள்ளது.
இதற்கு முக்கிய காரணம் தமிழகம்
முழுவதும் பாஜகவிற்கு எதிராக பிரதிபலித்த மக்கள் எண்ணமே. கடந்த பாஜக ஆட்சியில்
செயல்படுத்தப்பட்ட மனமதிப்பிழப்பு நடவடிக்கை, GST வரி போன்றவை பெரும்பாலான
தொழில்களை நசுக்கிவிட்டது உண்மையே ஆனால் நாடு முழுவதும் நேர்மறையாக பார்க்கப்பட்ட
இந்த திட்டங்கள் தென் மாநிலங்களில் மட்டும் ஆட்சிக்கு எதிராக எதிர்கட்சிகளால் சித்தரிக்கபட்டுவிட்டன.முக்கியமாக
அதிமுகவின் கோட்டையான தொழில்வளம் மிக்க கோயம்புத்தூர் மற்றும் திருப்பூர் உள்ளிட்ட
கொங்குமண்டலத்தில் அதிமுக கூட்டணியால் ஒரு தொகுதியில் கூட வெற்றிபெறமுடியவில்லை.
இதுமட்டுமில்லாமல் திமுக மற்றும் காங்கிரஸ் தேர்தல் அறிக்கையில்
தாங்கள் ஆட்சிக்கு வந்தால் ஒரு குடும்பத்திற்கு மாதம் 6000 ரூபாய் தருவேன் என்றும், 100 நாள் வேலை திட்டத்தை 200 நாள் ஆக்குவேன் என்றும்
கூறியது பெரும்பாலான மக்களை கவர்ந்துவிட்டது.
.ஏற்கனவே தமிழக மக்களை தள்ளுபடிக்கும்
இலவசதிற்கும் அடிமையாக்கிய திமுக மீண்டும் தள்ளுபடி மற்றும் இலவச யுக்தியை
கையிலெடுத்தது அதாவது விவசாயிகளும் மாணவர்களும் தாங்கள் வாங்கிய வங்கிக்கடன்கள் எல்லாம்
தள்ளுபடி செய்யப்படும் என்றும் திமுக வாக்குறுதி அளித்திருந்தது. மேலும் 5 சவரனுக்கு குறைவாக அடகுகடையில் வைத்துள்ள தங்க
நகைகளை இலவசமாக மீட்டு தருவோம் என்பதெல்லாம் கிராமம் நகரம் என்றில்லாமல் எல்லா
பெண்களிடமும் அமோக ஆதரவை பெற்றுள்ளது.
இவ்வாறு திமுக மற்றும்
காங்கிரஸ் கூட்டணி தமிழகத்தில் வெற்றி பெற அதிமுக சார்பாக அமைக்கப்பட்ட பாஜக
கூட்டணி மீதிருந்த அதிர்ப்தியும்,இந்த திமுகவின் இலவச மற்றும் தள்ளுபடி வாக்குறுதிகளுமே
முக்கிய காரணம். இதுமட்டுமில்லாமல் தமிழகத்தில் செயல்படும் பெரும்பாலான ஊடகங்களை
கட்டுபடுத்தி திமுகவின் கடந்த கால குறைபாடுகளை மக்களிடம் கொண்டு சேர்க்காமல்
பார்த்து கொண்டது அதே நேரத்தில் தங்களிடம் உள்ள ஊடகங்கள் மூலம் பாஜக மற்றும்
அதிமுக கூட்டணிக்கு எதிரான கருத்துக்களை தொடர்ந்து பரப்பியதும் முக்கிய காரணங்களே.
இந்த தேர்தல் ஸ்டாலின் வாரிசான உதயநிதி ஸ்டாலின் அவர்களின் அரசியல் நுழைவை மட்டுமே உறுதி செய்துள்ளது. தமிழகத்தில் இவ்வளவு மக்களவை தொகுதிகளில் திமுக தலைமை பெரும்பான்மையாக வெற்றி பெற்றாலும் எடப்பாடி பழனிசாமி தலைமையில் நடந்து வரும் ஆட்சியை எதுவும் செய்ய முடியாமல் போனது தான் அதிமுக கூட்டணி கட்சிகளுக்கு கிடைத்த வெற்றி.
நடைபெற்ற மக்களவை தேர்தலில் திமுகவின் செயல்பாடுகள் எப்படி?
கடந்த 19 ஆம் தேதியுடன் முடிவடைந்த மக்களவை தேர்தலில் தேசிய
கட்சியான காங்கிரசுடன் கூட்டணி அமைத்து போட்டியிட்ட திமுகவின் செயல்பாடுகள் எப்படி
இருந்தது என்பது பற்றிய அலசல் .
முன்னாள் தமிழக முதல்வரும் அதிமுக பொதுசெயலாளருமான
ஜெயலலிதாவின் மறைவு மற்றும் திமுக தலைவர் கருணாநிதியின் மறைவிற்கு பிறகு தமிழக
அரசியலில் இரண்டு பெரும் தலைவர்களும் இல்லாத சூழலில் அதிமுக கட்சியில் ஏற்பட்ட
உட்கட்சி பூசலால் தமிழகத்தில் ஆட்சியே கவிழும் வாய்ப்பு இருந்தும் அதை சரியாக
பயன்படுத்தி கொள்ளாமல் எடப்பாடி பழனிசாமி தலைமையிலான அதிமுக அரசே தொடர திமுக
தலைவர் ஸ்டாலின் வழிவகுத்து கொடுத்து விட்டார்.
கிடைத்த வாய்ப்பை சரியாக பயன்படுத்தி கொள்ளாத ஸ்டாலின்
எப்படியாவது ஆட்சி கவிழுமா? முதல்வர் ஆகும் வாய்ப்பு கிடைக்குமா? என காத்திருந்த
ஸ்டாலின் அதற்காக எடுத்த முயற்சிகள் அனைத்தும் தோல்வியிலேயே முடிந்தன. இந்த
விரக்தியில் அவர் கலந்துகொண்ட பெரும்பாலான கட்சி கூட்டங்களில் தொடர்ந்து எதாவது உளறுவதும்
அது சமூக வலைத்தளங்களில் விமர்சனத்திற்குள்ளாவதும் தொடர் கதையானது.
இந்நிலையில் மத்தியில் ஆட்சி செய்து வரும் பாஜகவின் ஆட்சி
காலம் முடிவடைவதையடுத்து மக்களவை தேர்தலுக்கான அறிவிப்பு வெளியானது. ஆரம்பத்தில்
காங்கிரஸ் கட்சியுடன் தான் கூட்டணி என்று கூறி வந்த ஸ்டாலின் திடீரென்று தேசிய
அளவில் மூன்றாவது அணியை ஏற்படுத்துவது குறித்து மற்ற மாநில கட்சி தலைவர்களுடன்
ஆலோசனை நடத்தினார். தமிழக அரசியலிலேயே தடுமாறிய ஸ்டாலின் தேசிய அரசியலில்
மூன்றாவது அணியை ஏற்படுத்த முயன்றது அனைவருக்கும் வியப்பை உண்டாக்கியது.
அந்த சமயத்தில் தான் தனித்து போட்டியிடுவதாக கூறிய பாமக
நிறுவனர் திமுக இல்லாதா காங்கிரஸ் கூட்டணியில் இணைந்து போட்டியிட தயார் என்று
அறிக்கை வெளியிட்டார். இதை சற்றும் எதிர் பார்க்காத ஸ்டாலின் மூன்றாவது அணியை
மறந்து அவரச அவசரமாக வேறு எதையும் யோசிக்காமல் ராகுல்காந்தி தான் பிரதமர்
வேட்பாளர் என்று அறிவித்து காங்கிரஸ் கட்சியுடனான தனது கூட்டணியை உறுதி செய்தார். இவ்வாறு
பல குழப்பங்களுக்கு பிறகு திமுக மற்றும் காங்கிரஸ் கூட்டணி உறுதியானது. மேலும்
இக்கூட்டணியில் கம்யூனிஸ்ட்டு கட்சிகள்,மதிமுக மற்றும் விசிக போன்ற கட்சிகள்
இணைந்து கூட்டணியை பலமாக்கின.
இவ்வாறு உருவான திமுக கூட்டணியின் செயல்பாடுகளில்
சிறப்பானவைகளில் சில.
அதிமுக மற்றும் பாஜகவிற்கு எதிராக தமிழகத்தின் பல கட்சிகளை
ஒருங்கிணைத்து வலிமையான கூட்டணியாக அமைத்தது. மேலும் கூட்டணி கட்சிகளுக்கிடையேயான
தொகுதி பங்கீட்டை சுமூகமாக கையாண்டது.
திமுகவிற்குள் நிர்வாகிகளுக்கிடையே இருந்த உட்கட்சி
பிரச்சனைகளை சமாளித்து அவர்களை தேர்தல் பணியாற்ற வைத்தது. மேலும் எந்த
பிரச்சனைகளும் இல்லாமல் வேட்பாளர்களை தேர்ந்தெடுத்தது.
திமுக தலைவர் ஸ்டாலினின் மகன் உதயநிதி ஸ்டாலின் வழக்கம் போல
ஆரம்பத்தில் அரசியலில் ஆர்வம் இல்லை என்று கூறினாலும் அவரை பிரச்சாரத்தில் ஈடுபட
வைத்தது.
முக்கியமாக திமுகவின் கடந்த கால ஆட்சியில் பல்வேறு குற்றசாட்டுகள்
மற்றும் ஊழல் புகார்கள் இருந்தாலும் அதையெல்லாம் ஊடகங்கள் மூலம் பொதுவெளியில் மக்களிடையே
சென்றடையாமல் தமிழக ஊடகங்களை கட்டுபடுத்தியது.தொடர்ந்து தமிழக ஊடகங்கள்
திமுகவிற்கு சாதகமான செய்திகளை மட்டுமே வெளியிடுமாறு பார்த்து கொண்டது.
இவ்வாறே இந்த கூட்டணியின் செயல்பாடுகளில் இருந்த குறைகள்
சில
தேர்தல் காலங்களில் மட்டுமே மக்களை சந்திக்கும் விதமாக
கடந்த காலங்களில் நடத்திய நமக்கு நாமே நடை பயணம் போல இந்த தேர்தலில் கிராம சபை
கூட்டம் நடத்தியது தேர்தலுக்காக திட்டமிட்டு நடத்தப்பட்ட நாடகமாகவே பார்க்கப்பட்டது.
தேர்தல் அறிவிப்பிற்கு முன்பு திமுக தொண்டர்களால் பொது
வெளியில் நடத்தப்பட்ட அராஜகங்கள்.குறிப்பாக பிரியாணி கடையை அடித்து உடைத்தது,டீ
கடை காரரை அடித்தது என திமுகவினர் செய்த அடாவடிகள் கட்சிக்கு தலைகுனிவை
ஏற்படுத்தியது.
கூட்டணி விவகாரங்களில் பாமக அதிமுகவுடன் கூட்டணி வைத்ததை
எதிர்பார்க்காத ஸ்டாலின் விரக்தியில் வயதில் மூத்தவர் என்றும் பார்க்காமல் பாமக
நிறுவனர் மருத்துவர் ராமதாசை தரக்குறைவாக விமர்சித்தது மக்கள் மத்தியில்
அதிருப்தியை உண்டாக்கியது.
திமுகவின் கூட்டணி கட்சியான விடுதலை சிறுத்தைகள் கட்சி
தலைவரான திருமாவளவனை அவர் தொகுதியை தவிர்த்து வேறு எங்கும் பிரச்சாரத்திற்கு
அழைத்து செல்லாமல் நவீன தீண்டாமையை கடைபிடித்திருக்கிறார்கள் என குற்றசாட்டுகள்
எழுந்தது.
திமுக சார்பாக போட்டியிடும் துரைமுருகன் மகன் தொகுதியான
வேலூரில் வாக்குக்கு பணம் கொடுத்ததாக கூறி தேர்தலை ரத்து செய்தது தேசிய அளவில்
தமிழகத்திற்கும் திமுகவுக்கும் பெரும் அவமானத்தை ஏற்படுத்தியது.
மேலும் பிரச்சாரத்தின் போது ஸ்டாலினின் பேச்சு, நடை மற்றும்
அவருடைய உடை என எல்லாமே இயல்பாக இல்லாமல் தேர்தலுக்கான நாடகம் போலவே அமைந்தது.
இவ்வாறு பல நிறை குறைகள் உள்ள திமுகவின் தேர்தல் செயல்பாடுகள் மக்கள் மத்தியில் எவ்வாறு சென்றடைந்தது என்பதை வெளிவரயிருக்கும் தேர்தல் முடிவின் மூலம் தெரிந்து கொள்ளலாம்.
